ممكن سؤال

[dagadeeg]

لو سمحتم اللى قدامه حاجة بالمواصفات دى يا ريت يقول

المبلغ المتاح / 50 الف
نوع العربية /يفضل زيرو ولو مستعمل تبقى 2005 فما فوق
إمكانية التقسيط فى حالة الزيرو / يفضل بدون تقسيط ولو بتقسيط يبقى حسب الشروط
خبرتك فى السواقة وسكك الصيانة / خبرة جيدة فى السواقة بس مش قوى فى موضوع الصيانة دة
شكل العربية / مش فارقة
الموديل / فوق ال 2005
إستخدام السيارة فى الاغلب / داخل المدينة و فى سفريات متوسطة
انتقالاتك بالعربية /فى الاغلب لوحدى وساعات معايا ناس
الكماليات المرجوة / جميع الكماليات بس مانيوال
إستهلاك البنزين / يفضل قليل
قطع الغيار /لو كانت غالية يبقى عمرها طويل وتعيش
اماكن الصيانة /توكيل او ميكانيكية - يفضل الاتنين
الاستمرار بالعربية لفترة / هاتستمر بيها فترة طويلة ان شاء الله
اهم حاجات بتدور فيها على العربية /
-- قلة اعطال
- استهلاك بنزين اققل
- الشكل الحلو
- اتساع من الداخل

[moko_2004]

بالمواصفات دي يبقي اقرب حل هو البروتون الساجا مانيوال او هتزود شوية وتجيبها زيرو او جن تو متهانة شوية
لو عندك استعداد للتضحية بالبنزين يبقي دايو
لو عندك استعداد تضحي بالأمان والثبات يبقي فرنا

[dagadeeg]

بالمواصفات دي يبقي اقرب حل هو البروتون الساجا مانيوال

شكرا على الرد بس انت متأكد من الأسعار

لو عندك استعداد للتضحية بالبنزين يبقي دايو

لييه هو النوبيرا بتاكل بنزيين ولا ايييييه؟؟؟؟؟

[beshomilan]

فيرنا طبعا ووووووووووش

[moko_2004]

هي الفرنا دي عرية ولا نعش متنقل علي الأرض
مميزتها
1- سريعة بغباء
2- اتساع معقول
3- اسهتلاك معقول
4- قطع غيار معقول
عيوبها
1- مخيفة جدا وتقريبا مينفعش تسوقها علي سرعة اقل من 100 لأن الموتور بتاعها اهبل
2- الثبات بعد 100 ضايع تماما
3- صاج خفيف جدا ووزن خفيف جدا توك توك ممكن يقلبك
4- بتسمي في الخارج هونداي اكسدنت "هونداي الحادثة"
لو حد عندو كلام غير اللي بقولة ياريت يتفضل

[moko_2004]

شكرا على الرد بس انت متأكد من الأسعار


لييه هو النوبيرا بتاكل بنزيين ولا ايييييه؟؟؟؟؟

النوبيرا حلوة جداو اعتمادية جدا تعالي نشوف المميزات والعيوب
المميزات
1- اتساع كويس
2- ثبات عالي
3- قطع غيار عند البقال و بسعر ضايع
4- موتور شديد
5- عربية تقلية وممكن تاخد ملفات علي 170 و180 معقولة وملفات عنيفة جدا علي 140 و 130 و متتقلبش

العيوب
1- الرشاشت بتخرب بسرعة وبتتحل بتغيير الرشاشت لرشاشت النترا او بي ام e40 طبعا البي ام ممتازة
2- العفشية طرية جدا دي ميزة و لكن عشان الموتور شديد علي العفشة بتتهلك بسرعة وخصوصا جلب المقصات و بيض السكترة ليها حل بالمقصات الأسباني
3- استجابة الفرامل متأخرة ولكن ممكن التعايش معاها وممكن توقف العربية
4- استهلاكها في البنزين اعلي من الهيونداي الفرنا علشان موتور 2 كامة

التعديلات المتاحة
1- تسقيط موتور حتي 2200 سي سي بس 2000 متاح في السوق اكتر
2- ممكن تركب لحد جنط 16 بدون اي تعديلات في العفشة وممكن تركيب لحد جنط 19 و لكن لازم تعديلات
3- ممكن تعديل الفرامل الخلفية لسكاكين و تديك قوة اكبر للفرملة علي السرعات العالية جدا 200 فما فوق

لا انصحك انك تجيبها اوتوماتيك علشان الأوتو بتاعها صحيح مريح بس بياكل بنزبن وتسارع اضعف كتير و بيخرب من كتر الكيك داون