ماروتى موديل 95 ولا ستروين ax موديل 96

[tamlove]

ماروتى موديل 95 ولا ستروين ax موديل 96 . أرجو المقارنة من حيث قوة التحمل وقطع الغيار وخاصة إنهم بسعر 15 ألف مستعمل وكمان هل يصلح بنزين 80 للاثنين ولكم جزيل الشكر

[tamlove]

على فكرة أنا متزوج حديث وبعمل مشوار فى حدود 100 كم يوميا

[bero0o0o0]

ستروين طبعا يا باشا
متردد ليه؟؟؟؟
هي افضل من ناحية قوة التحمل
و في قطع الغيار اغلي حاجة بسيطة من الماروتي بس مش اللي تقلق يعني
و بتمشي ببنزين 80 زي الفل
لكن الموتور و العفشة و الثبات و وسع الصالون كلها في صالح الستروين
و اسأل بردو وربنا يوفقك

[tamlove]

يا اخونا ارجو من حضراتكم الرد السريع بهذا الشأن لانى فى حيرة والله وخاصة انى سمعت ان الستروين قطع غيارها نار وغالية جدا وكمان مش هتلقيها وخاصة لل ax ارجو الرد سريعا

[M.Alaa92]

هى الماروتى محفوظة و قطع الغيار ببلاش بس يعيبها ضيق الصالون و ممكن تفكر فى خيارات تانية بس الموديل اقدم

[tamlove]

انا بسمع ان ستروين مفيش حد بيفهم فيها من المكانيكية ايه رايكو فى الكلام ده

[micromoud]

ماروتى ياباشا

[tamlove]

كلام نهائى اختار الماروتى ولا استروين ax من فضلكو ردوا على بسرعة

[magid1010]

ماروتى احسن قطع غيار فى الرخيص جدا اى حد بيفهم فيها و فى البيع اسهل من السيتروين و بصراحه عربيه محدش اشتكى منها و فى مواضيع كامله فى المنتدى عنها

[tiger451]

الماروتي حلوه

[tamlove]

فى واحد نصحنى برينو داشيا فى نفس الفئة السعرية وشكلها حلو مثل هيوندى اكسيل بس قطع غيارها تابعة للرينو وهى موديلات اواخر التسعينات

[tarekmomo]

الستروين ماتور اقوى سحب جامد تحمل اعلى اوسع اشيك كماليات اكتر يعتمد عليها كسيارة اساسية ولكن يعيبها قطع الغيار غالية
الماروتى عربية معقولة قطع غيار متوفرة مش غالية