اللانسر كريستالة 98 ولا النوبيرا 2002

[george_2you]

السلام عليكم طبعا بعد راى اعضاء المنتدى لايوجد رأى

ارجو الافادة ايهما افضل اللانسر كريستالة 98 ولا النوبيرا 2002 والعربيتين امامى وحالتهم جيدة جدا

[M.Alaa92]

بصراحة حاجة تحير
نيجى من ناحية الموتور
النوبيرا
1600 بيطلع 106 حصان
اللانسر
1300 تقريبا 80 حصان
استهلاك البنزين
النوبيرا
لو ماشى 3 او 3.5 rpm يبقى كويس تتجنن علية بس بيجرى بغباوة
الانسر
كويس لانه 1300 بس معرفش غير كدة

الصالون
النوبيرا واسعة و الانسر كمان
قطع الغيار رخيصة فى الاتنين
بس عيب النوبيرا اوعى تجيب اوتوماتك و جلب المقصات و دى حلها سهل
الانسر تتفوق فى انك ممكن تلعب ( تعدل فيها) بسهولة بموتور 1500 2 كامة و تبقى ملك
وعن رايى ولو بتركب ناس كتير يبقى النوبيرا يا اما تركب الاتنين و تشوف انهى مرتاحلها اكتر

[george_2you]

تفكير جميل واسلوبك عجبنى الله ينور عليك

يعنى كدا العربيتين متقاربين طيب بالنسبة للسعر كل واحد منهم

طالب 50000 معقولة ولا دا سعر غالى وشكرا

[M.Alaa92]

بصراحة الاسعار مقدرش افيد حضرتك فيها لانى منزلتش السوق من 25 يناير فمعرفش المتغيرات بالظبط

[tiger451]

انا النوبيرا مع اخويا موديل 2006 واوتوماتيك وبصراحه هو طحنها ومبتقلش لا
حتي الفتيس مفهوش مشاكل الحمد لله
فانا بستغرب ليه الناس مبتحبش الاتوماتيك بتاعها!!!

[M.Elgergawy]

تفكير جميل واسلوبك عجبنى الله ينور عليك

يعنى كدا العربيتين متقاربين طيب بالنسبة للسعر كل واحد منهم

طالب 50000 معقولة ولا دا سعر غالى وشكرا

ممكن حضرتك تقول كماليات اللانسر وموديلها وحالة الدهان واقولك تقريبا تساوي كام

[Dawns_Mist]

النوبيرا :
عفشة مريحه أكتر
موتور أقوى نسبيا لإنه 1600
صاج ضعيف جدا
ثبات جيد

الكريستاله:
عفشة أقل راحه من النوبيرا ولكنها أطول عمرا
موتور أقل في السحب ولكنه موفر في البنزين و كمان عمره طويل
صاج أفضل من النوبيرا
ثبات جيد

طبعا العربيتين قريبين من بعض ، يمكن النوبيرا لو بنفس السعر هتلاقيها طبعا أحدث 4 - 5 سنين و ده هيكون شيء إيجابي في صالح النوبيرا ، لكن لاحظ إن النوبيرا من العربيات اللي العمر بيبان فيهم بسرعة جدا لإن صاجها غالبا ما بتظهر فيه التنوئات و الخبطات بسهولة جدا جدا عن الكريستالة ، على الناحة التانية الكريستاله مشهورة إن التجنيط و تسقيط المواتير و غيره من اللعب في العربيات في الشكل او في الميكنه بيركب عليها و بيخليها تحفه ... ف ده بيرجع لطبع صاحب العربية قبل أي حاجة .

أنا شايف إن الكريستاله لو حالتها حلوة فعلا تبقى أفضل لإنك بتشتري حاجة ياباني محافطة على سعرها و مكانتها في السوق من سنين و اثبتت كفائه عاليه و قطع غيارها متوفره في السوق.

[george_2you]

كلام جميل جدا وفتح باب المشاركات سوف يوصلنا لنتيجة افضل

والكرستالة لونها نبيتى حالة الدهان جيدة جدا ومن الداخل نظيفة وحلوة
وصاحبها طلبلها مكنة بور ومكنة رفع زجاج كهربى وكمان رفع العربية من الخلف 10سم
وعلى فكرة صاحبها مهندس ضبط زوايا

[n8os]

انا من رايي اللانسر وربنا يوفقك

[engaass]

لانسر

[prisoner]

بسم الله الرحمن الحيم

اولا انا هاشارك فى الموضوع ده لانى فكرت مرة او عدة فى النوبيرا هى عربية جميلة وشكلها حلو وادائها رائع لكن نفسيا كنت حاسس ان هى ضخمة جدا وبخبرتى الصغيرة فى ركوب السيارات كنت بحس ان هى ممكن تعوم بسهولة بالرغم من ان موتورها 1600 يعنى اقوى من الكريستالة ولكن الكريستالة افضل فى السرعة القصوى مع الثبات انا الحمد لله جبت بيها 180 مستريح وثبات حلو مش مخيف ده بالماتور القديم 1300 ودلوقتى معدل 1500 2كامة لان العربية اصلا واطيه وفراملها حلوة وشكلها جميل يعنى انا رايى الشخصى شوف انت مقتنع باية منهم وعلى فكرة مفيش عربية كاملة لازم هاتلاقى عيوب واكتشفت حاجة كده وانا بفكر فى النوبيرا والا الانسر اكتشفت انك بتتكلم على عربية يابانى وعلى الرغم من كده انا لما جبت عربيتى عملت صيانة كاملىة بالمشتريات معديتش 500 جنيه من تيل وسيور وزيت وغسيل ومصنعيات وفلاتر وكهرباء بصراحة انا كنت متردد فى الاول بس بعد ماجبت عربيتى ندمت كل يوم كنت بفكر فيه هوة نصيب فى الاول و فى الاخر وربنا يوفقك ( إستفتى قلبك ولو افتوك الناس ) تحياتى

[prisoner]

كلام جميل جدا وفتح باب المشاركات سوف يوصلنا لنتيجة افضل

والكرستالة لونها نبيتى حالة الدهان جيدة جدا ومن الداخل نظيفة وحلوة
وصاحبها طلبلها مكنة بور ومكنة رفع زجاج كهربى وكمان رفع العربية من الخلف 10سم
وعلى فكرة صاحبها مهندس ضبط زوايا

خللى بالك تقريبا ممنوع تكتب باللون الاحمر على ما اظن ده اولا اهم حاجة فى العربية الاساسيات من حوض وشنطة وقوايم وسقف هية مش باور اصلا اصل انا كانت معايا 99 وفيها باور وعلى فكرة انا بحمد الله سقط موتور 1500 2 كامة ومفيش اى لعب ونفس القواعد ونفس الحمل والتظبيط فيها كويس وبيظهر على طول بس يرفع 10 سم كتيير قوى ممكن تكون حضرتك غلطان فى الرقم لان فى العربيات المللى بيفرق فى الثبات اينعم هى قريبة من الارض ولكن 10 سم كتيير قوى وطالما واخدها من بتاع زوايا تحرى كويس عن العربية علشان ميكونش ملعوب فيها وربنا يوفقك

[george_2you]

انا شاكر لك جدا استاذprisoner على كل كلمة لانها مفيدة جدا وانا الحقيقة
بصراحة مرتاح لليبانى وكلامك اكد لى ميولى وعلى فكرة انا مش هكتب باللون الاحمر ومتشكر جدا

[Ahmed Nasser]

بالتوفيق ان شاء الله

[mxz911]

بسم الله الرحمن الحيم

اولا انا هاشارك فى الموضوع ده لانى فكرت مرة او عدة فى النوبيرا هى عربية جميلة وشكلها حلو وادائها رائع لكن نفسيا كنت حاسس ان هى ضخمة جدا وبخبرتى الصغيرة فى ركوب السيارات كنت بحس ان هى ممكن تعوم بسهولة بالرغم من ان موتورها 1600 يعنى اقوى من الكريستالة ولكن الكريستالة افضل فى السرعة القصوى مع الثبات انا الحمد لله جبت بيها 180 مستريح وثبات حلو مش مخيف ده بالماتور القديم 1300 ودلوقتى معدل 1500 2كامة لان العربية اصلا واطيه وفراملها حلوة وشكلها جميل يعنى انا رايى الشخصى شوف انت مقتنع باية منهم وعلى فكرة مفيش عربية كاملة لازم هاتلاقى عيوب واكتشفت حاجة كده وانا بفكر فى النوبيرا والا الانسر اكتشفت انك بتتكلم على عربية يابانى وعلى الرغم من كده انا لما جبت عربيتى عملت صيانة كاملىة بالمشتريات معديتش 500 جنيه من تيل وسيور وزيت وغسيل ومصنعيات وفلاتر وكهرباء بصراحة انا كنت متردد فى الاول بس بعد ماجبت عربيتى ندمت كل يوم كنت بفكر فيه هوة نصيب فى الاول و فى الاخر وربنا يوفقك ( إستفتى قلبك ولو افتوك الناس ) تحياتى

حضرتك معلش كلامك فى حاجه لازم اوضحها :

اولا العربيه النوبيرا عشان حضرتك بتقول انها تعوم .. حضرتك العربيه فاضيه وزنها طن وربع .. 1250 كجم !! العربيه مصممه بطريقه جامده جدا بحيث الثبات بتاعها يبقى من اروع الحاجات اللى فيها .. من حيث الارتفاع عن الارض وتصميمها لعدم التصدى للهواء وانها الهواء ينساب عليها بشكل فريد عشان ميققلش من الثبات لو العربيه ماشيه عكس قوه الرياح

انا اقسم بالله ف العادى باخد بيها غرز على سرعه 100 !! وفى شوارع عاديه جدا كمان ! وده لانى مجنون سرعه فقط مش اكتر ( وبدعى من ربنا يهدينى عموما لانى عارف انى غلط )


ثانيا . احنا بنتكلم على عربيه فى مدينه من مدن مصر .. ايه سرعه 180 والكلام ده . ينفع يعنى ؟؟؟ اصلا حضرتك احنا مش هنعمل سباق على طريق العين السخنه !!

وبعدين مش مشكله ..بينا نطلع على طريق السخنه واانا اوريك ال 200 وال 220 كمان على عداد ا لنوبيرا لو تحب


سبحان الله انا كنت فى نفس حيرتك وحمد لله ربنا وفقنى واستقريت على النوبيرا 2004 وانا لا اعيب اللانسر على فكره هيه عربيه اعتماديه جدا وركوبه نظيفه وهيه مع جوز اختى وانا سقتها كذا مره ولا اقلل من شأنها .. لكن مش لدرجه الكلام المكتوب ده خالص ( اصلا حضرتك كاتب ف الاخر )

بصراحة انا كنت متردد فى الاول بس بعد ماجبت عربيتى ندمت كل يوم كنت بفكر فيه

وانا كتب ردودى اللى فاتت عشان بس لقيت حضرتك ندمان على التفكير ف المقارنه بينهم .!!