مرسيدس - مازدا - هوندا - لادا

[keko]

السلام عليكم
طبعا بقالى مده كبيرة تاعبكم معايا فى موضوع اختيار السيارة من بعد تجربتى المريرة فى سيارتى السابقة
انا قارنت بين عربيات كتير قوى وكانت اكتر من 30 عربية وبالمقارنة المملة
المهم بعد تعبكوا معايا واللف على محلات قطع الغيار وقع الاختيار على دول اللى فى حدود امكانياتى

مرسيدس 200 الشمامة 115 موديل 68-76
مازدا 323 مو 80-85
هوندا سيفيك 80-83
لادا 1500 او 2105
يضاف هامشيا 124فيات كوبيه 2 باب

متطلباتى فى العربية كالاتى بترتيب الاولوية
- شاسيه كويس مش ورق عنب علشان دى موديلات قديمة والصاج الخارجى لا يهم صلابته المهم الصاج الداخلى
- المناطق اللى بتحرك فيها تتبع نظرية مطب لكل مواطن فطبعا لازم العفشة تكون كويسة
- اعمل بتوزيع ادوات الكهرباء فالاستخدام الاساسى هو تحميل بضاعة بالداخل وعلى الشبكة فوق وان كانت مش تقيلة قوى يعنى بوزن فردين كبيرها 3 افراد كوزن وده لا يمنع انى اوقات كتير باخد اصحابى او العيلة الكريمة ودول بيكونوا على قد ما العربية تشيييييل
- مش مقرفة فى الصيانة وكثرة الاعطال ومعادلة قطع الغيار / السعر تكون كويسة
- بنزين 80 ولو فيه 60 هاحطه وماتتاثرش
- بعد كده تاتى المتطلبات الادمية من اتساع مناسب لطول قامتى وراحو فى الجلوس مع الغضروف اللى عندى وياسلام بقى لو الموتور ناعم والسحب جميل والحاجات الشبابية دى بس طبعا كل ده اضافى
- غير كده مهما فحصت العربية قبل الشراء عايز اعمل حسابى انى شارى كنبة لان الغش كتير فى السوق وفيه تجار وافراد تخصص يشد عربية شدة بيع وبعد كام شهر تفتح بقها فعايز اكون على استعداد لفتحة بق العربية فى اسوا الحالات

والانطباع اللى اخدته عن كل واحدة فيهم كالاتى

مرسيدس 200 115
طبعا كاى مرسيدس فيها كل حاجة حلوة كمميزات عربية واكثرهم تحملا
قطع غيارها غالية ومعمرة وان كانت نصف اسعار ال 504 يعنى مساعدين ب 400 طقم جلب ب 500 و حاجات كده توافر قطع الغيار نسبيا موجود وان كانت قطع غيارها الاستيراد بالذات بدات فى الاندثار
فتحة بقها صعب قوى تتقفل لان قطع الغيار غالية بس فى نفس الوقت ملاكها بيقولو انها بتستحمل تمشى وفيها عيب يعنى اعرف واحد سافر من السعودية لمصر رايح جاى ببيضة مقص مالصة والمقص ممسوك ببيضة واحدة
وطبعا قدم الموديل بشوف عربيات كتير منها راشة دواخل وان كانت سليمة وبشوف ناس من الريف بيفضلوها فى تحميل وتوزيع البضاعة عن اللادا
مازدا 323
موتور هادى جدا ونعومة مقبولة اما توافر قطع غيارها فتلى اللادا من هذه القائمة وفيها ميزة توفر قطع غيار رخيصة بسعر ال 128 وقطع غيار اصلية بسعر الهوندا يعنى مثلا الكبالن من 200 لحد 600 و محيرنى فيها بتقبل 80 ولا لا و هل بتتحمل كعفشة ولا ولا

هوندا سيفيك 83
معشوقتى عربية خرافية فى النعومة والجمال الشكلى من نظرتى وبشوفها اقف اتفرج عليها قطع غيارها متعبة شوية وغالية بس موجودة يعنى كبالن 300-600ج مثلا واغلى حاجة عفشتها غالية زى المرسيدس وعالية من الارض عن باقى الهوندا وبيقولو معمرة قوى بس معرفش ايه نظامها فى التحميل وايه وضعها من متانة العفشة البنزين ال 80 والعربية دى مالهاش سوق يعنى ممكن الاقيها نضيفة قوى بسعر قليل

لادا
تتميز عن اى عربية بانها من 86 لحد 2011 قطع غيارها واحدة ومرطرطة وسهلة فى الصيانة ومتينة صاج وعفشة بس بحس انها عربية بتحافظ على نفسها وتمرمط صاحبها طارة تقيلة ثبات مش قوى صوت الموتور جاعورة وبحس من كتر المواضيع عن مشاكلها انا كثيرة الاعطال يعنى من الاخر عريية كل الناس بتنصح بيها بس مش مرتاحلها

يضاف عليهم موخرا فيات 124 كوبيه مو 67-75
العربية دى بعشقها نفس حبى للهوندا وماكنتش فى حسبانى بس قدامى حاليا كذا واحدة من 3 ل 8 الاف يعنى نقول 10 بالمصاريف وموتورها والات الجر 132 وعفشتها لادا يعنى تتحمل وصاجها قوى فهى مش مشكلة فى موتور والات جر بس الحاجات الخارجية من فوانيس وشبكة والكلام ده صعب جدا وان كان مش مستحيل وعيوبها استهلاك بنزين عالى قريب من المرسيدس 1600 2 كامة وان كان طبعا فى الشد حوت وموضوع 2 باب ده مقرف معايا علشان احط بضاعة فى الكراسى ورا او حد يركب فخايف اتساق ورا حبى ليها واعانى بعد كده من الاثنين باب والعربية موديل سبعينات فغالبا بتكون راشة دواخل وان كانت الاساسيات سليمة

طبعا انا محتار بين ان اشترى لادا وانا مش حاببها علشان اريح الناس وبين حاجات تانية احسن بكتير بس خايف اندم بعد كده واكون رازيت نفسى وخصوصا انى هاستلف فلوس العربية من الحاج واردهالو دفعات مع الشغل

ارجو اوصل معاكو لراحة من حيرتى وان كلامى والمعلومات اللى جمعتها ينفعوا اى حد بيدور برضه وطبعا طيارة فى اعادة البيع

[keko]

شكرا على التطنيش

[islam_audi]

شوف يا باشا احنا عندنا مرسيدس 230 سولار موديل 74 و العربيه دى جباره و كان عندنا لادا و مكنتش حاببها زيك كده لكن جامده طبعاً و مازدا 323 ودى بقى كنت بكرها لو عرفت تلاقى مرسيدس كويسه اتكل على الله او لادا و ده رائى الشخصى

[tameraast]

شكرا على التطنيش

مش تطنيش اكيد الى يعرف هيفيدك

[engaass]

لادا الافضل بالنسبة لمتطلباتك

[HOSSAM99]

وعليكم السلام ورحمة الله وبركاته
أنا اللي أعرفه المازدا وهي الوحيده اللي جربتها وجربت أصالتها وندمت بعد ما بعتها لكن ربنا يبارك لمن أشتراها
العربيه واسعه أوسع من الاكسنت ال 99
قطع غيارها الياباني رخيصه نسبيا
عفشتها ناعمه جدا لكن بتحتاج صيانه علي فترات أعتقد أنها متقاربه
الموتور حرير و عزمه عالي
قطع الغيار والكمايات موجوده حتي الآن و بوفره
الشكل انسيابي ومقبول أكتر من الادا طبعا و بالتأكيد أفضل من المرسيدس
بالنسبه للتحميل هي لو أساسياتها مظبوطه و عفشتها صح تشيل معاك متقولش لا لكن نظرا لنعومه العفشه العربيه ممكن تهبط اثناء التحميل لكن هبوط غير ملحوظ للدرجه
أما بخصوص البنزين ال 80 أنا مكنتش بحط غير 90 لكن معرفش مين في البيت عندي خد العربيه وأستخسر فيها وحط 80 فطبعا جابت هباب من الشكمان وأتعفرتت يجي شهر
وفي النهايه هي موفره جدا وأعتقد الهوندا نفس المميزات الا ان قطع الغيار أغلي نسبيا من 10 : 20 %

[MASERATI]

السلام عليكم و رحمة الله و بركاته

أنا من رأيى أن العربية يالمواصفات و المرمطة اللى أنت عاوزها, يبقى اللادا أفضل ان شاء الله بس المهم أنها تكون روسى مش مصرى.

[OmaR_FekrY]

السلام عليكم
طبعا بقالى مده كبيرة تاعبكم معايا فى موضوع اختيار السيارة من بعد تجربتى المريرة فى سيارتى السابقة
انا قارنت بين عربيات كتير قوى وكانت اكتر من 30 عربية وبالمقارنة المملة
المهم بعد تعبكوا معايا واللف على محلات قطع الغيار وقع الاختيار على دول اللى فى حدود امكانياتى

مرسيدس 200 الشمامة 115 موديل 68-76
مازدا 323 مو 80-85
هوندا سيفيك 80-83
لادا 1500 او 2105
يضاف هامشيا 124فيات كوبيه 2 باب

متطلباتى فى العربية كالاتى بترتيب الاولوية
- شاسيه كويس مش ورق عنب علشان دى موديلات قديمة والصاج الخارجى لا يهم صلابته المهم الصاج الداخلى
- المناطق اللى بتحرك فيها تتبع نظرية مطب لكل مواطن فطبعا لازم العفشة تكون كويسة
- اعمل بتوزيع ادوات الكهرباء فالاستخدام الاساسى هو تحميل بضاعة بالداخل وعلى الشبكة فوق وان كانت مش تقيلة قوى يعنى بوزن فردين كبيرها 3 افراد كوزن وده لا يمنع انى اوقات كتير باخد اصحابى او العيلة الكريمة ودول بيكونوا على قد ما العربية تشيييييل
- مش مقرفة فى الصيانة وكثرة الاعطال ومعادلة قطع الغيار / السعر تكون كويسة
- بنزين 80 ولو فيه 60 هاحطه وماتتاثرش
- بعد كده تاتى المتطلبات الادمية من اتساع مناسب لطول قامتى وراحو فى الجلوس مع الغضروف اللى عندى وياسلام بقى لو الموتور ناعم والسحب جميل والحاجات الشبابية دى بس طبعا كل ده اضافى
- غير كده مهما فحصت العربية قبل الشراء عايز اعمل حسابى انى شارى كنبة لان الغش كتير فى السوق وفيه تجار وافراد تخصص يشد عربية شدة بيع وبعد كام شهر تفتح بقها فعايز اكون على استعداد لفتحة بق العربية فى اسوا الحالات

والانطباع اللى اخدته عن كل واحدة فيهم كالاتى

مرسيدس 200 115
طبعا كاى مرسيدس فيها كل حاجة حلوة كمميزات عربية واكثرهم تحملا
قطع غيارها غالية ومعمرة وان كانت نصف اسعار ال 504 يعنى مساعدين ب 400 طقم جلب ب 500 و حاجات كده توافر قطع الغيار نسبيا موجود وان كانت قطع غيارها الاستيراد بالذات بدات فى الاندثار
فتحة بقها صعب قوى تتقفل لان قطع الغيار غالية بس فى نفس الوقت ملاكها بيقولو انها بتستحمل تمشى وفيها عيب يعنى اعرف واحد سافر من السعودية لمصر رايح جاى ببيضة مقص مالصة والمقص ممسوك ببيضة واحدة
وطبعا قدم الموديل بشوف عربيات كتير منها راشة دواخل وان كانت سليمة وبشوف ناس من الريف بيفضلوها فى تحميل وتوزيع البضاعة عن اللادا
مازدا 323
موتور هادى جدا ونعومة مقبولة اما توافر قطع غيارها فتلى اللادا من هذه القائمة وفيها ميزة توفر قطع غيار رخيصة بسعر ال 128 وقطع غيار اصلية بسعر الهوندا يعنى مثلا الكبالن من 200 لحد 600 و محيرنى فيها بتقبل 80 ولا لا و هل بتتحمل كعفشة ولا ولا

هوندا سيفيك 83
معشوقتى عربية خرافية فى النعومة والجمال الشكلى من نظرتى وبشوفها اقف اتفرج عليها قطع غيارها متعبة شوية وغالية بس موجودة يعنى كبالن 300-600ج مثلا واغلى حاجة عفشتها غالية زى المرسيدس وعالية من الارض عن باقى الهوندا وبيقولو معمرة قوى بس معرفش ايه نظامها فى التحميل وايه وضعها من متانة العفشة البنزين ال 80 والعربية دى مالهاش سوق يعنى ممكن الاقيها نضيفة قوى بسعر قليل

لادا
تتميز عن اى عربية بانها من 86 لحد 2011 قطع غيارها واحدة ومرطرطة وسهلة فى الصيانة ومتينة صاج وعفشة بس بحس انها عربية بتحافظ على نفسها وتمرمط صاحبها طارة تقيلة ثبات مش قوى صوت الموتور جاعورة وبحس من كتر المواضيع عن مشاكلها انا كثيرة الاعطال يعنى من الاخر عريية كل الناس بتنصح بيها بس مش مرتاحلها

يضاف عليهم موخرا فيات 124 كوبيه مو 67-75
العربية دى بعشقها نفس حبى للهوندا وماكنتش فى حسبانى بس قدامى حاليا كذا واحدة من 3 ل 8 الاف يعنى نقول 10 بالمصاريف وموتورها والات الجر 132 وعفشتها لادا يعنى تتحمل وصاجها قوى فهى مش مشكلة فى موتور والات جر بس الحاجات الخارجية من فوانيس وشبكة والكلام ده صعب جدا وان كان مش مستحيل وعيوبها استهلاك بنزين عالى قريب من المرسيدس 1600 2 كامة وان كان طبعا فى الشد حوت وموضوع 2 باب ده مقرف معايا علشان احط بضاعة فى الكراسى ورا او حد يركب فخايف اتساق ورا حبى ليها واعانى بعد كده من الاثنين باب والعربية موديل سبعينات فغالبا بتكون راشة دواخل وان كانت الاساسيات سليمة

طبعا انا محتار بين ان اشترى لادا وانا مش حاببها علشان اريح الناس وبين حاجات تانية احسن بكتير بس خايف اندم بعد كده واكون رازيت نفسى وخصوصا انى هاستلف فلوس العربية من الحاج واردهالو دفعات مع الشغل

ارجو اوصل معاكو لراحة من حيرتى وان كلامى والمعلومات اللى جمعتها ينفعوا اى حد بيدور برضه وطبعا طيارة فى اعادة البيع

استاذ keko
1- المرسيدس
2- الهوندا السيفيك او الاكورد ال 2 احسن من بعض
3- اللادا
4- المازدا

[keko]

شوف يا باشا احنا عندنا مرسيدس 230 سولار موديل 74 و العربيه دى جباره و كان عندنا لادا و مكنتش حاببها زيك كده لكن جامده طبعاً و مازدا 323 ودى بقى كنت بكرها لو عرفت تلاقى مرسيدس كويسه اتكل على الله او لادا و ده رائى الشخصى

طيب والمرسيدس يوم لما تفتح بقها فى موتور ولا عفشة خراب بيوت ولا اسعارها شدها ضعف اللادا مثلا ؟

مش تطنيش اكيد الى يعرف هيفيدك

شكرا علىشان افتكرتنى

لادا الافضل بالنسبة لمتطلباتك

كدا يبقوا 1001 صوت لادا

وعليكم السلام ورحمة الله وبركاته
أنا اللي أعرفه المازدا وهي الوحيده اللي جربتها وجربت أصالتها وندمت بعد ما بعتها لكن ربنا يبارك لمن أشتراها
العربيه واسعه أوسع من الاكسنت ال 99
قطع غيارها الياباني رخيصه نسبيا
عفشتها ناعمه جدا لكن بتحتاج صيانه علي فترات أعتقد أنها متقاربه
الموتور حرير و عزمه عالي
قطع الغيار والكمايات موجوده حتي الآن و بوفره
الشكل انسيابي ومقبول أكتر من الادا طبعا و بالتأكيد أفضل من المرسيدس
بالنسبه للتحميل هي لو أساسياتها مظبوطه و عفشتها صح تشيل معاك متقولش لا لكن نظرا لنعومه العفشه العربيه ممكن تهبط اثناء التحميل لكن هبوط غير ملحوظ للدرجه
أما بخصوص البنزين ال 80 أنا مكنتش بحط غير 90 لكن معرفش مين في البيت عندي خد العربيه وأستخسر فيها وحط 80 فطبعا جابت هباب من الشكمان وأتعفرتت يجي شهر
وفي النهايه هي موفره جدا وأعتقد الهوندا نفس المميزات الا ان قطع الغيار أغلي نسبيا من 10 : 20 %

ماهى دى المشكلة كل الناس بتشكر فى النعومة انما موضوع ال80 الاراء اختلفت عليه انا بتكلم لو الكهرباء مظبمطة على 80 والاستخدام الدائم ايه نظامها

السلام عليكم و رحمة الله و بركاته

أنا من رأيى أن العربية يالمواصفات و المرمطة اللى أنت عاوزها, يبقى اللادا أفضل ان شاء الله بس المهم أنها تكون روسى مش مصرى.

مانا لو جبت لادا مش هاشترى بعد موديا 95 هاتكون يا 1500 يا 2105 ودول روسى

استاذ keko
1- المرسيدس
2- الهوندا السيفيك او الاكورد ال 2 احسن من بعض
3- اللادا
4- المازدا

هوا حضرتك جربتهم ولا امتلكتهم والترتيب ده من حسث الكفائة ولا متطلباتى

[HOSSAM99]

السلام عليكم
لو حضرتك عايز تحط للمازدا 80 ينفع لكن بعد ظبط الكهرباء عند متخصص

وهو موضوع سهل

[M.Alaa92]

من رايى استبعد المرسيدس لان فتحة بقها جامدة و انت عايز عربية غالبا لغرض تجارى و شخصى فمن رايي مازدا-هوندا و بلاش الكوبية خالص لحسن تضطر توفقلها حاجات و يبقى شكلها مش مظبوط

[dr_radioooooo]

انا كان معايا لادا لمدة 3 سنين و كنت كارهها لخشونتها الزايدة بس الاخر كده اللادا هى الانسب ليك فى كل دول
سهولة الصيانة
النظيف منها كتير
حمالة قسية
اقتصادييييييييييييية جدا
تتباع فى قاعدة
الخلاصة العربية مش عاطفية بس هى الانسب لظروفك

[dr_radioooooo]

متشوف البيجو 504
احسن من كل دول

[محمد عز]

انت حاصر نفسك فى موديلات معينة

ممكن تشوف فيات 131 وبيجو 504، العربيات ده حمالة أسية عن تجربه

طب فكر انك تجيب عربيه نص او ربع نقل مزدوجة الكابينة ممكن تكون انسب لظروفك

[keko]

من رايى استبعد المرسيدس لان فتحة بقها جامدة و انت عايز عربية غالبا لغرض تجارى و شخصى فمن رايي مازدا-هوندا و بلاش الكوبية خالص لحسن تضطر توفقلها حاجات و يبقى شكلها مش مظبوط

بصراحة امبارح سالت على الموتور بتاعها لقيته مش موجود خالص ولو موجود سعره 8000ج

انا كان معايا لادا لمدة 3 سنين و كنت كارهها لخشونتها الزايدة بس الاخر كده اللادا هى الانسب ليك فى كل دول
سهولة الصيانة
النظيف منها كتير
حمالة قسية
اقتصادييييييييييييية جدا
تتباع فى قاعدة
الخلاصة العربية مش عاطفية بس هى الانسب لظروفك

1002 صوت للادا

متشوف البيجو 504
احسن من كل دول

بيجو 504 عربية تحفة بصراحة واحسن من الزيرو بس قطع غيارها خلاص بح خصوصا الاستيراد دا الموتور وصل 9000 و الكرابراتير الاصلى 2500 وبلاوى كده

انت حاصر نفسك فى موديلات معينة

ممكن تشوف فيات 131 وبيجو 504، العربيات ده حمالة أسية عن تجربه

طب فكر انك تجيب عربيه نص او ربع نقل مزدوجة الكابينة ممكن تكون انسب لظروفك

هو ممكن 131 بس بعدت عنها لان الكرونة غالية 2000 ج وبتبوظ كتير و الموتور ب 4500 فى مقابل 1800 فى المازدا و 1200 فى اللادا ده غير ان اصحابها بيطلبوا فيها كتير انما لو لقيت واحدة كويسة وسعرها حلو ممكن اجيبها واسقط مكنة شاهين واعيش معاها