bmw 318i 2002 ولا سيراتو 2011

[medod]

انا محتار جداااااااااا معايا 120 الف و مش عارف اجيب ايه كيا سيراتو 2011 ولا بى ام دبليو 318 موديل 2002

[هيثم المنياوى]

السلام عليكم:
طبعاً ياباشا بى إم بلا منازع على الاطلاق
بس ده بيتوقف على حاجتين مهمين
1/تكون البى إمايه بحالتها وفابريكه ومالهاش مثيل علشان تحس انك راكب بى إم
2/تكون حضرتك عندك استعداد إنك تصرف على البى إم لإن طبعاً مصاريفها أعلى من السيراتو شويه
ونصيحتى لحضرتك اركب بى إم موديل2002 واركب السيراتو وشوف الفرق بنفسك وأى حد هيقولك سيراتو أكيد مركبش بى إم فعلشان خاطرى جرب الأول
فعلاً متعة القياده بجد والجمله ده متقدرش تعبر بأكتر منها للبى إم
وأنصحك فى النهايه بإستخارة الله عز وجل وربنا يوفقك لما فيه الخير إن شاء الله

[TheBuccaneer]

انا محتار جداااااااااا معايا 120 الف و مش عارف اجيب ايه كيا سيراتو 2011 ولا بى ام دبليو 318 موديل 2002

إذا كان معك 120000 جنيه طبعا بى أم دبليو 2002 أفضل ألف مره من الكيا سيراتو مهما كان الموديل بدون مقارنه. لا يوجد مقارنه بين سيارات كورى, يابانى و بين الألمانى. طبعا فيه سيارات أنا محترمه فى اليابانى مثل الهوندا, السوبارو و هم أفضل سيارات أنا بحترمها فى اليابانى.

أولا إذا كنت بتقصد ال E46 2002 الشكل الجديد الذى يوجد منه فئة البيزلاين و الهاى لاين









VS








هذا بالنسبه للشكل. أما بالنسبه للأداء فمعروف هيكون لصالح البى أم دبليو.

شىء إضافى البى أم دبليو تقدر تضبط فيه و تعدل فى شكله بالقطع الأصليه و ليست الفايبر, و المقصود ضبطها إلى الشكل الرياضى ال M3 و بيكون شكلها تحفه, و تقدر طبعا تضبط أشياء اخرى مثل تغيير المحرك, تغيير العفشه إلخ... أشياء غير متوفره فى سائر السيارات. أهم شىء فعلا هو ان السياره تكون حاله ممتازه و تكون معك الأمكانيه إنك تصرف عليها قطع غيار إن لا قدر الله كان فى شىء هتغيره. أما بالنسبه للسيرفس, فهو كامل يتكلف 700 - 800 جنيه بالكثير.

E46 M3










انت قارن لكن بصراحه لا يوجد وجه مقارنه على الأطلاق من وجهة نظرى. عالعموم تقدر فعلا تشوف إعلانات عن بيع سيارات كيا سيراتو 2011 روح و اركب السياره, وبعدها شوف إعلانات للبى أم دبليو ال 2002 و روح و اركب السياره و أنت هتقدر الفرق بنفسك. ربنا يوفقك لما هو فيه الصالح و الخير لك.

[ahmedsadek82]

بي ام و بدون ادنى تردد بس دور على حالة كويسة , البي ام تتميز ب:

1-الدفع الخلفي (مميز في التحكم و الثبات في المنحنيات و ممتع في القيادة)
2-السيارة الاعلى ثباتا دائما
3-السيارة ممتعة في قيادتها جدا لأنها تعطيك احساس الطريق و انك متحكم في السيارة زي ما بتتحكم في حركة اجزاء جسمك
4-طبعا متفوقة جا في المناورة و التحكم , (دائما تتفوق على مرسيدس مثلا في اي تحدي في تراك عشان دقة التحكم و التوجيه للبي ام)
5-قطع غيار معمرة جدا و سعرها مناسب لجودتها
6-امان جدا طبعا و طبعا فيها automatic stability control system (ASC)T
7-كماليات محترمة (الهاي لاين فيها: فتحة , طارة جلد سبور , كراسي كهربا , مرايات كهربا,تكيف اوتو,كمبيوتر للسرفيس و كمبيتر للاعطال)
8-طبعا الثبات الرهيب و التحكم اللي بتكلم عليه ده مش من فراغ : توزيع وزن مثالي على الاكسين 50:50 و عفشة رياضية و مصنعة من الالمونيوم و وزن السيارة في حدود 1450 كج .

من الاخر لا تقارن بأي سيارة اقل من مرسيدس او اودي , غير كده المقارنة حتكون ظالمة للمنافس

[MOUSTAFA_SAAD]

طبعا بى ام

[medod]

طب هى البى ام فى منها شكلين واحد قديم الى هو من 1998 - 2002 وفى واحد جديد الى العضو TheBuccaneer جايب صوره الى هو من 2002 - 2005 انا عندى استفسار انهى شكل احلى منهم هو مش فرق كبير بس انهى احسن وانهى الموتور احسن

[ahmedsadek82]

طب هى البى ام فى منها شكلين واحد قديم الى هو من 1998 - 2002 وفى واحد جديد الى العضو thebuccaneer جايب صوره الى هو من 2002 - 2005 انا عندى استفسار انهى شكل احلى منهم هو مش فرق كبير بس انهى احسن وانهى الموتور احسن

الشكل الجديد احلى و موتور اقوى 143 حصان , (كود المحرك n46b20) , و طبعا فتيس تبترونيك.

[medod]

طب انا عايز موقع عربيات مستعملة عشان اشوف الاسعار كدة فى حدود ايه بس هى اكيد هتبقى البى ام احسن من السيراتو لو حالتها حلوه و الفلوس دى تجيب موديل كام حالتو حلوة

[TheBuccaneer]

طب انا عايز موقع عربيات مستعملة عشان اشوف الاسعار كدة فى حدود ايه بس هى اكيد هتبقى البى ام احسن من السيراتو لو حالتها حلوه و الفلوس دى تجيب موديل كام حالتو حلوة

الموقع الشهير للسيارات المستعمله هو " كونتاكت كرز " ال 120000 جنيه تقدر تشترى E46 موديل 2002

اعتقد أنك ليس لديك خلفيه عن البى أم دبليو و لذلك هوضح لك بعض الأشياء

ال E46 بمصر ظهرت منذ عام 1999 ( المفترض إن خط انتاج ال E46 بدأ منذ عام 1998 لكن بما إننا بمصر فيظهر الموديل الجديد متأخر بعام عن الخارج ) المهم هناك شكلين لل E46 أحدهم أعوام 1999 - 2001 و الثانى أعوام 2002 - 2006 ( على الرغم من إن موديل ال E46 إنتهى فى الخارج عام 2005 لكن أنت كما ذكرت سابقا بمصر ).

E46 2002 - 2006


E46 1999 - 2001




لاحظ الفرق بين شكل الفوانيس الأماميه, و خد بالك لأن فيه أشخاص بيبيع سياره بنفس شكل الفوانيس الموجوده بالصوره الثانيه موديل 2002 لكنها فى الواقع هى نفس موديل ال 2001, بيقولوا عليها E46 2002 Classic لكن لا يوجد مثل هذا الموضوع.

للتأكيد هوضح لك بالصور أيضا شكل المحرك بكل موديل منهم

E46 2002 - 2006



E46 1999 - 2001



ال E46 2002 - 2006 يوجد منها نوعين
1- الهاى لاين
2- البيزلاين

الفروق ما بين ال 2 بتكمن فى أشياء بسيطه عدا إن الهاى لاين بها فتحة سقف بينما البيزلاين لا يوجد بها فتحة سقف. غير الفروق الأخرى فى أشكال الفوانيس, الجنوط, عجلة القياده تقدر تضبطه بسهوله " يعنى تقدر تشترى فوانيس, جنوط و علجة القياده الموجودين بالهاى لاين و تضعهم بالبيز لاين بسهوله " الأختلاف الوحيد الفارق بين السيارتين هو وجود فتحة سقف من عدم و جودها.

ال 120000 جنيه تقدر تشترى E46 2002 قد يحالفك الحظ و تجد E46 2002 هاى لاين بهذا المبلغ, أو ان شاء الله تجد E46 2002 بيزلاين. و الله كان فيه E46 2005 بيزلاين ب 135000 جنيه و الله أنا مش عارف لسه موجوده ولا لأ. عليك و على موقع " كونتاكت كارز " قسم السيارات المستعلمه اختر بى أم دبليو ثم 318 و أن شاء الله ربنا يوفقك لما فيه الصالح و الخير لك.

[medod]

ال e46 2002 - 2006 يوجد منها نوعين
1- الهاى لاين
2- البيزلاين

الفروق ما بين ال 2 بتكمن فى أشياء بسيطه عدا إن الهاى لاين بها فتحة سقف بينما البيزلاين لا يوجد بها فتحة سقف. غير الفروق الأخرى فى أشكال الفوانيس, الجنوط, عجلة القياده تقدر تضبطه بسهوله " يعنى تقدر تشترى فوانيس, جنوط و علجة القياده الموجودين بالهاى لاين و تضعهم بالبيز لاين بسهوله " الأختلاف الوحيد الفارق بين السيارتين هو وجود فتحة سقف من عدم و جودها.


افهم من حضرتك ان شكل الفوايس بيفرق بين الهاى لاين والبيز لاين فى البى ام 2002 - 2006 بس انا لاقيت فى موقع كنتاكت كارز بى ام 2002 جميع الكماليات ب 125000

[gemy1]

باشا اكيد اكيد البى ام e46 ما ينفعش المقارنه اصلا غير فى حاله واحده انك هاتركب عربيه زيرو و لا عربيه مستعمله و فى النقطه احب اقلك انك هاتركب عربيه زيرو اى كلام طبعا بالنسبه للبى ام او تركب عربيه مستعمله بس ذو قيمه و رفاهيه عاليه جدا و ثبات على الطريق و مميزات لا حصر لها بس نصيحه لو هاتجيبها يبقى تشتريها الفتيس الجديد و يكون ليها ملف صيانه فى التوكيل و دى اهم حاجه

[medod]

nh.

[TheBuccaneer]

ال e46 2002 - 2006 يوجد منها نوعين
1- الهاى لاين
2- البيزلاين

الفروق ما بين ال 2 بتكمن فى أشياء بسيطه عدا إن الهاى لاين بها فتحة سقف بينما البيزلاين لا يوجد بها فتحة سقف. غير الفروق الأخرى فى أشكال الفوانيس, الجنوط, عجلة القياده تقدر تضبطه بسهوله " يعنى تقدر تشترى فوانيس, جنوط و علجة القياده الموجودين بالهاى لاين و تضعهم بالبيز لاين بسهوله " الأختلاف الوحيد الفارق بين السيارتين هو وجود فتحة سقف من عدم و جودها.


افهم من حضرتك ان شكل الفوايس بيفرق بين الهاى لاين والبيز لاين فى البى ام 2002 - 2006 بس انا لاقيت فى موقع كنتاكت كارز بى ام 2002 جميع الكماليات ب 125000

السلام عليكم
مثل ما وضحت لحضرتك بأخر رد لى الفروق فى موديلات ال e46 و أرجو أن تراجعه بشكل جيد.

بالنسبه لموضوع ال e46 2002 - 2006 فيه منها نوعين بيز-لاين و هاى لاين. الأختلاف الذى لا يمكن تعديله بين الفئتين هو أن الهاى-لاين يوجد بها فتحة سقف بينما البيز-لاين لا يوجد بها فتحة سقف.

بالنسبه للفوانيس فأن " هيكل الفانوس " واحد تماما, لكن الأختلاف فى شكله ليس إلا, على سبيل المثال معى e36 الشكل الذى يسبق ال e46 المعروف بال " دبانه " منذ عام 1997 فيه أختلاف فى الفوانيس الأماميه بمعنى إن فوانيس ما قبل عام 1997 بالنسبه لل e36 كان فانوس الأشاره الأمامى لونه برتقالى بينما فى عام 1997 تغير من برتقالى إلى أبيض. لكن كشكل فانوس و هيكل و حجم واحد. نفس الموضوع ما بين فوانيس الهاى-لاين و البيز-لاين أرجو أن تكون و جهة نظرى قد وصلت لك :). و طبعا يمكنك التغيير من شكل هذه الفوانيس لهذه الفوانيس فقط شراء - فك - تركيب.
كذلك الأختلاف فى شكل عجلة القياده, عجلة القياده الموجوده بالرد الأول لى هى الموجوده بالهاى-لاين بينما توجد عجلة قياده مختلفة الشكل فى البيز-لاين و طبعا يمكنك التغيير بكل سهوله لأنه مجرد شكل فى عجلة القياده ليس إلا.
كذلك الأختلاف فى شكل الجنوط ما بين البيز-لاين و الهاى-لاين. الجنوط نفس الحجم لكن مختلفه فى الشكل ليس إلا أيضا.
كلها أشياء مثل ما ذكرت سابقا يمكن تعديلها بسهوله لأنها مجرد فك و تركيب إذا كانت لك رغبه. غير هذه الأختلافات فى أشكال الجنوط - الفوانيس الأماميه و الخلفيه - شكل عجلة القياده المتعددة الوظائف - وجود فتحة السقف من عدم و جودها, فالسيارتين 100% واحد فى كل شىء.

خد بالل من اختلاف ما بين شكل ال e46 1999 - 2001 وبين شكل ال e46 2002 - 2006 لأن بعض الملاك معهم سيارات موديل e46 2001 و مرخصه على إنها 2002 و ذلك لأنه عند الشراء من التوكيل بيكون بالحجز فقد يكون المالك الأصلى حجز السياره فى نهاية عام 2001 و استلم سياره بحلول عام 2002 و بالتالى ما هو مثبوت بالورق أن السياره موديل 2002. و المرور ليس له دخل بالموديل و المواصفات و هل هذا الشكل هو 2001 ولا 2002. لكن عند مقارنة أية سياره 2001 بالسياره التى رخصت على أساس إنها موديل 2002 تجد السيارتين متطابقتين بنسبة 100% من محرك, فتيس, صالون, شكل خارجى إلخ... و لذلك قد وضعت لك صور توضيحيه بردى الثانى للفروق بين ال e46 1999 - 2001 و بين شكل ال e46 2002 - 2006. مع العلم أن هيكل ال e46 1999 - 2006 كله واحد لكن تم إضافة إمكانيات و محرك جديد و فتيس جديد إلخ منذ عام 2002 - 2006.

موضوع الفتيس الأستيبترونيك يطول شرحه لكن بأختصار الفتيس الأستيبترونيك موجود بال e46 318 منذ نهاية عام 2000 إلى 2006.

[medod]

حضرتك مش فاهمنى انا مش بكلم عن الهاى لاين والبيز لاين انا بكلم ان البى ام e46 فيها مودلين اول موديل من 1999 - 2001 ( الشكل القديم ) تانى موديل من 2002 - 2006 ( الشكل الجديد ) انا عايز اعرف ايه الاختلاف بين المودلين

اهو ده الموديل الاول اللى من 1999 - 2001 (الشكل القديم )
BMW 318i 1998 - 2002 - autoevolution

وده الموديل التانى اللى من 2002 - 2006 ( الشكل الجديد )
BMW 318i 2002 - 2005 - autoevolution

انا عايز بقا الفرق بين المودلين دوا وبيتهيئلى اول فرق هوا ان لون الاشارات فى الفوانيس الامامية فى الموديل الاول برتقالى اما فى الموديل التانى ابيض وبيتهيئلى ان شكل الفوانيس فى الموديل الاول مش زى الموديل التانى ( اصل الوش بتاع الموديل الول مش زى بتاع الموديل التانى )

[dede_dodo88]

الموضوع ده حطني في حيرة بجد!!
عايز أجيب عربية جديدة في حدود من 130 لـ140 أو 150,
و كنت ناوي على زيرو بس مقررتش لسة نوع العربية,
فمش عارف كده أفكر في بي إم مستعمل وللا أيه لأني بعشق البي إم جداً!!!
طب ايه احسن موديل في نفس فئة السعر دي ؟ أصلي شايف 2002 دي بعيدة شوية!!..