لادا نيفا ودايو ماتيز

[Rerii]

السلام عليكم

انا كنت عاوزة اسأل حضراتكم عن مميزات وعيوب العربيتين دول

لادا نيفا موديل التمانينات

ودايو ماتيز 99

انا مش بقارن بينهم بس حابة اعرف مزايا وعيوب كل منهم وحدود سعر كل منهم دلوقت

انا عارفة ان لادا شكلها مش عاطفى خالص بس متهيألى انها ممكن تتظبط وبصراحة مش عارفة ليه عاجبانى حساها قوية وممكن تتعدل

ارجو المساعدة ومعلش تعباكو معايا

[ahmed_mido1889]

اللادا عامه جرار زراعي صوت عالي واداء قليل

عكس الدايو صوت معقول واداء جيد

الماتيز صغيره الحجم عكس النيف تعتبر كبيره ال حد ما

النيفاتعتبر صبه خرسانيه تخش في الحيطه وتعدي الناحيه التانيه سليمه عكس الماتيز صاجها ضعيف نسبيا

دركسيون النيفا يربي عضلات عكس الماتيز خفيف

[WalidAdel]

هو اصلا اصلا حضرتك متاكده من موضوع اللادا نيفا دي الاول لان مكتوب في خانة النوع انثي و مافيش انثي في مصر شوفتها راكبه نيفا لانها تعتبر عربيه عاليه و 4×4 كده و صعب اوي علي انثي تركبها دا كفايه الدريكسيون بتاعها المتعب اوي دا و بعدين العربيه دي بالذات محتاجه حد فاهم في الميكانيكي يركبها علي اساس انها بتبقي معدومه و مبهدله و محتاجه حد فاهم يشدها من اول و جديد
انا ارشح لحضرتك الماتيز طبعا عربيه ناعمه و صالون و شكلها لذيذ و باور و بتاع و اي ميكانيكي بيفهم فيها
ارجوا اكون افادتك شويه

[WalidAdel]

توضيح بس
دي لادا نيفا



و دي لا 2105



و دي الماتيز

http://img33.imageshack.us/img33/2646/2432011234739wo2vpz6.jpg

[Rerii]

هههههههههههههه مانا عارفة والله انها دى وعارفة انها تقيلة جدا ولو ركبتها هكون اول واحدة فى العالم مش فى مصر اركبها بس عادى يعنى :d

احلى حاجة عاجبانى انى لما بشوفها بحس انها مشروع جيب وفشل :d
انا عارفة انها عربية قوية وموتورها قوى 1600 هى مشكلتها انها تقيلة بس سمعت ان ممكن يركبلها باور معرفش صحة الموضوع ده ايه

[ahmad--ezzat]

نيفا طبعا افضل...

اسهل فى السواقه

شكلها ارق من الماتير

عربيه بنات

امكانيات اعلى

دة غير التكييف وخلافه



:( :( :( :(

[Rerii]

هههههههههههههههههههههههه

انا مبقارنش على فكرة انا عاوزة مميزات وعيوب كل واحدة على حدة وبعدين دى فئة سعرية ودى فئة تانية خالص اصلا يعنى حرام المقارنة يعنى لادا نيفا تمنها 15 الف فى حين الماتيز بتوصل 30 يعنى الضعف

[hpxp]

لا شفت واحده سايقه نيفا قبل كده حضرتك تاني واحده:-)
النيفا بتهيائلي شبه اومجا او اندرتكر وعيب اي عربيه قديمه هتصرف الي الابد انا ركبت لادا بس مش نيفا قطمت وسطي دا غير شكل الطبلوة العاطفي جدا تحس انه مات اربع مرات وخلي باللك اجيش واخده يعني صحراء وحورات يعني عربيه فحت اصل الجيش مثلا مش ها يخد لانوس
الماتيز مركبتهاش بس بحس انها قطه وسط العربيات
بعدين انتي معاكي لانسر كرستاله كده تمام اوي احسن من العربيتين وش اي خدمه انا موجود في قسم الشفروليه
علي فكرة الماتيز هي السبارك يبقي بقي خدي لفه حلوة في قسم الشفروليه هتلاقي كل حاجه

[a_samy]

النيف عربيه قويه جدا وومتلائمه أوى مع شوارع وجو مصر بس عيبها أنها ناشفه والدريكسيون بتاعها تقيل أوى...بس غير كده عربيه متينه وقويه بس مش عاطفيه خالص،يعنى لو حد شافك وأنتى راكباها حيخاف مكن عشان مفيش بنت فى مصر بتسوق نيفا.
ومفيش أى مقارنه بينها وبين الماتيز طبعا لأنها عربيه ضعيفه جدا وصاجها ورق.

[max_ziro]

نا كان معيا نيفا ف هتكلم على الى اعرفة و من وجهة نظرى

اولا عربية عالية
قوية جدا جد جدا لبعد محدش ممكن يتخيلة
ادائها عالى جدا لو مظبوطة (للعلم الى كانت معايا كان عليها كاتور نيفا مش لادا فى فرق كبير متور الادا ضعيف و منغير فتيس غرز)
فتيس الغرز حلو
عربية صاجها اسطورى دبااابة
قطع غيارها رخيصة و معمرة بشكل غير طبيعى يعنى العبية الى كانت معايا فضلت مركونة حوالى 5 سنين و ساعت ما جيت اركبها تانى حطيط بنزين و بطارية جديدة و دور يا معلم دارت علطول
مشيت بيها قبل كدة منغير زيت و مكنتش اعرف
مشيت بيها منغير مية و بردو مكنتش اعرف
جراية اوى لحد 120 و بعد كدة بلاش احسن
ثباتها لو ب الكاوتش النسر مش حلو
اما بتجيبى جنوط سوزوكى فيتارا و عجل عريض بتبقا ثابتة و جميلة
بتمشى ببنزين 80 و دى ميزة جميلة و لو عاوزة تمشيها ببنزين 60 هتمشى عادى جدا
من الاخر انا بعتبرها العربية الى لا تقهر شرط العربية تبقى نضيفة و مفيهاش بارومة و حالتها حلوة
عن نفسى العربية دى شافت منى الويل و مشيت بيها ف الرمل كتير و جربتها كتير


و بخصوص الدركسيون التقيل بيركبلها علبة دركسيون 132 5 بلية و بتبقى ريشة و هيا ف العموم بتبقى تقيلة فى الركنة بس يعنى اثناء مهى واقفة لو حبيتى تلفى الدركسيون بيبقى تقيل ..




اما الماتيز انا معرفش عنها غير
انها عربية ضعيفة تكيفها ملوش لزمة دة ان كان شغال
ملهاش قطع غيار و لو لقيتيها بتبقى غالية و الله اعلم ..

[Rerii]

نا كان معيا نيفا ف هتكلم على الى اعرفة و من وجهة نظرى

اولا عربية عالية
قوية جدا جد جدا لبعد محدش ممكن يتخيلة
ادائها عالى جدا لو مظبوطة (للعلم الى كانت معايا كان عليها كاتور نيفا مش لادا فى فرق كبير متور الادا ضعيف و منغير فتيس غرز)
فتيس الغرز حلو
عربية صاجها اسطورى دبااابة
قطع غيارها رخيصة و معمرة بشكل غير طبيعى يعنى العبية الى كانت معايا فضلت مركونة حوالى 5 سنين و ساعت ما جيت اركبها تانى حطيط بنزين و بطارية جديدة و دور يا معلم دارت علطول
مشيت بيها قبل كدة منغير زيت و مكنتش اعرف
مشيت بيها منغير مية و بردو مكنتش اعرف
جراية اوى لحد 120 و بعد كدة بلاش احسن
ثباتها لو ب الكاوتش النسر مش حلو
اما بتجيبى جنوط سوزوكى فيتارا و عجل عريض بتبقا ثابتة و جميلة
بتمشى ببنزين 80 و دى ميزة جميلة و لو عاوزة تمشيها ببنزين 60 هتمشى عادى جدا
من الاخر انا بعتبرها العربية الى لا تقهر شرط العربية تبقى نضيفة و مفيهاش بارومة و حالتها حلوة
عن نفسى العربية دى شافت منى الويل و مشيت بيها ف الرمل كتير و جربتها كتير


و بخصوص الدركسيون التقيل بيركبلها علبة دركسيون 132 5 بلية و بتبقى ريشة و هيا ف العموم بتبقى تقيلة فى الركنة بس يعنى اثناء مهى واقفة لو حبيتى تلفى الدركسيون بيبقى تقيل ..




اما الماتيز انا معرفش عنها غير
انها عربية ضعيفة تكيفها ملوش لزمة دة ان كان شغال
ملهاش قطع غيار و لو لقيتيها بتبقى غالية و الله اعلم ..

ايوة كده انت فين من زمان اخيرا لاقيت حد جربها
انا بقى عاجبانى اوى عشان انا من عشاق الجيب شيروكى جدا بس طبعا غالية فقلت اهى دى مشروع شيروكى وفشل وشفت لها تظبيط فى منتدى خلوها شبه الجيب وشبه الهامر وتظبيط جامد جدا
انا معايا كريستالة بس دى كنت عاوزة اجيبها لاختى واظبطها وابقى استغلها