سيراتو ولا مازدا 3

[dangerous]

أخواتى الاعزاء انا محتار بين السيراتو الهاى لاين ومازدا 3 الشكل الجديد اللى بـ 128000 اتوماتيك انا عارف ان السيراتو مليانة اوبشنز بس انا خايف من المشاكل اللى شوفتها فى المنتدى فاياريت اهل الخبرة يفيدونى



تم دمج الموضوعين بواسطتي.

مشرف القسم

3/4/2011
1:40pm

[waleedelpiloot]

لو عايز ابشنز كتير وشكل احلى بكتير وصالون اوسع يبقى سيراتو
ولو عايز stability وحاجة تعيش معاك يبقى mazda بس صالونها ضيق ومفهاش ابشنز كتير

[All_New_Cerato]

mazda 3 taba3an

[Ahmed.kamel]

انا في نفس حيرتك بس بفكر باسلوب مختلف شوية باسلوب القيمة السوقية ..... يعني مازدا 3 سعرها زي محضرتك قولت بضبط 128900 جم بس دي موديل 2010 الخدعة هنا ان دا نفس سعرها في 11 /2010 لان ده عرض من غبور نزل في اخر 10/2010 ونزل من تمنها 10000.00 جم طب معني كدا ان الطبيعي ان العربية واحنا 1/4/2011 تنزل مالا يقل عن 10000 جم تانية لانها موديل سنه عدت .... يبقي كدا غبور بيتذاكي ويستذكي .... عايز اقولك انا كنت خلاص جبت عرض اسعار من غبور بالمازدا البيز لاين بس تراجعت وربنا يوفق .............

[Ahmed.kamel]

وعلي فكرا المازدا مش اللي اقول عليها ضيقة للدرجة يعني ثانياً شكلا هي احلي طبعا من السيراتو بالرغم انها تدي شوية علي ياريس من قدام عمتن دي اذواق وبرضوا السيراتو والكوري مش اللي مش هيعيش وان الياباني هو اللي يعيش الكلام ده خلاص شبه انتهي خلاص من الدنيا ومش موجود غير فمصر بس .

[amgomaa]

انا عن نفسى معايا سيراتو 2011 ولو كان معايا 15000 جنيه زياده و انا بشتريها كنت جبت المازدا 3 طبعا وان شاء الله بالتوفيق

[hondaman]

انقل الموضوع لقسم المقارنات علشان الموضع ياخد حقة

[msco]

شوف يامان بما انى عايش فى السعودية فوقعت فى الحيرة دي تقريبا وخصوصا انى معجب بالمازدا وكده

بس لو جيت تعمل مقارنة للريسيل فاليو ( سعر اعادة البيع ) هتلاقى ان السيراتو تكسب .. بالاضافة بقى لحاجة مهمة جدا قطع غيار المازدا هنا في السعودية نااااااااااار جدااااااااا وصيانتها ناااااااااارين .. يعنى عربية عايزة مصروف كبير .. بعكس السيراتو اللى قطع غيارها معقولة وصيانتها معقولة بردة وكمان الاوبشن الزيادة اللى موجود

وبالتوفيق ان شاء الله

[SAMEHNOSHI]

يا باشا المازدا 3 افضل فى كل حاجة من السيراتو بستثناء حجتين, سعر اعادة البيع و قطع الغيار

[dangerous]

سيراتو ولا مازدا 3

أخواتى الاعزاء انا محتار بين السيراتو الهاى لاين ومازدا 3 الشكل الجديد اللى بـ 128000 اتوماتيك انا عارف ان السيراتو مليانة اوبشنز بس انا خايف من المشاكل اللى شوفتها فى المنتدى فاياريت اهل الخبرة يفيدونى

[MohssenRashed]

اكيد مازدا 3. معلش مفيش وجه مقارنة

[dr_radioooooo]

لو مش فارق معاك سعر اعادة البيع يبقى mazda 3 وش

[MNabeih]

انا ما ركبتش السيراتو...., بس هل هى فعلا كويسة لدرجة انها تتقارن بالمازدا 3 ,

مش عارف, بس انا والله لو منك ما هافكر في السيراتو نهائي,

و الله لسة واحد صاحبي كان محتار حيرتك بس كان ما بين سيراتو و كروز, قولتله روح بص علي المازدا و كانت ايام العرض بتاع ال10000 جنية او صيانة مجانية في فترة الضمان.

راح و اشتراهه علي طول و جابهه فيراني, اللهم صلي علي النبي جبارة,

بجد عربية.

[ghazy12]

مــــازدا 3... بكل المقـــاييس أفضل من السيراتو في كل شئ

ربنــا يوفقك للخيــر ان شــاء الله...

[Formulator]

كفاية شاسيه الفورد فوكس.. وعفشة ورا Multi-Link للمازدا3, مع ثبات وهاندلينج راااااااااااائع..!!
مقابل عفشة Torsion-beam ناشفة وثبات أقل بكتييييييييير, وكمان هاندلينج ودركسيون سىء (عشان الباور الهيدروليك vs باور كهرباء للمازدا3)..!!

رأيى الشخصى: مازدا3 وشــــــــــــــــــــــــــــــــــــــــــــــــ