يا جماعه حد يفيدني بالله عليكم (بخصوص تقسيط المستعمل)

[cool_modi]

اذا كان في حد بعد ازنكم يعرف معارض بتقسط سيارات مستعمله مثلا لانسر 2002 وايه نظمهم وعلي كام سنه والفوايد اد ايه وياتري زي البنك ولا ممكن يقسطوا تبع بنك وايه الضمانات و لا بيكوم وصولات امانه انا بفكر اجيب لانسر 2002 بدل فيرنا زيرو ومش عارف اعمل ايه ارجو الافاده وشكرا









-------------------
تم تعديل العنوان من "يا جماعه حد يفيدني والنبي" الي "يا جماعه حد يفيدني بالله عليكم (بخصوص تقسيط المستعمل)" بواسطة (Admin4)

[Dr Ahmed]

ملحوظة:
نهى الرسول عليه الصلاة والسلام عن الحلف بغير الله وقال (من حلف بغير الله فقد أشرك) وغيرها من الأحاديث الشريفة ، وكلمة "والنبى" لغةً حلف ، وهذا مما أجمع عليه الفقهاء وللأسف من الأخطاء الشائعة التى نتمنى أن نحذر منها لمخالفتها الصريحة لأوامرالرسول رغم العلم بحسن نية القائل ولكن لابد من موافقة العمل للنية.

[احمدعبدالعزيز]

السلام عليكم ...

انصحك بشراء الفيرنا جديده افضل بكتير من انك تشترى عربيه مستعمله لانى عملت زيك بالضبط وجبت مستعمل وقولت ان الفيرنا ماتستهلش الفلوس اللى حتدفع فيها لكن ارجع واقوالك المستعمل متعب جداااااااااااااااااااااااااااااااااااااااااااااااا ااااااااا
zizo

[شريف]

السلام عليكم ...

انصحك بشراء الفيرنا جديده افضل بكتير من انك تشترى عربيه مستعمله لانى عملت زيك بالضبط وجبت مستعمل وقولت ان الفيرنا ماتستهلش الفلوس اللى حتدفع فيها لكن ارجع واقوالك المستعمل متعب جداااااااااااااااااااااااااااااااااااااااااااااااا ااااااااا
zizo

ممكن يا زيزو تقول عن تجربتك مع النوبيرا و رايك العام فيها و المشاكل اللى قابلتك

[kh_talaat]

ممكن تتابع جريدة الوسيط هتلاقي في معارض كتير بتقسط عربيات مستعملة http://www.ewaseet.com

وكمان بنك التمويل المصري السعودي بيقسط عربيات مستعملة وعامل برنامج تمويل شراء السيارات المستعملة http://www.esf-bank.com/taswee2-3.htm

[احمدعبدالعزيز]

طبعا وبكل امانه ....

انا كان كل اللى معايه 60 الف بصراحه فضلت النوبيرا الاوتوماتيك عن الفيرنا لكثير من الاسباب اولهم حجم العربيه والثبات:
وبعد كده بداء رحله العذاب .

1- الكاوتش طبعا كان متعب جدااا وغيرته الحمد الله .

2- العفشه بعد فتره من استخدامى ( فتره قصيره ) وغيرته والحمد الله .

3- سحب السياره كان مش عجبنى التوكيل قالى لازم تغير طقم الكهرباء وغيرته والحمد الله .

4- مره ركنتها يومين وجيت اروح بيها الشغل ( البطاريه اتهبلت )وغيرته والحمد الله .

5- يوم عيد جوازى البس واتشيك ورايح اتغدى مع المدام ولقيت لمبه الزيت منوره طبعا ذهبت الى اقرب ميكانيكىوالبيه قالى لازم تسيب العربيه عشانا شوف فيها ايه وطبعا ضاع اليوم ولما رجعت كان غير اويل سيل كامه وغيرته والحمد الله .

6- جينا لصيانه الفتيس طبعا فضلت اعملها فى التوكيل غير زيت الفتس (زيت + مصناعيه) فقط 350 جنيه طبعا غير الفلاتر وتيل فرامل وغيرته والحمد الله .
واخيرااااااااااا انا قرارت ابعد عن المستعمل واجيب انشاء الله ولو عجله زيرووووووووووووووووووووووووووو .....

احترس من المستعمل :D

zizo

[cool_modi]

أخي العزيز زيزو مشكور قوي بجد انا نفسي اجيب زيرو اوي بس المشكله ان كل الي معايا هما 50 الف ودول يادوبك يجيبوا بيكانتو ظغيره كده ملهاش اي لزمه في الحياه :lol: واللهي محتار اوي بين الفيرنا مستعمله والدايو مستعمله والي بحبها قوي بس خايف منها الرينو الكليو مش عارف متفائل بيها اوي يمكن عشان الدايو قدييييمه والفيرنا تقليديه وكترت اوي بيقولوا ان الفرنساوي افضل من الكوري وكده وانها هتدكون موديل احدث من الدايو يعني كمان هي اشيك اوي فبفكر فيها جامد يا هي يا الفولكس بولو موديل من 200 ل 2002 بس ة الف شكر علي وقتك يا باشا ربنا يخليك

[sh_masry]

الرينو الكليو

الرينو كليو مش فرنساوى .... اكنرها تركى و هى تقفيل تركى ,,,, و بلاش تحط 50 الف فى مستعمل الا لو كسر زيرو لكن لو مستعمل استعمال جامد يبقى بلاش و هات البيكانتو زيرو ........ الزيرو زيرو برده و انت اول رجل فيه .

a7'ook
Sherif

[fahd_628]

فعلا انا مع نظرية الزيرو زيرو

حتى عارف لو بيكانتو

كفاية ريحتها و ورقها و انت بتشيلة و هية جديدة كدة و انت بتكون مختار لونها و الموديل بتاعها ( طبعا انا كل دة بحببك فى الزيرو :P :lol: :lol: :lol: ) مش مجبر على اللون دة فى المستعمل و تبلعة بالعفية و حيفضل فى وشك العمر كلة و كمان المستعمل متعرفش اتعمل فية اية قبل كدة و كان استخدام الراجل عامل ازاى

فا انا انصحكم بالزيرو :arrow: :mrgreen: :mrgreen:

[cool_modi]

ربنا يخليك يا شريف انته وهد علي اهتمامكم بس انا واللهي خايف من الكيا عشان عربيه صغيره وضيقخ وموترها صغير وحاسس ان الرينو اكبر بكير واحسن علي كل حال انا عندي عربيه سكودا فليشيا ببيع فيها اهوه وهكمل انشاء الله و اشوف واحده رينو تكون حالتها كويسه اوي ولو ملقتش بقي مأدميش غير البيكانتو بس حاسس انها غاليه اوي علي سعرها واللهي جامد و مش عمليه اوي و مفيهاش شنطه اصلا بس هي كشكل كويسه بس طبعا الرينو اجكد .
جزاكم الله خيرا

[احمدعبدالعزيز]

عندى فيرنا بالضمان فبريكا بالكامل 19000 كيلو جميع الكماليات فضى ميتاليك 1600 كورى موديل 2005 استخدام راقى جدااااااااااااااااااا
اسم صاحب السياره الاستاذ / احمد
الموبايل / 0123974780



اخوك zizo

[AhmedElsayed]

طيب وليه مستعمل اصلا مانت زى محتقسط المستعمل قسط جديد بس ده بيتوقف على انت ممكن تدفع قسط اد ايه
بصراحة المستعمل بيبقى مقرف والواحد بيبقى عارف انه حيخسر فيه تقوم كمان تقسطه وتدفع فوايد اد كده
حرام حتى لو كانت لانسر

يعنى خمسين الف كويسن اوى تدفع مقدم ويتبقى قسط صغير وتجيب عربية محترمة
لاحظ كمان ان تقسيط المستعمل ده مش سهل خالص واجرائاته معقدة ولازم البنك يقعد يراجعها وطبعا مفيش بياع عادى حيستناك ولا حيتعامل مع بنك اصلا

ففكر تانى كده وشوفلك حاجة زيرو وادفع قسط احسن من مستعمل حتدفع فى صيانته وفوايده اكتر من الاقساط

والله اعلم