نوبيرا ولا اسبرانزا a620 ؟

[fady554]

صباح مساء الفل على على بتوع منتدانا
انا معاية نوبيرا و بفكر اغير فكرت كذا تفكير كدة
فى الجيب و الفيتارا و السيفيك
بس لاقيت ان العربيات دى كلها قطع غيارها غالية
شوية او شويتين
ففكرت فى الاسبرانزا الكبيرة اللى هى a620 بيقولو عربية
حلوة و واسعة و كمالياتها كتير و فيها اير باج و دى فى دى و ال سى دى
و شوية حاجات كدة حلوة زى ما انتو عارفين نظام الصينى كدة
ثانيا قطع غيارها رخيصة ارخص من النوبيرا
فكنت عايز الناس تحكيلى عنها عن تجربة
و حكاية انها صينى و بلاش منها و كمان حكاية انها نزلت 40 او 45 الف جنية دة انا عارف انو بسبب القانون الجديد بتاع المرور
انا خالى معاة نوبيرا غير بتاعتنا موديل 2006 كان جايبها بى 85 و دلوقتى يدوبك تعملها 45 او 50 الف يعنى برضو
نزلت بتاع 35 او 40 الف جنية فا دة مش مبرر ان العربية تبقى وحشة
و اسف على الاطالة و ارجو الرد الوافى

[beshomilan]

رايي خليك فى النوبيرا افضل وابعد عن الصينى ومشاكله قدر الامكان ولو بعت النوبيرا صدقنى هتترحم على ايامها
وفكر الف مرة قبل التغيير حتى لا تندم
وربنا يوفقك

[MISS_MONA]

نوبيرا

[hatybosa]

nubira tab333aaaaaaaaaaaaaaaaaaaaaaaaaaaan

[sab3aawy]

معاك نوبيرا وعايز غير يبقىالتطور الطبيعى للحاجة الساقعة هو الأوبترا، ده اللى اقدر انصح بيه من غير ما اغلط فى اى ماركة

[tito_1980]

ثانيا قطع غيارها رخيصة ارخص من النوبيرا

مين قال لحضرتك علي المعلومه دي ؟

[fady554]

يا جماعة انا محدش جاوبنى نوبيرا لية او اسبرانزا انا اعرف نوبيرا لية بس انا عامل المقارنة عشان اعرف اسبرانزا لية اة او لية لا و انا اعتقد ان معظم اللى قالى نوبيرا قالى عشان ان الاسبرانزا صينى مش اكتر و انا اعرف ان قطع الغيار بتاعة الاسبرانزا رخيصة او زى النوبيرا على فكرة انا بغير جلب مقصات كل شهرين يعنى كل شهرين 200 جنية جلب و 50 مصنعية و مشوار للحرفين عشان الميكانيكى اللى هناك يعنى النوبيرا كورى و دة معناة بغير قطع غيار كل شوية
و انا مش هعرف اغير للاوبترا عشان بتلعب فى السبعينات و اواخر الستينات
انا نفسى اجيب اوبترا بس غاليةعليا هحط يجى 20 الف على النوبيرا بس الاسبرانزا بتلعب فى ال 55 الف يعنى مش هحط كتير على النوبيرا

[Islam_Shady]

انا عن نفسى كنت عايز اجيب التيجو و لما نزلت سوق السيارات اتفرج و لاقيت الاسبيرانزا اد ايه سعرها واقع ترددت
و موش موضوع سعر بس
انا برضه لاحظت ان الاسبيرانزا التيجو و ال 620 اللى انت عايز تجيبها متهانه جدا بالنسبة لعمر العربيه اللى ماكملش سنه او سنتين فى بعض الحالات
متهانه بشكل ماشوفتهوش فى اليابانى اللى اقدم منها 10 سنين مثلا
و ماكانتش حاله واحده علشان اقول حاله فرديه ده كان تقريبا كل الحالات اللى فى السوق بلا استثناء
لاحظت فعلا ان الخامات رخيييييييصه اوى و ان دى موش عربيه اتعملت علشان تعيش
المبدا ده اللى خلانى افكر فى اليابانى و الغى فكرة اى صينى من دماغى

[sab3aawy]

لو مش هتقدر على النوبيرا ممكن تجيب صنى، موديلات 2004 و 2005 ، وحتى ممكن 2006 و 2007 مانيوال ممكن تخلص من اول 62- لحد 67 ألف
مش مسألة اننا بنكره الصينى لأنه صينى، لكن فعلا بص على حالة المستعمل فى السوق هتلاقى ان من الصعب اوى اطلع عربية نضيفة
لكن لو عربية يابانى زى الصنى هتلاقى حالات ممتازة بسعر كويس وهتبقى نقلة حلوة من النوبيرا، وقطع غيارها عند البقالين وبتوع المخلل

[i_Am_Legend]

لو مش هتقدر على النوبيرا ممكن تجيب صنى، موديلات 2004 و 2005 ، وحتى ممكن 2006 و 2007 مانيوال ممكن تخلص من اول 62- لحد 67 ألف
مش مسألة اننا بنكره الصينى لأنه صينى، لكن فعلا بص على حالة المستعمل فى السوق هتلاقى ان من الصعب اوى اطلع عربية نضيفة
لكن لو عربية يابانى زى الصنى هتلاقى حالات ممتازة بسعر كويس وهتبقى نقلة حلوة من النوبيرا، وقطع غيارها عند البقالين وبتوع المخلل

تحياتى لبشمهندس سبعاوى_فكرة ممتازة جدا_بس صاحب الموضوع ممكن يفكر فى الفيتارا_دى عربية محترمة بصراحة

[aboomar22]

ممكن اضيف حاجة بخصوص الاسبرانزا 620 هى مع زميلى فى العمل من 2007 ودايما بركبها معاه بصراحة واسعة كماليات فيها كل حاجة ثبات رائع رائع مريحة فى السفر بتجرى تكييف جيد كاسيت وسماعات جيدة جدا سحبها حلو عيوبها حسب كلام صاحبها استهلاك بنزين عالى غير اكثر من جزء من الكماليات 2 ماكينة زجاج كهربى ماكينة فتحة السقف الستارة الكهربية مع المارشدين اتظبتت كل ده عملوا فى الضمان بس بيقول بالخناق مع التوكيل بس كده

[fady554]

شكراا على ردودكم بس انا لو اشتريت العربية هتبقى 2007 او 2008 يعنى برة الضمان يعنى مفيش خناق ولا بتاع
و حكاية اليابانى دى بعيدة شوية بسبب قطع الغيار الغالية انا عارف انها بتعيش بس انا بجيب مستعمل يعنى لو جبت عربية فيها حاجة و مخدتش بالى منها هكع كتير