مازدا 3 ولا رينو فلواينس

[sephian]

ارجو الافاده يا جماعه فى الاختيار بين مازدا 3 والفلواينس اللى فئتهم تتاروح من 130000 الى 140000 من حيث الشكل

الكماليات

سعر اعادة البيع

التوكيل

قطع الغيار ومراكز الخدمه

انا عندى معلومه عن كل عربيه وياريت التوضيح

الفلواينس ما يعيبها سعر اعادة البيع

المازدا قطع غيارها غاليه جدا ومش موجوده

[Eslam.Elrefaey]

انا مش هقولك غير ان انا مجيبش عربية من عند غبور وسيبك بقا من اى حاجة تانية

[tito_1980]

مازدا : ياباني 100 % من عند توكيل عايز الحرق و مش منتشره اصلا يبقي سعر اعاده البيع في الارض و عدم توافر قطع الغيار خارج التوكيل بنسبه كويسه .

فلوانس : فرنساوي تقفيل تركي من عند توكيل زي الفل و شمعه منوره بس تعتبر لسه جديده و مش متجربه و كعاده الاوروبي في مصر قطع غيار غاليه و توكيل اسعاره حراقه و قطع الغيار مش موجوده بره التوكيل .

[dr_radioooooo]

مازدا 3

[sephian]

انا متشكر يا جماعه على الاهتمام بس بالله عليكوا قول رائيك وقولى اختار انهى واحده وياريت توضيح

[ghazy12]

ارجو الافاده يا جماعه فى الاختيار بين مازدا 3 والفلواينس اللى فئتهم تتاروح من 130000 الى 140000 من حيث الشكل

الكماليات

سعر اعادة البيع

التوكيل

قطع الغيار ومراكز الخدمه

انا عندى معلومه عن كل عربيه وياريت التوضيح

الفلواينس ما يعيبها سعر اعادة البيع

المازدا قطع غيارها غاليه جدا ومش موجوده

رداً على اسئلتك, و في حدود الفئه اللي ذكرتها...

الكماليات: الفلوينس هتكون أفضل في الفئه دي و كمالياتها اكتر ( فئة الــ140 ألف )

سعر اعادة البيع: الاتنين بيخسروا زي بعض اظن, لكن المازدا 3 اقل شويه من الفلوينس...

التوكيل: رينووووو طبعاً... افضل اكييييييد من غبور و بمراحل

قطع الغيار و مراكز الخدمه: رينو بردو أفضل... لكن قطع غيار رينو غاليه نسبياً, بس معمره

انا ممكن افضل المازدا 3 عن الفلوينس في نقطة نظام التعليق الخلفي, لكن ده في حالة ان
المازدا 3 تكون هاي لاين بصراحه, علشان العربيه Package مش حاجه واحده تعجبك و بس,
لكن غير كده الرينو فلوينس تتفوق في الفئه دي و بجداره و خصوصاً ان شكلها مميز و شيك...

ده رأي الشخصي, و ربنـا يوفقك للخيــر ان شاء الله...

تحيــاتي...

[mando_07]

if i were u i will go for mazda 3

[tarekway]

if i were u i will go for mazda 3

يا ريت توضحلى اختيارك

[محمد عز]

الوسع الداخلى وبالذات الكنبة اللى ورا لصالح الفلوينس

الشنطة فى الفلوينس أوسع

لكن....

صالون المازدا 3 والتابلوه أجمل وأشيك

اعتمادية المواد المستخدمة فى المازدا 3 اعلى يعنى صعب تلاقى حاجة قشرت فى المازدا ، لكن فى الفلوينس ممكن الطارة او ايد الباب تقشر

الاختيار صعب....

لكن لو عربيه شبابية وعائلة صغيرة يبقى مازدا 3

لو عربيه عائلية يبقى فلوينس

ومتنساش الاستخارة وانك تروح تتفرج على العربيتين وتفليهم حتة حتة

كنت أحب افيدك فى موضوع سعر قطع الغيار وسعر اعادة البيع ومعاملة التوكيل لكن مافيش تجربة شخصية احكى عنها

[zoroisill]

السلام عليكم ورحمة الله

أهلان بيك

أنا معايا مازدا 3 موديل 2011 هاى لاين

لو مكانك هشترى الفلوانس لسبب واحد بس أن المازدا البيزيك لاين مفهاش حاجة

[boody_hb]

انا بأه هاقولك حاجه تالته ممكن تتشتت بس مش مشكله محدش هايجبرك والقرار قرارك
نيسان بلو بيرد سيلفي برقبة الاتنين
نيسان معروفه وياباني تقفيل صيني بس تقفيل عالي الجوده اهم مميزاتها الرحابه والفخامه
بجد عربيه محترمه وتستاهل انك تبص عليها قبل ماتشتريها
انا ولله الحمد جبت 2010 بقالها معاية 8 شهور تقريبا ومندمتش على الاطلاق

[sab3aawy]

الفلينوانس موتورها -وشاسيهها ايضا- من نيسان وبالتالى لا اتوقع انه يكون بتعقيد ورخامة المواتير الفرنساوى المعتادة فى رينو ، يعنى تقدر تعتبرها رينو يابانى :)))))
وعلى هذا هتبقى قريبة من المازدا فى كل النقاط الأساسية لكن هتتفوق عليها فى حتة التوكيل، يبقى كفة الفليوانس ترجح

[Hegazio]

احب اعقم .. قصدي اعقب علي الأخ العضو
فعلا ممكن تعتبر الفلونس فرنسية بنكهة يابانية . بس مش الموتور لأ ( في مصر ).. رينوهاوي أصيـــل و ليس لنيسان يد فيه
التانية الفلونس بتاعة مصنع سامسونج كوريا
نيسان ليها يد في الشاسية و التكييف

[blazer]

فلونس:
اوسع بكتييييير
اشيك وبرستيج
شكل احدث