معايا من 24 الى 28 الف ومحتااااااااااااااااااار

[al_manara]

ياباشا شكرا للرد وايه رايك فى السويفت عيوبها ومميزتها كمان الستروين معلش هتعبك معايا

مفيش تعب خالص . احنا كلنا هنا عشان نساعد بعض
راجع المواضيع دي

http://www.nilemotors.net/Nile/77427-a.html

http://www.nilemotors.net/Nile/97088-a-3.html

هي ارخم حاجة في السويفت انها ضيقة اوي والمواضيع الي فوق هتلاقي فيها عيوبها .
اما الستروين معرفش عيوبها . بس هي عربية مش منتشرة فالطبيعي بتاع كدة قطع الغيار مش هاتلاقيها في كل حتة والصنايعي الي بيشتغل فيها مش هايكون اي حد .

إبيزا موديل 2000 مثلاً

ودة اختيار كمان بس اظنها هاتكون 94 مش 2000
وهي عربية حلوة

[sab3aawy]

مش معنى انك كنت راكب 127 ان الفيات وحش، معناه ببساطة ان العربية اللى كانت معاك وحشة او مستهلكة، لكن الفيات ميختلفش حاجة عن الكورى اللى انت بتدور فيه،
اهم حاجة فى المستعمل القديم انك تشترى حالة نضيفة ، اهم بكتير من ماركة العربية طالما اننا بنتكلم فى مجموعة من الماركات المنتشرة ،الاكسيل مش سهل انك تلاقى حالة نضيفة لأن احدث عربية اكسيل عمرها النهاردة 14 سنة، فى رأييى ان فرصه انك تلاقى كيا برايد نضيفة اسهل بكتير من فرصة انك تلاقى اكسيل نضيفة، لأن لو وقعت فى عربية اكسيل تعبانة اوعى تتخيل للحظة انها هتكون اريح من ال 127، ياما ناس اتخدعت الخدعة دى واعتقدت ان الفيات وحش لمجرد انه فيات وباعوه واشترو اول اكسيل قابلوها وشافوا ايام اسود من قرن الخروب، اهم حاجة فى العربية اللى تشتريها الحالة، مش مجرد ان اسمها هيونداى او كيا او سوزوكى هيحل مشاكل حياتك، لو لقيت برايد نضيفة متقولش هاتش باك واشترى، ولو لقيت اكسيل نضيفة متقولش اصل سبعاوى قال لى متشتريش اكسيل، ولو لقيت سويفت نضيفة توكل على الله وشيل وان فاتك اليابانى مش هيرجع تانى، وحتى لو لقيت شاهين نضيفة اوعى تقول الفيات وحش، العربيات فى عمر من 15 الى 20 سنة الحالة اهم مليون مرة من اسم الشركة الصانعة طالما اننا بنتكلم فى عربيات كلها منتشرة وكلها قطع غيارها سهلة وكلها متقاربة فى مستوى الجودة

[slow_song]

مش معنى انك كنت راكب 127 ان الفيات وحش، معناه ببساطة ان العربية اللى كانت معاك وحشة او مستهلكة، لكن الفيات ميختلفش حاجة عن الكورى اللى انت بتدور فيه،
اهم حاجة فى المستعمل القديم انك تشترى حالة نضيفة ، اهم بكتير من ماركة العربية طالما اننا بنتكلم فى مجموعة من الماركات المنتشرة ،الاكسيل مش سهل انك تلاقى حالة نضيفة لأن احدث عربية اكسيل عمرها النهاردة 14 سنة، فى رأييى ان فرصه انك تلاقى كيا برايد نضيفة اسهل بكتير من فرصة انك تلاقى اكسيل نضيفة، لأن لو وقعت فى عربية اكسيل تعبانة اوعى تتخيل للحظة انها هتكون اريح من ال 127، ياما ناس اتخدعت الخدعة دى واعتقدت ان الفيات وحش لمجرد انه فيات وباعوه واشترو اول اكسيل قابلوها وشافوا ايام اسود من قرن الخروب، اهم حاجة فى العربية اللى تشتريها الحالة، مش مجرد ان اسمها هيونداى او كيا او سوزوكى هيحل مشاكل حياتك، لو لقيت برايد نضيفة متقولش هاتش باك واشترى، ولو لقيت اكسيل نضيفة متقولش اصل سبعاوى قال لى متشتريش اكسيل، ولو لقيت سويفت نضيفة توكل على الله وشيل وان فاتك اليابانى مش هيرجع تانى، وحتى لو لقيت شاهين نضيفة اوعى تقول الفيات وحش، العربيات فى عمر من 15 الى 20 سنة الحالة اهم مليون مرة من اسم الشركة الصانعة طالما اننا بنتكلم فى عربيات كلها منتشرة وكلها قطع غيارها سهلة وكلها متقاربة فى مستوى الجودة

انا معاك يا سبعاوى بس انا كرهت الفيات فعلا مش عشان عربيتى وحشة صدقنى انا عربيتى كانت كويسة جدا كمان صحابى معاهم فيات وكويسة جدا لكن العربية مفيهاش اوبشن كمان العربيات دى كنب وعافشة بتحسسك بكل ظلطة ماشى عليها مهما كنت مجدد عفشتك , ومعاك جدا ان اهم حاجة فى العربية حالتها بس احيانا بتلاقى حاجات حالتها ممتازة بس بيحكمك قطع الغيار او مشاكل الصيانه زى مثلا فورد عربية ممتازة و معظم اللى موجود حالته كويسة جدا بس قطع غيار غالية ناااااااااااااار فالواحد لازم يسأل ويعرف علشان ميدبس

[أحمد الجندى]

شوف كده الكيا برايد فيه منها بتكييف
واللينك ده للتفصيل

http://www.nilemotors.net/Nile/211218-a.html

[mohamed9999]

انا شايف الكيا برايد سيدان اختيار كويس