35- 40 الف يجيبوا ايه اوتوماتيك ياشباب

[FunnyMickey]

طبعا الكلام باين
عمي باع عربيته كان معاه ريجاتا موديل 85
وعاوز يجيب حاجه اوتوماتيك
المبلغ المتوفر 35 الف جنيه وممكن يبقوا 40 بس الافضل رينج 35 الف
هل ممكن يلاقي حاجه نضيفه بالسعر ده
علما بان الريجاتا طلعت عينه في الصيانه وصرف عليها كتير اوي
فهوا عاوز حاجه تريحه
وشكرا

[tito_1980]

في عربيات بالهبل بالميزانيه دي حدد متطلبات عمك ايه
بالنسبه ليا هجيب لانسر موديل 91 : 94 و انسي

[FunnyMickey]

ولا يفرق معاه المتطلبات
هوا عاوز اوتوماتيك وعربيه متقرفوش في الصيانه بقي والعك ده
بس كده
البطه قديمه اوي وقطع غيارها غلسه
مش زي الكريستاله

[elpasha1]

هيونداى اكسبل مو 98 1500 cc اوتوماتيك فى حدود 38.000
دايو لانوس مو 99 اوتوماتيك 1500 cc فى حدود 40.000 وبالكتير 41.000

[Kareem.ElAraby]

Hyundai Accent 1.5 AUTO مستريح أوى و قطع غيارها قربت تتباع في السوبر ماركت

[FunnyMickey]

هوا فعلا معروض عليه اكسنت
بس انا جربتها قبل كده الباور بتاعها تقيل اوي

[Kareem.ElAraby]

يا راجل يا طيب الباور بتاعها تقيل
هو انا عمري ما قلت عليها كده غير لما سوقت الالنترا بس الالنترا كهربا و ال 1.5 زيت
ممكن تكون كانت متبهدله بس اللي انت جربتها أو كانت محتاجه الزيت يتزاود بتاع الباور
بس انا راي اتعب شويه و لف لغايه لما تلاقي واحده مش متهانه و حالتها حلوه و يا حبذا لو 1.5 فابريقه يعني الباور نازل فيها ستوك

[heshamzaky]

ال كيا الحمامة الى هية السيدان حا تبقى اقل من المبلغ المرصود و يظبط فيها كل حاجة ناقصة و يروقها كمان بالمبلغ دة

[FunnyMickey]

دي شكلها ايه الكيا الحمامه دي ياباشا

[heshamzaky]

هى دى أكيد عارفها

[sab3aawy]

افضل حاجة اوتو فى الرينج ده هى الأكسنت
فيه لانوس بس انت وحظك بالنسبة للفتيس

[Haitham10]

الاكسنت كويسة بس واطية وصاجها خفيف جدا (جدا) من اقل ترييحة هتتبعجر .. وبرضه مش مريحه فصياناتها خصوصا هتبقي تسعينات انا جربتها قبل كدة ....... عموما قدامه يزود شوية ويجيب كريستاله يا صبحي او تخليه يجيب كولت وهي عباره عن نسخه من الكريستاله بس هاتش باك واعتقد ان الكريستاله كانت المفترض تكون هاتش باك لضيقها بصراحة

[elpasha1]

افضل حاجة اوتو فى الرينج ده هى الأكسنت
فيه لانوس بس انت وحظك بالنسبة للفتيس

يا باشا انا معايا لانوس اوتوماتيك
لو لقيت العربية توكل على الله ومتقلقش من موضوع الفتيس لو طلع فية حاجة شيلة وهات واحد استيراد
الفتيس كلة بـ 700 جنية ولما يبقى ضاحك عليك بيبقى بـ 900 جنية
لكن اللى انا عاوز اقولة ان فتيس اللانوس بيبان اذا كان فية عيب لا لا بمعنى انه بياخد غياراته مستريحة ولا لا ... زرار الاوفر درايف شغال ولا لا , بينور فى التابلوة وحاسس بي ولا لا ... نقلاتة فى مواعيدها ولا لا

[FunnyMickey]

الاكسنت كويسة بس واطية وصاجها خفيف جدا (جدا) من اقل ترييحة هتتبعجر .. وبرضه مش مريحه فصياناتها خصوصا هتبقي تسعينات انا جربتها قبل كدة ....... عموما قدامه يزود شوية ويجيب كريستاله يا صبحي او تخليه يجيب كولت وهي عباره عن نسخه من الكريستاله بس هاتش باك واعتقد ان الكريستاله كانت المفترض تكون هاتش باك لضيقها بصراحة

بس ياهيثم وخليك في المكواه بتاعتك
قال ضيقها قال
ده انا حطيت فيها النجف بتاع الشقه كله 4 نحفات وامي ومراتي
يامفتري
انتا بس اللي تلاقيك بكرش فمش عارف تقعد فيها
عمي مش حينفعه هاتش باك
معاه 3 بنات ومراته وهوا
ده غير انه تاجر رخام بقي
وانتا فاهم
ميمنعش رخامه كده
مش عارف ايه كده
صنايعيه
شق التعبان
فانتا فاهم
عاوزين عربيه حماله اسيه وتشقي وعفشتها تبقي حلوه
هوا معروض عليه اكسنت فعلا
بس كلامك ده خوفني

يا باشا انا معايا لانوس اوتوماتيك
لو لقيت العربية توكل على الله ومتقلقش من موضوع الفتيس لو طلع فية حاجة شيلة وهات واحد استيراد
الفتيس كلة بـ 700 جنية ولما يبقى ضاحك عليك بيبقى بـ 900 جنية
لكن اللى انا عاوز اقولة ان فتيس اللانوس بيبان اذا كان فية عيب لا لا بمعنى انه بياخد غياراته مستريحة ولا لا ... زرار الاوفر درايف شغال ولا لا , بينور فى التابلوة وحاسس بي ولا لا ... نقلاتة فى مواعيدها ولا لا

اللانوس عربيه جميله واعتماديه
بس اخبار العفشه وقطع الغيار والحاجات دي ايه