318 ولا باسات؟

[yoko]

عايز مقارنة في كل حاجة حتى السعر الباسات الهاي لاين ولا ال٣١٨
ومحدش يطلع براهم لإن الشركة محدد ما بن الإتنين دول ومعاهم ال٣١٦ (طبعا طلعت ال٣١٦ من الحسابات)
* الي هيجيب العربيه مدير مالي في شركة كبيرة وعربياته الي قبل كده ميجان ٢٠٠٨ واسترا ٢٠٠٤.
إيه الإختيار الأمثل ليه
أنا رأي ال٣١٨ وبعدها الباسات وفي الأخر ال٣١٦ بس الفكرة إن ال٣١٨ مش هتبقى الهاي لاين ﻷ هتبقى الي سعره قريب من الباسات (معرفش كماليات حتى)

[tito_1980]

Bmw لا يعلي عليه طبعا

[Eslam.Elrefaey]

الباسات الشكل الجديد شكلها مش حلو

[shaddadfalcon1]

ال 318 احلي واشيك وامتع حتي لو مفيهاش كماليات خالص
حتي لو مفيهاش عجل برده احلي

الباسات الجديده شكلها بالنسبه ليا سيء جدا
لاهي اللي بقت باسات ولا هي اللي شبه الجولف عامله زي اللي .... علي السلم

[islam_audi]

بالنسبه لواحد مدير الباسات اكيد كامله افضل من بى ام فاضيه و انا شفت مديرين كتير راكبين باسات او الفئه الخامسه لكن بالنسبه لشاب البى ام اداء من الاخر

[yasserelsayad]

باسات اكيد يعنى
كل ميزة الـ 318 فى الثبات بس لكن الباسات الجديدة اسرع وفتيس وموتور بتكنولوجيا جديدة احسن من البى ام
وافخم وابشنز اعلى واوسع وزينون وفتحة سقف وكل حاجة يعنى

[ghazy12]

نقارن الأول بشكل مفصل قدر المستطاع...

موتور...

باسات: 1400سي سي, 122حصان/5000 rpm, عزم 200ن.م/1500 rpm

الــ318: 2000سي سي, 136حصان/5750 rpm, عزم 180 ن.م/3250 rpm

جيربوكس...

باسات: 7 سرعات dsg
318: اوتو 6 سرعات

نظام الدفع...

باسات: جر امامي
318: دفع خلفي

التسارع من 0 - 100 كم...

باسات: في 10.3 ثانيه
318: في 10.8 ثانيه

استهلاك البنزين...

باسات: داخل المدينه 7.3 لتر/100كم
318: داخل المدينه 11.1 لتر/100كم

الوزن...

باسات: وزنها 1473 كجم
318: وزنها 1465 كجم

المساحه الداخليه...

بدون مقارنه الباسات اكبر طبعاً

الكماليات...

بدون مقارنه الباسات اكتر بكتيير طبعاً

الشياكه و الشكل و البريستيج...

اذواق... لكن رأي الباسات طبعاً و خصوصاً لشخص بالمواصفات دي

رأي الشخصي ان الباسات افضل و مناسبه اكتر من كل النواحي
و لو الباسات الجديده يبقى احسن و احسن طبعاً لانها تحفه فنيه بجد

على فكره الباسات الجديده واخده من الفيتون كتيييييير مش من الجولف و الجيتا...

و انا بنفسي شفت باسات الشكل الجديد ملاكي في شارع مصدق من يومين

لو البي ام كانت 320... كنت قلتلك البي ام افضل على فكره

لكن مع الـ318... يبقى بـاسـات طبعـاً

يا رب اكون قدرت افيدك... تحيــاتي يا هندسه

[Hegazio]

طبعا الناس دي بتتكلم في فئة سعرية مش ثابته
316 = باسات في السعر تقريبا
318 اعلي في السعر و اقل في بعض الامكانيات
و فيه سؤال مهم .. هل السيارة حتتملك بعد فترة معينة ؟ لو كده يبقي ال 318 تكسب فلوس
غير كده لو سيارة الشركة .. طبعا الباسات هاي لاين افضل في كل شيء

[CryptonX]

مدير = باسات

خصوصا لو واحد مش فاهم افي العربيات مش حيفرق معاه اي حاجة غير وسع و شياكة داخلية و عزل ممتاز و محرك جيد .

[yoko]

thx all i will tell him
and it will be owned by him from the first day not even after 4 years

sorry for writing in english but i have problem with the lap and just formated it

[د.محمود صلاح]

مقارنة محيرة فعلا

[omar-saad]

ال318 افضل
هاندلينج اعلى برستيج وفخامة
دا غير الاعتمادية العاية بسبب الفتيس الdsg والبنزين ال95
اللى عاملين مشاكل فى الباسات

[eldell]

ال318 انا بشوفها اشيك من الباسات

[party_0000]

ليه مش 320 كسر زيرو من الوكيل مباشره حتا لو موديل سنه فاتت هتبقا نفس الرينج وتكسب لا باسات ولا 318
انا رايي ال 318 عربيه فقيره بس دلوقتي تنقص عن ال 320 فتحه السقف ولاابنوس والكام حصان اللي في الموتور
بس مازال ليه اجيب حاجه غاليه لما ممكن اجيب بسعرها امكانيا اعلى زماشيه مفيش ومن التوكيل
وبعدين مين اللي قال ان الباسات عربيه مديرين ؟؟ يعني بتتقاس من اي زاويه ؟ اي عربيه شيك ممكن تكون عربيه مدير او غفير :(

[horas3000]

أنا رأي الباسات
البق للمنصب غير ان البي ام فضلها سيكه و شكلها هيتغير