New Accent At. vs Aveo At.

[etsh1413202]

السلام عليكم ورحمة الله وبركاته

يا رب تكونوا بخير ان شاء الله .... المهم انا عايز مقارنه سريعه كده بين النيو اكسنت اوتوماتيك ..(مش سبورت ولا rb)
وبين الشيفرولية الافيو اوتوماتيك برده من حيث

1- الثبات على السرعات العاليه يعنى بعد 160
2- اسعار قطع الغيار وتوافرها
3- قوه الموتور والتسارع
4- الوسع الداخلي وخصوصا كرسي السواق لانى برجع الكرسى على الاخر خالص والظهر نص كده فا الى ورايا مستحيل يقعد مرتاح في اغلب السيارات الى ركبتها من اوى اللانوس والفيرنا والنيسان والاوبترا والجيتا والفيكترا
5- السعر حاليا؟

واكون شاكر جدا ليكوا

[tito_1980]

1- الثبات على السرعات العاليه يعنى بعد 160

الاتنين في الضياع بعد ال 120 عن تجارب قياده فعليه

2- اسعار قطع الغيار وتوافرها

غالين نسبيا و موجودين بره التوكيل بس مش مرمين في كل حته زي اللانوس و الفيرنا

3- قوه الموتور والتسارع

العربيين بيجمعوا بسرعه و بيجروا مفيش مشاكل بس الفرامل ضايعه

4- الوسع الداخلي وخصوصا كرسي السواق لانى برجع الكرسى على الاخر خالص والظهر نص كده فا الى ورايا مستحيل يقعد مرتاح في اغلب السيارات الى ركبتها

مجربتش اعد ورا الصراحه في العربتين بس اعتقد ان صالونهم واسع الي حد كبير

5- السعر حاليا؟

الافيو الاوتو كامله ب 87500 جنيه و الاكسنت الاوتو كامله ب 91500 جنيه

في النهايه احب اقول بلاش من الافيو لان كلها عيوب تصنيع و الاكسنت برقبتها و طالما ميزانيك تجيب ال 90000 جنيه يبقي تشوف عربيه تانيه تكون ياباني حتي لو يوزد موديل حديث

[etsh1413202]

اجيب ايه طيب بالسعر ده (غير النيسان) عشان انا حافظها وزهقان منها
وشكرا لاهتمامك

[tito_1980]

افضل اختيار لانسر بومه موديل 2008 او 2009

[tarekmomo]

النيو اكسنت افضل بكتييير وماتورها اقوى الافيو اسمع ان فيها مشاكل

[mohamedgamall]

دة فى موضوع فى قسم شيفورلية عن مشاكل الافيو و الناس كلها فى الموضوع دة من ملاك العربية بس يعنى عن تجارب فعلية مش فتى

[memo823000]

افضل اختيار نيو اكسنت بس لازم تغير مقاس الكوتش وتخليه 15 وطبعا بريدجستون (يابانى) هتتفادى فى العربيه دى حاجتين معروفين عمها
العشه الناشفه والتنطيت والفرامل

متوقعلك سيراتو بحاله كويسه اتوماتيك وتكون عامله كيلوهات قليلة واكشف عليها فى التوكيل ويكون صاحبها عامل صياناتها فى التوكيل وفى مواعيدها المظبوطه

وانت الكسبان فى الاتى

هتركب عربيه فئه اكبر - ثبات وموتور افضل واحدث من النيو اكسنت - قطع غيار افضل لان الانتشار افضل بكتييييير - توكيل افضل
وبرده سعر اعدة بيع افضل

وشكل افضل بكتير

وربنا يوفقك لما فيه الخير

[etsh1413202]

مفيش حد تانى يفيدنى برأيه

[mohamednagib]

اعتقد مفيش غير كده الا النيسان ( اللي انت زهقان منها ) و الجين 2

[Ra2ouf]

مالها ال rb ؟ أنا شايف أن شكلها أحلى بكتييييييييييييييييييييييير من ال أكسنت العادية

[د.اشرف هنداوى]

جين 2 ب 93000