فيرنا ولا اسبرنزا

[world_of_kill]

لو سمحت انا داخل علي مشروع اني حجيب تاكسي و دلوقتي انا من محافظه المنوفيه يعني هيه كلها علي بعضها تجبها من اولها لي اخرها في ربع ساعه و مينفعش الواحد يعدي سرعه ال 60 جوا البلد عشان ياما الشارع زحمه يا اما الشارع اصلا مش طويل و الطرق مكسره برضو عندنا زي بقيت الجمهوريه كالعاده

دلوقتي قدامي اختيارين اسبرانزا = واسعه - ثبات - كماليات كتير بالمقارنه بالفرنا - عاليه - بس لو حبيت ابيع ممكن اخسر اكتر من 10 الاف

الاختيار التاني دلوقتي فيرنا =ديقه - قله ثبات دا عشان الجنط ال 13 و دا ممكن اجيب جنط تاني 15 للفيرنا عادي مفيش مشاكل - فرامل ضعيفه - اني لو حبيت ابيع في اي وقت حعرف مخسرش اكتر من الفين تلاته

دلوقتي انا كل اللي يهمني عربيه حلو يعني مقايسي
قطع غيار متوفره الاتنين منتشرين عندنا + ان الاتنين رخيص في قطع الغيار - الاتنين ميكانيكيه بيشتغلو فيهم عندنا - مش ححدث او افكر في البيع قبل 16 سنه لان القانون مدي 20 سنه للأجره و احتمال كبير اجيب مستعمل 2007 - 2008

انا عاوز حاجه كل اللي اعرفو دلوقتي هل حكايه الثبات دي لما اجيب جنط 15 حيتعدل هل الفيرنا تستاهل كعربيه فككو من حكايه صيني و كوري مش حيفرق معايا هل ينفع احط ليها 80 او اخلط 80 علي 90 و مش حيضر المكنه و محدش يقولي غار انا مش عايز اقصف عمر العربيه بدري

هل في مشاكل للفرنا غير موضوع الثبات و الفرامل دا ؟؟

دلوقتي برضو حجيب 2 سواقين هل العربيه حتستحمل رجلين مختلفين علي العربيه

و شكرا جزيلا

[Ashraf_Ibrahim]

جنط 15 مع فيرنا وتاكسي كمان صعب جدا
هتحك معاك !
وبعدين انت بتتكلم على المنوفية وسرعة 60 كم بحسب كلامك
ثبات الفيرنا لحد 110 كويس جدا دا لو انت لوحدك ولو معاك ناس لحد 130 و 140 زي الفل
متقلقش من حكاية الثبات يعني
الفرامل مش سيئة اوي يعني زي مانت متخيل
انا مشي بيها وفراملها زي الفل والله

[samirsaid1]

على فكرة انا ركبت الفيرنا وجبت بيها 160 وعادى مش وحشة زى ماحضرتك متخيل

[world_of_kill]

المشكله اني اخر مره ركبت فيرنا كانت بترقص عند ال 100 - 120
طب لو جنط جنط 14 ايه الكلام ؟؟

[mudengineer]

اسبيرانزا احسن

[tameraast]

جنط 15 مع فيرنا وتاكسي كمان صعب جدا
هتحك معاك !
وبعدين انت بتتكلم على المنوفية وسرعة 60 كم بحسب كلامك
ثبات الفيرنا لحد 110 كويس جدا دا لو انت لوحدك ولو معاك ناس لحد 130 و 140 زي الفل
متقلقش من حكاية الثبات يعني
الفرامل مش سيئة اوي يعني زي مانت متخيل
انا مشي بيها وفراملها زي الفل والله

تاخد 15 عادى

الفرامل سيئه جداااااا

[tameraast]

على فكرة انا ركبت الفيرنا وجبت بيها 160 وعادى مش وحشة زى ماحضرتك متخيل

بالمقارنه مع القديم لو بعربيات نفس سنه الانتاج و الفئه اسوأ بمراحل

[viper66]

ركب كاوتش محترم بس و الفرامل هتبقى كويسة بس مش هتوقفك من 200 يعني

[world_of_kill]

استقريت علي فيرنا بعد لف و سؤال علي قطع الغيار و الارخص و كدا كدا مش حيفرق الكماليات لانها الزبون بيركب 5 دقايق و ينزل شكرا جزيلا لمساعدتكم

[viper66]

بالمقارنه مع القديم لو بعربيات نفس سنه الانتاج و الفئه اسوأ بمراحل

سنة الإنتاج : المفروض ان الموديل ده اكسنت 2005
الفئة دي فيها لانوس و سبيرانزا 516 و ساجا و لوجان
انا شايف الفيرنا احسن من لانوس و سبيرانزا في الفرامل و اعتقد الساجا و اللوجان احسن

ولا انت قارنت بأية ؟

[mhassan9]

أسمحولي أقول رأيي وعن تجربة
الفيرنا الثبات بيتحسن جدا بجنط ١٤ كمان ومن غير مشاكل حك ولا غيره
الكوتش النضيف بيفرق مووت في الفرامل عن الكوتش النسر مع العم أني مشيت بالنسر والجنوط الحديد ٥٠٠٠٠ كيلو عشان كدا حسيت بالفرق
الأهم من دا كله أنك تتعود علي فرامل الفيرنا وتعرف توقف العربيه إزاي....يعني لا تكبس جامد فتكسح منك وتلبس ولا تمسك خفيف فماتقفش
لازم رجلك تاخد عليها وتفرمل من غير ما تمور لو بتجري وهتبقي كويسه إن شاء الله

[bero0o0o0]

هي الفكرة بس ان حضرتك بتقول 16 سنة!!!!!!!!!!!!!!!
اكيد لو عايز حاجة تعد معايا 16 سنة مش هجيبها صيني
انا عارف انك في اول الموضوع قلت مش فارق معاك بس لازم تاخد بالك من الحكاية دي
و ربنا يوفقك