صني ولا سيراتو ارجو الافادة بجد

[akmall]

اخواني عاوز بجد اشتري بس محتار

نيسان صني ex اتوماتيك اللي ب 90 من غير abs

ولا سيراتو ex تاني فئة اتوماتيك اللب ب 118000 من الوكيل من غير abs بردوا

ارجو الافادة وسبب التفضيل اذا سمحتم واكون شاكر

[tito_1980]

مش عارف بصراحه
بص علي تقفيل الصني لو عجبك و قعده العربيه نفسها مريحه بالنسبه ليك يبقي توكل علي الله فيها غير كده يبقي السيراتو و برضه اقعد جواها و حاول تعملها تست داريف عشان تجرب نظام التعليق بتاعها عشان ناشف جدا و يقطم الوسط ده عن نفسي ... غير كده توكيل السيراتو افضل من الصني

[yoko]

نصيحة يا تجيب عربيه بمواصفات أمان عدلة يا متجبش

[ahmad--ezzat]

نصيحة يا تجيب عربيه بمواصفات أمان عدلة يا متجبش

الاتــنــين مواصفات امان عدله

وانا رايى السيراتو افضل

[yoko]

الاتــنــين مواصفات امان عدله

وانا رايى السيراتو افضل

غحنا هنهزر ونعمل زي البياعين وشوف واخده في أوروبا كام
والعربيه من غير abs الي هو أقل أقل أقل أقل أقل مواصفات الأمان!!!!

[mohamedbook]

اعتقد ان المقارنة مش نافعة صني من غير abs تمن 90 الف او سيراتوا من غير abs ب 118 فارق السعر 28الف
لو علي الحالة دي الصني تكسب بدون منافس وانت اولي ب 28الف بما ان الامكانيات واحدة

[omar-saad]

النيسان صفقة رابحة جدا
فرق الفلوس مش شوية
ثانية انتا الاحسنلك تجيب واحدة سوبر صالون فيها كل الكماليات وارخص برضة 18 الف ج!
وغير ان النيسان اثبت فعليا من السيراتو

[SonaSteel]

السلام عليكم
بص ادام انت بصيت للصني يبقي ممكن تفكر فيها
ودام عايز اوتو
يبقي هات الاوتو الكاملة بالABS ... هي دلوقتي ب93000 واحتمال تغلي 2000 =95000
ساعتها بقي لو السوبر صالون غليت خليك في الEx
لو السوبر صالون زي ما هي ارشحهالك ... او الهاي لاين .... ومتنساش ان موضوع التتوكيل بيفرق من واحد للتاني
يعني ممكن واحد يشتري عربية علشان توكيلها بس .... وفي حد تاني مش فارقة معاه التوكيل
وبفضل الله توكيل نيسان من افضل التوكيلات في مصر .... ربنا يدمها نعمة
بالنسبة للسيراتو ... لا ثبات ولا عوامل امان ... واغلي بقرق 20000 تقريبا
وفي الاخر متنساش الاستخارة
وربنا ييسرلك الخير
واقعد بالعافية

[zahaan]

بص ياباشا انا معايا سيراتو بس كامله بفتحه سقف كمان و اى بى اس و اى بى دى و كل حاجه و ابن خالى معاه صنى سوبر صالون و احنا شغالين مع بعض فعلطول عربيتى معاه و عربيته معايا يعنى معايا الاتنين و اقدر احكم هو من ناحيه الفخامه و الشكل الداخلى و الخارجى و التقفيل و الامكانيات السيراتو تكسب باكتساح و بالنسبه للثبات و الشد و الغرز و الجرى متقاربين جدا اما بالنسبه للعفشه فالصنى افضل علشان السيراتو ناشفه حبتيين يعنى بالمختصر لو فرق الفلوس حيفرق معاك هات الصنى السوبر و هى تمام بس مش بتديك احساس الفخامه لانك بتحس انها كلاسيك جدا انما لو مش حيفرق توكل على الله وهات السيراتو بس راى بدل ما تضحى بمواصفات الامان علشان تجيبها وكيل تضحى بالوكيل و تشترى خليجى و ب118 حتجيب حاجه خليجى جااااااااااااااااااااااااااامده جدا و فيها كل حاجه و ربنا بوفقك للى فيه الخير

[sab3aawy]

السيراتو ميزتها الأساسية الجيربوكس لو كانت ال 6 نقلات لأنه انعم من الصنى، فيما عدا ذلك الميكانيكا متفرقش كتير، لكن السيراتو طبعا شكلها احدث من جوة ومن برة ، لكن الصنى -وهنا بتكلم عن السوبر صالون الكاملة اللى انصحك تجيبها بدلا من الأوتو اللى مش كاملة- بأمان اكتر(2 اير باج و ايه بى اس وإى بى دى وستابيلايزر امامى وخلفى)

طالما الموضوع مش فارق فىالميكانيكا والصنى فيها وسائل امان اكتر كما انها ارخص بشكل واضح(النسخة الكاملة سوبر صالون ب 103) يبقى لو مش هامك الشكل ويهمك الامان والفلوس هات الصنى، ولو يهمك الشكل اكتر هات السيراتو