احسن عربية ب 45-55 الف ؟!

[diablo1231]

السلام عليكم
يا رجالة انا بفكر اجيب عربية بالسعر ده تقريبا المستعمل هيبقا احسن كتير , في دماغي كذا عربية عايز رأيكم فيها او ممكن لو حد عنده عربية كويسة ,

1- لانوس .
2- نوبيرا .
3- سيفيك تسعينات .
4- كريستالة .

شكرا !!

[Bonanza]

كريستالة
سيفيك
و ممكن اوبل فيكترا

[elshorbagy]

كريستالة
وسيفيك
شوف البروتون ويرا 2004-2005 هاتكون في حدود 40000 ل 45000 حسب الحالة.

و ممكن تزود شوية وتشوف بروتون ساجا جديدة في حدود 65000 شوف الناس رأيها ايه فيها في قسم بروتون

[mostafa mahmod]

بص اللانوس و النوبيرا جامدين طبعا و هتجيبهم حالتهم حلوه بالسعر ده

السيفيك قطع غيارها غاليه اوى باستثناء انها عربيه تحفه

الكريستاله مقدرش افيدك بصراحه

و حاجه كمان لازم تحطها فى اعتبارك
احتياجك يعنى بتسافر كتير ولا جوه البلد
اخبار البنزين معاك
عائليه ولا لآ ( سيدان ولا هاتش باك )
اسعار قطع الغيار

فكر فى كل ده و ربنا يوفقك فى الاختيار

[ellhosam]

وممكن كورولا موديل من ( 93 وحتى 2000 )....... وممكن بيجو 405 موديل 95 وطالع

[OmaR_FekrY]

بص كده على ده لو عجبتك http://www.nilemotors.net/Nile/214140-a.html
و على فكره انا مبقولكش الكلام ده علشان عربيتى والهى ولا حاجه بس انا شايفك عايز عربيه فى حدود السعر المطلوب
و فعلا العربيه دى مفيهاش الهواا و انتا هتحس هى قد ايه متميزه من المواصفات الموجوده فى الاعلان .... و بعدين برضو اسمك راكب مرسيدس هههههه لا و تمساحه كمان

[fouaa]

لو عاوز تركب عربيه بمعنى الكلمه هات كرستاله
انا ممكن اقولك سريعا مميزاتها وعيوبها
اولا العيوب
العربيه واطيه نسبيا بس لو بصيت هتلاقيها فنفس مستوى الفيرنا ويمكن كمان المازدا 3 اوطى منها نظرا لان العربيات دول كلهم معانا فالعيله
ده العيب الوحيد وانا قدرت اتلاشاه فعربيتى بانى جبتلها جنوط لانسر بومه حديد مش اسبور مقاس 14 بنفس مقاس الكاوتش بتاع البوما العربيه عليت ومبقتش بتحك فاى مكان نهائى الا لو كان حاجه طبعا عاليه جدا بس
مميزات بقى
شكلها حلو جدا صالونها واسع مش وحش الطابلوه بتاعها شيك عدادات وضحه تكيف تلاجه عفشه مش استهلاكيه تماما عربيه بتاعت سفر وبتاعت شغل جوا البلد قطع الغيار تكاد تكون اقل من متوسطه يعنى اسعارها عاديه جدا وحاجاتها الاصلى متوفره ومش غاليه خالص انا معايا العربيه من 2006 مغيرتلهاش غير اتيال فرامل فقط والجنوط بس

[mohamedkandel]

كريستاله او كورولا 98

[maged]

انا رأئى ان كورى موديل حديث احسن 1000 مرة من يابانى موديل قديم قوى
يعنى 55 الف تجيب نوبيرا 2007 او حتى 2006 حاله شاذه طبعا هتكون افضل من كريستاله موديل 2000

[tito_1980]

1- لانوس .
2- نوبيرا .

مع العربيتين دول هتعمل ابونيه في الحرفيين عن تجربه 7 عربيات دايو ( 3 نوبيرا و 4 لانوس )

3- سيفيك تسعينات .

اختيار ممتاز و بتبقي جامده في التوضيب و قطع غيارها عند البقالين باسعار معقوله و بجوده كويسه

4- كريستالة .

اختيار ممتاز برضه و زيها زي الهوندا بس الهوندا افضل من حيث الاداء و الشكل

[shaddadfalcon1]

ازاي هيعمل ابونيه مع الانوس دي عربيه اعتماديه جدا جدا واعطالها قليله وبصراحه تكاد تكون منعدمه

[tito_1980]

و الله انا كان معايا لانوس و اتنين قرايبي معاهم لانوس و 3 قرايبي تانين معاهم نوبيرا و كنا بتقابل في الحرفيين كل يوم و التاني و محدش يقول ان ال 7 عربيات تعبانين و احنا اللي اتخمينا فيهم و باقي العربيات زي الفل

[start_wow]

بصراحة انا معايا نوبيرا والعربية الحمد لله زي الفل

[فتح الباب]

يابانى فقط حتى لو قديم

[Astra Lover]

فكر كويس في الاوبل ومش حتندم ان شاء الله.