احترت كتير... فيرنا أوتو ولا ساجا أوتو؟؟

[amazingahmed]

أنا قريت كتير عن الفيرنا أوتو و الساجا أوتو و الإتنين فيهم مزايا و عيوب (بالنسبة للسعر لأني عارف أني مش بشتري مرسيدس). و أنا عاوز أختار ما بينهم و محتار آخر 25 حاجة.
فقلت أطلب مقارنة من الناس الحلوة اللي في المنتدى علشان أعرف الدفة هتروح لأنهي عربية.... :b4_592:

[ezzeldin1234]

مبدئيا حط فى اعتبارك ان غبور بدأ يهمل تقفيل الفيرنا وانا بكلمك عن تجربه انا معايا فيرنا 2011 فول اوبشن مانوال لسه شاريها من شهرين بس حاسس فيها بعيوب تقفيل كتير مع ان الموتور ما شاء الله جامد جدا

[adel1212]

نصيحة
لو عايز تتمتع بعربية ابعد عن غبوووووووووووووووور
التوقيع
واحد مش بيسمع النصيحة

[moko_2004]

مع احترامي لكل الأخوة الفرناوية و الموضوع اصلا كان المفروض يبقي في قسم المقارنات بس رأيي الساجا عربية حلو جدا وفي رأيي هي احلي من الفرنا المانيوال ما بالك الأوتو و لكن يعيبها ان قطع غيارها نادرة برة التوكيل و غالية عن اختها الكبيرة الجين 2
بس بيني و بينك قطع غيارها معمرة نسبيا
الفرنا عربية مية المية بس اول ما تجيبها تجنط جنط 15 و تعرض الكاوتش و امشي بعد كدة براحتك و قطع غيارها متوفرة جدا جدا وارخص
من ناحية توفير البنزين الساجا موفرة اكتر لأن موتورها 1300
مع ان الفرنا احسن مثلا من اللانوس في حتت البنزين دي علي حكم انهم الأتنين 1600
هذا هو رأيي و لك حرية الأختيار

[amazingahmed]

أولا أنا متأسف على أن المشاركة مش في قسم المقارنات.
ثانيا أنا متشكر للاهتمام

ثالثا أنا قريت كتير عن الاتنين و عاوز رأيكم....
الساجا: توكيل نص نص و قطع غيار غالية و استهلاك بنزين عالي و ثبات عالي و كماليات أكتر و فتيس متسوبيشي - عربية صناعة ماليزي
الفيرنا: توكيل كويس و قطع غيار رخيصة و أي ميكانيكي يشتغل فيها و استهلاك بنزين نص نص و ثبات قليل و فتيس كوري- عربية صناعة كوري

إذن الساجا تكلفة تشغيلها أعلى و سعرها أرخص و الفيرنا تكلفة تشغيلها منخفضة و سعرها أعلى :b4_592:

يبقى مين الأفضل؟؟؟

[MISS_MONA]

الفيرنا حماله اسيه

[sayed911]

الساجا: توكيل نص نص و قطع غيار غالية و استهلاك بنزين عالي و ثبات عالي و كماليات أكتر و فتيس متسوبيشي - عربية صناعة ماليزي
الفيرنا: توكيل كويس و قطع غيار رخيصة و أي ميكانيكي يشتغل فيها و استهلاك بنزين نص نص و ثبات قليل و فتيس كوري- عربية صناعة كوري

اسمح لي ان اصحح لحضرتك معلومتين ثلاثة ..
التوكيل بتاع بروتون ليس بدرجة سئ ولكن على مقياس من 1 الى 10 يحوز على 7 كفاية دعم التوكيل في آخر وقفة من الكلام وحضرتك لو لفيت لفة في قسم بروتون ها تعرف انا اقصد ايه والمهنس آمر على رأس الناس اللي دائما آذان صاغية للملاك في كل المشاكل وبالذات كمان بعد افتتاح مركز عصام وصفا - انتا مش رايح تعمل صيانة في مركز تبع التوكيل لأ انتا تح انك رايح مركز تابع ليك ملكك ..
قطع الغيار احسبها بطريقة تانية مش بالطريقة دي بصلها منناحية الجين 2 اول ما نزلت مصر .. كانت قطع غيارها كام احنا النهاردة في 2011 قطع غيارها بقت بكام وهكذا .. !!!!
بصلها من ناحية التانية التكنولوجيا عالية طبعا !! بصلها من ناحية وائل الأمان الموجودة في الساجا واللي مأعتقدش انها موجودة في الفيرنا بأي طريقة من ايرباجز ولا دواعم وقضبان فولاذية وارفتاع جيد عن الأرض ونوتور اكثر من ممتاز وقوي وفتيس ياباني معروفة كفائته كثير جدا .. واعقتد حضرتك لو كت حضرت الإيفينت بتاع التوكيل امبارح كان فرق معاك جدا ورجح الكفة الى احد الجانبين ..
صدقني الساجا مكسب فعلا ... انا مش بقولها عشان هيا معايا ولكن فعلا بجد مكسب ...

[smartchoice]

أنا معنديش ساجا و لا فيرنا بس ركبت الفيرنا كتير فى الشغل و ركبت الساجا مرة واحدة و حسيت أن موتورها خشن و صوته عالى بس هيا عالية عن الأرض و مبتحكش كتير زى الفيرنا و الكراسى اللى قدام قاعدتها معقولة
و ربنا يوفقك للى فيه الخير

[M.Alaa92]

لو حضرتك معظم مشاوريك جوة البلد تبقى الفيرنا و عايز عربية بتجرى و متعرفش توقفها لو ختسافر و كدة تبقى الساجا

[amazingahmed]

متشكر متشكر متشكر لكل اللي ردوا. ربنا يكرمكم و يباركلكم
أكيد هاخد الردود في اعتباري و هيكون ليها تأثير كبير في رأيي النهائي

[mememsaid]

نصيحة
لو عايز تتمتع بعربية ابعد عن غبوووووووووووووووور
التوقيع
واحد مش بيسمع النصيحة

11111111111111111+

[mememsaid]

أنا قريت كتير عن الفيرنا أوتو و الساجا أوتو و الإتنين فيهم مزايا و عيوب (بالنسبة للسعر لأني عارف أني مش بشتري مرسيدس). و أنا عاوز أختار ما بينهم و محتار آخر 25 حاجة.
فقلت أطلب مقارنة من الناس الحلوة اللي في المنتدى علشان أعرف الدفة هتروح لأنهي عربية.... :b4_592:

سوري
بس احنا لما بنقارن الفيرنا المانيول بالساجا المانيول الساجا بتكسب فما بالك بقي لما بنقارن الفيرنا الاوتو اللي فيها فتيس اوتوماتيك كوري بالساجا اللي فيها فتيس اوتوماتيك من متسوبيشي

مع احترامي لكل الأخوة الفرناوية و الموضوع اصلا كان المفروض يبقي في قسم المقارنات بس رأيي الساجا عربية حلو جدا وفي رأيي هي احلي من الفرنا المانيوال ما بالك الأوتو و لكن يعيبها ان قطع غيارها نادرة برة التوكيل و غالية عن اختها الكبيرة الجين 2
بس بيني و بينك قطع غيارها معمرة نسبيا
الفرنا عربية مية المية بس اول ما تجيبها تجنط جنط 15 و تعرض الكاوتش و امشي بعد كدة براحتك و قطع غيارها متوفرة جدا جدا وارخص
من ناحية توفير البنزين الساجا موفرة اكتر لأن موتورها 1300
مع ان الفرنا احسن مثلا من اللانوس في حتت البنزين دي علي حكم انهم الأتنين 1600
هذا هو رأيي و لك حرية الأختيار

الساجا قطع غيارها غاليه وده الطبيعي في اي عربيه لسه نازله مصر
استني ععليها لما تنتشر شويه هتشوف قطع غيارها بقت عامله ازاي
ولعلمك بالنسبه لمستهلاكات العربيه ليها بدايل محترمه جدا ارخص بكتير

أولا أنا متأسف على أن المشاركة مش في قسم المقارنات.
ثانيا أنا متشكر للاهتمام

ثالثا أنا قريت كتير عن الاتنين و عاوز رأيكم....
الساجا: توكيل نص نص و قطع غيار غالية و استهلاك بنزين عالي و ثبات عالي و كماليات أكتر و فتيس متسوبيشي - عربية صناعة ماليزي
الفيرنا: توكيل كويس و قطع غيار رخيصة و أي ميكانيكي يشتغل فيها و استهلاك بنزين نص نص و ثبات قليل و فتيس كوري- عربية صناعة كوري

إذن الساجا تكلفة تشغيلها أعلى و سعرها أرخص و الفيرنا تكلفة تشغيلها منخفضة و سعرها أعلى :b4_592:

يبقى مين الأفضل؟؟؟

استهلاك البنزين في الساجا بالرغم انها 1300 زي استهلاك اي عربيه 1600
مع العلم ان متورها ال11300 ده بيديك فس اداء ال1600
ياعني اختصار موتور الساجا ال1300 زي موتور الفيرنا ال1600 استهلاك واداء

الفيرنا حماله اسيه

امال الساجا تبقي ايه؟؟

اسمح لي ان اصحح لحضرتك معلومتين ثلاثة ..
التوكيل بتاع بروتون ليس بدرجة سئ ولكن على مقياس من 1 الى 10 يحوز على 7 كفاية دعم التوكيل في آخر وقفة من الكلام وحضرتك لو لفيت لفة في قسم بروتون ها تعرف انا اقصد ايه والمهنس آمر على رأس الناس اللي دائما آذان صاغية للملاك في كل المشاكل وبالذات كمان بعد افتتاح مركز عصام وصفا - انتا مش رايح تعمل صيانة في مركز تبع التوكيل لأ انتا تح انك رايح مركز تابع ليك ملكك ..
قطع الغيار احسبها بطريقة تانية مش بالطريقة دي بصلها منناحية الجين 2 اول ما نزلت مصر .. كانت قطع غيارها كام احنا النهاردة في 2011 قطع غيارها بقت بكام وهكذا .. !!!!
بصلها من ناحية التانية التكنولوجيا عالية طبعا !! بصلها من ناحية وائل الأمان الموجودة في الساجا واللي مأعتقدش انها موجودة في الفيرنا بأي طريقة من ايرباجز ولا دواعم وقضبان فولاذية وارفتاع جيد عن الأرض ونوتور اكثر من ممتاز وقوي وفتيس ياباني معروفة كفائته كثير جدا .. واعقتد حضرتك لو كت حضرت الإيفينت بتاع التوكيل امبارح كان فرق معاك جدا ورجح الكفة الى احد الجانبين ..
صدقني الساجا مكسب فعلا ... انا مش بقولها عشان هيا معايا ولكن فعلا بجد مكسب ...

ده حقيقي
الساجه قيمه مقابل الفلوس

أنا معنديش ساجا و لا فيرنا بس ركبت الفيرنا كتير فى الشغل و ركبت الساجا مرة واحدة و حسيت أن موتورها خشن و صوته عالى بس هيا عالية عن الأرض و مبتحكش كتير زى الفيرنا و الكراسى اللى قدام قاعدتها معقولة
و ربنا يوفقك للى فيه الخير

صوتها عالي عشان متور رياضي

لو حضرتك معظم مشاوريك جوة البلد تبقى الفيرنا و عايز عربية بتجرى و متعرفش توقفها لو ختسافر و كدة تبقى الساجا

اعد جوه الاتنين وخد قرارك