الدين النصيحة

[xman103666]

ارجو من الاخوة الاعضاء اسداء نصيحة لى عايز اشترى عربية ومعاى فى حدود 35000 عايز عربية تكون اتوماتيك ويريت اعرف ايه العيوب والمزايا لاى نوع تنصحونى بيه ولو فى انواع برضه ومكنش اتوماتيك يرت تدلونى من الاخر انا عايز عربية تكون مريحة فىها ابشنز وتكون قطع غيارها معقوله وتكون كويسه فى القيادة لانى اول مره اشترى عربية
ارجوكم لاتبخلوا على بالنصيحة

[M.Alaa92]

فى هيونداى اكسنت او اكسيل
و الاتنين مانيوال و فيهم اوبشن و قطع الغيار متوفرة بس العيوب صاج ضعيف و الثبات مش اوى بعد 120
و فى سوزوكى سويفت يابانى و فيها اوزبشن و مانيوال
و ممكن لانوس 98 هاف اوبشن ( بس مش متاكد)
ياريت حضرتك تحدد عايزها سيدان ولا هاتش باك و اية استعمالك بالنسبة للعربية

[xman103666]

انا عايزها سيدان او هاتش مش مهم المهم تكون واسعه من جوا ويرت اعرف عن الاتوماتيك انا لسه متعلم سواقه جديد واستخدامى هيبقا محدود للعربية

[xman103666]

ايه يا جماعة فىن اراء اخوانى الخبراء والله محتار فعلا ومحتاج نصيحة لوجه الله

[أحمد الجندى]

عندك الكيا برايد سيدان دى اتوماتيك وفى نفس السعر وممكن بالفصال تنزل فيها الف أو الفين .

[xman103666]

مفيش غير البرايد لى واحد صحبى كان لى مواقف وحشه معاها لو ممكن انواع تانية ويريت مميزات وعيوب كل نوع

[أحمد الجندى]

لو المشاكل عند صاحبك فى الاوتوماتيك فممكن فعلا لان اغلب الكورى فى الاوتوماتيك بيبقى فيه ساعات مشاكل انما لو كان مانيوال فهو بقى اللى نصيبه جه فى حاجة وحشة بس فى المجمل العربية كويسة وصيانتها رخيصة وبتستحمل الشغل الشاق .

[memo823000]

اولا ب 35 الف صعب تلاقى اتوماتيك كويس
طبعا خليك فى المانيوال واى حاجه فى السعر دوت بشرط حالتها كويسه انت اللى هترتاح لان تعويرت المانيوال بتختلف تماما فى تعوبرت التوماتيك
وكمان تتودك وتاخد على المانيوال افضل بكتير من الاتوماتيك
ولما المبلغ يزيد ابقى اشترى اتوماتيك كويسه وان شاء الله لو حملة مقاطعه السيارات نجحت ان شاء الله الاسعار هتنزل وهتركب اللى انت عايزه
طبعا متزعلش منى وفكر فى كلامى لانه راى شخصى ووارد الخطا طبعا
والسلام عليكم

[xman103666]

اولا ب 35 الف صعب تلاقى اتوماتيك كويس
طبعا خليك فى المانيوال واى حاجه فى السعر دوت بشرط حالتها كويسه انت اللى هترتاح لان تعويرت المانيوال بتختلف تماما فى تعوبرت التوماتيك
وكمان تتودك وتاخد على المانيوال افضل بكتير من الاتوماتيك
ولما المبلغ يزيد ابقى اشترى اتوماتيك كويسه وان شاء الله لو حملة مقاطعه السيارات نجحت ان شاء الله الاسعار هتنزل وهتركب اللى انت عايزه
طبعا متزعلش منى وفكر فى كلامى لانه راى شخصى ووارد الخطا طبعا
والسلام عليكم

الف شكر يجماعة بجد بس يترا اشترى ايه مانيوال بالسعر ده ويكون سواقته مريحه ويكون فى كماليات ومكنش ليها مشاكل كتير
ويترا ايه رايكم فى العربية الميرا او البرادو او الالتو

[xman103666]

فين نصايحكم الغالية وخبرتكم الكبيرة ياخوانى الكرام

[memo823000]

اسف على التاخير لانى كنت مشغول جدا
اولا انا معنديش فكره عن المبلغ ده يجيب ايه بالظبط ولاكن هسهلهالك
حاول تشوف حاجه تكون منتشره عشان رخص قطع الغيار ولما تيجى تغير وكمان متتقرفش فى التصليح
يعنى تدور على لانوس - اكسنت - لانسر بطه - حاجات من هذا القبيل (انا بصراحه معرفش اسعار المستعمل القديم قوى فقلب فى كونتاكت كار عشان تاخد فكره ولو حاجه عجبتك بالمبلغ المتاح
طبعا تشوف حد بيفهم كويس يكون معرفه او قريبك خليه يشيكلك على العربيه كويس جدا لان حتى لو حد نصحك بنوع عربيه مناسب
انت ممكن تتدبس فى عربيه عامله حادثه او قالبه عداد والبلاوى كتير
فزى مقولتلك اهم حاجه تكشف على العربيه كويس وتتاكد انها كويسه وتتوافر فيها الشروط ديه
الانتشااااار - عشان رخص قطع الغيار والتصليح واعادة البيع
والسلام عليكم

[xman103666]

اسف على التاخير لانى كنت مشغول جدا
اولا انا معنديش فكره عن المبلغ ده يجيب ايه بالظبط ولاكن هسهلهالك
حاول تشوف حاجه تكون منتشره عشان رخص قطع الغيار ولما تيجى تغير وكمان متتقرفش فى التصليح
يعنى تدور على لانوس - اكسنت - لانسر بطه - حاجات من هذا القبيل (انا بصراحه معرفش اسعار المستعمل القديم قوى فقلب فى كونتاكت كار عشان تاخد فكره ولو حاجه عجبتك بالمبلغ المتاح
طبعا تشوف حد بيفهم كويس يكون معرفه او قريبك خليه يشيكلك على العربيه كويس جدا لان حتى لو حد نصحك بنوع عربيه مناسب
انت ممكن تتدبس فى عربيه عامله حادثه او قالبه عداد والبلاوى كتير
فزى مقولتلك اهم حاجه تكشف على العربيه كويس وتتاكد انها كويسه وتتوافر فيها الشروط ديه
الانتشااااار - عشان رخص قطع الغيار والتصليح واعادة البيع
والسلام عليكم

يترا تنصحونى احدد نوع معين ادور عليه فى حدود المبلغ بتاعى ولا اى نوع حالتة كويسة فى حدود مبلغى اجيبة وخلاص هى ديه المشكله المورقانى ولانى ديمن بشوف نوع ومميزاته وعيوبه ومشعارف ارسى على بر افيدونى افادكم الله

[Egy_fan]

النصيحه. مفيش عربيه فيها كل حاجه

البرايد احسن حاجه فى الفئه دىىىىىىىىى

[xman103666]

يجماعة انا هسهل عليكم مساعدتى انا هعمل قائمة استقصاء عشان العربية
السيارة هاتش باك /سيدان مش مهم المهم تكون وسعه من الداخل
اتوماتيك /مانيوال مشمهم ولكن يفضل اتوماتيك
الاعتمادية اعتمادية
استهلاك البنزين معقول
سعرقطع الغيار معقولة
سعر اعادة البيع معقوله
الاوبشن يريت تكيف وباور وزجاج كهرباء
السعر 35000-40000
ويريت تكون عفشتها ناعمة وسهلة القيادة لانى فى السواقة جديد
ارجو من اعضاء المنتدى الكرام الخبراء اسداء النصيحة والاختيار مع عرض المميزات والعيوب لانى تعبت جدا من السوال واللف بدون فايدة ولكم جزيل الشكر على تعبكم معاى ولو فى حد عنده عربية بالمواصفات ديه يقولى

[أحمد الجندى]

يا باشا انت محير نفسك مش عارف ليه ، بص يا سيدى انت قدامك شوية اختيارات كالتالى :

1- الكيا برايد سيدان 1300 سى سى فيها التكييف والباور اللى انت طالبهم وواسعة واستهلاك البنزين يادوب واعتمادية وقليلة الصيانة وقطع غيارها رخيصة الثمن وسعر اعادة البيع كويس جدا وفى منها اتوماتيك كمان واهم شىء انها ارخص واحدة فى الاختيارات لان اعلى حاجة فيها مش حايتعدى 36 الف عيبها انها فقيرة من حيث الشكل من جوة لو انك بتهتم .

2- هيونداى اكسنت 1500 سى سى بلاش ال 1300 لانه مافيهوش باور ، عربية كويسة وبرضو اعتمادية وقليلة الصيانة وقطع غيارها رخيصة وسعر اعادة البيع كويس جدا بس ما فيهاش اتوماتيك وكمان العربية واطية شوية من الارض التابلوه بتاعها حلو بس للاسف بيشقق بسرعة من الشمس وبما اننا بنتكلم عن 1500 فسحب البنزين حايبقى اعلى شوية وكمان حاتبتدى معاك فى السعر من حوالى 38 الف .

3- رينو كليو 1200 سى سى فيها تكييف وباور اعتمادية جدا امان جدا انت عارف بقى الاوربى شيك جدا من جوة يادوب بتشم بنزين مشكلتها فى سعر قطع الغيار غالية شوية مقارنة بالباقيين بس هى معمرة وكمان اعادة البيع مش قد كده واهم حاجة الصيانة اللى مش اى حد يعرف يشتغل فيها وممكن غلطة تدفعك قد كده ده غير انها ضيقة شوية فى صالونها وسعرها ممكن يبتدى معاك من 34 اللى هو الشكل القديم .

4- الكيا سيفيا 2 مش 1 ودى 1500 سى سى فيها برضو تكييف وباور واعتمادية جدا وثابتة جدا وامان وشكلها شيك وواسعة من جوا وقليلة الصيانة وقطع غيارها رخيصة وفيها اتوماتيك وسعر اعادة البيع كويس بس مش زى البرايد والاكسنت كمان العربية واطية شوية ودى ممكن تبتدى معاك من 39 الف .

فيه اكيد عربيات تانية زى الدايو لانوس والمتسوبيشى لانسر بس دول ممكن يكسروا حاجز 40 الف وانت طبعا لازم تحط فى حسبانك انك محتاجلك حوالى الف أو اتنين بعد شراء العربية علشان تغير ما يجب تغييره من زيوت وسيور وما إلى ذلك ، وفيه كمان العربيات الهاتش باك بس أنا مش مطلع قوى على اللى فى الرينج بتاعك ده وبيلبى متطلباتك علشان كده اكتفيت بالكلام عن السيدان ، وربنا يوفقك فى اختيارك.