الدين النصيحة

[memo823000]

يا باشا انت محير نفسك مش عارف ليه ، بص يا سيدى انت قدامك شوية اختيارات كالتالى :

1- الكيا برايد سيدان 1300 سى سى فيها التكييف والباور اللى انت طالبهم وواسعة واستهلاك البنزين يادوب واعتمادية وقليلة الصيانة وقطع غيارها رخيصة الثمن وسعر اعادة البيع كويس جدا وفى منها اتوماتيك كمان واهم شىء انها ارخص واحدة فى الاختيارات لان اعلى حاجة فيها مش حايتعدى 36 الف عيبها انها فقيرة من حيث الشكل من جوة لو انك بتهتم .

2- هيونداى اكسنت 1500 سى سى بلاش ال 1300 لانه مافيهوش باور ، عربية كويسة وبرضو اعتمادية وقليلة الصيانة وقطع غيارها رخيصة وسعر اعادة البيع كويس جدا بس ما فيهاش اتوماتيك وكمان العربية واطية شوية من الارض التابلوه بتاعها حلو بس للاسف بيشقق بسرعة من الشمس وبما اننا بنتكلم عن 1500 فسحب البنزين حايبقى اعلى شوية وكمان حاتبتدى معاك فى السعر من حوالى 38 الف .

3- رينو كليو 1200 سى سى فيها تكييف وباور اعتمادية جدا امان جدا انت عارف بقى الاوربى شيك جدا من جوة يادوب بتشم بنزين مشكلتها فى سعر قطع الغيار غالية شوية مقارنة بالباقيين بس هى معمرة وكمان اعادة البيع مش قد كده واهم حاجة الصيانة اللى مش اى حد يعرف يشتغل فيها وممكن غلطة تدفعك قد كده ده غير انها ضيقة شوية فى صالونها وسعرها ممكن يبتدى معاك من 34 اللى هو الشكل القديم .

4- الكيا سيفيا 2 مش 1 ودى 1500 سى سى فيها برضو تكييف وباور واعتمادية جدا وثابتة جدا وامان وشكلها شيك وواسعة من جوا وقليلة الصيانة وقطع غيارها رخيصة وفيها اتوماتيك وسعر اعادة البيع كويس بس مش زى البرايد والاكسنت كمان العربية واطية شوية ودى ممكن تبتدى معاك من 39 الف .

فيه اكيد عربيات تانية زى الدايو لانوس والمتسوبيشى لانسر بس دول ممكن يكسروا حاجز 40 الف وانت طبعا لازم تحط فى حسبانك انك محتاجلك حوالى الف أو اتنين بعد شراء العربية علشان تغير ما يجب تغييره من زيوت وسيور وما إلى ذلك ، وفيه كمان العربيات الهاتش باك بس أنا مش مطلع قوى على اللى فى الرينج بتاعك ده وبيلبى متطلباتك علشان كده اكتفيت بالكلام عن السيدان ، وربنا يوفقك فى اختيارك.

احسنت يا almohake انت جبت المفيد

وانا راى خليك فى الهيونداى اكسنت 1500 دى اعتماديه جدا ولاحظ انها بتوع التكسيات بيدورو عليها دى دليل انها اعتماديه
وسيبك من الاتوماتيك لانه دى تركبه فى الحديث
طبعا قطع الغيار رخيصه جدا
سعر اعادة البيع ممتاز
والتصليح اسهل مما تتخبل

بس لو عرفت تخلص فى لانسر بطه او لانوس تبقى انت الكسبان لانها افضل من الاكسنت فى الاعتمادية بس احتمال تزيد شويه فى السعر معرفتش
يبقى خليك فى الاكسنت

لو معرفتش يبقى هات السيفيا برده ممتازه وانا عندى 2 صحابى ركبنها وبيشكرو فيها

والسلام عليكم

[M.Alaa92]

و ممكن نوبيرا 1

[xman103666]

مليون شكرا ربنا يجزيكم عنى خير
وكان عندى اقتراح اتمنا يلاقى عندكم صدى ايه رايكم يكون فى فى المنتدى مكان يحدد للعايز يشترى وحيران زى الاختيارات المتاحة قدامها وتتقسم من حيث السعر المتاح يعنى زى 10000-20000
30000-40000 وهكذا ويوضح كل نوع مزايه وعيوبه وبكده هيكون كل واحد قادر انه يلاقى المناسب ليه منغير ميتعب نفس التعب الموجود حاليا انا عايز اشوف رايكم وانشاء الله ابدا فى اعدا شى زى كده بمساعدتكم طبعا

[xman103666]

كل كمية المشاهدات دية ومفيش ردود ليه بس يجماعة

[HOSSAM99]

و ممكن نوبيرا 1

و لانوس 1 أوتوماتيك و عربيات جميله و سعرها في حدود المبلغ المذكور و قطع غيارها في كل مكان و عربيات بتعيش

[bmw323]

و لانوس 1 أوتوماتيك و عربيات جميله و سعرها في حدود المبلغ المذكور و قطع غيارها في كل مكان و عربيات بتعيش

+111111111111111111

[xman103666]

اي راى السادة الاعضاء ى البونتو او البولو وفى كمان عربية شفتها اسمها شارد وهى اتوماتيك لكن موديل 90 يريت اعرف ارائكم

[M.Alaa92]

بص يا اشا كل م العربية موديلها اعلى تبقى احسن لأن فى الغالب خالتعا بتبقى احسن البولو عربية جميلة بس قطع الغيار و البونتو ممتازة ممكن تفكر فى الابيزا بس اهم حاجة الحالة

[xman103666]

يجماعة انا تعبت جدا والله من البحث امبارح رحت السوق مكنتش عارف ادور على ايه بالظبط وبعدين ايه الاسعار النار ديه انا كل العوزه عربية تكون كويسة فى سوقتها ناعمة وعفشتها ناعمة وقطع غيارها معقوله وتكون واسعة من الداخل لانها هتكون عائلية ويكون فيها ابشنز باور وتكيف ويريت وده نفسى تكون اتوماتيك لانك عارفين البلد باقت عمله ازاى ونا سوقتى على قدى لسه وتكون سعرها من 30000 حتى 35000
هل من مجيب لرفع حيرتى ويريت لو فى حد عنده حاجة بالمواصفات ديه ومعروضه للبيع يقولى

[Dina_Elhamy]

أنت ممكن تزود حاجة بسيطة جداً وتجيب سيينا 2000 مثلاً فيها باور وتكييف وممكن جميع الكماليات!!! أنا عرفة ان شكلها بس مش أد كده