تيمبرا وفيلشيا

[trabelx]

السلام عليكم ورحمة الله وبركاته

لو سمحتم يا جماعة انا عايز مقارنة بين سكودا فيلشيا و فيات تيمبرا
انا بجد محتار اوى بينهم

انا اهم حاجة عندى تكون:
1- مريحة
2- موفرة فى البنزين
3- قطع الغيار معقولة ومتوفرة
4-حمالة اسية


ارجووووووووووووووووووووووووو الردددددددددددددددددددددددد

شكرا

[heshamzaky]

المقارنة غير عادلة التمبرا حاجة و الفليشيا حاجة واحدة 1300 سى سى و التانية 1600 سى سى
معرفش قطع غيار الفيايشيا بس أعرف 95 بالمائة من حاجات التمبرا فرق كبير جدا فى الحجم بين العربيتين و الوزن و القوة و السرعة
لو عملت المقارنة دى حا نظلم الفليشيا

[heshamzaky]

التمبرا ليها رابطة على المنتدى 4 اجزاء فيها كل حاجة عن العربية دى بصورها

http://www.nilemotors.net/Nile/208363-a-214.html

[trabelx]

متشكر ليك يا استاذ هشام ع الرد السريع دة :d
بس انا مش قصدى المقارنة انا عايز اعرف انه الانسب عشان اشتريها

[heshamzaky]

حسب أحتياجاتك التمبرا عربية كبيرة الحجم على فكرة مش صغيرة العربيات الهاتش باك تحس أنك سايق و ممكن تدخل فى أى مكان زحمة عادى التمبرا كبيرة و لما المرايات بتبقى مفتوحة بتبقى عريضة شوية .

[mahamedaraby]

بالنسبه لتكيف التمبرا ايه رايك فيه وهو كويس فى الحر والزحمه ؟

[heshamzaky]

بص يا باشا لو ليك أى سؤال فى التمبرا أسألة و أنا أجاوبك علية . بس معرفش أقارن بين عربيتين أنت شوف السؤال الى يجى فى فكرك و ممكمن أوضح ليك الاجابة . التمبرا عربية فيها تكنولوجيا شويتين خصوصا الكهرباء بتاعتها مس بسيطة و مش أى صناعى عادى بيشتغل فيها عاوزة واحد فاهم شوية يا أما أنت كصاحب العربية توجة الصنايعى و تفهمة و دة بيجى بالممارسة و سهل

[heshamzaky]

بالنسبه لتكيف التمبرا ايه رايك فيه وهو كويس فى الحر والزحمه ؟

لو قولت أنك ركبت كومبريسور مستعمل أستيراد و ظبطت التكيف و حالتة 80 بالمائة مثلا الهواء الى خاج منة لو قيستة بالترمومتر يتراوح بيت 4 درجات و درجة واحدة

[trabelx]

طب هى العربية بتستهلك بنزين كتير فى الزحمة ولا موفرة

[heshamzaky]

كل 20 لتر تعمل بيهم 200 كيلو لو العربية مظبوطة

[trabelx]

شكراااا كتير لحضرتك

[heshamzaky]

العفو على أية و بص لو حا تجيب تمبرا المهم الحالة ثم الحالة ثم الحالة و بعد كدة سنة الصنع ما بتفرقش لو جبت تمبرا متوسطة حا تكرة التمبرا كلها لو جبت عربية واقفة صح حا تحس أنك راكب عربية محترمة جدا و تقدر تقارنها بالزيرو لو تعبانة حا تتعبك

[akmall]

التمبرا تكسب ثبات على الطريق فظيع متقلقش من الجري كنت اجيب لحد 170 ومش تحس باي حاجة خالص قطر ماشي على السكة شديت بيها مع شيروكي قديم وماتريكس على الصحراوي مرة رغم انى مش من هواة الشد والله قطعتهم

موتور جميل استهلاك بنزين جميل خصوصا لو 1400 مش 1600 واسعة جدا مش تحك فى المطبات قطع غيار موجودة ومش غالية متوسطة السعر وتلاقيها فى شارع دمشق .

العفشة مش وحشة كويسة .
بصراحة مش جربت التكييف عربيتي كانت من غير تكييف

الفيلشيا محدش ركبها وشكر فيها فى حدود اللى اعرفهم بيقولوا خشنة وبتسخن وقطع غيارها نار