مقارنة قويه(اكسنتrb و بروتون بيرسونا

[basala313]

انا مقبل علي شراء سياره الشهر القادم انشاء الله وانا محتار
بين العربيتين
بيرسونا اوتو
اكسنت rb مانيول
ساعدوني ياآهل الخبره

[ahmedaglan]

اتوكل علي الله وهات اكسنت
وبالتوفيق في الاختيار السليم
وانا بقولك اكسنت علشان هي اعتمادية وهيونداي معروف واعادة البيع فيما بعد يعنى مكسب من كلة
اولا عربية جديدة وشكل جديد وموديل حديث وشكلها شيك ومش هنقول ان البيرسونا وحشة وهى عربية كويسة وفيها كماليات اكتر من الاكسنت بس احنا بدور ونبص لقدام
وبالتوفيق ياباشا ومتنساش صلاة الاستخارة

[basala313]

انا بشكرك جدا يااستاذ احمد علي الرد.
بس تفتكر ان الاحسن ان الواحد يضحي بالاوتوماتيك وعوامل الامان والثبات اللي في البيرسونا. في مقابل عرابيه فضيه عشان اسم وسمعة الهيونداي؟
افيدوني ياأهل الخبره.

[mohamed_mohsen]

لا طبعاً
ماتشتريش عربيه مافيهاش abs و إيرباج واحده علي الأقل
ده غير الاوتوماتيك اللي هيبقي مريح جداً في الزحمه

[yoko]

انا بشكرك جدا يااستاذ احمد علي الرد.
بس تفتكر ان الاحسن ان الواحد يضحي بالاوتوماتيك وعوامل الامان والثبات اللي في البيرسونا. في مقابل عرابيه فضيه عشان اسم وسمعة الهيونداي؟
افيدوني ياأهل الخبره.

ﻷ طبعا ومينفعش تجيب حاجة من غير أمان عشان خاطر السوق وإعادة البيع إنت هتجيب العربيه عشان تبيعها ولا عشان تركبها
ولا قدر الله لو عملت حادثة هيهمك إعادة البيع ولا تطلع سليم وتولع العربيه؟؟؟

[memo823000]

ﻷ طبعا ومينفعش تجيب حاجة من غير أمان عشان خاطر السوق وإعادة البيع إنت هتجيب العربيه عشان تبيعها ولا عشان تركبها
ولا قدر الله لو عملت حادثة هيهمك إعادة البيع ولا تطلع سليم وتولع العربيه؟؟؟

+11111111111111
يتجيب الاكسنت كاملة اتوماتيك ياتجيب البيرسونا كاملة اتوماتيك
انت مش هتعرف قيمت الاتوماتيك غير لما ربنا يكرمك وتشترى وتسوق
وبصراحه غبور مستغل اسم هيونداى ومغلى العربيات بطريقه مخيفه
انا كان كل اللى معايا 81 الف ميزيدوش جنيه
وكان قدامى
بيرسونا مانيوال
افيو5 اتوماتيك
نيواكسنت مانيوال (بصراحه رفضتها لانى حيت انها فقيره جدا والبودى ضعيف قوى)
جيتز اتوماتيك (معجبتنيش خالص)
سيريون (بردو معجبتنيش)
frv طبعا لا عشان صينى

واخترت الافيو5 والحمد لله بعد سنتين ولو رجعت الايام تانى برده هجيب افيو5 (مش السيدان لان فيه فرق شاسع بينهم فى الكماليات والتقفيل عشان محدش يفهم غلط)

واخويه ماشاء الله جاب معايا نفس نوع العربيه وهيا عاملة 90 الف كيلو دلوقتى وماشاء الله تانى يادوب غيار الزيت والصيانات الدوريه

نصيحتى الاخيرة لو الفلوس مكملتش تجيب اكسنت rb اتوماتيك
دور على عربيه اتوماتيك استعمال نضيف واكشف عليها كويس من الانواع الاتيه ومشهتندم على اى عربيه منهم
نيو النترا
سيراتو
لانسر
اكيد التلاته دول احسن من الاكسنت ومن البيرسونا فى قطع الغيار والصيانة واعادة البيع

الكلام اللى مكتوب وجهة نظر فقط والسلام عليكم

[basala313]

كلامك مقنع استاذ ميمو
سؤال خارج المقرنه
بس هل الافيو 5 موجوده زيرو؟
وهي كام سي سي؟

[memo823000]

كلامك مقنع استاذ ميمو
سؤال خارج المقرنه
بس هل الافيو 5 موجوده زيرو؟
وهي كام سي سي؟

هيا 1500
مع الاسف لانها غليت جامد
وجاب مكنها النيو سبارك وشوف الافتراء
مانيوال - تقفيل كورى 100% - 1200 سى سى -4 زجاج كهرباء - كاسيت سى دى - مرايات مانيوال - بدون فوانيس شبوره - جنوط مقاس 14 ب 72 الف جنيه

طيب الافيو5
اتوماتيك - تقفيل كورى 100% - 1500 سى سى - 2 زجاج كهرباء امامى - كاسيت شرايط - مرايات كهرباء - فوانيس شبوره امامى وخلفى - جنوط طاسات مقاس 15 بكاوتش كورى - ايرباج للسائق

تساوى كام فى 2011 ؟؟؟؟؟؟؟(وانا سبق وقولت الكلام دوت)

وعلى فكره خش على كونتاكت كار كان فيه اتنين عرضين افيو 5 اتوماتيك على 69000 وعامله حوال 25 الف والتانيه 29 الف كيلو يعنى تعتبر لسه ممشيتش وعلى فكره لو جبتها على 65000 تبقى انت الكسبان بس على شرط تكون حالتها كويسه مشعامله حادثة ولا لاقدر الله يكون فيه مشكله واتوماتيك مش مانيوال اوك

لان المانيوال اللى نزل منصور بيه عمل فيه زى معمل فى السيدان لا ايرباج ولافوانيس شبورة وحطله كوتش مقاس 14

العربيه دى اول مجبتها كنت بلاقيها تقيله فى الطلعه زى الكروز بعديها حبيت اغير البوجيهات فى التوكيل لقتها acdelco صينى المهم حطيت بوجيهات النيواكسنت مشقادر اقولكو السرعه اتغيرت تماما بفضل الله

فممكن تلاقى الناس اللى جيباها متعرفش موضوع البوجيهات فعشان كدا عايز يبيع فتبقى فرصه كويسه

والله المستعان

[basala313]

بس انا عايز 1600 عشان بسافر وتكيف وبجيب بضاعه
انا ابفكر جديا في البيرسونا بس قلقان من قطع غيارها هي غليه فعلا ولا شبه الكوري؟
حد يقولي يجدعان

[ZOTYE]

الأكسنت كويسة باس سعرها مبالغ فيه بطريقة رهيبة جدااااا و لسة نازلة و محدش ركبها فبالتالى لسة مابنتش عيوبها و اعادة بيعها لسة محدش يعرف عنه حااااااجة و محدش يعرف العربية هتثبت جدارة فى السوق المصرى ولا لأ
طبعا انا بفضل لحضرتك البيرسونا اوتو و لو كان فى رينو لوجان اوتوماتيك كنت فضلتها عن البيرسونا باس يا خسارة مفيش لوجان اوتو بتنزل مصر .....

[eng.m7md.ali]

الأكسنت كويسة باس سعرها مبالغ فيه بطريقة رهيبة جدااااا و لسة نازلة و محدش ركبها فبالتالى لسة مابنتش عيوبها و اعادة بيعها لسة محدش يعرف عنه حااااااجة و محدش يعرف العربية هتثبت جدارة فى السوق المصرى ولا لأ
طبعا انا بفضل لحضرتك البيرسونا اوتو و لو كان فى رينو لوجان اوتوماتيك كنت فضلتها عن البيرسونا باس يا خسارة مفيش لوجان اوتو بتنزل مصر .....

مع احترامي لحضرتك ايه جاب اللوجان للبيرسونا
اللوجان فيها ايرباج واحدة بس من غير abs حتى
البيرسونا فيها 2 ايرباج و abs و ebd ومثبت سرعة وحاجات تانية كتير



نصيحة لصاحب الموضوع بص على بيرسونا اليجانس وبلاش البيرسونا العادية لان الفرق بينهم مثبت سرعة وعزل افضل وسحب وتسارع احسن من البيرسونا العادية

[basala313]

يعني البيرسونا يجماعه عربيه ناعمة وكده وتقعد جواها متسمعش صوت الموتور والباور بتعها خفيف زي الالنترا
وقطع غيار في اللذيذ بره التوكيل ولا هتقبلني مشكلة في الحجات دي ؟

[mido_soliman]

يعني البيرسونا يجماعه عربيه ناعمة وكده وتقعد جواها متسمعش صوت الموتور والباور بتعها خفيف زي الالنترا
وقطع غيار في اللذيذ بره التوكيل ولا هتقبلني مشكلة في الحجات دي ؟

لاء خشنة وحتسمع صوت الموتور والباور تقيل
لو عايز الكلام اللى انت قولتة فوق دة يبقى اشترى النترا وش
تحياتى

[basala313]

انا بشكركم والله
انتو ناس محترمه بجد بتفيدو الناس وبتسعدوهم .
انا لقيت واحد عامل موضوع عن اختبار القياده للابرسونا اليجانس الجديده
وانهم اهتمو بالعزل وصوت الموتور لغاية 120 وكمان الباور بقي خفيف يعني حجات من اللي كانت مشكلة بالنسبالي .
وبكده يبقا البرسونا اختياري والله المستعان

[ahmzd]

رأيي المتواضع: بيرسونا الكاملة وادعيلنا
ولكن لا تنسى الاستخارة وتجربة السيارة قبل شرائها - إذا أمكن - لاستكمال سلسلة الأخذ بالأسباب بعد الاستشارة والاستخارة ( ما خاب من استشار ولا ندم من استخار )..
والله الموفق والمستعان.. على رأي عمر سليمان!