مين اقوى فى الثبات لانوس ولا كورولا ؟؟؟؟؟؟؟؟؟؟

[iwantes350]

السلام عليكم ورحمة الله وبركاته
ازيكم يا شباب
عاملين ايه
انا مبتدئ جدااا فى حوارات الثبات والكلام ده
سؤالى هو مين اكتر ثبات
هل اللانوس ام الكورولا 2003
انا معايا الكورولا 2003 انا مش بحب السرعة ابدا واخرى لو اتهبلت 120 صاحبي معاه لانوس والنهارده جبنا بيها 150
انا حسيت ان العربية خفيفة جدا
بس هل كورولتى هتبقى اخف ولا احسن
سؤال تانى بسيط ازاى احدد ثبات العربية اللى انا راكبها ؟؟
يعنى اعرف ازاى اذا كانت ثابتة او لا فى الملفات وفى الطرق المستقيمة يا ريت التوضيح
انا عارف ان مفيش مجال للمقارنة بس انا مش بحب السرعة ومش عايز اجرب عايز حد يقلى على كل حاجة بدون تحيز
وزاى اذود ثبات العربية

[الصيداح]

بالتأكيد الكرولا أفضل لكنها أيضا خفيفة لكن قياسا باللانوس الكورولا أكثر ثباتا

[mxz911]

بصراحه انا مشوفتش زى ثبات الكورولا ( الملكه ) ما شاء الله اللى هيه موديل 94

وبصراحه ال shape 2003 حاسس انها من اقلل موديلات الكورولا ف الثبات ومع ذلك بدون مقارنه ف هيه اعلى من اللانوس

[M_Nabil]

الكورولا ثباتها أفضل ولو عاوز تزود الثبات ممكن تركب جنط أكبر مقاس أو اثنين بالكثير و لو عاوز أكتر يبقى تركب سوست رياضية ولو عاوز أكتر يبقى طقم كامل مساعدين بسوست رياضية بس هتبقى العربية ناشفة نوعاً ما والعربية هتزعل من المطبات

[elpasha1]

الكورولا وبتبان اوى لما تبقى على ملف وفى سرعة

[iwantes350]

الف شكر ليكم يا جماعة
انتو خلتوني احب الكورولا اكتر
بس مع العلم احنا جبنا ال 160 بالانوس
بس كانت خفيفة شوية
و شكرا ليكم مرة تاني

[amado318]

الانوس لو جنط 14 لاتقول كورلا ولا لانسر وانا ركبت دى وركبت دى انا صحراى 180 بالانوس وزى الفل وملفات بسرعه عاليه ومافيش اى مشاكل الى جرب يقول رأيه انما كلام على سمعه العربيه من غير تجارب مينفعش

[ahmzd]

لم أقد اللانوس ولكني أرى أن الكورولا عالية الثبات

[تامر.محمد]

اللانوس في رأيي اثبت
بس الدايو , ما اعرفش ايه ظروف الشيفروليه لأن المساعدين بتفرق طبعا
و لو بجنط 14 هاتبقى اثبت و اثبت فعلا

على سبيل المثال , انا لما بتعدي من جنبي عربية كبيرة اسرع مني (لوري ولا اتوبيس) , عربيتي ما بتتحدفش الناحية التانية خالص

[iwantes350]

مشكورين يا شباب على الردود
على فكرة انا لاحظت ان اللانوس جامدة صاحبي جاب بيها 160 بملفات والطريق وحش
واللى اكتشفته ان الكورولا اثبت منها بالرغم ان الكورولا اعلى عن الارض
بس هى اثبت فعلا وحلوة اوى
الف شكر لكل ملاك العربيتين

[amado318]

انا سوقت تويوتا ايكو وتويوتا يارس وكورولا 2002 وتويوتا 2007 ولانوس بجنط 14 التويوتا مراجيح السيدة بعد 140 ولو فيه هوا شديد التوبوتا بتمشى على عجلتين الانوس والله الطريق الزراعى 170 و180 وزلطه على الارض