مقارنة بين رينو فلوانس و بيجو 308

[ahmadel]

أولا أحييكم على الموقع المتميز و المفيد و اللي فعلا ساعدني جدا
أنا محتار جدا بين الرينو فلوانس و البيجو 308 و محتاج رأيكم
العربيتين عاجبني في الشكل..و كنت ناوي على 308 بس سمعت من ناس كتير عن سوء التوكيل .. و لقيت ناس كتير بتمدح الفلوانس و في التوكيل بتاعها... و حسب معلوماتي المتواضعة العربيتين متقاربين في الكفاءة و الثبات عالطريق و أسعار الصيانة و قطع الغيار...ياريت أعرف رأيكم مين فيهم أفضل...أنا باقيلي حوالي اسبوعين عشان اخد قرار...

[blazer]

العربيتين طبعا متميزين جدا
بس هل حضرتك بتقارن ال 308 sw ولا الهاتشباك
ماتور البيجو اقوى = 120 حصان

ألبيجو الكامله 175 الف
الفلونس الكامله 167 الف
توكيل الرينو احسن طبعا من البيجو

[hamada409]

و على حسب إحتياجاتك إنتا لو عندك عائلة و محتاج عربية كبيرة و فخمة يبقى طبعا الفلوينس لكن لو يهمك الجري و عايز عربية شبابية يبقى طبعا ال 308

[ahmadel]

شكرا على اهتمامكم و ردكم السريع
أنا بقارن بين البيجو الهاتشباك الاوتوماتيك (حوالي 145 بعد تخفيض سعرها فالتوكيل من يومين) و الرينو الفلوانس الأوتوماتيك (142 ألف)

[ahmadel]

و على حسب إحتياجاتك إنتا لو عندك عائلة و محتاج عربية كبيرة و فخمة يبقى طبعا الفلوينس لكن لو يهمك الجري و عايز عربية شبابية يبقى طبعا ال 308

معنى كلامك انو الفلوانس مالهاش فالجري....بطة يعني

[ahmzd]

أعتقد الفلوينس كحجم ووسع تكسب طبعا

[ahmadel]

ياجماعة فين الردود....أنا محتاج ارائكم و مساعدتكم
انا بين فئة الفلوانس اللي ب 142 و البيجو أوتو هاتشباك و سعرها 139

[amrelserw]

السلام عليكم
انا معايا فلوانس 2010 بقلها 11 شهر معابا ماشاء الله العربية تحفة واسعة أوى و ااشنطة كبيرة جدا و الثبات رائع و الاهم ان التوكيل فعلا محترم
و خدمة ما بعد البيع رائعة

[Mahmode]

أنا أصوت للفلوينس. فخمة وشيك وواسعة وكده

[Busquets]

مش مصدق ان فى حد بيقارن بين العربيتين دول :)

انا قلت لما هكتب فى البحث فلوينس و 308 ممكن اللاب توب يهنج!!

انا فعلاً فى نفس الحيرة ! نفس العربيتين !

بس انا لسة شايف سعرها 145؟ هى بقت 139 امتى؟؟؟؟؟؟ !!!!

عن نفسى ميال اكتر للبيجو لأنى ركبتها كتير مع صاحبى !! عفشتها لا تقارن

بس انا عمرى ما ركبت الفلوينس الا فى المعرض

على العموم هى حسب السن انا شايف ان بالنسبة لي البيجو افضل ولو شفت شنطتها كبيرة ازاى مش هتحس ان محتاج تغيرها بفئة اكبر بعد فترة ابداً !!!!!

الفلوينس حاجة تانية ! فخامة رهيبة, بس كبراتى اوى, يعنى فئة سنية كبيرة شوية 45 فيما فوق

انما البيجو شبابية اكتر

ربنا يوفقك ويوفقنى! لأنى حتى الأن لم استقر :(

[hamada409]

معنى كلامك انو الفلوانس مالهاش فالجري....بطة يعني

لا ياباشا أنا ماقلتش إنها بطة و لاحاجة

لكن بالعقل كده عربية حجمها صغير و الهورس باور بتاعها أعلى من عربية حجمها أكبر و هورس باور أقل

و أنا كان قصدي إنه لو هو بيفضل عربية شبابية بتجري عن الوسع و الفخامة يبقى يختار البيجو

لكن مش معنى كده ان الفلوينس بطة أو عربية مش كويسة بالعكس أنا بحترمها جدا

[ahmadel]

مش مصدق ان فى حد بيقارن بين العربيتين دول :)

انا قلت لما هكتب فى البحث فلوينس و 308 ممكن اللاب توب يهنج!!

انا فعلاً فى نفس الحيرة ! نفس العربيتين !

بس انا لسة شايف سعرها 145؟ هى بقت 139 امتى؟؟؟؟؟؟ !!!!

عن نفسى ميال اكتر للبيجو لأنى ركبتها كتير مع صاحبى !! عفشتها لا تقارن

بس انا عمرى ما ركبت الفلوينس الا فى المعرض

على العموم هى حسب السن انا شايف ان بالنسبة لي البيجو افضل ولو شفت شنطتها كبيرة ازاى مش هتحس ان محتاج تغيرها بفئة اكبر بعد فترة ابداً !!!!!

الفلوينس حاجة تانية ! فخامة رهيبة, بس كبراتى اوى, يعنى فئة سنية كبيرة شوية 45 فيما فوق

انما البيجو شبابية اكتر

ربنا يوفقك ويوفقنى! لأنى حتى الأن لم استقر :(

السعر ده (139 ألف) نزل من الوكيل يوم الجمعة اللي فاتت و أنا أتأكد بالتليفون...و تقريبا لمدة أسبوع بس....

[askoda]

I vote for the Peugout 308
The best car ever

[Mahmode]

يا باشا إركب العربيتين وإتفرج علهم كويس وخد قرارك. آراء الناس حتلاقيها منقسمة. بس برضو فلوينس

[ahmzd]

رأيي : فلوينس