مقارنة صعبة الى حد ما

[ZOTYE]

السلام عليكم اعضاء نايل موتورز الكرام
كنت عاوز اعمل مقارنة ما بين
1- رينو لوجان
2- كيا ريو
3- شفرليه افيو
4- اسبرانزا تيجو
5- تويوتا يارس
انا شفت اللوجان و ركبتها و بصراحة لقيتها راوعة و سحربها ممتاز و تكيفها ثلاجة و اللى عاجبنى فيها اكثر انها فيها اير باج و كمبيوتر رحلات الخ....
و كل مسأل حد راكبها يقولى باسم الله ما شاء الله جميلة
و العربية بقت منتشرة بشكل رهيب جداااا و بيقولو توكيلها محترم فوق الوصف ....
انا عارف ان المقارنة صعبة شوية
باس بالله عليكم افيدونى
و شكرا مقدما .........

[mohamednagib]

مبدئيا .... كامك مظبوط تماما ... اللوجان ما شاء الله عليها ... ما يختلفش عليها اتنين ...

لكن انا شايف انك حاطط سيارات من فئات متباعدة مالهمشعلاقة ببعض تماما ...

بمعنى اخر ... لازم تحدد اولا انت عاوز عربية في حدود كام ... و بعدين عاوز تلاقي امكاناتها ايه ... وهكذا ... لكن لما تقارن بين اللوجان اللي في السبعينات و الياريس اللي ب 120 الف ... اعتقد فرق 50000 مش بسيط برده ...

يا ريت تدي نفسك وت شوية تدرس امكاناتك و رغباتك و احنا معاك ......

[ZOTYE]

مش المفروض ان السعر الأصلى للوجان 93000 جنيه لأنهم شايلين 24000 جنيه جمارك طبقا للأتفاقية اغادير اعتقد بكدة تبقلى اللوجان فى نفس فئة الريو و التيجو و الأفيو ....
انا فى الحقيقة عاوز عربية مريحة و ثابتة و محترمة و توكيلها كويس و تكيفها ثلاجة و سريعة و بتاعة شقى و تستحملنى لأنى بغير العربية كل 5 سنوات على الأقل فعاوز عربية تريحنى .....
و معلش انا كنت بقارن بين لوجان زيرو و يارس كسر زيرو ....

[ahmadel]

أنا أرشحلك اللوجان عربية جامدة..أخويا مشتريها من 4 شهور .... ممتازة....نصيحة أبعد عن المستعمل...لو ما عندكش مشكلة في الفلوس فكر في النيسان صني

[mohamedbook]

يارس احسن الكيد

[ZOTYE]

أنا أرشحلك اللوجان عربية جامدة..أخويا مشتريها من 4 شهور .... ممتازة....نصيحة أبعد عن المستعمل...لو ما عندكش مشكلة في الفلوس فكر في النيسان صني

الصنى عفشتها ناشفة جداااا و شكلها قديم و حريقة بنزين
انا عاوز عربية شيك و فنفس الوقت كلاسيكية و تبقى ناعمة و اقتصادية فى البنزين .....

[mohamedbook]

خليك في اليارس عربية شيك استهلاك بنزين كويس جدا بس خد بالك عشان انت عايزها كسر زيروا لازم يكون معاك مكنيكي كويس
وخد بالك ان تنك البنزين في الصني 50 لتر وكمان العوامه لا تدل علي استهلاك البنزين يعين لو عايز تحسبها كويس في استهلاك البنزين عن طريق الكيلومترات
اما اليارس 1300 cc تفرق كتير عن موتور 1600 cc

[mohamednagib]

الصنى عفشتها ناشفة جداااا و شكلها قديم و حريقة بنزين
انا عاوز عربية شيك و فنفس الوقت كلاسيكية و تبقى ناعمة و اقتصادية فى البنزين .....

يا عزيزي .... انا معايا الصني .... و عفشتها مش ناشفة و لا حاجة .... و استهلاكها في المتوسط 250 كم / الصفيحة ....

[elbeheri]

يا عزيزي .... انا معايا الصني .... و عفشتها مش ناشفة و لا حاجة .... و استهلاكها في المتوسط 250 كم / الصفيحة ....

ايه رايك فى النيسان تانى عشان انا معجب بالعربية دى قوى يار يت تقرير مفصل

[mohamednagib]

ايه رايك فى النيسان تانى عشان انا معجب بالعربية دى قوى يار يت تقرير مفصل

الحمد لله ... بفضل من الله و بنصائح الاخوة الاعزاء في منتدانا ... ربنا اكرمني في اختياري الصني ....

و بصراحة ... مجرد ما تركبها ... هتحس انك ما رميتش قلوسك في الارض .... و هتلاقي كل اللي انت عاوزة من العربية

موتور ياباني .... توكيل غاية في الاحترام .... سعر مناسب جدا جدا ( ولو ان في ناس من ملاكها بيطالبو في زيادة سعرها لانها تسوى اكتر من كده ) قطع غيار معمرة و اسعارها معقوووولة جدا لسيارة مكوناتها ياباني .. اللي يعيب لك على التقفيل المصري .... يا ريت تجيبه من ايده و تشرفوني انتم الاتنين يقولي ايه اللي مش عاجبه .......

و طبعا ممكن تشوف التفاصيل اكتر في الموضوع اللي انت عامله ... تم اضافة لينكات للمرجعية ... و كمان ممكن تدخل قسم النيسان .. هتلاقي تفاصيل اكتر و اكتر .... وربنا ييسر لك امورك ....

[Dina_Elhamy]

أنا عامة مش بحب شكل اللوجان حتي لو هي ممتازة والـصني زي الناس اللي بتشكر فيها في كثير بيقولوا مش كويسة
المهم أنا رأي يأما يارس (بس ليه تجيب مستعمل لو تقدر تجيب حاجة علي اللزيو) او ريو حتي شكلها جميل

[elfashn]

متهيالى الياريس افضل لآنها سيتى كار وتكيفها محترم واستهلاك موفر فى البنزين غير انها يابانى ومعمره قطع غيار متوفره.عيبها ثبات ضعيف على السرعات فوق ال 120

[abdullahmahmou]

بالنسبة للوجان ففيها مشكلة ان صمامات المحرك 8 مش 16 ودا بيخالي قوتها 90 حصان بس مع انها 1600
مع العلم يا جماعة اني مش خبير بس معلومة حبيت اقولهلكو