خلاص حاتجنن..........ساعدوني

[destaroser]

أنا في حيرة ما بعدها حيرة......مش عارف أعمل اية,عايز أجيب عربية ومعايا في حدود 120وممكن لو قسطت أوصل لـ 150يعني الفلوس مش مشكلة ......المشكلة مشكلة إختيار......حاتجنن.......

أنا كنت راكب أوكتافيا A4 مستعمل وعانيت الأمرين مش عشان العربية وحشة ولكن عشان إهمال الى كان راكب قبلى...... العربية ممتازة واحساس بالقوة و الشياكة وعيبها قطع غيار نار ولكن متوفرة( أنا بحب أجيب اللأصلى).

نرجع لمرجعونا في الفئة السعرية دي والى مقبول ليا شكلا:

1-سيراتو: عربية أثارت الجدل ما بين موْيد ومعارض ,ما بين إنتشار وهمي وما بين أكثر عربية بتتباع كسر زيرو الناس (اللى راكبينها) بتقول عيوبها (ثبات مقارنة ب الأوكتافيا – عدم تشفير المفتاح مما يعرضها للسرقة – صاج ضعيف)

مميزاتها ( شكل تحفة – كماليات كثيرة – توكيل محترم – قطع غيار متوفرة- سعر إعادة بيع مرضي- موتور محترم – فتيس استيبترونيك 6 سرعات )

2-فلوانس : مميزاتها :شكل جميل واسعة – توكيل محترم.

عيوبها : سوء سمعة الميجان – قطع غيار أغلى من الفانتازيا – سعر إعاد بيع فى

الضياع – عدم أنتشار.

3-مازدا : مميزاتها :شكل جميل- توكيل محترم- ياباني.

عيوبها: قطع غيار غالية - سعر إعاد بيع فى الضياع – عدم أنتشار- عدم توفر قطع الغيار.

4-النترا 2012: مميزات: لسة معرفش لما تنزل الأول.

عيوب :السعر حايبقى غالى حبتين – هل التابلوة حيبقى بلاستيك زي RB- هل

حاتبقى واطية وبتحك في المطبات زي النترا الحالية- هل العفشة حاتبقى ناشفى زي

السيراتو- هل حايبقى فيها عيوب تانية ومش حاتبان الا بالتجربة)

5-فانتازيا: مميزات : كماليات كتيرة – ثبات – مفتاح مشفر – منتشرة – فخامة – قوة – صاج)

عيوب : الفتيس الاوتوماتيك فية عيب وطقم البودي بلف بتاعها ب 10,000 جنية عشان

كدة لو حاجيبها اجيبها مانوال (نفس كماليات الاوتو أول فئة – توكيل سيئ - قطع غيار

غالية (معمرة)- ثقيلة وغير شبابية (بس شيك)- سعر أعادة البيع بردة في الضياع.

أرجو تفتوني في أمري بموضعية ومحدش يقولى دول فئات مختلفة – ماحدش يقارن الكوري بالالماني دة يتقارن بالياباني .

اللى يرد ياريت يكون عن تجربة.

وألف شكر مقدما.

[ahmed elsherif]

ليه حضرتك مفكرتش في الكروز الهاي لاين عربيه فخمه وعافشه ناعمه وكماليات مرضيه

[mohamedbook]

سيت ليون عربية جبارة
فيت برافوا

بس مفبش سيارة فيها كل المميزات

[destaroser]

ليه حضرتك مفكرتش في الكروز الهاي لاين عربيه فخمه وعافشه ناعمه وكماليات مرضيه

شكرا للرد
الشكل الخارجي مش عاجبني أوي (دي مسئلة أذواق ) والموتور تكنولجي فديم (نوبيرا) وتوكيل غالى وقطع غيار غالية مع انها كوري

[destaroser]

سيت ليون عربية جبارة
فيت برافوا

بس مفبش سيارة فيها كل المميزات

شكرا على الرد
المشكلة فيعم مالهومش قطع غيار - التوكيل مش قوي - سعر اعادة البيع

[sherif4004]

طالما بتحب الاصلى يبقى روح التوكيل المحترم
وهات رينو فلورانس او مازدا 3
بس متفكرش قي البيع الا لو اشتريت كسر زيرو

[destaroser]

طالما بتحب الاصلى يبقى روح التوكيل المحترم
وهات رينو فلورانس او مازدا 3
بس متفكرش قي البيع الا لو اشتريت كسر زيرو

رأي يحترم والف شكر يا باشا على الرد

[nour_nrc]

رينو فلوانس

[destaroser]

ألف شكر لكل الناس الى ردت يا جماعة أنا نفسى أقتنع ...........يعني نفسى من الناس الى عندها خبرة في العربيات السابق ذكرها انو يرشح عربية ويوضح وجهة نظرة ليه هي أحسن من غيرها وألف شكر مرة تانية وأسف على تعبكم معايا

[dede_dodo88]

أنا في نفس موقفك بالظبط,
كنت مبتدي تفكير في السيراتو هاتشباك, و يُقال ان عفشتها حنينة عن السيدان, بس لاقيتها لسة مش متوفرة وكيل و سعرها عمال يزيد كل شوية.
في اختيار تاني, اشوف بي ام استعمال خفيف, لاني بعشق البي ام, بس خايف من المستعمل + في عمليات نصب كتير اليومين دول في موضوع بيع المستعمل.
اختيار تالت, مازدا 3 , بس سمعت فعلاً ان قطع غيارها غالية و سعر اعادة البيع في الأرض.
اختيار رابع, استنى لما السوبارو امبريتسا 2012 تنزل و اشوف نظامها ايه.
اختيار خامس, السيات ليون, أو الفيات برافو, لكن الأتنين فيهم نفس المشكلة, توكيل سيء قطع غيار و اعادة البيع.
أنا مش بدور على أداء بس, لكن عايز شكل كمان, لأني بحب العربيات اللي شكلها ليه طابع هجومي,,
لكن للاْسف سوق السيارات المصري سيء جداً, و الأختيارات فيه محدودة جداً...

[elsheikh2010]

طيب انا عندي اقتراح انا عاشق للياباني تو يوتا او ميتسوبيشي كل الي انت عايزه ده غير سعر اعادة بيع محترم وموفر في البنزين بصورة واضحة وقطع غيار متوافرة . وربنا يوفقك الي الخير
وشكراً

[fineart607]

طالما بتحب الاصلى يبقى روح التوكيل المحترم
وهات رينو فلورانس او مازدا 3
بس متفكرش قي البيع الا لو اشتريت كسر زيرو

فعلا راى ممتاز واضيف السيارة العالمية فعلا هوندا سيفيك

يبقى رينو فلوانس او مازدا3 او هوندا سيفيك واربنا يرزقك الخير ان شاء الله

[destaroser]

طيب انا عندي اقتراح انا عاشق للياباني تو يوتا او ميتسوبيشي كل الي انت عايزه ده غير سعر اعادة بيع محترم وموفر في البنزين بصورة واضحة وقطع غيار متوافرة . وربنا يوفقك الي الخير
وشكراً

ايه رأيك في تويوتا الجديدة 2011 عندك يا باشا اي داتا عنها؟ والف شكر على المساعدة