نيسان صنى ام هيونداى الانترا

[Ramy.Gamal]

سألنى جارى اى العربيتين احسن بصراحة الاجابة صعبة ويا ريت اعرف رأيكم انا شايف ان الانترا انتشرت الفترة اللى فاتت بس برضة انا ركبت وسقت الصنى كتير 2002 ايام ما كانت يابانى وطبعا عربية ممتازة و منتظر ردودكم

[loai-omar]

طبعا هنا كله هايقولك نيسان صني

بس بص بصراحه الالنترا جميييييييييييييييييله اوي من جوا و من برا

تابلوه و كراسي و قعده تحفه

بس مش عارف كمان كام سنه هاتبقا عامله ازاي

الصني عاجباني و موتورها ماشاء الله

و شكلها فخم و يـــــابــــــــــــــاني

و مافيش فرق اوي بالنسبه للتقفيل المصري

[ahmed_badran]

صنى بمقوماتها الماديه هى الأفضل و لكن من حيث الشكل الألنترا تكسب

[qwertyqwerty]

محتار مثلك

محتار مثلك.
اعتقد يجب ان نقارن من حيث: -السعر فى حالة اعادة البيع-الصيانة (هل تغوووور من وش غبوووووور)-سعر قطع الغيار -الانتشار.
هل حد عند فكرة.................

[tutankhamoun]

صوتي ذهب للنيسان صني للأسباب الآتية
العربية تحس أنها ماسكة نفسها عن الإلنترا
أشتهار شركة نيسان بجودة المنتجات عن هيونداي
صاج السيارة أقوى ......... قلة الأعطال

لو تكلمنا من ناحية الشكل
الإلنترا أحلى بكتير و أجمل و أشيك
و لكن ........ سيارات هيونداي تحتاج لرعاية مضاعفة من صاحبها عكس نيسان صني

و أنا لم أرشح نيسان صني علشان كلمة ياباني و كوري
و لكن علشان .......... فعلا العربية حلوة ......... أنا معنديش في قاموسي كلمة ياباني ....... و هندي و موزمبيقي و الكلام اللي لا يودي و لا يجيب ده

[solyahmed]

نيسان صني جميييييييييييييييييله

[qwertyqwerty]

شكرا للردود

[som3aa]

لو ليا يبقى الالنترا
لو ليك يبقى الصنى
:D
ليه؟ أقولك
أولا الالنترا احلى شكلا بكتير اوى من بره و من جوه و التابلوه الأزرق جميل و شكلها جديد مش زى الصنى بقالها كتير
ثانيا الصنى نزل منها شكل جديد و انا محبش اشترى عربية فى شكل احدث منها

أما عن الصنى مميزتها أولا
سعرها : 92 اوتوماتيك كده 100- 100 (حسب اللى قريته abs-airbags) و 102 الsuper salon اما الالنترا بتبدا من 98 المانيوال الفاضية.
فطبعا من ناحية السعر الصنى تكتسح و دا علشان بتتجمع فى مصر.
بعدين مركة نيسان معروفة بجودتها الشديدة علشان كده تبقى ضامن العربية هتعيش معاك (لو هتقعد العربية اكتر من 5 سنين) اما الالنترا فبصراحة انا معرفش فعلشان كده محبش افتى و ادى حد نصيحة عن حاجة معرفهاش بس لو ليا كنت هشتريها منغير تفكير لانى هغيرها بعد 4 سنين بالكتير كمان متفرقش معايا لو حاجة او اتنين باظوا و اتغيروا فى الضمان(فى ناس تقولك اجيب يابانى مضمون ميفتحش بقه).
شوف انت , رد على الاسئلة دى ناوى تقعد العربية كتير و لا لأ و مستعد تضحى بالفرق فى الاوبشنز او تدفع اكتر كتير علشان تجيب الالنترا و لا لا (الالنترا الكاملة ب 120 اعتقد).
و حسب ردك يبقى تتوكل على الله و تشترى العربية.
نسيت من ناحية التجميع انا شخصيا متفرقش معايا خالللص التجميع المصرى و عندنا نوبيرا موديل 2001 فعلا عربية رائعة صحيح فيها عيوب بسيطة بس بتتصلح و بالنسبة لسعرها ممتاااازة
و اعتقد والله اعلم تقفيل الصنى كويس

[Ramy.Gamal]

الف شكر

شكرا جزيلا للتوضيح يا سمعة وعقبال ما تجيب الالنترا

[som3aa]

العفو على ايه بس الفكرة انا بقول لو كنت هجيب عربية من الاتنين دول فى الفئة السعرية دى, انا عندى عربية (السوناتا)

[mina_ramsis]

الصنى مفيهاش abs و فيها اير باج واحده
بس هيا عربية حلوة و المقارنة صعبة و للامانة برده تقفيل الالنترا برقبة تقفيل الصنى بس برده سعر الالنترا مبالغ فيها اوى يعنى انا فاكر اول ما نزلت كانت ب 90 الف للمانيوال و 96 للاوتوماتيك و 107 للكاملة شوف وصلت كام دلوقتى

[qwertyqwerty]

هل الحجز من التوكيل ارخص
وكام سعر الاوتوماتيك الان
هل قطع غيارها اغلى من السنى

[AboMaro]

اولا الانترا في رأيي متتقارنش بالصني ممكن تتقارن بعربيه تانيه ياباني خالص
لان الانترا في العالم كله فاقت الياباني في جميع التقديرات
ثانيا : لا وجه للمقارنه بين صاج الصني وصاج الانترا طبعا الانترا اجمد مليون مرة - على فكرة واحد قريبي معاه صني بس الياباني 2002
: الانترا اكثر امانا وثباتا على السرعات العاليه
تكنولوجيا الموتور احدث وافضل
اما عن الشكل والتقفيل فطبعا الكل متفق عليها وهي تستاهل اكتر من تمنها
وبالنسبه للوكيل اللي مفيش رأي مجمع عنه ناس تقول كويس وناس كرها حتى اسمه بس الالنترا مش محتاجة التوكيل غير ف الصيانه الدوريه و بس
على فكرة انا لا ركبتها ولا سوقتها بس هي مع المدير بتاعنا من ساعة ما جابها من 6 شهور تقريبا وهو محدش عارف يكلموا

[mohbasyouni]

اولا الانترا في رأيي متتقارنش بالصني ممكن تتقارن بعربيه تانيه ياباني خالص
لان الانترا في العالم كله فاقت الياباني في جميع التقديرات
ثانيا : لا وجه للمقارنه بين صاج الصني وصاج الانترا طبعا الانترا اجمد مليون مرة - على فكرة واحد قريبي معاه صني بس الياباني 2002
: الانترا اكثر امانا وثباتا على السرعات العاليه
تكنولوجيا الموتور احدث وافضل
اما عن الشكل والتقفيل فطبعا الكل متفق عليها وهي تستاهل اكتر من تمنها
وبالنسبه للوكيل اللي مفيش رأي مجمع عنه ناس تقول كويس وناس كرها حتى اسمه بس الالنترا مش محتاجة التوكيل غير ف الصيانه الدوريه و بس
على فكرة انا لا ركبتها ولا سوقتها بس هي مع المدير بتاعنا من ساعة ما جابها من 6 شهور تقريبا وهو محدش عارف يكلموا

+100000000

[waleed24ag]

ابو عمرو الالنترا طبعا حاوه و انا راي انها ممكن تكون احلي و اشيك من الصني بس العربيه برده موش قد كده يعني لو قارنتها بالياريس الي هيا ااقل في المحرك و الاحصنه تلاقي الياريس تكتسح انا موش بقول الالنترا وحشه لكن بس برده موش قويه اوي كده و خصوصا في عيب قوي جدا فيها ان توكيلها غبور و ما ادراك ما غبور و شكوي كل العملاء منه