مقارنة بين التمبرا و البيجو405 و النوبيرا2

[Lord of the flies]

ابحث عن سيارة بحد اقصى 45 الف جنية و تكون واسعة و اعتمادية
انا محتار بين التمبرا و البيجو405 و النوبيرا 2 لذا ارجو من كل من تعامل مع احدهم ان يشارك فى هذة المناقشة الراقية ويا ريت لو تفصيل عن الاتومتيك فى اى منهم.

ولكم جزيل الشكر و الاحترام

يرجى عدم اغراق المنتدى بتكرار الموضوع فى عدة اقسام منعا لتوقيع عقوبات

مشرف 12 ب

[haimaN]

انا من وجهة نظرة النوبيرا اكيد
اقتصادية فى كل حاجة وقطع غيرها مووده فى كل حته ورخيصة جدا ومكان فى ميكانيكا كتير بيشتغلوا فيها
وعيوبها محفوظة جدا

اوسع عريبة من الاتنين اللى انت ذكرتهم
افخم فى الشكل بكتير
انا مش بقول كده علشان معايا نوبيرا
لان بس انا لو هاشترى تانى هاشترى نوبيرا مش تيمبرا ولا بيجوا
وعلى فكرة انا لما جيت اشترى فكرت فى البيجوا والنوبيرا والاوبل
وبصراحة بعد تجربة التلاته وجود قطع الغيار واسعارها اكيد اخترت النوبيرا

[badblood]

انا افضل النوبيرا لان كل حاجة فيها موجودة واسعار قطع الغيار معقولة جدا

[JUVENTUS]

انا الصراحة عمري ماركبت النوبيرا و لا 405 و هتكلم عن التمبرا لانها معايا
العربية شكلها الخارجي كويس جدا مش شكل قديم و لا جديد اوي لكن لما بتكون حالتها كويسة بيكون شكلها حلو



التمبرا عربية صالونها واسع و مريح و شكله كويس جدا و فيه مميزات زي التكييف التتش و العداد الديجيتال و مرايات كهربا و فتحة سقف في بعض الفئات و فتحات تكييف تحت الكرسيين اللي قدام و فتحة تكييف في الخلف و مخدع بين الكرسيين اللي قدام برضو و كرسي السائق بيتحرك لفوق و تحت طبعا غير زجاج كهربا امامي و سنتر لوك




العداد الديجيتال

العداد العادي

الشاسيه او الصاج بتاعها قوي جدا جدا





الموتور هادئ و ناعم جدا و فيه منه 1600 كاربيراتير و انجكشن و 1400 اجكشن و الافضل هو الا 1600 الانجكشن و العربية بالطبع فيها باور و تكييف بس مش زي العربيات الجديدة بس كويسين اوي و على حسب حالة العربية برضو


موتور انجكشن

ثبات العربية ممتاز لانها تقيلة جدا

قطع غيارها متوفرة جدا جديد و استيراد
و ده موضوع في الاسعار http://www.nilemotors.net/Nile/194188-a.html

عيوبها
العفشة ناشفة شوية بترزع شوية في الحفر و الارض لو مكسرة
الصيانة عايزة حد فاهم عشان الصنايعية بيلعبو فيها و برضو صاحب العربية لازم يكون فاهم فيها شوية عشان محدش يلعب فيها و بالتالي تلاقي عيوب في الكهربا مثلا او تلاقيها بتسخن
لازم العربية تكون حالتها كويسة و الا هتتعبك جامد و هتزهق منها

[Unendlich]

بص يا سيدي الفاضل, بطبيعتنا كمصريين و دي حاجة مختومة في جيناتنا إن كل واحد حيخش يحكي عن أمجاد عربيته
و أنا مصري و افتخر طبعا بس الفرق بيني و بين اللي ردوا قبلي إني امتلك 2 من اللي حضرتك بتقارن بينهم و بالتالي هاقدر اكون محايد شوية
تمبرا موديل 2000 عاملة 15 ألف كم و 405 موديل 1994 عاملة 135 ألف كم
ال 2 معانا من الزيرو (ال 405 جايبينها من فرنسا سنة 1994 مش من وجيه اباظة ) و أقدر أقولك إني هختار ال 405 في أي وقت حتى رغم فرق ال 120 ألف كم اللي بينهم
البيجو اشيك, اثبت و متورها أجمد, التمبرا شنطتها تكفي فيل و فيها تكييف تتش و هواية ورا (حتة دلع لكن مش آخر الدنيا)
فتيس البيجو انعم و نسبه أحسن, التمبرا تحسها نفسها قصير شوية
بما إني مش معايا النوبيرا و بما إني مصري هاقولك ال 2 اللي معايا أحسن
بس اللي يقولك قطع غيار البيجو غالية هيبقى غالبا سمع انما مركبش واللي ميعرفوش إنها غالية آه بس بتركب و تنسى و أنا أكيد اثق في الفرنساوي والايطالي أكتر من الكوري
عامة البيجو أهي ما شاء الله 135 ألف و ملمستش حاجة في الميكانيكا ابدا (عفشة فبريكة والموتور متفتحش)
التمبرا طبعا فبريكة بالكامل بره و جوه و ميكانيكا و كله بس رغم فرق السن والكيلومتر البيجو حاجة تانية

[JUVENTUS]

انا مش بمجد في التمبرا و لا حاجة انا 80% من اللي قلته مواصفات و اوبشنز في العربية مش اكتر
انا معرفش اي حاجة عن البيجو و لا النوبيرا و حاولت فقط اوضح كل حاجة عن التمبرا
و قلت العيوب بتاعتها من وجهة نظري

[Omar_H]

أنا بس ليَّ تعليق على حتت إن النوبيرا اوسع عربية ... أنا معرفش التمبرا إن نظامها عشان ماركبتهاش بس أنا معايا 405 و ركبت نوبيرا مع واحد صاحبي و ال 405 طبعا اوسع من النوبيرا بكيتر

[Unendlich]

انا مش بمجد في التمبرا و لا حاجة انا 80% من اللي قلته مواصفات و اوبشنز في العربية مش اكتر
انا معرفش اي حاجة عن البيجو و لا النوبيرا و حاولت فقط اوضح كل حاجة عن التمبرا
و قلت العيوب بتاعتها من وجهة نظري

يا فندم أنا بهرج بس والكلام عام مش موجه لحضرتك شخصيا
أنا قلت "اللي ردوا قبلي " مش "اللي رد"

[JUVENTUS]

يا فندم أنا بهرج بس والكلام عام مش موجه لحضرتك شخصيا
أنا قلت "اللي ردوا قبلي " مش "اللي رد"

يا فندم انا مقصدش حاجة و الله ابدا بالعكس انا اصلي اتكلمت على التمبرا شوية و بعد كده حبيت اوضح ان انا مش متحيز للتمبرا تحيز اعمى او بحاول اقول فيها كلام حلو و خلاص ممكن تكون البيجو او النوبيرا افضل عادي كل عربية ليها ما يميزها و يعيبها
و تقبل فائق احترامي

[heshamzaky]

Juventus أنت قولت الخلاصة عن التمبرا مش عارف أضيف غير زيادات صغيرة عن الى أنت قولتة

[heshamzaky]

بص يا سيدي الفاضل, بطبيعتنا كمصريين و دي حاجة مختومة في جيناتنا إن كل واحد حيخش يحكي عن أمجاد عربيته
و أنا مصري و افتخر طبعا بس الفرق بيني و بين اللي ردوا قبلي إني امتلك 2 من اللي حضرتك بتقارن بينهم و بالتالي هاقدر اكون محايد شوية
تمبرا موديل 2000 عاملة 15 ألف كم و 405 موديل 1994 عاملة 135 ألف كم
ال 2 معانا من الزيرو (ال 405 جايبينها من فرنسا سنة 1994 مش من وجيه اباظة ) و أقدر أقولك إني هختار ال 405 في أي وقت حتى رغم فرق ال 120 ألف كم اللي بينهم
البيجو اشيك, اثبت و متورها أجمد, التمبرا شنطتها تكفي فيل و فيها تكييف تتش و هواية ورا (حتة دلع لكن مش آخر الدنيا)
فتيس البيجو انعم و نسبه أحسن, التمبرا تحسها نفسها قصير شوية
ب

بص يا باشا أنا مش حا أقولك التمبرا و لا النوبيرا و لا البيجو أحسن عربية فيهم مثلا كذا علشان العربية دى مثلا أنا راكبها .
بس حا اقارن لك مقارنة عادلة جدا و صح جدا
حضرتك قارنت بين البيجو الفرنساوى المستوردة و بين التمبرا التجميع المحلى
البيجو الى حضرتك بتقول عليها موديل 94 تمام . فية تمبرا بس أستيراد موديل 94 و مستوردة نازلة من ألمانيا حا أقارن لك بين العربيتين دول يعنى مستورد أمام مستورد
التمبرا أنجيكشن بها فرامل abs , air bag , فتحة سقف كهرباء حساسات فى كل حاجة زى حساس شكمان و حساس كرنك و حساسات للنور الداخلى و أيموبليزر
الموتور مش زى الموتور الى بينزل فى التمبرا المصرى خالص
العربية شبة مصفحة من كذا مكان زى الابواب من الداخل و خلف الاكصدامات اللامامية و الخلفية زائد شوية الكماليات ان التتكيف تاتش و فية فتحات للتكيف تحت الكراسى و هواية حلفية للكنبة
الفكرة تقارن انهى موديل بانهى موديل يعنى تشوف البيجو بتاعت وجية اباظم مع التمبرا تجميع النصر للسيارات و المستورد مع المستورد
و العربيتين حلوين

[heshamzaky]

أنا بس ليَّ تعليق على حتت إن النوبيرا اوسع عربية ... أنا معرفش التمبرا إن نظامها عشان ماركبتهاش بس أنا معايا 405 و ركبت نوبيرا مع واحد صاحبي و ال 405 طبعا اوسع من النوبيرا بكيتر

لو حا تقارن كوسع التمبرا أوسع . التمبرا اوسع فى الصالون من البيجو ال 406 كمان مش البيجو ال 405

[hugan]

لو حا تقارن كوسع التمبرا أوسع . التمبرا اوسع فى الصالون من البيجو ال 406 كمان مش البيجو ال 405

صح الكلام
التمبرا اوسع منهم

[Unendlich]

ال 2 جنب بعض, لأ ال 405 أوسع

البيجو الى حضرتك بتقول عليها موديل 94 تمام . فية تمبرا بس أستيراد موديل 94 و مستوردة نازلة من ألمانيا حا أقارن لك بين العربيتين دول يعنى مستورد أمام مستورد
التمبرا أنجيكشن بها فرامل abs , air bag , فتحة سقف كهرباء حساسات فى كل حاجة زى حساس شكمان و حساس كرنك و حساسات للنور الداخلى و أيموبليزر
الموتور مش زى الموتور الى بينزل فى التمبرا المصرى خالص
العربية شبة مصفحة من كذا مكان زى الابواب من الداخل و خلف الاكصدامات اللامامية و الخلفية زائد شوية الكماليات ان التتكيف تاتش و فية فتحات للتكيف تحت الكراسى و هواية حلفية للكنبة
الفكرة تقارن انهى موديل بانهى موديل يعنى تشوف البيجو بتاعت وجية اباظم مع التمبرا تجميع النصر للسيارات و المستورد مع المستورد
و العربيتين حلوين

كل الأوبشن اللي حضرتك ذكرته في التمبرا المستوردة موجود في ال 405 ما عدا الهوايات الخلفية و على فكرة تكييف البيجو بيعجني أكتر. صحيح هم ال 2 تكيفاتهم مش زي الكورولا مثلا بس ال 405 تبريده أسرع
بس أنا بقارن حاجات basic , يعني ثبات , نعومة, صالون ... كدة إنما مش بقارن في الكماليات خالص و حضرتك ممكن تراجع مرة تانية اللي أنا كتبته
زائد إني معايا تمبرا حالة واحد في المليون (15 ألف كم ) يعني مش بتكلم على واحدة طلعان عين اللي جابوها أو بتكلم على عربية مش راكبها
في النهاية الدنيا اذواق, و أنا شخصيا لو كنت لقيت صاحب الموضوع بيقارن التمبرا بالنوبيرا أو ال 405 بالنوبيرا ماكنتش هاكتب عشان مبقاش اسمي منحاز لعربيتي
تمنياتي بالتوفيق لصاحب الموضوع
و تفضلوا بقبول فائق احترامي

[heshamzaky]

ال 2 جنب بعض, لأ ال 405 أوسع


كل الأوبشن اللي حضرتك ذكرته في التمبرا المستوردة موجود في ال 405 ما عدا الهوايات الخلفية و على فكرة تكييف البيجو بيعجني أكتر. صحيح هم ال 2 تكيفاتهم مش زي الكورولا مثلا بس ال 405 تبريده أسرع
بس أنا بقارن حاجات basic , يعني ثبات , نعومة, صالون ... كدة إنما مش بقارن في الكماليات خالص و حضرتك ممكن تراجع مرة تانية اللي أنا كتبته
زائد إني معايا تمبرا حالة واحد في المليون (15 ألف كم ) يعني مش بتكلم على واحدة طلعان عين اللي جابوها أو بتكلم على عربية مش راكبها
في النهاية الدنيا اذواق, و أنا شخصيا لو كنت لقيت صاحب الموضوع بيقارن التمبرا بالنوبيرا أو ال 405 بالنوبيرا ماكنتش هاكتب عشان مبقاش اسمي منحاز لعربيتي
تمنياتي بالتوفيق لصاحب الموضوع
و تفضلوا بقبول فائق احترامي

لو حا تقارن ثبات أنت شايف أن البيجو اثبت من التمبرا طب ممكن تشرحلى لية أية السبب فى انها اثبت .
البيجو الى مع حضرتك فيها كل الابشن الى أنا ذكرتها فى المشاركة يعنى فيها أمبوليزر مثلا و حساسات فى كل حاجة موجودة و فرامل abs و فتحة سقف كهرباء لو فيها كل دة ربنا يباركلك فيها طبعا و دول مش كماليات سيبك من فتحة السقف لكن الباقى يعتبر اساسيات أوبشن عربية فيها سيفتى صح
المقارنة الى أنا ذكرتها قارنت عربيتن فى نفس المستوى و سنة الصنع علشان تقارن بين التكنولوجيا الى فى العربيتين المذكورتين
و لو تمبرا طلعان عينها يبقى ما تنفعش للمقارنة اساسا ولا هى و لا حتى مرسيدس طلعان عنيها يعنى ثبت حالة عربيتين زى بعض و قارن بينهم