هل اشتري لانوس او فيات سينا

[temos]

الاعضاء الكرام
ارجو الاستشارة منكم هل اشتري لانوس 1 او 2 او اشتري فيات سينا 1400 سي سي
احتياجاتي من السيارة :
+ تكييف جيد
+ ماتور محترم
+ وفرة في استهلام الوقود
+ قطع غيار رخيصة و متوفرة
+ عائلية
+ استخدام للسفر (يوميا 100 كيلو)
+ السعر من 30 ال 40 الف جنية

حيث اني اريد شراء سيارة في اول يونية ان شاء الله
شكرا

[mustafavet]

هي الفيات سينا شكلها نظيف بس مش عارف عنها حاجة
دور في قسم المقارنات

[zaza2002]

لا وجه للمقارنه بين الاتنين لان اللانوس وبلا تحيز تكسب من كل الوجوه

[haisam_belal]

فعلا لا وجه للمقارنه ....لانوس اقوى

[A.samy]

الاعضاء الكرام
ارجو الاستشارة منكم هل اشتري لانوس 1 او 2 او اشتري فيات سينا 1400 سي سي
احتياجاتي من السيارة :
+ تكييف جيد
+ ماتور محترم
+ وفرة في استهلام الوقود
+ قطع غيار رخيصة و متوفرة
+ عائلية
+ استخدام للسفر (يوميا 100 كيلو)
+ السعر من 30 ال 40 الف جنية

حيث اني اريد شراء سيارة في اول يونية ان شاء الله
شكرا

انا هرد عليك فى اللى انت كاتبة عشان انا كنت فى نفس حرتك
+ تكييف جيد الانوس اقوى
+ ماتور محترم الاتنين نفس المستوى
+ وفرة في استهلاك الوقود الاتنين واحد مفيش فرق كبير
+ قطع غيار رخيصة و متوفرة الانوس تتفوق بكتير
+ عائلية الاتنين ينفعو بس الكنبة بتاعت السينا صغيرة شوية لاكن الشنطة اكبر فى السينا
+ استخدام للسفر (يوميا 100 كيلو) الاتنين يستحملو لاكن الانوس تتفوق لتوافر قطع الغيار ورخصها لان الاستخدام الكتير استهلاك لقع الغيار.
+ السعر من 30 ال 40 الف جنية فى الحتة دى اقدر اقولك ان السينا تتفوق لان ممكن بالسعر دة تجيب سينا كويسة لان الطلب عليها فى السوق مش زى الانوس فبكدة تقدر تجيب حاجة موديل حديث عن الانوس

[JUVENTUS]

السيينا افضل في كل النواحي عدا قطع الغيار و الصيانة اللانوس افضل و ممكن تكييف اللانوس افضل برضو بس مش متأكد لان تكييف السيينا كويس برضو

[م/مصطفى محمود]

+ تكييف جيد => اللانوس
+ ماتور محترم => السيينا (بالأخذ فى الإعتبار إنة 1400 مش 1500)
+ وفرة في استهلام الوقود انا السيينا عندي بتعمل 200 كم فى الصفيحة داخل البلد
+ قطع غيار رخيصة و متوفرة => السيينا طبعا ، إنزل وشوف وقارن ، انا الميكانيكي بتاعي شغال في الدايو وهو بنفسة الللى بيقولي إن السيينا أرخص (لانها بتشترك مع حاجات فى التمبرا وال 131 فيات من الآخر)
+ عائلية اللنوس (الكنبة اكبر بس شنطة اقل)
+ استخدام للسفر (يوميا 100 كيلو) اعتقد الإتنين كويسين
+ السعر من 30 ال 40 الف جنية السيينا تكسب فى السعر ده

بس بصراحة الفيات فيات مهما كان ، متانة وشياكة وقوة وتحمل

[apoadel_vip]

عن تجربه الانوس أفضل
كفايه ان كل الناس بتفهم فيها وقطع غيرها في اي مكان ورخيصه
و وقت ما تحب تبيع تلاقي مية مشتري
توكل على الله وهات لانوس بس خلي بالك دور كويس وهات حاله كويسه
وربنا يكرمك بالعربيه الافضل ليك

[temos]

الاعضاء الافاضل
اشكركم بشده علي المشاركة السريعة و الممتازه و بجد انا في حيرة من امري انا معايا 128 و ميال بشده للسينا بس بجد انا متخوف بشدة من موضوع قطع الغيار و الميكانيكا الخاصة بها و بالذات مشاكل الحقن

[JUVENTUS]

العربيات الفيات زي السيينا و التمبرا قطع غيارها مبقتش زي زمان لأ دلوقتي متوفرة و باسعار مش غالية
و متوفرة استيراد كمان بكثرة الحاجة اللي ممكن تبقى رخمة شوية الصيانة نفسها يعني لازم ميكانيكي بيفهم شوية عشان يشتغل فيها لكن اللانوس اي حد بيشتغل فيها عادي
و زي ما قال م . مصطفى قطع الغيار متوفرة و رخيصة
و حضرتك قلت انك هتسافر بيها و بالتالي السيينا ثباتها افضل و موتورها اعفى و معمر اكثر و صاجها قوي برضو
ربنا يوفقك للافضل باذن الله

[egyptiandiver]

Lanos

[م/مصطفى محمود]

بصراحة الميكانيكية مبيحبوهاش علشان الكبوت ضيق ، فبيغلبهم فى الفك والتركيب ، بس عادي يعني فى ميكانيكية كتير ليها (مش زي اللانوس طبعا)

قطع الغيار متوافرة وأسعارها أقل من اللانوس (مثلا رمان البلي هو هو بتاع ال 128 معدل ، وهكذا معظم قطع الغيار مُشتركة مع حاجات من الفيات القديم والجديد) الفانوس أصلي ب 200 وتايواني ب 150

اما مشاكل الحقن فدي أول مرة أسمع عنها

[JUVENTUS]

بصراحة الميكانيكية مبيحبوهاش علشان الكبوت ضيق ، فبيغلبهم فى الفك والتركيب ، بس عادي يعني فى ميكانيكية كتير ليها (مش زي اللانوس طبعا)

قطع الغيار متوافرة وأسعارها أقل من اللانوس (مثلا رمان البلي هو هو بتاع ال 128 معدل ، وهكذا معظم قطع الغيار مُشتركة مع حاجات من الفيات القديم والجديد) الفانوس أصلي ب 200 وتايواني ب 150

اما مشاكل الحقن فدي أول مرة أسمع عنها

بالضبط كده هي المشكلة في الصيانة فقط و عشان الحوض ضيق
انا سمعت انه عشان تفك الرادياتير لازم تفك الاكصدام
لكن فيه ناس كتير بيشتغلو فيها و العربية بقت متداولة اكتر و مطلوبة كمان

[elfashn]

لانوس

[Mostafa.Mahran]

اللانوس الى معايا عاملة 460 الف كيلو و كل يوم بتمشى ما بين 200 و300 كيلو و مع ذلك مفيش اى مشكلة فيها طالما محافظ عليها و هى موديل 2000