للمساعده و النصيحه ضروريه

[dodge200]

استشاره أو نصيحه انا معايا أوبل فيكترا 97 و بقالها معايا 5 سنين الحمد لله شفت الحلو اوى والوحش اوى من ناحية التصليح بس انا نفسى اغيرها و مقدرش اكمل الزياده الجامده اللى تخلينى اجيب نيو فيكترا او جيتا او اوكتافيا فا عايز النصيحه فعربيه يابانى او كورى او اوروبى و لو حتى مستعمله و لا اخليها معايا لحد ما ازود بس كده ان شاء الله هستنى كتير :) ارجو النصيحه لو سمحتم يا أهل الخبره

[SEATLOVER]

سؤال حلو ..شوف يا dodg
1-تخليها و تشدها كلها مرة واحدة عشان ترتاح
2-تنقل على موديل احدث فى الفكتيرا ذى ال 2000
3-اليابانى : قدامك الكورولا اى موديل فوق ال 2000 لحد ال2005
4-الكورى :قدامك الالنترا الشكل القديم اى موديل

[محمد عز]

ان فاتك اليابانى مش هيرجع تانى
شوفلك كورولا الشكل القديم وريح دماغك من موضوع التصليح والميكانيكيه
لانها عربيه اعطالها قليلة جدا
بس طبعا انت راجل خدت على سواقه الالمانى
وتقريبا اللى بياخد على قوة الالمانى صعب انه يغير بسهوله

[dr_3eshoo]

اوبل و بعد كده تويوتا
صعبه دي
اقل حاجه تركبها بعد الاوبل حتى لو كورسا تبقى بي ام او فولكس فاجن
لو مش مزعلاك خليها لو مزعلاك بعها و هات تويوتا

[fahd_628]

يا راجل الفيكترا دية بجد بحبها موووووووووووووت و حرام تبيعها لأنها بجد تحفة فنية

رأى شدها و خليها معاك لأنها تحفة ما شاء الله

[dodge200]

طب حد يقوللى على عربيه جربها و أقتنع بيها زى الألمانى انا كنت بفكر فى الانسر 1600 مو2005 بس احب أعرف أراء الناس برده و الأستفاده كويسه من الغير

[mohamed ibiza]

من الاخر من خلال رحلتي 4 سنين في عالم العربيات مفيش عربية ياباني او كوري تحل محل عربية الماني شوف انا معايا الابيزا 94 اول الابيزا ما جت كان معاها سويفت اتباعت علي طول مش بتاعة حرت بعدها كان في اكسيل اتباعت بسرعة ابويه كان عايز حاجة زي الابيزا كده قبل الابيزا كان في كورولا تسعينات كانت عربية حمولة و اعطالها قليلة كانت حلوة لكن برضه بعد ما جبنا الابيزا و معانا لحد دلوقتي الكورولا اعدت معانا مدة برضه الالماني ملوش زي انسيييييييييي و كمان الاوبل مش اشد حاجة في الالماني و مع ذلك هي عربية اعتماديتها عالية متقدرش تنزل عن المستوي ده من التحمل و القوة لحاجة اقل هتندم علي الاوبل اوي اوي انا رأيي شدها و عيش بيها لان عمرك ما هتلاقي زي الالماني حتي الالماني الجديد مش زي القديم برغم تفوقه علي كل الجديد اللي معاه في السوق و لو عايز تظلع من الفيكترا و في نفس الوقت تحافظ علي المستوي يبقي عليك و علي البورا او توليدو 2001 او باسات 99 مانوال ده رأيي









Ibiiiiiiiiiiiiiiiiiiiiiiiiiiiiiiiizzzzzzzzzzzzzzzz zzzzzzzaaaaaaaaaaaaaaaa For Ever

[hazem_khidr]

طب انت عاوز تجيب عربيه فد حدود كام؟؟؟؟؟؟؟

[limo]

واضح ان حدودك من 70 الى 80 الف
عندك الانسر حلوه برضو عربيه ثبات وقله اعطال و اعاده بيع كويس واداء كويس وطبها هتحس بفرق بينها وبين الاوبل على الاقل الانسر هتكون موديل حديث بس جبها 1600 سى سى

عندك برضو الكورولا مو2003 او 2004 نفس مميزات الانسر بس 1300

عندك الرينو ميجان مو 2005 او 2006 عربيه حكايه -جميله جدا جدا جدا

ده بالنسبه للموديلات الحديثه والافضل انك تركب موديل حديث يكون بعد ال2004 على الاقل