عايز اشتري عربية... اشتري اية في دول؟؟

[h_fouad_rasheed]

السلام عليكم ورحمة الله

قبل اي شئ احب اشكر كل العاملين على الكيان العظيم ده, من اداريين ومشتركين... قد اية استفاد منكم تقريبا شعب مصر كله... جعلة الله في ميزان حسناتكم

بالنسة لسؤالي... انا لو معايا 25000 جنية, اقدر اجيب بيهم اية؟؟ انا عايز حاجة مريحة وفيها امكانيات (تكييف, بور, زجاج كهربا) وياسلام لو اوتوماتيك - بحلم صح !!؟؟ - دي اغلب الحاجات المهمة اللي انا ذقت منها الامرين في ال 128 بتاعتي

انا لقيت حاجات كتير في الرينج ده... بس كل حاجة بيبقي فيها عيب, واحد يقولي قطع الغيار غالية.. والتاني يقولي الصيانة هتبقي كتير والتالت يقولي مالهاش ميكانيكية

في قائمة طويلة شوية لقيتها في الرينج ده:

هوندا أكورد 1980
شيفروليه سبرنت 1986
رينو ميجان 1990
ريجاتا 1985
هوندا سيفيك 1983
ماتسوبيشي 1985 - 1987
ستروين AX 1995
مازدا 121 - 1997
مازدا 323 - 1983
سوزوكي سويفت 1994
كليو هاتشباك 1995
سوزوكي سويفت هاتشباك 1992
مازدا 929 - 1983
هوندا اكورد 1982


حد يقدر يفيدني

وجزاكم الله خيرا

[Scuderia.M]

في كمان الFord Ka بتعمل من 20 ل 25 وبيبقى فيها تكييف وpower وقزاز كهربة, بس طبعا مش auto..

أظن لو عايز عربيه تريحك ابعد عن موديلات الثمانينات, خليك أحسن في تسعينات فما فوق. زي الclio, الswift, الmegane..

[Ghosts]

يارااااااجل ...... بقى بعد العذاب اللى شوفتة مع ال128 عايز تجيب مستعمل تااااانى ؟
أنا لو مكانك كنت صبرت شوية عشان أجيب حاجة زيرو بالتقسيط .....
المستعمل مهما كان محتاج مصاريف علطووووووول

[M.FOUAD]

سويفت

[h_fouad_rasheed]

في كمان الford ka بتعمل من 20 ل 25 وبيبقى فيها تكييف وpower وقزاز كهربة, بس طبعا مش auto..

أظن لو عايز عربيه تريحك ابعد عن موديلات الثمانينات, خليك أحسن في تسعينات فما فوق. زي الclio, الswift, الmegane..

يعني الانواع دي كويسة يا جماعة؟... مالهمش مشاكل كتير زي موضوع ندرة قطع الغيار والميكانيكية ومش عارف اية؟؟

أصل انا بقول السويفت كويسة بس لما بتبقي نظيفة يعني... بس ماعرفش عنها حاجة... وحاسس ان 25000 رخيص عليها... انا كنت بسمع انها بتوصل ل 35000, معقول تنزل لحد 25000!!؟؟ ولا الاسعار نزلت فعلا وانا كنت نايم في شنطة ال 128!!؟؟

[h_fouad_rasheed]

يارااااااجل ...... بقى بعد العذاب اللى شوفتة مع ال128 عايز تجيب مستعمل تااااانى ؟
أنا لو مكانك كنت صبرت شوية عشان أجيب حاجة زيرو بالتقسيط .....
المستعمل مهما كان محتاج مصاريف علطووووووول :_alshmokh08[1]:

كان نفسي والله... بس لسة مش هقدر ادفع قسط دلوقتي ولفترة كبيرة... وبرده مش هقدر استني بال 128 لاني جالي هبل في دماغي منها

[graffittiii]

يؤسفني يافندم أبلغك إننا ضايعين ضايعين لااامحاااالة

قصدي يعني يؤسفني أبلغك أن الأنواع اللي حضرتك كتبتها دي كلها هتزهقك من أي حاجة بتمشي علي أربع عجلات ..
منها اللي موديلات قديمة جدا وبالتالي هتحتاج تصلييح كل شوية ..
ومنها الغير منتشر بالمرة وبالتالي قطع غيارها هتكون صعبة ..
يستثني من ذلك السويفت والريجاتا ودول اللي أنا أرشحهملك بصراحة من خلال قايمتك ... لكن مش هتلاقي فيهم الكماليات اللي في دماغك ...

رأيي تستني شوية وفوق ال 30 هتلاقي العربيات اللي فيها الأوبشنز اللي أنت عاوزها وساعتها هتحس أنك فعلا غيرت عربيتك ال 28

[elpasha1]

سويفت

[h_fouad_rasheed]

يؤسفني يافندم أبلغك إننا ضايعين ضايعين لااامحاااالة

قصدي يعني يؤسفني أبلغك أن الأنواع اللي حضرتك كتبتها دي كلها هتزهقك من أي حاجة بتمشي علي أربع عجلات ..
منها اللي موديلات قديمة جدا وبالتالي هتحتاج تصلييح كل شوية ..
ومنها الغير منتشر بالمرة وبالتالي قطع غيارها هتكون صعبة ..
يستثني من ذلك السويفت والريجاتا ودول اللي أنا أرشحهملك بصراحة من خلال قايمتك ... لكن مش هتلاقي فيهم الكماليات اللي في دماغك ...

رأيي تستني شوية وفوق ال 30 هتلاقي العربيات اللي فيها الأوبشنز اللي أنت عاوزها وساعتها هتحس أنك فعلا غيرت عربيتك ال 28

والله يا باشمهندس أنا حابب أقولك اني عندي احساس داخلي متمكن مني,وهو ان اي عربية مش ممكن تقرفني زي ال 128... ده انا لو فضلت بنفس معدل الصيانة بس معايا شوية رفاهيات يبقي حلو اوي... بدل مانا عمال بنفخ في قربة مخرومة

بس انا لقيت سويفت هاتشباك ب25000 وفيها كماليات كويسة:
مو 1992
اوتوماتيك
وفبريكة (على كلامة)
وكاتب ان فيها كل الكماليات... يعني لو كمان تكييف يبقي انا معايا مرسيدس

بس ماشوفتهاش لسة... انا شفت اعلانها بس

[Ghosts]

كان نفسي والله... بس لسة مش هقدر ادفع قسط دلوقتي ولفترة كبيرة... وبرده مش هقدر استني بال 128 لاني جالي هبل في دماغي منها

لو مش قادر تدفع قسط دلوقتى ....
ممكن أوى تقدر تدفعة بكرة .....
طب تسدء بالله ....
أنا أعرف واحد باع ال128 .....
وأستحمل قرف المواصلات حوالى سنة ونص .....
لحد ماقدر يحوش مبلغ كويس وجاب عربية زيرو بالتقسيط .....
محدش بيطلع مرة واحدة .....
تعال على نفسك شوية عشان تجيب عربية تريحك وتعرف تستمتع بيها ....
وأبعد عن مرار العربية المستعملة و بلاويها .....
والباب اللى يجيلك منة الريح ....
غيرة وركب قبنورى .....

[h_fouad_rasheed]

لو مش قادر تدفع قسط دلوقتى ....
ممكن أوى تقدر تدفعة بكرة .....
طب تسدء بالله ....
أنا أعرف واحد باع ال128 .....
وأستحمل قرف المواصلات حوالى سنة ونص .....
لحد ماقدر يحوش مبلغ كويس وجاب عربية زيرو بالتقسيط .....
محدش بيطلع مرة واحدة .....
تعال على نفسك شوية عشان تجيب عربية تريحك وتعرف تستمتع بيها ....
وأبعد عن مرار العربية المستعملة و بلاويها .....
والباب اللى يجيلك منة الريح ....
غيرة وركب قبنورى .....

الحقيقة برده ده هيبقي صعب... لان عندي ظروف كتير هتضطرني يكون في عربية

بس انا بحاول اخفف المشاكل شوية... او على الاقل اركب عربية مريحة حتى لو كانت بيتعملها صيانة

بس انا محتار... عايز اركز في حاجة... انا كنت مركز على الريجاتا... بس حاسس اني هطلع من فيات اخش على فيات... ومش عايز اندم

ولما جات قدامي السويفت والاكسيل لقيتهم كويسين بس يكونوا لقطة في السعر وفي الحالة... عشان كده انا عايز حد يساعدني اقارن بينهم واحدد ادور على اية علاطول واتوكل على الله

[Bonanza]

اولا الريجاتا عشان قطع غيارها رخيصة و متوافرة و اي صنايعين هايشتغل فيها و اعادة البيع سهلة جدا
ثانيا المازدا 323 قطع غيارها متوسطة يعني ممكن اغلي حاجة بسيطة جدا من الريجاتا و صنايعية كتير فاهمينها بردو و اعادة البيع كويسة
ثالثا الهوندا السيفيك قطاع الغيار قريبة من المازدا و اعادة البيع كويسة بردو
رابعا السويفت اعادة البيع اتقل منهم
و ماتفكرش في الفرنساوي الرينو ولا الستروين خالص عشان قطع غيارهم غالية فعلا و صنايعية كتير مايفهموش فيهم

[h_fouad_rasheed]

اولا الريجاتا عشان قطع غيارها رخيصة و متوافرة و اي صنايعين هايشتغل فيها و اعادة البيع سهلة جدا
ثانيا المازدا 323 قطع غيارها متوسطة يعني ممكن اغلي حاجة بسيطة جدا من الريجاتا و صنايعية كتير فاهمينها بردو و اعادة البيع كويسة
ثالثا الهوندا السيفيك قطاع الغيار قريبة من المازدا و اعادة البيع كويسة بردو
رابعا السويفت اعادة البيع اتقل منهم
و ماتفكرش في الفرنساوي الرينو ولا الستروين خالص عشان قطع غيارهم غالية فعلا و صنايعية كتير مايفهموش فيهم

شكرا جزيلا على المقارنات الجميلة دي... بس في حاجة معتقد انها تفرق شوية
ان السويفت والاكسيل اللي في الرينج ده كلهم ممكن يكونوا في التسعينات... لكن المازدا والسيفيك بيكونوا دايما قديم اوي (تمانينات)... ويمكن ده اللي مخليني بدور بين الاتنين دول...
فهل ده يا تري ممكن يفرق فعلا ولا عادي عني؟؟

وبالنسبة للريجاتا انا بصراحة بحاول ابعد عنها على قد ماقدر

[HOSSAM99]

و عليكم السلام و رحمة الله
(أي مستعمل له مصاريف) دي أهم نقطه
أنصح حضرتك بالمازدا 323 و مبلغ حضرتك يجيب حاجه نضيفه و يفيض فلوس كمان و عربيه بسيطه و قطع غيارها كتوفره و هاتريحك لو عربيه سليمه و فابريكه و أسهل عربيه في إعادة البيع

لو نقدر ننتظر شويه ممكن تجيب كيا برايد موديل حديث (أفضل ذلك)

السويفت عربيه روعه في كل شئ إلا إن هي ضعيفه نسبيا

أتمني لك أنك تركب كيا برايد (عربيه هديه)
يالتوفيق إن شاء الله

[Bonanza]

شكرا جزيلا على المقارنات الجميلة دي... بس في حاجة معتقد انها تفرق شوية
ان السويفت والاكسيل اللي في الرينج ده كلهم ممكن يكونوا في التسعينات... لكن المازدا والسيفيك بيكونوا دايما قديم اوي (تمانينات)... ويمكن ده اللي مخليني بدور بين الاتنين دول...
فهل ده يا تري ممكن يفرق فعلا ولا عادي عني؟؟

وبالنسبة للريجاتا انا بصراحة بحاول ابعد عنها على قد ماقدر

خد بالك ان الاكسيل اللي في الرينج ده هاتبقي هاتش باك و فيها شغل و مصاريف شوية لان النظيفة منها في حدود ال 30 الف
و الاكسيل الهاتش باك اعادة بيعها اصعب
لو الريجاتا مش علي مزاجك يبقي اتجة الي المازدا 323 عربية جميلة و تبقي خرجت برا الفيات
ربنا يوفقك و تلاقي عربية نظيفة و تريحك