مساعده فى مقارنه بين نسان والنترا

[mustafamuha]

سلام عليكم
لو سمحتم يا جماعه انا كنت عايز اعرف ايه المميزات والعيوب بين الالنترا 2011 و نسيان صنى سوبر صالون 2011 وياريت يكون عن تجربه لان فى معلومات كتير سمعتها وطلعت غلط فياريت الى جرب يقول

[mustafamuha]

ايه يا جماعه محدش عايز يقول اى معلومه كده ليه ؟

[mustafamuha]

ايه يا جماعه محدش عايز يساعدنى ليه ؟؟؟؟؟؟؟؟؟

[eng.m7md.ali]

الالنترا عربية ناعمة جدا عفشة وموتور وقطع غيارها منتشرة وصناعة كوري وموتور قوي ومفيش ثبات علي السرعات العالية
الصني عربية ناعمة موتور والعفشة شوية ناشفة قطع غيارها برده منتشرة وتقفيل مصري موتور اضعف من اللانترا بشوية علشان الوزن وبرده ثباتها احسن بكتير من الالنترا على السرعات العالية

[eng.m7md.ali]

صحيح
الالنترا مفهاش عوامل امان وصاج ضعيف عكس الصني اللي فيها عوامل امان مختلفة
وكمان الالنترا شكلها الجديد هينزل اعتقد في الشهر ده بس السعر هيبقى عالي اوي عن دلوقتي والصني طبعا شكلها يعتبر قديم س معرفش الجديد ينزل امتة

[mustafamuha]

ربنا يخليك يا باشا بس معلش تصحيح خفيف عن الى سمعته من ناس اصحابى ان الالنترا ثابته على السرعات العاليه وان عفشه السوبر صالون فى الصنى ممتازه وناعمه جدا
بس برضو انا محتار وحوار التقفيل المصرى فى الصنى قالقنى وحاوار الديكسون الباور فى الالنترا قالقنى لانه منفصل عن الموتور ولو باظ هتبقى شغلانه

[eng.m7md.ali]

الالنترا ثابتة في الطريق المستقيم لكن كمناورات وغرز استحالة
بس الصني اعتقد السوبر صالون هتبقى انشف
على العموم برده ادخل القسم بتاع النيسان وهتلاقي اللي انت عايزه

[ZOTYE]

بص لو حضرتك ركيب يعنى عاوز عربية تعقد معاك 5 سنوات على الأقل هات نيسان صنى ...
انما لو يتقلب بسرعة يعنى اخرك 3 سنوات بالكتير هات النترا ...
ملحوظة: اللأنترا خفيفة على السرعات العالية لكن موتورها قوى و عفشتها ناعمة ..
انما الصنى ثبات افضل , صاج اجمد , موتور اضعف , شكل قديم , عفشة ناشفة , صالون راحت عليه خلاص ....

[mustafamuha]

بصوا يا جماعه انا جايب عربيه تقعد 10 سنين مش 5 يعنى اصل ابويا الى هيجبها وهو يعنى مش من محبى التغيير فا انا عايز حاجه تستحمل وزتعيش وفى نفس الوقت احنا اسره 5 افراد فعايز عربيه تكون واسعه علشان تشيلنا كلنا

[hossam20102010]

الالنترا احسن

وفيها كل عوامل الامان.. 2ايرباج و abs بس اغلى من الصنى ب20 الف

[mustafamuha]

طيب بس بالنسبه لموضوع عدم الثابت عند الملفات ده خطير شويه ولا انت ايه رايك ؟

[just4fun]

الالنترا عربية كويسة بس ال صنى اقل ما يقال عليها best value for money و بعدين فرق السعر بينهم مش فليل عربية يابانى حمارة شغل بتستحمل طرق مصر موتور جبار صاج متين عوامل امان من اير باج و اى بى اس و شكلها شيك اوى و بردو دى ازواق

[mohamednagib]

الالنترا عربية كويسة بس ال صنى اقل ما يقال عليها best value for money و بعدين فرق السعر بينهم مش فليل عربية يابانى حمارة شغل بتستحمل طرق مصر موتور جبار صاج متين عوامل امان من اير باج و اى بى اس و شكلها شيك اوى و بردو دى ازواق

تمام جدا :))))))

[mustafamuha]

طيب انا سمعت ان موتور الصنى ضعيف يا ترى ده حقيقى ولا ايه وسمعت ان العفشه خشنع بس هيا خشنه حتى فى السوبر صالون ؟

[just4fun]

ضعيف ازاى ده ما شاء الله 118 حصان انا معاك مش هيبقى زى الالنترا بس ده عشان الصنى وزنها اتقل و ده بيديك ثبات اكتر و الفرق فى قوة الموتور بين الاتنين حاجة بسيطة و بعدين الالنترا هينزل منها الشكل الجديد يعنى هيحرق اللى موجود دلوقتى و هيبوظ سوقها و العفشة مش خشنة اوى بالمعنى اللى متخيلة هى عشان رياضية عشان الثبات و طرق مصر الحلوة و مع الوقت بتلين و تبقى ناعمة و اعتقد بتبقى احسن فى السوبر صالون و ربنا يوفقك فى الاختيار