Aveo - Getz -Rio -Accent طلب مقارنة شراء ..

[mz_moataz]

سلام عليكم ..
الحقيقة لي فترة طويلة أقرأ كثيراً جداً قبل طلب المشورة ...
وأن شاء الله أجدها لدي حضراتكم ..

كنت أرغب بشراء سيارة أوتوماتيك وكانت عيني علي البروتون ساجا لكن سوء التوكيل وشكاوي الكثيرين منه التي لا تنقطع جعلني أصرف نظر عنها وعن الجين تو أيضاً .. رغم اقتناعي الرهيب بالسيارتين ..

واضطررت ان اعاود البحث عن سيارة أوتوماتيك أخري ولم يكن هناك بد من رفع سقف الميزانية ..

ومن ثم استقريت علي اختيار واحدة من هذه الأنواع :

Aveo 1.5 F/O A/T
Getz 1.6 F/O A/T
Rio 1.4 F/O A/T
Accent 1.6 F/O A/T

ورغم قرائتي مراراً عن كل نوع علي حدة لكنني عاجز عن الأختيار .. ومن ثم آثرت الأستعانة بالخبرة ..

طبعاً ال New Accent مغرقة الشوارع .. لكن في قرارة نفسي اري سعرها مبالغ فيه جداً بالنسبة لخلوها من اي كماليات كال ABS - Airbag- أو حتي المرايات الكهربائية .

لكن انتشارها الرهيب مغري

عموماً كلي اذان لنصائح حضراتكم نفعنا واياكم بالعلم ...

[elfashn]

متهيألى ان الاكسنت احسنهم

[mz_moataz]

شكراً جزيلاً للرد ..
وفي إنتظار باقي الأراء إن تفضل الزملاء

[Eng.Geo]

أفيو: خرجها من حساباتك خااالص
ريو: حلوة بس مش منتشرة وموتورها أقل ... لو مش هتبيع في أقل من 6 سنين والشد والكلام ده عادي معاك يبقي هي أفضل حاجة
جيتز : عربية ممتاااااااازة .. بس صغيرة وغالية شوية
نيو أكسنت : عربية كويسة جدا بس فعلا مبالغ في سعرها كتيييييييير جدا .. غير كدة هي كويسة

لو بتقارن بين الرو والأكسنت .. الفلوس الزيادة اللي في الأكسنت هترجعلك في أعادة البيع وأكتر عكس الريو

[mz_moataz]

شكراً جزيلاً Eng.Geo

بالفعل المقارنة تتجه للاكسنت رغم سعرها المبالغ فيه ...

طب أستأذنك في سؤال اضافي

انت تقييمك ايه لبروتون وعز العرب .. السيارات الساجا والجين تو والبرسونا منتشرين ورغم كده قطع الغيار غالية .. وكمان التوكيل سيء ..

انت شايف اني اضحي بالتوكيل مقابل سيارة جيدة ؟؟ ام ان التوكيل لابد ان يوضع في الحسبان ؟

[Eng.Geo]

شكراً جزيلاً eng.geo

بالفعل المقارنة تتجه للاكسنت رغم سعرها المبالغ فيه ...

طب أستأذنك في سؤال اضافي

انت تقييمك ايه لبروتون وعز العرب .. السيارات الساجا والجين تو والبرسونا منتشرين ورغم كده قطع الغيار غالية .. وكمان التوكيل سيء ..

انت شايف اني اضحي بالتوكيل مقابل سيارة جيدة ؟؟ ام ان التوكيل لابد ان يوضع في الحسبان ؟

انا هجيب جين 2 قريب :)
انا معايا أوبترا .. طبعا منصور هو التوكيل ... مايعتبرش توكيل .. ده من أسباب اني أقولك بلاش أفيو .. ده مش السبب الأساسي .. الأفيو حرام فيها الفلوس
انا بعمل كل حاجة في العربية بنفسي .. التوكيل بالنسبالي لو في فحص مجاني والحركات ده ولو لا قدر الله عيب صناعة بروح أعلي صوتي عشان أخد حقي
الحمد لله ده محصلش كتير .. حظي العربية كويسة الحمد لله
فانا مش بيهمني سمعة التوكيل قوي
في ناس يهمها جدا التوكيل
انا شايف ان جين 2 سعرها حلو جدا علي أمكانياتها وكنت حاطتها في مقارنة مع الأكسنت
بس برضه خد بالك الجين ضيقة شوية

[mz_moataz]

ربنا يكرمك وتجيبها قريب ..

بس انطلاقاً من مبدأ الافادة .. ولان صديق لي جايبها .. وجابها اول ما قالوا يا جين تو من 3 سنين .. وكلنا خوفناه منها الا انه اشتراها برضك ..

انا حقولك ملاحظاته واللي شفتها مرة لما رحت معاه التوكيل ..

أولاً اللي بيعملك اي حاجة في العربية بيبقي عاوز فلوس اكرامية .. ان شاء الله يكون ناولك المفاتيح ..

ثانياً .. العربية بتخش وبتطلع الله اعلم عملوا فيها ايه :) غير اللوجان مثلاً ..

ثالثاً .. مشاكله رغم كونها بسيطة .. الا انها بتتعمل وبترجع تاني .. زي قزاز مش بيقفل كويس .. زرار مش بيرفع .. مساحة بتعلق .. زراير الملتيميدا في الدركسيون مش شغالة .. وقالوا له في دي تحديداً .. للاسف ملهاش حل .. تعامل معاها كده .. !!!!!!!!!!!!!!!!!!

طبعاً كلام لا يعقل ..

العربية من جوة ومن برة حلوة قوي شكلاً .. هي ضيقة شوية علشان الشكل الرياضي .. لكن مش وحشة .

تحس فيها بالفخامة والشباب في آن واحد ..

المهم .. بخصوص التوكيل : انا دي عربيتي الاولي وعلشان كده محتاج توكيل معايا يبقي مريحني ومش مخليني مقلق وخايف ..

وزي ما قلت لك .. انا الساجا كانت عجباني بشكل رهيب .. لكن دخلت قسم البروتون هنا .. قريت مشاكل التوكيل من ناس كتير قوي .. لحد ما جالي قرفة بعيد عنك .. غير كده الساجا مش منتشرة قوي فده قلقني اكتر ..

لكن لو انت خبرة في العربيات ... فالجين تو حققت انتشار رهيب وحتلاقيها كلها برة التوكيل .. ربنا يباركلك ويديك خيرها .

[Eng.Geo]

ربنا يكرمك وتجيبها قريب ..

بس انطلاقاً من مبدأ الافادة .. ولان صديق لي جايبها .. وجابها اول ما قالوا يا جين تو من 3 سنين .. وكلنا خوفناه منها الا انه اشتراها برضك ..

انا حقولك ملاحظاته واللي شفتها مرة لما رحت معاه التوكيل ..

أولاً اللي بيعملك اي حاجة في العربية بيبقي عاوز فلوس اكرامية .. ان شاء الله يكون ناولك المفاتيح ..

ثانياً .. العربية بتخش وبتطلع الله اعلم عملوا فيها ايه :) غير اللوجان مثلاً ..

ثالثاً .. مشاكله رغم كونها بسيطة .. الا انها بتتعمل وبترجع تاني .. زي قزاز مش بيقفل كويس .. زرار مش بيرفع .. مساحة بتعلق .. زراير الملتيميدا في الدركسيون مش شغالة .. وقالوا له في دي تحديداً .. للاسف ملهاش حل .. تعامل معاها كده .. !!!!!!!!!!!!!!!!!!

طبعاً كلام لا يعقل ..

العربية من جوة ومن برة حلوة قوي شكلاً .. هي ضيقة شوية علشان الشكل الرياضي .. لكن مش وحشة .

تحس فيها بالفخامة والشباب في آن واحد ..

المهم .. بخصوص التوكيل : انا دي عربيتي الاولي وعلشان كده محتاج توكيل معايا يبقي مريحني ومش مخليني مقلق وخايف ..

وزي ما قلت لك .. انا الساجا كانت عجباني بشكل رهيب .. لكن دخلت قسم البروتون هنا .. قريت مشاكل التوكيل من ناس كتير قوي .. لحد ما جالي قرفة بعيد عنك .. غير كده الساجا مش منتشرة قوي فده قلقني اكتر ..

لكن لو انت خبرة في العربيات ... فالجين تو حققت انتشار رهيب وحتلاقيها كلها برة التوكيل .. ربنا يباركلك ويديك خيرها .

الله يبارك فيك:)
مادام أول عربية يبقي في كلام تاني
انت ماينفعش تكون أول عربية حاجة تضايقك وتقرفك بدل ماتكره العربيات علي اللي عايزينها
كدة نيو أكسينت للأسف ... هي مش وحشة بس غالية علي تمنها

[mz_moataz]

الله يبارك فيك:)
مادام أول عربية يبقي في كلام تاني
انت ماينفعش تكون أول عربية حاجة تضايقك وتقرفك بدل ماتكره العربيات علي اللي عايزينها
كدة نيو أكسينت للأسف ... هي مش وحشة بس غالية علي تمنها

للأسف عندك حق ...
أنا شاكر اهتمامك والله
عموماً حأشوف موديل 2010 ارحم حبتين ..
:)

[mememsaid]

انا بصراحه كنت عايز اخليك تبص علي بروتون مش خفت احسن تقول ان انا متحمس للعربيه اللي انا راكبها بس بما انكوا اتكلمتو علي بروتون هقول راي بصراحه
كل العربيات اللي حاتطها في المقارنه كانت مش موجوده تماما عند شرائي لعربيه جديده عشان الاتي
الافيو كتير اوي مش بيشكر فيها
الجيتز حلوه بس صغيره وقطع غيارهها غاليه وانا عايز عربيه عائليه
الريو ماعرفش عانها جاجه بس سعرها غالي بردو اوي
اما الاكسنت كنت بفكر فيها جدا بس سعرها غالي اوي اوي اوي مش عارف ليه وخصوصا مافيهاش اي اوبشن ولا حتي وسائل امان لغايه لما شوفت الساجا واقتنعت بيها وخصوصا كانت قد امكانياتي الماديه ده بالاضافه الي الاوبشن الكتير اللي فيها وبردو وسائل الامان
اما بقي مشكله الوكيل انا شايف من وجه نظري ان الوكيل في تحسن ولو مش عايز تروح للوكيل من اصله عندك مركز معتمد قمه في الاحترام كل البروتونيه بيروحوله دلوقتي اسمه عصام وصفا
علي العموم الموضوع في الاول وفي الاخر بتاعك بس عايز اقولك ان بروتون عربيه فعلا صفقه رابحه قيمه مقابل الفلوس

[Mahmode]

أظن الأكسنت والله أعلم

[mada_76]

انا معايا جيتز
فمش هاتكلم عليها عشان شهادتي هاتكون مجروحة
لكن انا عايز اقولك شيل الافيو خالص من حساباتك بناء على كلام ناس كتير اوي اوي اوي
وربنا يوفقك في اللى فيه الخير ليك

[mz_moataz]

انا بصراحه كنت عايز اخليك تبص علي بروتون مش خفت احسن تقول ان انا متحمس للعربيه اللي انا راكبها بس بما انكوا اتكلمتو علي بروتون هقول راي بصراحه
كل العربيات اللي حاتطها في المقارنه كانت مش موجوده تماما عند شرائي لعربيه جديده عشان الاتي
الافيو كتير اوي مش بيشكر فيها
الجيتز حلوه بس صغيره وقطع غيارهها غاليه وانا عايز عربيه عائليه
الريو ماعرفش عانها جاجه بس سعرها غالي بردو اوي
اما الاكسنت كنت بفكر فيها جدا بس سعرها غالي اوي اوي اوي مش عارف ليه وخصوصا مافيهاش اي اوبشن ولا حتي وسائل امان لغايه لما شوفت الساجا واقتنعت بيها وخصوصا كانت قد امكانياتي الماديه ده بالاضافه الي الاوبشن الكتير اللي فيها وبردو وسائل الامان
اما بقي مشكله الوكيل انا شايف من وجه نظري ان الوكيل في تحسن ولو مش عايز تروح للوكيل من اصله عندك مركز معتمد قمه في الاحترام كل البروتونيه بيروحوله دلوقتي اسمه عصام وصفا
علي العموم الموضوع في الاول وفي الاخر بتاعك بس عايز اقولك ان بروتون عربيه فعلا صفقه رابحه قيمه مقابل الفلوس

بداية شكراً علي مشاركتك وافادتك ..
انا بكل امانة بتقطع من جوة لما بشوف الاكسنت .. مستحرم فيها الفلوس ..
كتير قوي قوي قوي علي لاشيء
هو اينعم كله تقسيط .. بس برضه ليه
انا شاكر جداً علي انك قلت لي علي المركز ده .. وعند يواحد صاحبي كفران من التوكيل حخليه يروح يجربه ..
عل وعسي ربنا يريح قلبه

وبما انك جبت الساجا .. ايه ملاحظاتك السلبية عليها ؟؟؟ الايجابية بقت معروفة للكل .. انما السلبية ؟؟

[mz_moataz]

شكراً mhdside و mada_76 علي المشاركة والتداخل الطيب

[mido_soliman]

بص يباشا مع الاسف الشديد كل العربيات اللى حضرتك زكرتها الجين 2 تتفوق عليهم فى كل شىء بداية من السعر حتى الكماليات
وكمان لاحظت حاجة مهمة انك صرفت نظر عن العربية بسبب الوكيل مع ان العربيات اللى حضرتك مختارها فيهم توكيلات اسوا بكتير من عز على سبيل المثال لا الحصر غبوووور وما ادراك ما غبوووور وهيونداى وكيا مش حيبقوا احسن من عز اعتقد حيتساوا جميعا فى الخدمة المقدمة ودليل على كدة اقرا المواضيع المختصة بالتوكيل فى كل من كيا وهيونداى وانت تعرف ان عز زيهم تقريبا
مفيش توكيل فى مصر سمعت عنة كلمة حلوة غير توكيل رينو بيتهيالى ويمكن نيسان
عموما الجين2 كانت اول عربية زيرو ليا بردة ومش عايز اقولك كم الهجوم اللى قابلنى من كل اصدقائى لما كنت بستشيرهم مع ان ولا واحد امتلكها ولا واحد ركبها الا بعد ما انا اشترتها
العربية بحق ربنا فخر لكل ماليزى بمعنى الكلمة وهى عربية فى رائى الشخصى خارج المنافسة والمقارنة باى عربية تانية او شركة تانية
بروتون تحديدا مالكها بس اللى يعرف او يحس بتميزها مش علشان المانى ولا كورى ولا ماليزى ولا صينى ولا ايطالى يمكن تكون اقل من اللى فاتوا كلهم بس هى عربية ليها شخصية مختلفة وطعم مختلف فى السواقة عمرك ما تركب الجين2 تحديدا وتحس انك راكب عربية قليلة بالعكس ليها طعم مختلف
وملحوظة كمان العربية مش ديقة بالمعنى يعنى انا مثلا طولى 186 سم وكان ليا الشرف انى اجرب اعد فى الكنبة مرة وانا بغسل العربية فى البنزينة (لان محدش يقدر يركب عربيتى :) ) والكرسى بتاعى كان راجع لقبل الاخر بحاجة بسيطة اوى وكنت اعد مرتاح جدا
الاغرب باة انى كنت راكب النترا بتاعة واحد صاحبى مرة ومكنتش مصدق ان دماغى كانت لمسة السقف وانا اعد على الكنبة اللى ورا على الرغم ان دة مكنش موجود فى عربيتى لما اعدت والاغرب ان المفروض ان السقف عندى من ورا واخد كيرف جامد علشان الليفت باك يعنى المفروض ان دماغى لو لمست سقف الالنترا تلبس فى سقف عربيتى من غير مناقشة ودة محصلش
العربية مش ديقة خالص ورا ودة راجع بردة لتصميم الكراسى الامامية (الطيارة زى ما بيتقال عنها ) واتنين فى طولى ووزنى لو اعدوا ورا حيكونوا مستريحين جدا لو تلاتة اة اقولك كدة ديقة ولكن كل عربيات الفئة دى بينطبق عليها نفس المبدا باثتثناء عربية او اتنين
التوكيل مش وحش وفى مراكز معتمدة او مركز تحديدا (عصام صفا) كل اللى راحوة شكروا فية جدا ولو انى لم يكن لى شرف انى اعمل صيانة فية لان كل صياناتى فى التوكيل لقرب منزلى منة (6 اكتوبر)
ملحوظة كمان ما قيل عن ان موظفى او عاملى التوكيل بيبقوا عايزين ياخدوا فلوس دة مش حقيقى ودى شهادة امام الله احاسب عليها لانى من الناس اللى بتابع عربيتى من لحظة ما بتدخل الورشة لحد ما تطلع عينى مبتنزلش من عليها وعايز اقولك ان لو كلمت عامل او فنى او صنايعى هناك الموظف دة ممكن جدا ميردش عليك لانة ممنوع انة يرد على اى مالك التعامل فقط من خلال مهندس الاستقبال وليس الفنى
حاجة اخيرة التوكيل فى تحسن ملحوظ ودة رجع لضغط من مالكى البراند دة اللى بيحبوة وعايزين يرفعوا من اسمة فى مصر والحمد لله الانتشار دلوقتى بيتهيالى فى زيادة ملحوظة جدا نتيجة الملاك مش الوكيل (احنا اللى بنبيع العربية فعلا ) والتوكيل عارف الموضوع دة كويس علشان كدة حسن بشكل ملحوظ جدا خدمة ما بعد البيع (مش عايز اقول ان مفيش اخطاء ابقى كداب دة غير ان البروتوناوية تحديدا عارفين موقفى من التوكيل فى كثير من الاحيان ) لكن اتحسن بنسبة تفوق ال 60% عن ما قبل
رائى المتواضع انزل بص على الجين2 ومش حتندم اطلاقا لانك اول ما حتركبها حتشتريها على طول
حجات مهمة جدا بقولها لاى اخ فاضل ناوى او مقبل على العربية علشان يبقى غطيت كل الجوانب
لو مبتحبش صوت الموتور الرياضى (العالى ) اوعى تشترى بروتون
لو مبتحبش العفشة الناشفة (نسبيا ) علشان الثبات والتوازن على الطريق اوعى تشترى البروتون
لكن لو بتحب
لما تجرى تلاقى اسد ثابت على الطريق يبقى اختيارك للجين2 تحديدا افضل اختيار فى الفئة السعرية دى مع كل العربيات اللى فى نفس الفئة واللى اغلى منها كمان ب 20000 جنية (ان وجد)
لو بتحب
العربية اللى تجيبها وتكون اول عربية ليك تكون فول اوبشن بمعنى كلمة فول اوبشن يبقى الجين2
لو بتحب
شكل جميل وعربية رياضية وفى نفس الوقت مجرد انك تحطلها فرش جلد محترم من جينز كار(موضوع اعلانى
:) ) حتبقى عربية رياضية وفخمة وشيك جدا فى نفس الوقت يبقى الجين2
لو بتحب الاساسيات ميختلفش عليها اتنين (موتور كام برو وما ادراك ما الكام برو تكنولوجيا انجليزية (لوتس )وعفشة شرحوا وفتيس (اوتو يابانى) وتكييف يابانى يبقى الجين2 )
وفى الاخر انا مش حقدر اصوت لاى عربية من دول واسبابى واضحة فى التعليق وربنا يكرمك للاختيار الافضل
نصيحة اخيرة انزل روح اعد فى كل عربية من دول وخلى الجين2 اخر واحدة فيهم بس لازم تعد فيها وتشوف مساحتها الخلفية والشنطة اللى انا بقولك مش ديقة ولا الشنطة صغيرة المساحة مرضية جدا وان شاء الله حتحسم قرارك للى ترتاحلوا نفسيا