ايهم افضل كرولا عيون - كرولا ملكه - لانوس 2 - فيرنا

[dx322]

يا اهل مصر المحروسه أفديونى فى شراء سياره ولو حد ادامه عربيه حلوه يقولى
ايهم افضل كرولا عيون - كرولا ملكه - لانوس 2 - فيرنا

المبلغ من 30 الى 45


واخويه عايز عربيه فى حدود 25 بالكثير
بالنسبه لاخويه ترشحوا ليه ايه

وبالنسبه ليه ترشحوا ايه


اهم شئ عربيات محترمه سعر اعاده بيعها معقول تسافر فيها تكيف وماسكه نفسها انتوا ايه رايكوا لاخويه فى الكيا برايد الشنطه هى بكام ورايكم فيها ايه



الموديلات تكون فى التسعينات لحد اول امس كفايه

[dx322]

انتو ايه رايكم فى الكيا برايد السيدان موديلات 2009 هو الايرانى منها حلو ولا وحش وهل فيه مشاكل فى قطع غياره او صيانته وهو ولا الانوس ولا كرولا عيون
كيا لقينا حاجات بـ 29 الف موديل 2009 قالوا انها ايرانى بس انا موش فاهم مش هيه المفروض انها كورى
ولقينا ب 53 الف كرولا موديل 2000 غاليه ولا معقوله وهل قطع غيارها حنينه ولا مفتريه
ولقيت لانوس ب 43 الف موديل 2003

ساعدوينى لو فى اختيار افضل ياريت تقوله

[elmkaneeki]

اليابانى افضل

[ashouhdy]

حنساعدك اذاى واحنا مش عارفين الحالة ؟؟! ما ممكن حالة الكيا تبقى احلى من التويوتا !! عايزين شرح تفصيلى

لو العربيات ممتازة ممتازة يعنى يبقى خد الانوس

[ashouhdy]

الكيا البرايد اسمها سايبا ودى شركة ايرانية اخدت حق تصنيع البرايد ليها لأنها اتوقف انتاجها من مصنع كيا الاساسى ... لكن قطع غيارها مشتركة بينها وبين الكيا

[dx322]

مشكور دكتور احمد
بس انته رشحت الانوس علشان جديده عنهم
ولو امامك عربيه حلوه ياريت توقلى وسعروه ليه الانوس موديلات 99 لحد 2002 بكام وبعد كده بكام فى حاله انها نمره واحد وفى حاله انها سيئه

[elfashn]

تويوتا الملكه ممتازه علابيه عمليه جدا وما بتبوظش وعلشان كده ماسكه سعر عالى لحد الوقتى بس اهم حاجه تلاقى واحده مش متهانه لآنها فى الاول وفى الاخر عربيه وهيه فى راى احسن من الموديلات الجديده سواء لانوس ولا حتى فيرنا .العربيات دى جنب الملكه عربيات لعبه. اما بالنسبه لآخوك انا رأى كيا برايد كورى وابعد عن الايرانى خالص البرايد الكورى لو حالتها كويسه هتريحو جدا وفى عربيه تانيه ممكن يبص عليها وهيه دايو ماتيز عربيه صغيره وجميله فى المشى والركن وقيها تكييف واقتصاديه فى البنزين جدا. وربنا يوفقكم فى عربيات حلوه.

[د.محمود صلاح]

كرولا الملكة بما اني مجربها في أقسى ظروف التشغيل

[ashouhdy]

طبعا الملكة رائعة بس نادرا متلاقى منها نمرة واحد ... انا اخترت الانوس عشان سنة الموديل وفى منها كتييير مش متهان ونمرة واحد غير ان قطع غيارها متوفرة ومعمرة ورخيصة وتعتبر كعربية فى الركوبة حديثة من تابلوة ونعومة وسحب وكماليات