كورولا أم سيات ألتيا

[mdm309]

أرجو من خبراء المنتدي إفادتي عن أيهما أفضل تويوتا كورولا فول أوبشن ب161 ألف جنيه أم سيات ألتيا ب165 ألف جنيه الإثنين شفتهم والإثنين في منتهي الروعة وإن كانت السيات تمتاز بالفخامة الشديدة وكثرة الكماليات وقوة الهيكل والكورولا في سعر إعاة البيع فأرجو مقارنة بينهما من ملاك السيارتان

[hamada409]

طبعا الألتيا و كفاية فخامتها و شياكتها من برة و جوة و تقفيلها و وسعها
الكورولا بنسمع شكاوي كتير عنها ده غير إن شكلها قدم قوي و قرب يتغير
لو مكانك هيبقى طبعا الألتيا

[mdm309]

أنا شفت الإثنين فعلا الألتيا أفخم بكثير عن الكورولا وشنطتها واسهة جدا ولكن مش عارف أخبار سعر إعادة البيع إيه كمان التويوتا أعتقد محركها أقوي

[amado318]

سيات من غير كلام دى تحفه وصاروخ فى الجرى وثبات خرافى

[ahmedsadek82]

لا وجه للمقارنة , الالتيا افخم و احسن فنيا ,,,اركب الاتنين حتحس بفق كبير جدا , عيب الالتيا اعاده الببيع صعبة شوية و قطع الغيار مش متوافره بره التوكيل

[Vettel]

لا وجه للمقارنة , الالتيا افخم و احسن فنيا ,,,اركب الاتنين حتحس بفق كبير جدا , عيب الالتيا اعاده الببيع صعبة شوية و قطع الغيار مش متوافره بره التوكيل

+111111111
عفشة Multi-Link للألتيا ثبات+راحة, مقابل عفشة دنجل للكورولا.. نعومة لكن ثبات تييييييييييييييييييت
فتيس DSG للألتيا مقابل فتيس أوتو متواضع جدا للكورولا, وحتى الـMMT الفاشل مابينزلش
دركسيون دقة واستجابة وتحكم وهاندلينج فـ الألتيا, مقابل التويوتا مشهورة بـ ان دركسيوناتها معوقة ومافيهاش اى Drive-Feeling
بودى وصاج وأمان وستايل ووسع.. لصالح الألتيا
الكورولا تتفوق فقط فى re-sale وقطع الغيار+الموتور (مع انه مش ممتع فـ السواقة عشان عزمه المتأخر أوى)!

[mohamedgamall]

ثبات تيت و دركسيون معوق و فتيس فاشل اية كل دة يا كبير كدة هنتوقف بلاش انا فى عرضك

[amado318]

التويوتا من ناحيه السبات فى الضياع وعن تجربه ويا سلام لو فيه رياح يبقه طار فى الهوا شاشى التويوتا عربيه ممتازة بس جوة المدينه طرق وسفر لا تسوى

[abouetta]

طيب فلوانس و لا التيا؟؟

[Ahmed.Fahmy]

Altea طبعا من غير سؤال

[tameraast]

الكرولا ثباتها ضايع و تحس انك disconnect from the tire

[mdm309]

فعلا أنا ركبت السيات ألتيا في التوكيل وبعدها الكورولا لاقيت الألمان أبدعوا فعلا في الألتيا ، العبية شيك جدا مقارنة بالكورولا ، خاصة من ناحية الخامات الداخلية السيات أفضل بكثير جدا ، كمان من ناحية الأوبشن فيها بس أنا كنت عايز أسأل هو ليه الكورولا الناس بتشكر فيها بالشكل ده ومنتشره عن السيات مثلا لأني خايف من إعادة البيع

[ehab_mansour]

هو حضرتك بتشتري عربية عشان تبيعها ولا بتشتري عشان تركب عربية محترمة ؟
لما تجاوب علي السؤال هتعرف انت عايز ايه
ومن وجهة نظري طبعا الالتيا

[egytamer]

للاسف العربيات الاسيوي واخدة سمعة في مصر علي الفاضي وفعلا الاوربي حاجة مختلفة خالص مش مجرد كنبة بتجري علي اربع عجلات لا دي عربية للمتعة والراحة والامان فلازم دة يكون مقابل قطع غيار اغلي وصيانة اصعب.