رينو لوجان ولا برتون ساجا

[ashouhdy]

يااستاذ احمد شهدى
انت حاطط اللوجان فى دماغك ليه
ليه كارهها وكاره ملاكها

أنا لا كارها لا حاجة انا انسان حيادى لما حد بيسأل بقول العيوب و بصراحة مباشرة حتى على عربيتى بقول عيوبها من غير تعصب المشكلة ان فى ناس وسعادتك منهم لا تقبل اى كلمة وحشة على عربيتك و كمان اعضاء كتير قالوها صراحة لما تيجى تعلق اقول كلام حلو بس !! مش متقبل نقد يبقى بلاش سعادتك تشارك فى منتدى

حتى انا بعت لحضرتك رساله فى المنتدى فيها لينك الصفحة بتاعتى على الفيس بوك علشان اكلمك واصالحك لان كان فيه بعض الردود صعبه شويه رغم انها مش منى وانت عارف انى مابحبش ادخل فى المجادلات اللى من النوع ده وانت ماكلفتش نفسك ترد عليا حتى باى حاجه حتى لو الرفض للحوار كان اللى بعتلك الرساله ده شخص نكره


انا لم اقرا اى رسايل حتى الأن وحضرتك لا يصح تقول على نفسك نكرة ولو كنت قريتها كنت رديت اعذرنى.
عموما دية حريه شخصيه ليك بس انا للاسف مكنتش عارف ان ده طبعك

دة مش طبعى خالص على فكرة وحقك عليا بس انا مش مطالب انى اقول مثلا فى حق عربية او واحد طالب نصيحة حاجة غير اللى شايفها عشان ارضى ملاكها

بصراحه يااخى انت اسلوبك غريب وبتستفز الناس وفى الاخر تخليهم يردوا على استفزازك وبعدين تروح تشتكى للاداره

انا ردى لم يمس شخص اصلا ! ولكن لما حد يرد ويهين انسان بقى شئ عادى اصل انا استفزيتة فى عربيتة ... وبعدين بدل ما ارد على انسان رد قاسى جدا وممكن ميستحملهوش برجع للادارة ترد افضل

الامور مش مستاهله كل ده

احنا بتخانق على حديد وصاج كأن كل واحد صاحب الماركه الفلانيه ولازم تبقى هى احسن عربيه يامى حيموت من الجوع
كل واحد الحمد لله ربنا كرمه بانه بيحب عربيته ومقتنع بيها لان دية اهم حاجه تحب عربيتك حتحبك هى كمان
وكل عربيه منهم مليانه مميزات وعيوب وبتختلف نظرة كل واحد ليها على حسب وجهة نظره
انت لو كنت اشتريت اللوجان عمرك ماكنت حترتاح ابدا فيها لانها مش مناسبه لاسلوبك فى الحياه والقياده
وانا وزمايلى فى القسم برده لو اشترينا الفيرنا عمرنا ماكنا حنرتاح ليها لانه مش مناسبه لاسلوبنا فى الحياه والقياده
يعنى العربيات كلها زى بعض وكل واحد بيختار اللى بتعجبه وتناسبه مش اكتر


متفق معاك
ياريت الموضوع ده ينتهى على خير لانه صدقنى احنا بنشوف مشاكل وهم الدنيا فى شغلنا وبندخل المنتدى علشان ننسى الهم ده ونفوق ونضحك شويه يعنى للمتعه مش للخناق ومش مستاهله الحكايه اننا نخسر بعض على كلام لاحيودى ولايجيب

طول مافى حد بيسأل لازم يسمع كل الاطراف والاراء مش مطالب اقفل بقى مثلا عشان السادة الملاك يبقوا مبسوطين ذى ماليك الحق تعلق ع اى شئ بالسلب او بالايجاب

وتحياتى لك

[bayoumisoft]

يااستاذ احمد شهدى
انت حاطط اللوجان فى دماغك ليه
ليه كارهها وكاره ملاكها

حتى انا بعت لحضرتك رساله فى المنتدى فيها لينك الصفحة بتاعتى على الفيس بوك علشان اكلمك واصالحك لان كان فيه بعض الردود صعبه شويه رغم انها مش منى وانت عارف انى مابحبش ادخل فى المجادلات اللى من النوع ده وانت ماكلفتش نفسك ترد عليا حتى باى حاجه حتى لو الرفض للحوار كان اللى بعتلك الرساله ده شخص نكره

عموما دية حريه شخصيه ليك بس انا للاسف مكنتش عارف ان ده طبعك

بصراحه يااخى انت اسلوبك غريب وبتستفز الناس وفى الاخر تخليهم يردوا على استفزازك وبعدين تروح تشتكى للاداره


الامور مش مستاهله كل ده

احنا بتخانق على حديد وصاج كأن كل واحد صاحب الماركه الفلانيه ولازم تبقى هى احسن عربيه يامى حيموت من الجوع
كل واحد الحمد لله ربنا كرمه بانه بيحب عربيته ومقتنع بيها لان دية اهم حاجه تحب عربيتك حتحبك هى كمان
وكل عربيه منهم مليانه مميزات وعيوب وبتختلف نظرة كل واحد ليها على حسب وجهة نظره
انت لو كنت اشتريت اللوجان عمرك ماكنت حترتاح ابدا فيها لانها مش مناسبه لاسلوبك فى الحياه والقياده
وانا وزمايلى فى القسم برده لو اشترينا الفيرنا عمرنا ماكنا حنرتاح ليها لانه مش مناسبه لاسلوبنا فى الحياه والقياده
يعنى العربيات كلها زى بعض وكل واحد بيختار اللى بتعجبه وتناسبه مش اكتر

ياريت الموضوع ده ينتهى على خير لانه صدقنى احنا بنشوف مشاكل وهم الدنيا فى شغلنا وبندخل المنتدى علشان ننسى الهم ده ونفوق ونضحك شويه يعنى للمتعه مش للخناق ومش مستاهله الحكايه اننا نخسر بعض على كلام لاحيودى ولايجيب

وتحياتى لك

بصراحة انت كده جبت من الاخر , كلامك صح 100 100

يا جماعة كل واحد لية رأى , مش عشان انا رأى مختلف يبقا نتخانق. كل واحد لازم يحترم الرأى الاخر

[ashouhdy]

يأخوانااااااااااااااا لية اصحاب اللوجان مش قابليين كلمة وحشة عليها

ما فى كل الماركات كلة بيقول الوحش واللى شايفة وينتقدة بحرية اشمعنا دى مثلا ؟؟؟؟؟ هو انا لما اركبها واحس ان تكييفها مثلا مروحة مش تكييف واجى اقول يبقى غلطت فى حد والرد بقى اتقى الله و هجوم شنيع كأنى غلط فى اعراض

لما اقول عربية مثلا تحس انها موديل تسعينات (الموتور تكنولوجيا تسعينات ع فكرة) وتنفع بس اسرة عملية عايزة وسع وحجم وارتفاع يبقى غلطت فى البخارى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟

اية اللى مستفز فى كدة هو انا غلطت فييك مثلا ؟؟؟؟؟؟ يأخى انا شايفها كدة انت شايفها حاجة تانية قول ورد بس من غير غلط

مثال أخر:

عضو كاتب فى موضوع اللوجان دى جبت بيها 180 وفى هواء شدييييييد وكانت ثابتة وباخد بيها غرز !

لما اجى ارد علية واقولة مفيش عربية فى فئة اللوجان (هيونداى يابانى كورى) بتكون ثابتة على السرعة دى والهوا دة.... الاقى ملاك اللوجان فى المنتدى يقولوا انت حاططها فى دماغك وانت وانت وتريقة وسخرية .... وعضو تانى يقولى فى عربية ثابتة فى الظروف دى اسمها لوجان


يبقى ميين اللى صح وميين اللى غلط ؟؟؟؟؟؟؟؟؟؟؟؟؟ مين اللى حيادى وميين اللى متعصب ؟؟؟؟

[ashouhdy]

شوفوا .... حقكم عليا

اللوجان أفضل عربية شكل وتصميم وتكييف وموتور ومافيهاش اى مشاكل او عيوب

محدش يضايق بقى ويقعد يهاجم ... خلصت الحدوتة وحقكم عليا تانى

[MOUSTAFA_SAAD]

اولا انا متشكر ليك انك رديت ووضحتلى موقف الرساله ده لانه كان مزعلنى جدا لان اساسا انا مدخلتش فى الموضوع سبب المشكله وكنت عاوز اهدى الامور واصالحك فحسيت انى انجرحت فى كرامتى بصراحه

تانى حاجه انا مش فاكر انى رفضت ان حد يقول اى كلمة نقد عن عربيتى ولو ده حصل فانا اسف فعلا انى زعلتك لان من حق اى واحد انه ينتقد طالما التزم بادب الحوار وعدم التجريح فى الغير او ممتلكاته او انه يفطس فى الحاجه على الفاضى وانت راجل دكتور يعنى المفروض تكون اعصابك اهدى واكتر قدره على الصبر والتحمل

وعلى كده لو روحتلك اخلع درسى او اعالج حاجه فى بقى وانا من النوع الخواف جدا وكل شويه اهرب منك وابعد وشى عنك كنت عملت ايه
اكيد كنت حتضربنى بالكماشه فى وشى طالما انت عصبى بالشكل ده

عارف يادكتور احمد
انا بقيت فى موضوع المقارنات دية علشان معملشى مشاكل مع حد بانصحه بانه يدخل القسم ويتابع مواضيعه بنفسه وحيعرف عيب وميزة كل عربيه من غير مساعدة حد لان زى ما ملاكها بيشكروا فيها برده بيذموا فيها لما تقابلهم مشاكل معينه منها والكلام ده فى اى عربيه لان مفيش عربيه من غير عيوب ومشاكل نهائيا

ودية نص مشاركتى فى الموضوع اللى انا بكلمك فيه دلوقتى

نصيحه ادخل كل قسم وراقب اللى المواضيع اللى بتتعمل فيه من غير صوت خالص ولا تخلى حد يحس بيك
لان كل واحد فى المواضيع المقارنات بيشكر فى عربيته بغض النظر انها مريحاه ولا لا
وخلى بالك ان فيه فرق بين قطع الغيار الاستهلاكيه ودية المهمه لانها بتتغرعلى طول وقطع الغيار المعمر زى الكبالن وعلبة الدركسيون اللى ممكن متحتاجشى تغيرها فى حياة العربيه نهائى او بعد عمر طويل وساعاتها بيكون حلها الف حلال

حتلاقيها فى المشاركه رقم 20 واظن انا مشكرتش فى عربيتى على الفاضى وكلمت الراجل بمنتهى الامانه لان ممكن بسببى يجيب حاجه مش ماشيه على مزاجه وفى الاخر يدعى عليا

اخيرا يادكتور احمد احنا ربنا مدينا نعمة ان احنا بنحب حاجتنا بشده
يعنى فيه ناس بتشترى عربيات انضف واغلى من عربياتنا بمراحل ومع ذلك بيكرهوا العربيه وبيجروا يبيعوها بعد كام شهر ويخسروا فيها اد تمن اللوجان والفيرنا مع بعض بسبب ان حد كرهم فيها
فلازم نحمد ربناعلى النعمه دية وكل واحد يفرح بعربيته ويشكر الله على النعمه اللى مديهاله وغيره مش طايلها

على فكره انا مش بعيد عنك انا من دمنهور وانت عارف انها قريبه من اسكندريه وبنزل اسكندريه كتير جدا يعنى ممكن يكون فيه نصيب واتشرف واقابلك

[MOUSTAFA_SAAD]

بصراحة انت كده جبت من الاخر , كلامك صح 100 100

يا جماعة كل واحد لية رأى , مش عشان انا رأى مختلف يبقا نتخانق. كل واحد لازم يحترم الرأى الاخر

ربنا يهدى الجميع والموضوع فعلا مش مستاهل مشاكل

[ZOTYE]

لا حول ولا قوة الا بالله العلى العظيم انا مش عارف كل واحد مش طايق كلمة اخوه ليه ..
يا جماعة احنا هنا اخوات و بنتعلم من بعض و بنكمل بعض و اختلاف الرأى لا يفسد للود قضية و لو اتفقت الأراء لبارت السلع ....
بس الدكتور شاودى كاره اللوجان مش عارف ليه جرب تركب العربية و تسوقها و ساعتها هتغير فكرتك عنها تماما و هتعرف انها عربية 2011 انا اللى زعلنى ان حضرتك قولت على العربية انها عربية تسعينات و تكيفها مروحة بس ان مش من حقى ازعل من حضرتك لأن دة رأيك فى العربية بس الأستاذ صاحب الموضوع عاوز مقارنة خصوصا انه هيدفع مبلغ مش شوية فى نظرى فلا بد ان يعرف الحقيقة و منتكلمش على العربية بأسلوب غير لائق بالمرة و نحاول ان احنا نكره فى العربية و خلاص علشان احنا مبنحبش العربية زى اللوجان مثلا فانقوم نكتب اى كلام مثال: تكيفها مروحة و عربية تسعينات بجد حضرتك ظلمت العربية جامد خوش على قسم اللوجان و انت تعرف قد ايه العربية محترمة و الناس دى بتعشقها قد ايه و على فكرة اللوجناوية مش بيزعلوا لما حد بيقول على العربية وحشة بالعكس الناس دى بتتقبل اى وجهة نظر و بترد عليها بمنتهى الأحترام بس كلام حضرتك مستفز اوى ( اسف على هذه الجملة ) .....
فى النهاية مش عاوزك تزعل منى و تقبل خاااااااااالص تحياتى و ربنا يباركلك فى الفيرنا و يكفيك شرها و متزعلش نفسك اوى كدة انت معاك اسد ....

[zkralla]

اللوجان افضل

[arabian]

ازيكم يا جماعه انا على فكره مقتنع جدا بالساجا واللوجان يعنى مش بفضل واحده عن التانيه لكن فى ظروف معينه هاضطر اجيب اللوجان عشان منتشره وقطع غيارها موجوده وكمان عشان علوها عن الارض وان عجلها مقاس 15 لكن مش بعيد بردو انى اجيب الساجا بس بنسبه 70% هاجيب لوجان
بالنسبه للفيرنا بصراحه مش فى دماغى نهائى عربيه ضيقه وواطيه على الارض ومفيهاش حاجه تخلينى اجيبها ولا هى ولا الانوس
مش معنى كده انهم وحشين بس هى ازواق

[khpopo]

الساجا عاليه برضه عن الارض وعربيات بروتون مش بتهبط مع التحميل
ربنا يوفق

[ZOTYE]

الساجا عاليه برضه عن الارض وعربيات بروتون مش بتهبط مع التحميل
ربنا يوفق

بس انا سمعت والله اعلم ان الساجا لما يبقى فيها حمولة كتير بتهبط بس انا سمعت بس لكن مشفتش بعينى ...
و شكرا لحضرتك انك وضحتلى هذه الفكرة الخاطأة و تقبل خالص تحياتى ......

[mahmoud18]

بص موضوع لوجان ولا ساجا انا اظن ان معظم الناس
الى بتفكر فى عربيه فى الرانج ده كانت بتقارن بنهم

و طبعا انا كمان مريت بالتجربه دى
الموضوع فى الاول و فى الاخر يرجع ليك انت و رايك انتا

انا مقتنع باللوجان جدا و كنت هاجبها و اقنعت اتنين اصحابى جابوها
لكن السبب الرئيسى الى خلانى اجيب ساجا هيا انها اتوماتيك و انا لسه جديد فى
السواقه فالاوتو بالنسبالى حاجه مهمه ممكن ميكونش هيفرق معاك
و الحمد لله انا مقتنع بالساجا
بس بالنسبالى لو مانوال يبقا لوجان
لو اوتو يبقى ساجا

و فى نقطه انا عايز ارد عليها بالنسبه للساجا هيا مبتهبتش خالص الحمد لله هيا عاليا عن الارض
حتى لو فى 5 فى العربيه اوزان كمان بعدى اى مطب عادى الحمد لله من غير اى مشكله

و اوزان ك

[SALLAM569]

بص موضوع لوجان ولا ساجا انا اظن ان معظم الناس
الى بتفكر فى عربيه فى الرانج ده كانت بتقارن بنهم

و طبعا انا كمان مريت بالتجربه دى
الموضوع فى الاول و فى الاخر يرجع ليك انت و رايك انتا

انا مقتنع باللوجان جدا و كنت هاجبها و اقنعت اتنين اصحابى جابوها
لكن السبب الرئيسى الى خلانى اجيب ساجا هيا انها اتوماتيك و انا لسه جديد فى
السواقه فالاوتو بالنسبالى حاجه مهمه ممكن ميكونش هيفرق معاك
و الحمد لله انا مقتنع بالساجا
بس بالنسبالى لو مانوال يبقا لوجان
لو اوتو يبقى ساجا

و فى نقطه انا عايز ارد عليها بالنسبه للساجا هيا مبتهبتش خالص الحمد لله هيا عاليا عن الارض
حتى لو فى 5 فى العربيه اوزان كمان بعدى اى مطب عادى الحمد لله من غير اى مشكله

و اوزان ك

بالضبط كدة العربيتين محترمين جدااااا و انا مقتنع بالساجا و بحبها جداااا كنت هاشتريها بس موضوع عز العرب و قطع الغيار دة اللى قلقنى من العربية شوية انما هى عربية رااااائعة ولا غبار عليها و اهم حاجة الراحة النفسية لأنك مش بتغير العربية كل يوم و ربنا يباركلك فيها ويكفيك شرها و تقبل خالص تحياتى ....