إعـــــــلان

Collapse

.

,
See more
See less

فيات بونتو 2003 ولا لانوس 2005

Collapse
X
 
  • Filter
  • الوقت
  • Show
Clear All
new posts

  • فيات بونتو 2003 ولا لانوس 2005

    السلام عليكم ورحمة الله وبركاته ارجو من الساده أعضاء المنتدى المشاركة فى هذه المقارنة من حيث
    1. حجم الأعطال
    2. الأعتماد عليها
    3. استهلاك البنزين
    4. التكيف
    5. الأمان
    6. الثبات
    7. هل لو معايا ناس فى البونتو هيأثر على أداء الموتور بشكل كبير
    8. أقدر أستغنى عن الميكانيكى لمدة طويلة
    9. متعة القيادة

  • #2
    سلام عليكم
    انا هاحاول احط لك المقارنة , بس انا عموما مش مالك لبونتو فيا ريت ما تاخدش كلامي بجدية اوي فيما يخص البونتو
    و هاتكلم هنا باعتبار ان العربيتين حالتهم كويسة لأن اي عربية حالتها مش كويسة بتبقى مقرفة جدا

    المشاركة الأصلية كتبت بواسطة ah_ar87 مشاهدة المشاركة
    السلام عليكم ورحمة الله وبركاته ارجو من الساده أعضاء المنتدى المشاركة فى هذه المقارنة من حيث
    1. حجم الأعطال : قليل في اللانوس , و اظن البونتو كذلك
    2. الأعتماد عليها : اللانوس اعتمادية , و اظن البونتو كذلك
    3. استهلاك البنزين : البونتو افضل
    4. التكيف : تكييف اللانوس كويس , و اظنه يتفوق على تكييف البونتو
    5. الأمان : سيء في اللانوس (لا abs ولا airbags) و الفرامل مش اللي يتقال عليها انها قوية الا لو اتعدلت , لكن فيها قضبان جانبية في الابواب , البونتو مش عارف بس ما اظنهاش هاتبقى احسن كتير
    6. الثبات: اللانوس معقولة , البونتو اظن افضل
    7. هل لو معايا ناس فى البونتو هيأثر على أداء الموتور بشكل كبير : مش عندي الاجابة
    8. أقدر أستغنى عن الميكانيكى لمدة طويلة: بالنسبة للانوس ممكن , بالنسبة للبونتو مش عارف
    9. متعة القيادة: اعتقد ان الفيات مشهور عموما بموضوع متعة القيادة لكن مش عارف ايه نظام البونتو كلاسيك
    فيه كام حاجة حضرتك ما حطتهاش في حساباتك , مش عارف تفرق معاك ولا لأ

    سهولة الصيانة : لصالح اللانوس
    اسعار قطع الغيار: لصالح اللانوس
    الاتساع الداخلي: (أظن) لصالح اللانوس
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

    Comment


    • #3
      المشاركة الأصلية كتبت بواسطة ah_ar87 مشاهدة المشاركة
      السلام عليكم ورحمة الله وبركاته ارجو من الساده أعضاء المنتدى المشاركة فى هذه المقارنة من حيث
      1. حجم الأعطال - البونتو تتفوق
      2. الأعتماد عليها - البونتو
      3. استهلاك البنزين - البونتو
      4. التكيف - مش عارف البونتو تكيفها مرضي مش عرف اللانوس إيه
      5. الأمان - البونتو فيه منها فيه ايرباج وكمان فـال كرش تست البودي نفسه أأمن من اللنص
      6. الثبات - البونتو أفضل بتهيألي برده
      7. هل لو معايا ناس فى البونتو هيأثر على أداء الموتور بشكل كبير - من مميزة البونتو إنها مش بتتأثر بالوزن وال تكيف تأثير ملحوظ حاجة خفيف كده
      8. أقدر أستغنى عن الميكانيكى لمدة طويلة - بتهيألي أي عربية هتسونها هتمشي زي الفل ولو إن برده البونتو أعلى ك اعتمدية
      9. متعة القيادة - البونتو ممتعة جدا
      وأنا مش منحاز للبونتو علشان هتلحظ إني كله تقربا بونتو وأنا مش معايا بونتو دلوقتي أنا بعتها أنا بقول على اللي جربته خصوصا إن والدي معاه نوبيرة أختها الكبيرة وكان معنا لانوس

      Comment


      • #4
        انا كنت في نفس حيرتك و اختارت البونتو بس قطع الغيار اغلي شويه
        [CENTER][SIZE=5][COLOR=#4169e1]نختلف .. نتحاور و نتناقش , لكن نتبادل الاتهامات ... ده امر مرفوض نهائيــــــــــــــــــــــــاً [/COLOR][/SIZE][/CENTER]
        [CENTER][COLOR=#4169e1]حكمه من مهاب سعيد[/COLOR] [/CENTER]
        [RIGHT]TheEgyption سابقا
        [/RIGHT]

        Comment


        • #5
          1-حجم الأعطال: أي عربية حتصونها و تعملها صيانة دورية حتريحك كتير....كعمر افتراضي طبعا الفيات معروف و كسبايك موتور معروف ان فيات من احسن السبائك في العالم...
          2-الاعتماد عليها:مبتقولش لأ حتى في أقصى ظروف تشغيل....زي مثلا ساعة المطر عندنا في اسكندرية كان في الأنفاق بحيرات طبعا في عربيات بتستحمل و عربيات لأ بالنسبة للبونتو تستحمل و خدمة شاقة يعني....
          3-استهلاك البنزين: اللانوس غول بنزين بالنسبة ل1500 سي سي...البونتو 1300 سي سي - كامة واحدة علوية و 8 صباب و أقصى عزم بيطلع على عدد لفات متوسط 3000 لفة عكس اللانوس العزم على عدد لفات عالي ...فا بالتالي استهلاكها حلو جدا....
          4-التكييف: التكييف عامة في الأوروبي ضعيف في حالة البونتو مش بيأثر أوي على السحب يعني و بيؤدي الغرض...في اللانوس أعتقد انه أحسن.
          5-الأمان: من غير جدال و فصال....أكيد فيات احسن بكتييييييييييييييييييييييييييييييييييييييييييييييي يييييييييييييييييييييييير و مراااااااااااااااااااااااااااااااحل عن اللانوس خاصة ان البونتو 2 ايرباج + نظام فرامل محترم (مفيش abs ) بس نظام محترم جدا و بيؤدي الغرض بكفائة جدا (مش فرامل كوري و أكيد كلنا عارفين الفرامل الكوري, و أنا معايا كوري برده عشان محدش يقول بقلس :D) + قضبان أمان في الأبواب..ده غير ان صاج البونتو أنشف كتيييييييييييييييير عن اللانوس و غير انها واخدة 4 نجوم من 5 في اختبارات التصادم الأوروبية EuroNCAP.
          6-الثبات: بونتو أحسن طبعا و عامة السيارات الايطالي مشهورة بالتحكم على سرعات, ده غير انها hatchback فا مش حيبقى فيه bodyroll زي اللانوس...غير انها بتنزل بنفس الشاسيه بقالها 10 سنين تقريبا فا أكيد لو فاشلة ماكنتش كملت....
          7- الأداء زي ما قولت مش حيتأثر أوي بالحمولة و السبب يرجع للعزم الأقصى اللي بيطلع على عدد لفات متوسط...و مواتير فيات عامة مشهورة بعصيتها في range الtorque بتاعها....
          8- الميكانيكي حاتحتجله في أي عربية لو انت مش محافظ عليها زي ما قولت....ده غير طبعا ان الحظ بيتدخل أحيانا في موضوع عيوب الصناعة...بس كقطع غيار البونتو معمرة أكتر....
          9- متعة القيادة : أنا حقولك حاجة واحدة بس....أنا لما يبقى قدامي الأوبترا و الباليو بنزل بالباليو....و ان شاء الله العربية اللي حجيبها بعد الباليو حتكون فيات برده أو ألفا روميو...لما يعدي يوم مش بنزل فيه بيها بحس بحاجة غلط , فيات عامة و بشهادة كل الملاك فيها سر محدش يعرفه سواء من ال road feeling أو ال driving position أو ال Vibration بتاع المكنة أو صوت المكنة!!! يعني فيها حاجة بتشدك ليها دائما!

          في النهاية أحب أقول حاجة بس....توكيل أوماترا سيء جدا و لازم تبقى مفتح جدا و انت بتتعامل معاهم....بس كقطع غيار كلها موجودة في السوق من أول الصيني,تايواني,تركي لحد الايطالي و الألماني و انت و فلوسك....ده غير ان بونتو تكنولوجي أعلى و جهاز كشف أعطال....حتى لو فيه لمبة محروقة بيحدد هي فين و دواسة بنزين كهرباء مش كابل...يعني من غير أعطال و استجابة أحسن حسب طريقة القيادة....دبرياج هيدروليك خفيف جدا جدا جدا جدا و ميزته انه مستواه طبيعي في العادي...أثناء الحرق أو الجري يعني....الدبرياج بيعلى سنة عشان يديك مساحة تنقل فيها بسرعة من غير ما يحصل تعشيق غلط....الايطالي سابق عصره بكتييييييييييييييييييييييييييييييييييييييييييييييي يييييييير!
          [CENTER][aldl]http://farm6.static.flickr.com/5297/5491061589_22d60a8664_z.jpg[/aldl][/CENTER]
          [CENTER]Everytime I see an ALFA Romeo go by i tip my hat[/CENTER]

          Comment


          • #6
            معلش تصحيح بس.....البونتو 1242 سي سي يعني 1.2
            كل الناس بتقول عليها 1300 بس هي 1200...
            [CENTER][aldl]http://farm6.static.flickr.com/5297/5491061589_22d60a8664_z.jpg[/aldl][/CENTER]
            [CENTER]Everytime I see an ALFA Romeo go by i tip my hat[/CENTER]

            Comment

            Working...
            X