سانديرو ولا بونتو كلاسيك ولا لانوس ولا فيرنا ساعدونى زهقت

[Ashgan]

أنا فعلا تعبت بقالى كام شهر بفكر وأقارن وتعبت جدا من التفكير والمقارنات
كنت قررت أشترى سانديرو لأانها عجبانى فى التصميم والحجم والشكل واللون وكل المميزات فيها عجبانى جدا ؟ نصحونى لا علشان عربية جديدة وأسعار قطع الغيار والصيانة عالية جدا وممكن قطع الغيار معينة لا قدر الله لو احتجتها ما تكونش موجودة أصلا !!!!!!!!!1
بونتو عجبانى جدا برضه لكن اصغر حجما من السانديرو لكن لو نصحتونى بيها هاتوكل على الله واجيبها
اللانوس والفيرنا طبعا قطع غيار وصيانة رخيصة بس منتشرة وانا عاررفة ان دى ميزة مش عيب لكن الاتنين سيدان وانا مش بحب السيدان
أرجوكم ساعدونى
جزاكم الله خيرا

[Piowood]

انا أفضل اللانوس . قطع غيار رخيصه ومتوفره وناس كتير بنتشكر فيها و واسعه وموتور ناعم .. بس انا عاكسك بقا انا بحب السيدان عن الهاتش باك ..

بالتوفيق

[adel1414]

من الاخر لو انت استقريت على دول فقط...الفيات بونتو كلاسيك...وعلى فكرة منتشرة وحاجتها برة واى حد بيشتغل فيها..وكفاية توفير استهلاك الوقود والامان-2 ايرباج-ولازم لازم حضرتك تشوفهم عالطبيعة لان دة بيفرق كتيييييييييييير

[Ahmed.Ali]

انا شايف ان البونتو احسنهم لاكنها اوحشهم في التوكيل
بس علي ما اعتقد هي ايرباج واحده مش اتنين

[تامر.محمد]

اظن الخيار الوسط في العربيات دي هي السانديرو فعلا

[Ahmed.Ali]

طيب ما تفكر في الساجا و تبقي اوتو

[ashouhdy]

السانديرو بس اسألى على اسعار قطع الغيار ومتوفرة ولا لأ ميزة البونتو ان الباور بتاعها سيتى كهربا خفيييييييييف جدا كأنك سايق عربية ملاهى :))) ودة مفيد فى الركنة والزحمة :))

[fouady]

بص لو هنحسبها بالوراقه وال الم البونتو هتكسب لا سبب هي أكتر واحدة مستقرة من نحية إيه من نحية إنها عربية ايطالي اعتمديه و ركوبة احسانم اكترهم امان انتشرها حلو مش اد اللانوس وال فرنا بس مش قال كتير دلوقتي ما شاء الله تخش أي شرع لازم تلقي بونتو يعني منتشرة وال شكل ده فـمصر بقالو 10 سنين يعني هتلقي كتيير قوي بيفهم فيها قطع غيرها بره التوكيل رخصيه ك مجمل فيه حاجات آه غليا بس مش كتير ومش دورية بس فـهي المتواسطتة فيهم هههه

[bero0o0o0]

هو اعتقد ان حضرتك بطبيعة الحال مش هايفرق معاكي الشد و الجري
يبقى البونتو بصراحة ركوبة جمييييييلة جدا
و من جوة مش ضيقة لدرجة تزعل يعني لأ حلوة مش وحشة
هي بس صيانتها و قطع غيارها مش هاتبقى حاجة سهلة
لكن هي كعربية حلوة اوي و ارشحها لحضرتك
و لو مش عاجباكي يبقى السانديرو
اللنوس و الفيرنا عربيات محترمة لكن العربيتين الاوروبي افضل منهم( ده من وجهة نظري طبعا عشان دكتور شهدي مايزعلش)

[ashouhdy]

هو اعتقد ان حضرتك بطبيعة الحال مش هايفرق معاكي الشد و الجري
يبقى البونتو بصراحة ركوبة جمييييييلة جدا
و من جوة مش ضيقة لدرجة تزعل يعني لأ حلوة مش وحشة
هي بس صيانتها و قطع غيارها مش هاتبقى حاجة سهلة
لكن هي كعربية حلوة اوي و ارشحها لحضرتك
و لو مش عاجباكي يبقى السانديرو
اللنوس و الفيرنا عربيات محترمة لكن العربيتين الاوروبي افضل منهم( ده من وجهة نظري طبعا عشان دكتور شهدي مايزعلش)

هههههههههههههههه لا مش بذعل والله اقول اللى عايزة على العربية ميهمكش طالما مجبناش سيرة حد ! وعلى فكرة حتلاقينى اخترت الساندرينو يعنى والله طالما هى افضل خيار حقول

[bero0o0o0]

لا يا باشا مش هنجيب سيرة حد ولا حاجة
و اصلا الكلام في العربيات مش محتاج نرفزة يعني ولا حاجة
و انا شايف والله ان قصدك دايما الافادة و بتحاول تكون حيادي
بس هو احيانا الكلام بيدخل في مشادات و كده يعني
مش من حضرتك بس ده من اي حد
تحياتي يا باشا( انا زميل على فكرة)

[ashouhdy]

لا يا باشا مش هنجيب سيرة حد ولا حاجة
و اصلا الكلام في العربيات مش محتاج نرفزة يعني ولا حاجة
و انا شايف والله ان قصدك دايما الافادة و بتحاول تكون حيادي
بس هو احيانا الكلام بيدخل في مشادات و كده يعني
مش من حضرتك بس ده من اي حد
تحياتي يا باشا( انا زميل على فكرة)

تحياتى لك يأبو ذمل :)))))) وشكرا على ردك الجميل

[AirForces]

انا رأيى مدام حضرتك ما بتحبيش السيدان يبقا نركز فى الهاتش باك وهما افضل فى رأيى
البونتو ميزتها عن السانديرو انها فيها 2 إيرباج انما السانديرو واحد بس والباور بتاع البونتو اخف وقطع غيارها هتبقا ارخص اكيد لأنها بقالها كذا سنة فى مصر
السانديرو هى هى اللوجان بس هاتش باك اللى حققت انتشار ونجاح فى مدة زمنية قليلة وبالتالى قطع الغيار الداخلية معظمها هتبقا هى هى بتاعة اللوجان اللى بقت منتشرة بره التوكيل بأسعار ارخص بكتير انما المشكلة هتبقا فى القطع الخارجية زى الفوانيس وكدا عشان مختلفة والسانديرو لسه جديدة فلو حصل حاجة لا قدر الله هتضطرى تجيبيها من التوكيل

السانديرو اكبر حجما واوسع من البونتو
موتور السانديرو 1600 سى سى بينما البتونتو 1300 سى سى
توكيل رينو افضل بكتير من توكيل اوماترا

البونتو سعرها ارتفع فجأة من 69000 لـ 73000 بدون اى سبب فهى كانت هتبقا افضل قيمة مقابل السعر لو كانت بالسعر القديم

واخيرا ممكن تستنى موديلات 2012 هتنزل البيكانتو الشكل الجديد ممكن تضميها للمقارنة