مقارنة الرحيل: سيفيك - جيتا - مازدا - فلوينس - بي إم

[Mahmode]

السيفيك تكسب طبعا يا باشا اقل استهلاك واعلاهم نسبيا واقوهم موتورا وافخمهم من الداخل وثباتها معروف طبعا انا معايا سيفيك بس كلامى دا مش تحيز ليها لا دا انا عايز اقول ان كل عربيه من اللى ذكرتهم ممتازة واعتقادى الشخصى ان الفروق بسيطة جدا الجيتا جميلة جدا والمازدا طبعا الفلونس معرفهاش بصراحة لكن البى ام بقى اعتقد ان دى فوق الكل وكانت هتبقى هيا الاولى فى مقارنة حضرتك لولا استهلاك البنزين وقدم الموديل والكيلو متر الكتير

أخير حد يقول شعر في السيفيك أصل أنا حاشوف سيفيكين بكرة واحدة هاي لاين وواحدة مش هاي بس بجنوط فا عاوز دفعة ناحية السيفيك.

[Kareem.ElAraby]

i will write in English as ma in work :D
FLUENCE, i live in MESADAK street in dokki, i saw a NORMAL ACCIDENT IN THE CROSSROAD INFRONT OF joly OPTICS, THE FLUENCE FRONT DEFNDER WAS SEVERLY DAMAGED and the headlights as well, while the another car < the one who was mistaken> was a BMW and only scrtached at the right back door
so FLUENCE is not my recommendation , on the other hand i will recommend the CIVIC, am into japanese and its performance ,the VTI got VSA Vehicle Stability Assist
cant figure it out wht do u mean by poor accessories
BMW 2005 if bad condition, u will hate it
FANATSIA & JETTA===> DSG , no smoke without a fire so if i were u i wd go away from both
btw my UNCLE wanna buy a passat TSI since 2 years and am the ONLY one stopping him DSG, TURBO that's a new technology in the egyptian market and for the agency
wishing u the best of luck with ur choice...!!

[Mahmode]

Thank you nfs_206. I`ll answer you in english as I`m in work also :D (BTW, what prevents you from writing in arabic at work?)

I agree with you about DSG so I take the Jetta out of the comparison. I also take out the BMW for the old model and high km and the possibly bad condition. The fluence.... you may be right but what attracts me a lot towards it is the huge set of options it`s equipped with. Anyway for now the Civic is on the top of the comparison in my mind. I`ll see 2 civic cars tomorrow so hopefully I`ll settle on one of them and put an end to my loooong headache.

[Ahmedhussein007]

لو هانتكلم فى ماركات هتبقى البى ام احسنهم بس الموديل القديم ده يطلعها من المقارنه حتى لو كانت زيرو وده بسبب العمر الافتراضى وصياناتها مش رخيصه من الاخر هاتجيب عربيه تتعبك مش تريحك خليك فى موديل جديد وريح دماغك الجيتا احسن حاجه فيهم

[Kareem.ElAraby]

المدير كان معدي و انا بطيء في كتابه العربي
حلو اتفقنا يبقي السيفيك و الفلوينس في النهائي
هأحاول اتكلم بحبادبه عشان انا أصلا عاشق للسيفيك
قطع الغيار الاتنين قريبين من بعض في السعر بس انا عارف اعتماديه قطع غيار الهوندا ما افتيش بالنسبه للفلوينس
الصاج قارن بين الاتنين
شوف اسعار الصيانه في التوكيل عامله ازاي
بصراحه الفرنساوي لازم توكيله في كل حاجه و ليا تجربه تصليح ازاز كهربا للميجان لصديق الراجل قعد يفك و في الاخر قاله يا باشا مش هأعرف ارجع كل ده تاني من كم الحساسات و الحاجات اللي اتفكت و ركب الحاجه علي قد ما قدر و ما صلحشي حاجه
الشخص التاني ده اخو صاحبي و القواعد كانت قرفاه و برده ميجان
السيفيك عيبها الاساسي انها واطيه و رأي ان ده يتحل انه تاخد المطبات علي عجلتين ( بالورب)
فرامل السيفيك ناس اشتكت و ناس لا لما كانت طبليه وراه بس من ساعه ما بقيت سكاكين نادرا لما حد بيشتكي
ده عيوب التنين و ده رأي شخصي ( عشان ما انضربشي بسببك)
و مبروك مقدما سوا ده أو ده
و اكشف عليها في مكان نضيف و يا حبذا لو التوكيل و انا حاجز لفه و خبرا الهوندا علي المنتدي كتير اسال semseme kane
ده من العمالقه هنا في الهوندا
خدت اكتر من 10 دقائق عشان اكتب كل ده و لو انجليزي هما 3 دقائق كحد أقصي :]:]

أخوك
م. كريم العربي

[Mahmode]

المدير كان معدي و انا بطيء في كتابه العربي
حلو اتفقنا يبقي السيفيك و الفلوينس في النهائي
هأحاول اتكلم بحبادبه عشان انا أصلا عاشق للسيفيك
قطع الغيار الاتنين قريبين من بعض في السعر بس انا عارف اعتماديه قطع غيار الهوندا ما افتيش بالنسبه للفلوينس
الصاج قارن بين الاتنين
شوف اسعار الصيانه في التوكيل عامله ازاي
بصراحه الفرنساوي لازم توكيله في كل حاجه و ليا تجربه تصليح ازاز كهربا للميجان لصديق الراجل قعد يفك و في الاخر قاله يا باشا مش هأعرف ارجع كل ده تاني من كم الحساسات و الحاجات اللي اتفكت و ركب الحاجه علي قد ما قدر و ما صلحشي حاجه
الشخص التاني ده اخو صاحبي و القواعد كانت قرفاه و برده ميجان
السيفيك عيبها الاساسي انها واطيه و رأي ان ده يتحل انه تاخد المطبات علي عجلتين ( بالورب)
فرامل السيفيك ناس اشتكت و ناس لا لما كانت طبليه وراه بس من ساعه ما بقيت سكاكين نادرا لما حد بيشتكي
ده عيوب التنين و ده رأي شخصي ( عشان ما انضربشي بسببك)
و مبروك مقدما سوا ده أو ده
و اكشف عليها في مكان نضيف و يا حبذا لو التوكيل و انا حاجز لفه و خبرا الهوندا علي المنتدي كتير اسال semseme kane
ده من العمالقه هنا في الهوندا
خدت اكتر من 10 دقائق عشان اكتب كل ده و لو انجليزي هما 3 دقائق كحد أقصي :]:]

أخوك
م. كريم العربي

هههههههههههه. الحمد لله أنا واخد مكان استراتيجي في جنب وماحدش يعرف يشوف شاشتي . بالنسبة لموضوع سرعة الكتابة أنا برضو أسرع بفرق في الإنجليزي. بس مع كتر الممارسة الحمد لله سرعتي بقت مقبولة في العربي. أصل بصراحة الفرانكوآراب دا بيشللني وأنا ضد استخدامه لحسن مع الوقت حيبوظ اللغة العربية بمعنى الكلمة للأجيال القادمة.

شكرا يا باشا على مقارنتك الموضوعية. هما زي ما قلت نفس حدود أسعار قطع الغيار. فا هيه مقارنة بيت كماليات وأبشنز ضد إعتمادية وقوة. أنا طبعا مايل للسيفيك عشان عندي فوبيا الفرنساوي بما إني مصري وأبويا مصري. أنا حاشوف دي ودي وربنا يعمل اللي فيه الخير

[hosammoner]

سيفيك وعمرك ما هتندم خصوصا لو سواقتك رياضيه هتحبها جدا لانها بتاخد نسبة اعلى من سبعين فالميه فى كل حاجة قوة موتور رهيبه ثبات كبير جدا وامان واطمئنان فالقيادة لابعد الحدود مرونه عاليه جدا دركسيوت تحفة صالون رائع وعلى فكرة العربيه مش واطية ولا حاجة زيها زى باقى العربيات اللى فى فئتها بس هيا بتحك لان قاعدة العجلات اكبر من مثيلاتها لو جيت تبص لباقى العربيات اللى فى المقارنة هتلاقى اللى تقيله اوى وثباتها رائع بس موتور ضعيف جدا يزلك عشان تجرى واللى تلاقيها ضيقة جدا وثباتها عادى وموتور عادى بس اوبشن كتير جدا رائ الشخصى عن تجربه للسيفيك ولعربيات تانيه فى نفس فئتها السيفيك الافضل وبجد العربيه دى مشاء الله اعتمادية لابعد الحدود واسعار قطع الغيار زى باقى العربيات اللى زيها ومتوفرة جدا جوه التوكيل وبره التوكيل اعيب عليها فى حاجة واحدة بس وبصراحة هيا حاجة رخمه شويه الا وهى ان شنطتها ضيقة وربنا يوفقك للصالح ويكفينا ويكفيك شر الطريق ان شاء الله

[Mahmode]

والله يا hosammoner باشا أنا شوفت شنطتها وأنا شايفها واسعة أوي . جايز عشان كان معايا بولو قبلها والبولو شنطتها صغيرة فحت.

[ropy2003]

انا شايف السيفيك احسن اختيار سياره فعلاً روعه فى شكلها و روعه فى ادائها و مفيش حد اشتكا منها و مفيش حد جاب سيرة فتيسها بحاجه و حشه اتكل على الله و جيب سيفيك

[hosammoner]

والله يا بو حميد تقريبا كدا شنطتها صغيرة بالنسبة ليا انا بس لانى بشيل شنط كتير دايما لان كل صحابى اللى معاهم العربيه بيقولولى ان شنطتها كويسه

[Mahmode]

انا شايف السيفيك احسن اختيار سياره فعلاً روعه فى شكلها و روعه فى ادائها و مفيش حد اشتكا منها و مفيش حد جاب سيرة فتيسها بحاجه و حشه اتكل على الله و جيب سيفيك

مفيش حد جاب سيرة فتيسها بحاجه و حشه؟؟؟؟؟ ههههههههههههه. طب مترميش كلام عالجيتا وهيا مش موجودة

[mohammedabdallh]

يا فندم
البى ام
شكل
قطع غيار معمرة معمرة معمرة
اعاده بيع كويسه
وكفاية انت راكب حاجه المانى
وشكلها على الطيق لفضل حاجه من كل الى موجود

[Mahmode]

يا فندم
البى ام
شكل
قطع غيار معمرة معمرة معمرة
اعاده بيع كويسه
وكفاية انت راكب حاجه المانى
وشكلها على الطيق لفضل حاجه من كل الى موجود

متشكر بس أنا خلاص حسمت أمري لصالح السيفيك والله المستعان.

[mohammedabdallh]

متشكر بس أنا خلاص حسمت أمري لصالح السيفيك والله المستعان.

ربنا معاك
ويكفيك شرها ويرزقك احسن منها
ويبعد عنك وعنا عيون الناس

[Mahmode]

ربنا معاك
ويكفيك شرها ويرزقك احسن منها
ويبعد عنك وعنا عيون الناس

ربنا يخليك يا باشا وشكرا على الدعوات الغالية وربنا يسمع منك وإياكم وكل المشاهدين. آمين يا رب