رينو ميجان ولا لانسر الشكل الجديد

[SEATLOVER]

على فكرة شكل الميجان الحالى ...
(من وجهة نظرى ) احلى بكتير اوى من الشكل الجديد
وماتجربش جديد واللى تعرفة احسن من اللى ماتعرفوش وخصوصاً فى (الميجان)
يعنى لو هاتنوى عليها توكل على الله

[Ramy_Tantawi]

السلام عليكم
اخباركم ايه يا جماعه ....يا رب الجميع يكون بخير ....... مش عارف بصراحه انا مش حاسس ابدا ان شكل الميجان هيتغير خصوصاً في السوق الشرق أوسطي على الأقل السنتين دول يعني ممكن يبدؤوا ينزل منها لينا الشكل الجديد ده 2010 ولا بعد كده كمان والكلام ده حصل مع الكليو من سنتين كده نزل منها شكل جديد clio 3وكان تمنها وقتها على ما اذكر 140.000 حاجه كده والله مافاكر كانت هاتشباك وفضلت شهور معروضه بس في رينو المقطم وماعملتش مبيعات عندنا ابداً مع انها نازله موديل 2005 وبعدين الميجان برضه نفس الكلام الجيل الأول منها نزل اواخر 94 ميجان 1 لغاية 2002 ميجان الجيل التاني اللي موجوده حاليا نزلت موديلين الاول من 2002 لغاية 2006 الموديل التاني تعديل الفوانيس والاضاءه من الداخل من اواخر 2006 لغاية دلوقتي يعني حتى لو سلمنا ان في شكل تاني من ميجان نازل الجيل التالت اقصد فا مش هايكون هنا وده رأيي الشخصي وهو خطأ يحتمل الصواب .

[Sharky]

السلام عليكم
اخباركم ايه يا جماعه ....يا رب الجميع يكون بخير ....... مش عارف بصراحه انا مش حاسس ابدا ان شكل الميجان هيتغير خصوصاً في السوق الشرق أوسطي على الأقل السنتين دول يعني ممكن يبدؤوا ينزل منها لينا الشكل الجديد ده 2010 ولا بعد كده كمان والكلام ده حصل مع الكليو من سنتين كده نزل منها شكل جديد clio 3وكان تمنها وقتها على ما اذكر 140.000 حاجه كده والله مافاكر كانت هاتشباك وفضلت شهور معروضه بس في رينو المقطم وماعملتش مبيعات عندنا ابداً مع انها نازله موديل 2005 وبعدين الميجان برضه نفس الكلام الجيل الأول منها نزل اواخر 94 ميجان 1 لغاية 2002 ميجان الجيل التاني اللي موجوده حاليا نزلت موديلين الاول من 2002 لغاية 2006 الموديل التاني تعديل الفوانيس والاضاءه من الداخل من اواخر 2006 لغاية دلوقتي يعني حتى لو سلمنا ان في شكل تاني من ميجان نازل الجيل التالت اقصد فا مش هايكون هنا وده رأيي الشخصي وهو خطأ يحتمل الصواب .

أسمح لى يا رامى أعقب على كلامك
أولا الكليو الشكل الجديد فعلا نزلت بره عام 2005 و مانزلش منها حتى الان سيدان و الهاتشباك كانت بتتباع فى التوكيل بـ 125000 الف و طبعا ماكنتش بتتباع علشان سعرها المقارب للميجان السيدان رغم إحتوائها على معظم أوبشنز الميجان .

ثانيا الميجان الشكل الحالى نزل فى الخارج فى صيف 2003 و نزل مصر فى مصر 2004 و ماكنش بيتباع منه لإنه كان سعره بيبدأ بـ 180 الفجم قبل تخفيض الجمارك لكن بعد التخفيض إللى تم فى 8 /2004 سعرها نزل فلما بدأ الناس تقبل عليها كان موديل 2005 نزل

بالنسبة للجيل الجديد من الميجان اتوقع نزوله مصر فى أواخر 2009 لإنهم كانوا عاملين حوار مع العضو المنتدب لشركة رينو فى جريدة وقال إنهم ناويين ينزلوتقريبا 5 موديلات جديدة من رينو فى نهاية 2009 و 2010 و متهيألى إن من ضمنهم الميجان الجديدة و سيارة الدفع الرباعى الخاصة برينو و هى كاليوس .

[mazen86]

كلام يعبر عن وجهة نظرك فقط
و هو غير واقعى و لا يعبر عن حقيقة الميجان و عكس تماما ما يقال من عن الميجان من ملاكها فى المنتدى

حضرتك برضة زعلت انا كلامي كان واضح انا قلت ان انا مع العربية بقالي 3 سنين ونص وشفت الي حصلها وقلته مش من دماغي او مجرد هجوم علي العربية من غير هدف انا قلت الي اعرفه عن العربية

شكرا

[Ramy_Tantawi]

ماشي يا احمد انا عارف ان في ميجان 3 نازله بس برضه مش عارف حاسس انها هتتأخر على السوق المصري شويه خصوصا ان زي ما انت قلت فعلا الشكل الحالي بدأ مبيعاته في مصر 2005 واعتقد انتشارها بدأ حقيقي بكثافه من سنتين بس مش اكتر ويمكن اقل كمان في مصر اقصد واعتقد مش هاتختلف معايا في كده فا انا حاسس ان الجيل التالت من الميجان هيكون متأخر طرحه في السوق المصري خصوصا ان لسه انتشار الجيل التاني من العربيه بيتوسع وبرضه ده على الأقل عندنا في السوق المصري

[Sharky]

حضرتك برضة زعلت انا كلامي كان واضح انا قلت ان انا مع العربية بقالي 3 سنين ونص وشفت الي حصلها وقلته مش من دماغي او مجرد هجوم علي العربية من غير هدف انا قلت الي اعرفه عن العربية

شكرا

إنت بتقول إن العربية مع ناس قرايبك يعنى مش إنت إللى بيتسوقها أو مش بتسوقها يوميا زى ملاكها فبصراحة معرفش إنت حكمت عليها إزاى !!!!
ياريت تاخد فكرة على ساحة رينو و تشوف ملاكها بيقولول عليها إيه

ماشي يا احمد انا عارف ان في ميجان 3 نازله بس برضه مش عارف حاسس انها هتتأخر على السوق المصري شويه خصوصا ان زي ما انت قلت فعلا الشكل الحالي بدأ مبيعاته في مصر 2005 واعتقد انتشارها بدأ حقيقي بكثافه من سنتين بس مش اكتر ويمكن اقل كمان في مصر اقصد واعتقد مش هاتختلف معايا في كده فا انا حاسس ان الجيل التالت من الميجان هيكون متأخر طرحه في السوق المصري خصوصا ان لسه انتشار الجيل التاني من العربيه بيتوسع وبرضه ده على الأقل عندنا في السوق المصري

أنا متهيألى يا رامى إنها حتنزل هاتشباك فقط و حيفضلوا يجمعوها فى تركيا فترة زى الكليو II

[Ramy_Tantawi]

أرسل اصلا بواسطه sharky
أنا متهيألى يا رامى إنها حتنزل هاتشباك فقط و حيفضلوا يجمعوها فى تركيا فترة زى الكليو II

+1
أتفق معاك تماماً

[Mzeid]

بس على كدة لو الجيل الجديد من الرينو الميجان هيبدأ تصنيعه السنة دي .. يبقى الموديل الهاتشباك اللي بيتجمع في فرنسا - بيتصنع - هيقف و مش هيبقى فيه غير السيدان التركي .. و لا إيه رأيكم .. ؟!

[mazen86]

إنت بتقول إن العربية مع ناس قرايبك يعنى مش إنت إللى بيتسوقها أو مش بتسوقها يوميا زى ملاكها فبصراحة معرفش إنت حكمت عليها إزاى !!!!

حضرتك انا اقولك حكمت عليها ازاي؟

انا كنت شاري العربية معاهم يعني انا وقريبي الي جايبنها من مصر سوا يعني شفت العربية اول ماجت وتقدر تقول كدا علي الاقل بسوقها مرتين

اسبوعيا يعني العربية مش غريبة عليا زي ما حضرتك متخيل(بس برضة ما اقدرش احكم ) لان الواحد بيبقا عارف كل همسة في عربيته وعارف اية

الي عادي واية الي غريب بس انا كنت بعرف المشاكل منه هوا شخصيا لاني

انا كنت بسافر معاه في اكتر الصيانات وكل مرة بنبقا رايحين معانا مشكلة في العربية او رايحين صيانة عادية

بعد اذن حضرتك انا كنت شاري معاه في نفس السنة كورولا 2005 (دي مش مقارنة بين العربيتين في وقتها لانهم كانوا فئتين سعريتين مختلفتين)

مطلعش عندي اي مشكلة من الي كانت عنده برضة دا مش هجوم علي الميجان ولا مقارنة دا مجرد توضيح وعلي فكرة الاستخدام بيكون هوا السبب

في اظهاركل حاجة في العربية يعني العربية بتفرق من واحد للتاني ممكن يكون استخدامهم وحش واستخدام حضرتك كويس عشان كدا مظهرش عند

حضرتك مشاكل الحمدلله

وكمان احنا هنا مش عشان نرشح عربية كامله (لان الكمال لله وحده) انما بنقول عيوب كل عربية ومميزاتها من تجارب كل واحد فينا عشان

ممكن تكون العربية دي فيها عيب من وجهة نظري يكون بالنسبة لحضرتك مش مهم اوي والعكس صحيح

بس انا رايي ان الميجان ليست سيارة خدمات شاقة وطرق مصرية اتمني ان حضرتك متزعلش مني

وشكرا

[Sharky]

ممكن حضرتك بما إنك كنت معاهم فى أكتر الصيانات و فى فى كل مرة كنت بتروح معاهم بيبقى فيه مشكلة

ممكن توضح لنا ماهى كل المشاكل إللى ظهرت فى الميجان إللى مع قرايبك و إللى كنت بتقولوها للتوكيل و إنتم بتعملوا الصيانة ؟

ممكن كمان تقولنا تفاصيل أكتر عن عربية قرايبك زى الموديل و الأوبشنز و جبتها بكام و عاملة كام دلوقتى و العربية معظم سواقتها فين ؟

[mazen86]

لعربية ميجان 2005 كاملة اتوماتيك فتحة سقف كنا جايبنها ب155الف ونص هيا الوقتي عاملة 80الف كيلو

طبعا العربية فيها كمية كماليات خرافية رائعة تتمني انها تكون موجودة في عربيتك

بعد يومين من التسليم بدا يكون فيه صوت صفارة ناحية العجلة اليمين قدام طبعا استنينا لغاية لما نعمل

الالف كيلو ورحنا الصيانة الراجل قال الصوت عادي وهوا كان معاه حق والصوت راح لوحده

بس يمكن بعد 3اشهر من الاستخدام في صيانة الخمس الاف انا مرحتش بس كنت عارف انه رايح

عشان العفشة سايبة خالص وطبعا اتعملت في صيانة العشرة كنا رايحين بمشكلة ان الفتيس بياخد وقت

عشان يجمع لما تنقله مثلا من (pالي r) او من ( n الي d) هما يومها قال انه عمل سوفت ورير

جديد للعربية المشكلة في المرة دي عملنا ترصيص وظبط زوايا بره لية مش عارف بس تقريبا مكنش

عندهم الجهاز بتاع الترصيص المهم مشكلة الفتيس

اتحلت لمدة اسبوع ورجعت تاني لغاية لما بقا في مشكلة تانية ان العربية مبتنقلش للترس التالت

فرحنا تاني عملنا سوفت وير جديد بصراحة انا مش فاهم سوفت وير جديد ازاي يعني بس الراجل الي

هناك كان بيقول كدا اتصلحت لمدة شهر ورجع االعيب التاني المهم هوا راح بقا لوحدة المرة دي وقالي

انه طلع للمدير وعمل مشكلة كبيرة المهم قالوله سيب العربية وتعالي خدها بعدي يومين عشان هنغير

حاجة في الفتيس دي كانت اغلب مشاكل السنة الاولي للعربية دي غير ان في مرة البطارية لانها جافة فضت

منه وهوا راجع المنصورة علي الطريق وكان الدريسيون بيقفل منه لان الكهربا بتاعت العربية بتفصل

والقزاز مش بينفتح المهم غير البطارية ومكنتش فيه نور خالص وجاب واحدة تانية

السنة التانية للعربية يمكن كانت اغلب المشاكل لاتتعدي الترصيص المتكرر وتربيط العفشة الناعمة

والصيانات العادية نسيت اقول حاجة ان العربية كانت بتمشي علي طريق فيه مطبات من الي الاهالي

بتعملها اظن معروف يعني اية مطبات من النوع دا بس للامانة العربية كانت بتبقا محملة ومبتحكش

في المطب لارتفاعها الكويس عن الارض

في السنة التالتة تم تغير حاجة في وحدة الكهربا للعربية بس اية هيا مش فاكر بس كانت العربية

كهربتها ضعيفة جدا بدات ترجع تاني مشكلة التجميع المتاخر للفتيس وكمان لما تيجي تشغل العربية

تحس ان المتور هيطلع من مكانه مش الرجة الفظيعة الي فيه تقريبا كان كرسي المكنة فيه حاجة

مش فاكر بصراحة بدات الشاشة الي في نص التابلوه تروح منها بعض الارقام يعني مثلا 8 ممكن تشوفها

1 متهيالي المعلومة دي واضحة وكمان شريط الاير باج الي في الدريكسيون باظ بس هوا قالي انه

باظ لانك لما بتجيب الدريكسيون علي اخره بتخبط في حاجة فتقريبا من كتر الخبط الشريط باظ

فتحة السقف عشان تفتح لازم تزقها بايدك لفوق

موضوع ان الرفارف فبر انا شايف ان دي ميزة مش عيب دي كل المشاكل الي انا قابلتها ممكن متكونش ظهرت

عند حضرتك وظهرت عندي بس انا قلت اكتب كل حاجة اعرفها عن العربية ودي عن تجربة

وعلي فكرة هما بيبعوها وجايبها75الف وواحد بس قالي ب80الف يعني حرام اخسر في عربية المبلغ دا كله

اصل الواحد مش بيلاقي الفلوس في الشارع طبعا حضرتك ممكن تكون شايف حاجة تانية

واحنا هنا عشان نعرض تجربة كل واحد مع اي عربيةشافها او اتعامل معاها وليس الاطلاق الاشاعات بدون تجربة

ولولا اختلاف الاذواق لبارت السلع واتمني ان حضرتك تاخد كلامي بهدوء وانا قصدي التوضيح مش اكتر هيا العربية

مش وحشة لكن انا بقول انها ليست عربية خدمات شاقة وطرق مصرية دا رايي ممكن حد يتفق معايا وحد يختلف

كل واحد حسب استخدامة بس انا كان معايا كرولا 2005 مكنتش بعمل فيها حاجة اكتر من الزيت والفلاتر بس لمدة 3سنين

شكرا

[Sharky]

لعربية ميجان 2005 كاملة اتوماتيك فتحة سقف كنا جايبنها ب155الف ونص هيا الوقتي عاملة 80الف كيلوطبعا العربية فيها كمية كماليات خرافية رائعة تتمني انها تكون موجودة في عربيتك
بعد يومين من التسليم بدا يكون فيه صوت صفارة ناحية العجلة اليمين قدام طبعا استنينا لغاية لما نعمل
الالف كيلو ورحنا الصيانة الراجل قال الصوت عادي وهوا كان معاه حق والصوت راح لوحده

دا أحتمال إن يكون التيل كان بيطبع أو كان فيه اتربه
على فكرة أول صيانة فى الميجان 5000 كم :)

بس يمكن بعد 3اشهر من الاستخدام في صيانة الخمس الاف انا مرحتش بس كنت عارف انه رايح
عشان العفشة سايبة خالص وطبعا اتعملت في صيانة العشرة

موضوع إن العفشة سايبة خالص بعد 10000 كم دا راجع لسواقة قريبك للعربية و طبيعة الشوارع إللى بتمشى فيها العربية لإنها ماحصلتش لحد من ملاك الميجان فى المنتدى

كنا رايحين بمشكلة ان الفتيس بياخد وقت
عشان يجمع لما تنقله مثلا من (pالي r) او من ( n الي d) هما يومها قال انه عمل سوفت ورير
جديد للعربية المشكلة في المرة دي عملنا ترصيص وظبط زوايا بره لية مش عارف بس تقريبا مكنش
عندهم الجهاز بتاع الترصيص المهم مشكلة الفتيس
اتحلت لمدة اسبوع ورجعت تاني لغاية لما بقا في مشكلة تانية ان العربية مبتنقلش للترس التالت
فرحنا تاني عملنا سوفت وير جديد بصراحة انا مش فاهم سوفت وير جديد ازاي يعني بس الراجل الي
هناك كان بيقول كدا اتصلحت لمدة شهر ورجع االعيب التاني المهم هوا راح بقا لوحدة المرة دي وقالي
انه طلع للمدير وعمل مشكلة كبيرة المهم قالوله سيب العربية وتعالي خدها بعدي يومين عشان هنغير
حاجة في الفتيس دي كانت اغلب مشاكل السنة الاولي للعربية

السوفت وير الجديد دا حضرتك بيظبط ميعاد النقلات بيتاع العربية .
على فكرة ضمان الفتيس 100 الف كم

دي غير ان في مرة البطارية لانها جافة فضت منه وهوا راجع المنصورة علي الطريق وكان الدريسيون بيقفل منه لان الكهربا بتاعت العربية بتفصل والقزاز مش بينفتح المهم غير البطارية ومكنتش فيه نور خالص وجاب واحدة تانية

دى شئ عادى و ممكن يحصل فى أى عربية و التوكيل بيغير البطارية ببلاش

السنة التانية للعربية يمكن كانت اغلب المشاكل لاتتعدي الترصيص المتكرر وتربيط العفشة الناعمة
والصيانات العادية نسيت اقول حاجة ان العربية كانت بتمشي علي طريق فيه مطبات من الي الاهالي
بتعملها اظن معروف يعني اية مطبات من النوع دا بس للامانة العربية كانت بتبقا محملة ومبتحكش
في المطب لارتفاعها الكويس عن الارض

يعنى حضرتك بتأكد إن العيب مش فى العربية و العيب فى الشوارع و المطبات إللى بتمشى فيها العربية

في السنة التالتة تم تغير حاجة في وحدة الكهربا للعربية بس اية هيا مش فاكر بس كانت العربية
كهربتها ضعيفة جدا بدات ترجع تاني مشكلة التجميع المتاخر للفتيس وكمان لما تيجي تشغل العربية
تحس ان المتور هيطلع من مكانه مش الرجة الفظيعة الي فيه تقريبا كان كرسي المكنة فيه حاجة
مش فاكر بصراحة

دا تقريبا كويل الموبينة إللى موجود فوق البويجهات و تمنه 500 جم

بدات الشاشة الي في نص التابلوه تروح منها بعض الارقام يعني مثلا 8 ممكن

تشوفها 1 متهيالي المعلومة دي واضحة

دى أول مرة أسمعها بصراحة إن فيه واحد حصله الكلام دا
يعنى مشكلة فردية و دى إحتمال تكون راجعة لسواقة الشخص للعربية فى الشوارع الغير ممهدة و المطبات .

وكمان شريط الاير باج الي في الدريكسيون باظ بس هوا قالي
انه باظ لانك لما بتجيب الدريكسيون علي اخره بتخبط في حاجة فتقريبا من كتر الخبط الشريط باظ

من المعروف فى جميع العربيات إللى فيها باور يجب عدم لف الدريكسيون لاخره
يعنى دا عيب مستخدم

فتحة السقف عشان تفتح لازم تزقها بايدك لفوق

دى حضرتك راجعة لنظام الجو فى المنطقة إللى بتمشى فيه العربية
يعنى أكيد فيه أتربه كتير و حله عن طريق رش سائل WB40 علشان يزيل الاتربة إللى فى المجرى

مش وحشة لكن انا بقول انها ليست عربية خدمات شاقة وطرق مصرية دا رايي ممكن حد يتفق معايا وحد يختلف

مش هيه لوحدها كل العربيات الجديدة بتنزل بعفشة عادية جدا ماعدا بعض العربيات اليابانى إللى بتنزل بمواصفات مصرية مثل العفشة و الخدمة الشاقة و لو بصيت على ساحات المنتدى حتلاقى موديلات كتيرة بتشتكى من إن العفشة ما بتستحملش فى شوارع مصر و دا مش عيب فى العربية دا غيب من شوارعنا الغير ممهدة

كل واحد حسب استخدامة بس انا كان معايا كرولا 2005 مكنتش بعمل فيها حاجة اكتر من الزيت والفلاتر بس لمدة 3سنين

شكرا

حضرتك رديت على نفسك كل واحد حسب أستخدامه يعنى مش عيب فى العربية على فكرة فيه واحد معانا فى المنتدى كان معاه عربية كرولا و عربية لانسر و كان بيقول إن الكرولا باظت العفشة بتاعها بعد الإستعمال لمد سنة

و انا معايا الميجان برضه بقالها 3 سنوات ماغيرتش فيها غير زيوت و فلاتر + كويل الموبينة فقط

[Abo_Lina]

احييك على ذاكرتك الحديدية دي انك قادر تفتكر المشاكل اللي حصلت لعربية صاحبك من 3 سنين لحد دلوقتي و بالتسلسل

عربية صاحبك دي حالة شاذة و لا يقاس عليها..ومافيش حد اعرفه مععاه ميجان من المنتدى او خارجه حصلتله مشاكل في عربيته بالمنظر ده

احب اافهمك ان السوفت وير الي بينزل للفتيس بينزل للتحكم في النقلات داخل الوضع (d) فقط..ومالوش اي علاقة بالنقل من P ل R و من N ل D زي ما انتا قلت

[Ramy_Tantawi]

السلام عليكم ..........
ثانيه واحده يا جماعه عشان انا كده اعصابي بدأت تتعب ........... أولاً كل الاحترام لحضرتك وانك بتحاول تساعد بسرد المشاكل اللي حصله مع عربية قريب حضرتك بس ليا استفسار واحد بخصوص موضوع البطاريه وارجو حد يصلحلي لو انا فاهم خطأ..........

أرسل أصلا بواسطة mazen86
دي غير ان في مرة البطارية لانها جافة فضت منه وهوا راجع المنصورة علي الطريق وكان الدريسيون بيقفل منه لان الكهربا بتاعت العربية بتفصل والقزاز مش بينفتح المهم غير البطارية ومكنتش فيه نور خالص وجاب واحدة تانية

انا اللي فهمته ان البطاريه خلصة على الطريق والعربيه ماشيه والدركسيون بيقفل على الطريق برضه !! مش فاهم ازاي يعني البطاريه تخلص والعربيه دايره ؟ وبعدين نفرض ان البطاريه هاتخلص مش في موتور شغال ودينامو بيشحن كهرباء ! والعربيه ماشيه يعني في شحن كهربا كده كده الباور هايفصل ازاي انا والله ما قصدي حاجه بس محتاج افهم لئن بجد حاجه غريبه جداً ومخيفه جدا اني اكون ماشي في امان الله مروح والاقي الدركسيون بيقفل مني ومش عارف اروح لا يمين ولا شمال !!!

[mazen86]

السلام عليكم ..........
ثانيه واحده يا جماعه عشان انا كده اعصابي بدأت تتعب ........... أولاً كل الاحترام لحضرتك وانك بتحاول تساعد بسرد المشاكل اللي حصله مع عربية قريب حضرتك بس ليا استفسار واحد بخصوص موضوع البطاريه وارجو حد يصلحلي لو انا فاهم خطأ..........
انا اللي فهمته ان البطاريه خلصة على الطريق والعربيه ماشيه والدركسيون بيقفل على الطريق برضه !! مش فاهم ازاي يعني البطاريه تخلص والعربيه دايره ؟ وبعدين نفرض ان البطاريه هاتخلص مش في موتور شغال ودينامو بيشحن كهرباء ! والعربيه ماشيه يعني في شحن كهربا كده كده الباور هايفصل ازاي انا والله ما قصدي حاجه بس محتاج افهم لئن بجد حاجه غريبه جداً ومخيفه جدا اني اكون ماشي في امان الله مروح والاقي الدركسيون بيقفل مني ومش عارف اروح لا يمين ولا شمال !!!

العربية كهربتها بتقفل يعني العربية بتطفي بتفصل كل حاجة فطبيعي ان الدريكسيون يقفل هوا بصراحة انا محضرتش الموقف بس الموقف اتحكالي كدا

كان مفيش بطارية

ودا مش هيحصل في الاحوال العادية هيحصل بس لما البطارية تفضي هوا اكيد في حاجة الواحد بيعرف منها ان البطارية قربت تفضي بصراحة

انا معرفش فيه حاجة تخلي الواحد يعرف البطارية قربت تفضي ولا لأ

شكرا