نصيحة شراء هيواندي اكسيل ام سيات ابيزا

[mahshahin]

ارجو الافادة اشتري هيواندي اكسيل او سيات ابيزا انا شايف ان الاتنين فى نفس السعر ارجو النصيحة وشكرا

[Ahmed Mubarak]

سيات ابيزا

[mahshahin]

ياباشا شكرا على الرد بس ممكن توضحلي الفرق يعني مثلا قطع الغيار متوافر اسعارها اشتري من موديل كام ايه المميزات اللي تفرق عن الاكسيل وشكرا ليك

[egyptiandiver]

I think european quality is better than korean quality specially the brakes - el faramel
That's why I prefer Ibiza

[mahshahin]

بس انا مش عارف الموديلا ت الكويسة انا عايز حاجة فى حدود 35 الف

[amado318]

ممكن تجيب ابيزا او رينو كليو بس الرينو قطع غيارها غاليه شويه موديل 2003 فى الرينو بيعمل حوالى 33 ولو نضيفه قوى 36 الف جنيه عموما الابيزا جميله والاكسيل كويسه بس خفيفه جدا وصاجها ضعيف جدااااااااااااا

[Survival]

حضرتك بتقارن بين عربيتن عدى عليهم تقريبا 17 سنة شغل يبقى الفيصل هنا هو الحالة

انا معايا الاكسيل 93 اوتو 1500 وهقولك على اللى اعرفه

قطع الغيار رخصية و متوفرة وممكن تركب قطع غيار لانسر 91 يابانى.
عربية محفوظة من الصنايعية وده ينطبق بردع على الابيزا
تسارع الاكسيل جيد جدا لو العربية مظبوطة
صاج العربية مش ورق يعنى هو عادى بحس انه احسن من اللانوس اللى كانت عند اخويا. لكن الحق يقال ان الكبوت تقوياته ضعيفة و بيموج من عند الشفة بتاعته نتيجة قعدة الاولاد و كمان قفل الكبوت عن طريق الضغط علية
العربية خفيفة على السرعات فوق ال 110 كم/س و اعرف ان الابيزا احسن فى النفطة دى.
انا شايف ان الاكسيل عربية مناسبة للاستخدام داخل المدينة و هتوفرلك كل اللى انت عاوزه وبتاخد بنزين 80 عادى

لو عاوز معلومات اكتر ادخل على رابطة الاكسيل هتلاقى كل حاجة عن العربية هناك

* على فكرة انا مش متحيز للاكسيل لانى اصلا مكنتيش بحبها و بميل اكتر لشكل الابيزا لكن اشتريت أكسيل عشان حالتها كانت ممتازة و عشان اريح دماغى من مشاوير تظبيط العربية

من الأخر الفيصل هو الحالة

[M.Alaa92]

الابيزا 1000 سى سى و بالتالى اقل استهلاك للبنزين.
ايضا هاتش باك بالتالى الركنة مش حتبقى صعبة (الاماكن الضيقة )
الثبات طبعا معروف .

[mahshahin]

شكرا ياجماعة على التوضيحات دية ........ وربنا يكرمني والاقي ابيزا نضيفة .... ولو فى اكسيل نضيفة عادي برضو ..... ربنا يكتبلنا الخير كلنا