إعـــــــلان

Collapse

.

,
See more
See less

لانوس / فيرنا / كليو / كورسا

Collapse
X
 
  • Filter
  • الوقت
  • Show
Clear All
new posts

  • لانوس / فيرنا / كليو / كورسا

    السلام عليكم...
    أنا حاولت أسأل السؤال دا ف كذا حتة بس للأسف نفس الاجابات اياها اللي ماتفهمش هو بيقولك كدة لييه.. يعني مثلا "الكورسا سيدان أعطالها كتيير" والكليو "قطع غيارها غالية" رغم انها أساسا أرخص من الياباني!!!
    ماااااااااا علييييييييييييييينا المهم.. انا عضو جديد هنا وعاوز أسأل السؤال الممل اياه... أختار ايه مستعمل ف حدود ال 50 ل 55 ألف

    دي العربيات اللي رسيت عليها بعد ما قارنت تقريبا جميع العربيات اللي ممكن تجيب 50 ألف مستعمل. مع مراعاة طبعا اني عاوز عربية ع الأقل موديل 2004 أو 2005. كا بداية كدة عارف ان السؤال دا اتسأل ميييت مرة, بس دي حاتبقي أول عربية بتاعتي رسميا وانا من النوع اللي عندي وسواس فا لازم أتأكد من كل حاجة.

    المقارنات عندي من حيث الشكل - قوة الموتور - الاعتمادية - أسعار الصيانة ف التوكيل وقطع الغيار - اعادة البيع وبعض الفروقات التانية

    لانوس 2006+
    معروفة ف السوق ومنتشرة وقطع غيارها بتلاقيها ف الشارع أو عند المكوجي.عيوبها اللي أنا شايفها انها (باستثناء الموتور) أقل واحدة ف التكنولوجيا أو تطورا بالأصح بين العربيات اللي قدامي. لأن علي حسب ما أفهم ان اللانوس 2 ماتغيرش فيها حاجة من أول ما قالو يا لانوس 2 عام 2000. عاجبني فيها الموتور ال 1.5 بيوصل سرعته لفوق ال 200 أعتقد (210 حسب ما افتكر) وشده عالي.

    فيرنا 2008+
    كل الناس بلا استثناء تقوللي نفس الكلمة "أوعي الفيرنا دي عربية ورق" لدرجة ان فيه واحد قالي "دي زي الحديدة". أنا عارف ان الفرامل فيها مش أوي والاتزان مش عالي بس للدرجة دي؟ طبعا مش حاتكلم عن كل حاجة بس كله عارف عيوبها. والسؤال هنا.. مقارنة باللانوس لو قولنا مثلا اني حاجيب فيرنا واجنطها 15 يبقي مين الأحسن؟

    ودا الثنائي اللي فوق وطريقة تفكيري فيهم. طبعا مش لازم أقول الأمان فيهم زفت والعزل ف الفيرنا مزبلة ومافيش حتي abs يوحد ربنا رغم انه موجود فيهم برا (تقريبا التوكيلات هنا بتشيلهم للاسترخاص). بس حارجع وأقول دا اللي شغال ف مصر وله قطع غيار رخيصة وسعر اعادة بيع عالي.
    وتقريبا أنا حارجح اللانوس (مؤقتا) من الثنائي دول كحاجة تقارن بالاوروبي.

    نبدأ ف الأوروبي
    رينو كليو 2008
    طبعا مش حالت وأعجن واتكلم كتيير. ركبتها وجربتها ونعومة وثبات مافيش أحسن من كدا. مريحة وفراملها جامدة وفيها كل حاجة تحتاجها. السؤال هنا... أنا جربتها وكان فيها موتور 1.4 بس حسيت اني راكب عربية آخرها حاجة وسبعين حصان!! هل مثلا العربية بتشد جامد بس أنا مش حاسس بيها؟ ولا هي مابتشدش والموتور فعلا مش جراي زي اللانوس؟ وهل التكييف فيها مش قد كدة ولا أنا كان بيتهيألي؟ ولو فعلا الموتور مش قد كدة.. فيه ف مصر ال 1.6 بتاعها؟ ولو فيه وأنا عاوز أشتري العربية أتأكد منين انه 1.6 مش 1.4؟
    كمان أنا أعرف ان الأوروبي درجة الحرارة فيه 92 ودا الطبيعي فا هل الكليو نفس الكلام؟

    كورسا سيدان 1.6 2005+
    حبيت سواقتها (شوية) بس حسيت ان العفشة ناشفة حبتيين. كا نعومة أحسن من الكليو كمان بس موضوع العفشة دا قافلني منها شوية فا ماعرفش دي ف العربية اللي جربتها بس ولا دا علي كله؟ كمان كنت حاسس ان لو واحد تالت قعد معانا ف العربية حايسحب الهوا كله (تقريبا نسو يزودو عرض العربية لأني حسين اني راكب نفس أبعاد الكورسا هاتش باك بتاعت التسعينات من جوة)!! كمان هل مشاكلها كتير زي ما بسمع ولا دا تهييس ميكانيكية عشان مابيفهموش فيها فا مصلحتهم ماحدش يجيبها؟

    من الأوروبي برضه (مؤقتا) حاختار الكليو

    يعني الأقرب بالنسبة لي هو اللانوس أو الكليو حاجة من دول. كمان الفيرنا والكورسا داخليين ف الموضوع بس محتاج واحد يقنعني بيهم من تاني عشان بدأو يقعو شوية من نظري.

    ملحوظة: يا رييييييييييت بلاش ترشيحات تانية لأن كل حاجة أنا تقريبا سألت عنها أو جربتها بنفسي. اللي حايقوللي لانسر كريستالة حاقول له دي مش انجيكشن للأسف. اللي حايقوللي أسترا حاقوللو موتورها 1.2 ومشاكلها كتيرة وغيارها غالي. الفيكترا 2 آخرها 2000 يعني لو قعدت بيها 3 سنين عقبال ما أجيب حاجة أعلي يكون عدي عليها 14 سنة (عربية كنهة م الآخر). فكرت برضه ف الفيات بونتو بس الموتور أبو 60 حمار دا قفلني منها (دا غير توكيل أبو حلموس). الخ الخ الخ تقريبا سألت عن كل حاجة ف السوق.

  • #2
    اهلا بحضرتك معانا ده اولا
    فى نقطة عايز اةضحها لحضرتك ان تكيف الكورى و اليابانى احسن من الاوروبى و ده ثانيا
    و بلنسبة للكليو 1600 مانزلتش هى 1400 و 1200
    و بالنسة للكريستالة حضرتك واضح انك من محبى الجرى و الشد فممكن تسقط مكنة 1500 2 كامة و تطير بيها من دون التعديل ف العفشة او الفرامل.

    اما لاختياراتك انا برجح الكليو و ده واضح من كلام حضرتك و فعلا قطع الغي ارخص من اليابانى

    فمن الاخر لو دماغك شد ممكن تنزل بالموديل و تجيب الكريستالة او سيفيك لو عائلية يبقى الكليو
    [CENTER]كلمات اتعبت الملائكه فى كتابة الأجر
    ((اللهم لك الحمد كما ينبغى لجلال وجهك وعظيم سلطانك))
    [/CENTER]

    Comment


    • #3
      فى نقطة عايز اةضحها لحضرتك ان تكيف الكورى و اليابانى احسن من الاوروبى و ده ثانيا
      و بلنسبة للكليو 1600 مانزلتش هى 1400 و 1200
      أنا كنت سمعت ان الكليو ليها موتور 1400 برضه بس حاجة وتسعيين حصان! هل الكلام ده صحيح ولا لأ؟ ولو آه كان أعرف نزل سنة كام أو أي حاجة عنه.
      و بالنسة للكريستالة حضرتك واضح انك من محبى الجرى و الشد فممكن تسقط مكنة 1500 2 كامة و تطير بيها من دون التعديل ف العفشة او الفرامل.
      للأسف فكرت فيها بس مش حل نهائي للمشكلة. وحتي لو عرفت أخلي العربية انجيكشن (دا لو كان ينفع) حاتتبقي المشكلة الأكبر هو انها مو2000 واللي بالنسبة لي برضه موديل قديم.

      اما لاختياراتك انا برجح الكليو و ده واضح من كلام حضرتك و فعلا قطع الغي ارخص من اليابانى
      أنا من الواضح ف كلامي اني فعلا ميال للكليو لكن للأسف مش حاسس بسحب نهائي... والموضوع مش بس اني بحب سحب أو لأ. الموضوع ان شغلي فيه سفر للقاهرة ومطروح (انا ف اسكندرية) فا أهم حاجتين عندي قوة سحب وتكييف قوي مايأثرش ع الموتور جامد والاتنين للأسف مش متوافرين جامد ف الكليو ودا اللي عاطيني حتة احباط منها.

      فمن الاخر لو دماغك شد ممكن تنزل بالموديل و تجيب الكريستالة او سيفيك لو عائلية يبقى الكليو
      أنا باقول مو2000 قديم تجيبلي مو92
      أنا مش حاقول ان اللانوس وحشة.. بس منتشرة لدرجة بتفكرني باللادا. كمان حاسس ان رغم مساويء الفيرنا انا ميال للستايل بتاعها وموتورها اكتر من اللاد... قصدي اللانوس. كنت بس عاوز حد يأكدلي اذا كان موضوع التجنيط فيها حايقلل الرجرجة ف السرعات العالية ولا لأ.

      ألف شكر بجد ع الرد ويا ريت لو تقدر تجيبلي أي معلومات عن الفيرنا لأن شكلي حارسي عليها أو اللانوس لو مافيش كليو فوق ال 90 حصان

      Comment


      • #4
        ده موضوع عن الفيرنا
        [CENTER]كلمات اتعبت الملائكه فى كتابة الأجر
        ((اللهم لك الحمد كما ينبغى لجلال وجهك وعظيم سلطانك))
        [/CENTER]

        Comment


        • #5
          المشاركة الأصلية كتبت بواسطة m.alaa92 مشاهدة المشاركة
          ده موضوع عن الفيرنا
          http://www.nilemotors.net/nile/20667-a.html
          أنا تقريبا كدة شبه مستقر علي اللانوس... بس لسة برضه مش لاقي معلومات كفاية عن الكليو.

          Comment


          • #6
            هيا الكليو جميله جدا يعني مش مشكله اوي موضوع السحب لان حضرتك ممكن تجيب لانوس فيرنا مكن بيسحب وبيجري بس ميستحملش التحميل العالي عليه فالسفر المستمر علطول علمدى البعيد يعني انا متهيالي ان الرينو كليو عالمدى البعيد هتستحمل احسن بس من الاخر عشان متتعبش نفسك الانوس قطع غيارها فعلا تخليك تجبها هيا مش بنفس فخامه الكليو بس يوم ملاقدر الله حصل بيها حاجه او المكنه نهت معاك ممكن تصلحها عند اعبط فني بكلام بسيط الانوس فمصر عمله زي المه والهوه مفيش شارع مفيهوش لانوس وسعر اعاده البيع مكسب قلما لما بلاقي حد خسر في بيع لانوس حتى لو حالتها زباله

            Comment


            • #7
              الفيرنا شبابى
              ماتورها قوى جداً على حجمها ووزنها

              تكييفها ممتاز
              صاجها مش ورق زي ما بيقولوا ... ومش قوى زي الألمانى او اليابانى

              اقتصاديه .. موفره فى البنزين

              عيوبها من وجهت نظرى

              فراملها وثباتها فوق الـ 130 مش تمام خصوصاً لو ماشى على مراجيح مولد السيده ( الدائرى )

              وده بيتحل بـ الجنوط والكاوتش السرعات النضيف الثبات بيزيد جدً ... والفرامل بتتحسن ومش بتزحف مع الكاوتش النضيف

              علبة الشكمان بتاعتها اوطى حاجه فى العربيه ولو محمل وراكبين 4 او 5 فى العربيه ... هتحك فى الأهرامات بتاعت مصر المحروسه ( المطبات )

              اعمل استخاره كده واتوكل على الله اللى ربنا عايزو هو الى هيكون
              [CENTER][aldl]http://i55.tinypic.com/34ig07p.jpg[/aldl] [/CENTER]
              [CENTER][SIZE=3]facebook.com/kamatsh0[/SIZE][/CENTER]

              Comment


              • #8
                والله انا اللي بقيت عامل زي المراجيح
                اللانوس اللي كنت راكبها سألت صاحبها أحاول أخلص فيها اكتشفت انه معدلها أساسا ومسقطلها موتور.. أما اللانوس الأصلية ال1500 ماتعديش سرعتها 180 (من اللي لميت منهم معلومات)
                وبكدا تبقي سرعتها تقريبا زي الكليو ال 1400 مع فارق ان الكليو علي أنضف واللانوس علي أرخص وسعر اعادة بيع أعلي.
                سألت علي النوبيرا بس تقريبا عفشتها مش لطيفة
                الفيرنا دلوقتي هي الوحيدة اللي قدامي وموتورها 1600 علي 104 حصان وتقريبا بتجيب فوق ال 210
                بس حبة أسئلة بعد اذنكم:
                1- كل الناس بتقول ان الفيرنا صاجها ورق.. طب تبعا للي لاحظته امبارح 90% من عربيا الفيرنا مش باين فيها أي خبطة علي عكس اللانوس اللي 80% من عربياتها معوجة. هل صاج الفيرنا قوي بس الناس شايفة من شكله انه ورق؟ ولا صاجها فعلا ورق بس اللي راكبينها محترفين سواقة؟
                2- سمعت اني لو ركبت جنوط 15 العداد مش حايقري كويس دي حاجة. وحاجة تانية اني حاضطر أجيب كاوتش 45 عشان مايحكش فا حايبقي الحمل كله ع العفشة. بس ممكن جنوط 14 أحسن علي كاوتش 60 تقريبا حايجيب نفس القطر الكلي أو قريب بس الكاوتش حايشيل شوية عن العفشة. هل الكلام دا صح ولا أنا كدا باهيس؟
                3- حد ركب ستابليزر في الفيرنا قبل كدا؟ وايه نظامه؟

                Comment


                • #9
                  الفرنا كويسه بس فراملها مش كويسه اعرف ناس لبسو بيها على سرعات 100 وبعدين هيا خفيفه عالارض جداا بس انتا لو سالت عن قطع غيار الكليو وفعلا لقيت انها مش غاليه وكويسه معاك انا شايف ان الكليو برقبتهم كلهم بس تلاقي منها حاله كويسه جدا وربنا يوفقك انا بردو زيك بدور على عربيهفي نفس حدودك بس انا بصراحه بعد الكلام الي قريته فالمنتدى عن السيفيك بدور عليها بس تكون نضيفه اصل بصراحه سيفيك 92 برقبت فيرنا 2040 الي لسه منزلوهاش اصلا

                  Comment


                  • #10
                    المشاركة الأصلية كتبت بواسطة mahmoudmano مشاهدة المشاركة
                    الفرنا كويسه بس فراملها مش كويسه اعرف ناس لبسو بيها على سرعات 100 وبعدين هيا خفيفه عالارض جداا بس انتا لو سالت عن قطع غيار الكليو وفعلا لقيت انها مش غاليه وكويسه معاك انا شايف ان الكليو برقبتهم كلهم بس تلاقي منها حاله كويسه جدا وربنا يوفقك انا بردو زيك بدور على عربيهفي نفس حدودك بس انا بصراحه بعد الكلام الي قريته فالمنتدى عن السيفيك بدور عليها بس تكون نضيفه اصل بصراحه سيفيك 92 برقبت فيرنا 2040 الي لسه منزلوهاش اصلا
                    والله نفس التفكير بس أنا فكرت ف فيكترا 2000 بس برضه الضرورة تحكم. انا عاوز حاجة امشي بيها 3 سنين تريحني فيهم وماصرفش فيها كتير لغاية ما أجيب حاجة أعلي. ولو دخلت في القديم في خلال 3 سنين سعره ممكن يقل للنص. أنا دلوقتي مبقاش معايا عربية وموضوع اروح وارجع من الشغل دا مبهدلني فا ماينفعش أصبر بالشهرين لغاية ما ألاقي حاجة. المشكلة اني كل ما أرسي علي حاجة تطلع فيها نقرة تلعبلي في دماغي. أنا بجد حاشوف فيرنا وأصلي صلاة استخارة عليها ولو فيها الخير ربنا يقدمه. وموضوع الجنوط ده أكيد حايرفع العربية شوية عن الأرض والحكة طالما ف الجكمان سألت عليها كذا سمكري قالولي مش مشكلة أوي. والنسبة للفرامل بقي دي ربنا يسهلها ححاول أسأل لو ليها حل مع اني سمعت برضه انها الي حد ما بتتظبط شوية مع الجنوط. وحسب ما فهمت أساسا ان الفيرنا الكورية جنوطها 14 بس غبور بيستهبل علينا ويركبلها 13 علي كاوتش مالوش لازمة عشان التكاليف.

                    Comment


                    • #11
                      شوف الاول انت عاوز ايه من العربيه
                      جرى وشد فيرنا
                      قطع غيار رخيصه جدا لانوس
                      ثبات واعتماديه يبقى الاوروبى
                      [sor2]http://img266.imageshack.us/img266/2162/f04g.jpg[/sor2]

                      Comment


                      • #12
                        المشاركة الأصلية كتبت بواسطة moustafa_saad مشاهدة المشاركة
                        شوف الاول انت عاوز ايه من العربيه
                        جرى وشد فيرنا
                        قطع غيار رخيصه جدا لانوس
                        ثبات واعتماديه يبقى الاوروبى
                        جري وشد وقعدة مريحة وقطع غيار مش في السما عشان حسافر بيها كتيير

                        Comment


                        • #13
                          فكرت فى الأسبيرانزا 516
                          اسال الى ركب العربيه مش الى سمع عنها
                          واسعه ثابته قطع غيارها بقت متوفره ( اكترمن الكليو) هاتجيب مو 2008 ماشيه 40-50 الف كيلو ولسه فى الضمان ب 48-50 الف بالكتير
                          ايه رأيك فى وجهة النظر دى؟
                          الفقير الى الله / [COLOR="Indigo"]احمد عزالرجال[/COLOR]
                          [COLOR="Magenta"][SIZE="7"][CENTER]لكى الله ياغزة[/CENTER][/SIZE][/COLOR]
                          [url=http://www.postimage.org/image.php?v=aV6zQe0][img]http://www.postimage.org/aV6zQe0.jpg[/img][/url]

                          Comment

                          Working...
                          X