محتار كيا كوبية vs نيسان تيدا vs هونداسيفيك مستعملة

[masterzmind]

انا محتار ومش عارف ارسى على اية انا معى فى حدود 125 الى 133 ومفيش زيادة خالص يعنى من الاخر دة ال max بتاعى ومحتاج عربية رياضية وتعيش معى عشان انا مش هغيرها غير بعد 10 سنين ومحتار فى الاتى :

1- كيا سيراتو كوبية :عربية كويسة شكل رائع منتشرة انتشار كويس ودة يبين انها عربية كويسة توكيلها كويس قطع الغيار متوفرة فى كل مكان مشكلتها العفشة الناشفة وفى ناس بتقول التكيف.. وطبعااا انها كورى


2-نيسان تيدا : عربية يابانى حاجة محترمة مفيش اختلاف عليها تكيف فوق الممتاز توكيل مفيش حد بيقول علية نصف كلمة مشاء الله يعبها الثبات وانا بحب السرعة شوية وهية ماشاء الله التسارع بتها فوق الممتاز عربية جراية اوى كنت خايف بس من حوار المكسيكى دة انها تقفيل مكسيكى


3- هوندا سيفيك : مش عاوز اقولك عشان فيها كل حاجة ثبات سرعة تكيف شكل المشكلة انها هتكون مستعملة وانا خايف من المستعمل ومعنديش حد بيفهم فى العربيات اوى ( الميكانيكا) عشان يقولى دى كويسة او دى وحشة وخايف فلوسى تطير


وشكراااااااااااااااااااااااااااااااا

[M.Alaa92]

بص السيفيك احسن حاجة بالنسبة ليا
و الكشف تروح التوكيل و هو يطلعلك تقرير عن العربية بالكامل و يبقى كسبت بس التوكيل مش عارف اية نظامو

انما كزيرو التيدا ثابتة و مافيش مشاكل ف التقفيل خالص و لو لاقدر الله فى مشكلة التوكيل يصلحها من غير ولا كلمة

[abou_ruqi]

تيدا ثم تيدا ثم تيدا ثم سيفيك مستعملة

[masterzmind]

بص السيفيك احسن حاجة بالنسبة ليا
و الكشف تروح التوكيل و هو يطلعلك تقرير عن العربية بالكامل و يبقى كسبت بس التوكيل مش عارف اية نظامو

انما كزيرو التيدا ثابتة و مافيش مشاكل ف التقفيل خالص و لو لاقدر الله فى مشكلة التوكيل يصلحها من غير ولا كلمة

منا خايف من التوكيل بردوة ممكن تكون العربية فيها حاجة والتوكيل معرفهاش بنى وبينك انا خايف ....... التيدا معظم الناس كانت بتكلم على الثبات عشان هية عالية عن الارض شوية 163 و كمان لو قرنها بالكيا فى الشكل الكوبية تكسب وبردوة دماغى تقولى خليك فى اليبانى :d

[masterzmind]

تيدا ثم تيدا ثم تيدا ثم سيفيك مستعملة

انا مستنى اشوف حد يكلم على الكوبية برضو

[eng.m7md.ali]

السيفيك طبعا لو حالة حلوة
بعد كدة مدام بتحب الجري يبقى هات الكوبيه
ولو عايز عربيات تانية تدخل في المقارنة يبقى ارشحلك فيات برافو او الميجان الجديدة

[masterzmind]

لسيفيك طبعا لو حالة حلوة
بعد كدة مدام بتحب الجري يبقى هات الكوبيه
ولو عايز عربيات تانية تدخل في المقارنة يبقى ارشحلك فيات برافو او الميجان الجديدة

البرافو الميجان قطع الغيار نار وسعر اعادة البيع سىءءءءء وكمان الفرانساوى مينفعش فى مصر

[fahd_628]

كلهم ممتازين

هات اكتر حاجة عاجباك و متقلقش خير ان شاء الله

انا رأى كدة

العربية زى اللبس ازواق ناس حتقولك التيدا و ناس حتقولك السيراتو و ناس حتقولك السيفيك و كل واحد و لية وجهة نظر

انا رأى اكتر واحدة عجباك هاتها ال 3 الحمد لله مفيهمش عيوب قاتلة يعنى

و الهوندا لو حتشترى اكشف فى التوكيل علشان تطمن

[AutoTycoon]

كلهم ممتازين

هات اكتر حاجة عاجباك و متقلقش خير ان شاء الله

انا رأى كدة

العربية زى اللبس ازواق ناس حتقولك التيدا و ناس حتقولك السيراتو و ناس حتقولك السيفيك و كل واحد و لية وجهة نظر

انا رأى اكتر واحدة عجباك هاتها ال 3 الحمد لله مفيهمش عيوب قاتلة يعنى

و الهوندا لو حتشترى اكشف فى التوكيل علشان تطمن

انا مع الرأي ده ... كلهم عربيات محترمة ... الهوندا لو عاجباك دور كويس هتلاقي حاجات كويسة اكيد... اعتمادية عالية جدا ... بيقولوا عليها في امريكا reliable like the universe

[Typerr]

1كيا كوبيه لانها فيها كماليات بالعبيط والفشه الناشفه لو انت ساكن في حته مافيش فيها طرق مكسر كتيير مش هتحس بيها لانها حرير علي الطرق السريعه وتكيييييف تلاجه
2 هوندا سيفيك مافيش عليها غبار جامده جدا موتور طياره بس في 2 مشكله اول حاجه العربيه قطع غيارها غاليه جدا جدا بشكل مستفز
تاني حاجه دي الشكل القديم
الشكل الجديد 2012 نازل خلاص
3 نيسان تيدا
معلش كمله
مافيش عربيه نسان حلوه الا ال gtr and 350z
اي عربيه نيسان شكلها مش عاطفي خالص + لو هتقارن السعر + اي فئه مقارنه ليها هتلاقيها مش حلوه

3 نيسان تيدا لاتقارن

[minicooper20]

1كيا كوبيه لانها فيها كماليات بالعبيط والفشه الناشفه لو انت ساكن في حته مافيش فيها طرق مكسر كتيير مش هتحس بيها لانها حرير علي الطرق السريعه وتكيييييف تلاجه
2 هوندا سيفيك مافيش عليها غبار جامده جدا موتور طياره بس في 2 مشكله اول حاجه العربيه قطع غيارها غاليه جدا جدا بشكل مستفز
تاني حاجه دي الشكل القديم
الشكل الجديد 2012 نازل خلاص
3 نيسان تيدا
معلش كمله
مافيش عربيه نسان حلوه الا ال gtr and 350z
اي عربيه نيسان شكلها مش عاطفي خالص + لو هتقارن السعر + اي فئه مقارنه ليها هتلاقيها مش حلوه

3 نيسان تيدا لاتقارن

الكوب حرير على الطريق!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!
و النيسان وحشه وخصوصا التيدا طيب حضرتك ركبتها ؟
اشترى التيدا هاتشباك و مش هتندم

[mohamed1979]

خليك فى اليابانى اكيد افضل من الكورى
الهوندا فى عربيات منها ممتازه و حالات زيرو
و اكشف عنها فى التوكيل حيعرف كل حاجه عنها و اكيد العربيه حتكون لسه فى الضمان
رينج السعر بتاح حضرتك يجيب 2009 او 2010 مستريح و كيلو متر قليل
و اعمل أستخاره وان شاء الله ربنا يوفق فى عربيه كويسه و ترضيك

[bero0o0o0]

يا باشا لو في ايدك تجيب سيفيك هاتها طبعا دي اصلا صعب تقارنها بالعربيتين التانيين
و بالنسبة للحالة اكشف في التوكيل و لو فيها حاجة هايعرفوها
لكن لو حضرتك من الناس اللي مش بتقتنع بالعربية غير لو زيرو يبقى خليك في التيدا ( هاتش باك طبعا مش سيدان)
عشان ممكن تجيب سيفيك كويسة بس تبقى من جواك مش مرتاحلها عشان مش زيرو و ساعتها هاتبقى عايز تخلص منها و خلاص
لكن لو ماعندكش عقدة الزيرو دي دوس فيها و اتكل على الله

[abou_ruqi]

يا باشا لو في ايدك تجيب سيفيك هاتها طبعا دي اصلا صعب تقارنها بالعربيتين التانيين
و بالنسبة للحالة اكشف في التوكيل و لو فيها حاجة هايعرفوها
لكن لو حضرتك من الناس اللي مش بتقتنع بالعربية غير لو زيرو يبقى خليك في التيدا ( هاتش باك طبعا مش سيدان)
عشان ممكن تجيب سيفيك كويسة بس تبقى من جواك مش مرتاحلها عشان مش زيرو و ساعتها هاتبقى عايز تخلص منها و خلاص
لكن لو ماعندكش عقدة الزيرو دي دوس فيها و اتكل على الله

انت شايف ان مفيش ولا نقطة تتفوق التيدا فيها على السيفيك?
1- التيدا اقل استهلاك بنزين ، التسدا 1600 وبتستهلك كانها 1000 انما السيفيك 1600 وبتستهلك كانها 2000 سي سي
2-السيفيك واطية عن التيدا ويتحك في المطبات
3- قطع غيار التيدا ارخص بكتير من السيفيك
4- عافشة التيدا ناعمة جدا وعافشة السيفيك ناشفة جدا
5- صالون التيدا اوسع من السيفيك للي قاعد على الكنبة ورا بالذات

[AutoTycoon]

2-السيفيك واطية عن التيدا ويتحك في المطبات

كله بيحك بعدين السيفيك بتحك عشان قاعدة العجلات الطويلة مش عشان ارتفاعها