جولف 5، ميجان 3 ، مازدا 3

[Ayman_A1]

الجولف 5 موديل 2008 ... 48000 كم
والميجان والمازدا زيرو
ولو فى اقتراحات اخرى فى نفس الرينج بتاع الـ 130 ألف (مافيش متطلبات معينة سيدان او هاتشباك)
وممكن كمان بيجو 308

[omar-saad]

انا رايى الجولف
لانها اصل الهاتش باك فعلا
ثبات رهيب ومتعة قيادة زى عربيات كتير اعلى منها
ولانها سهل انك تعدل فيها براحتك وليها اكسسورات كتير برة والدني بتفهم فيها
لو العربية مضمونة ونضيفة اتوكل على الله
ومش هاتندم

[snipermomo]

جولف و انت مغمض

[Eslam.Elrefaey]

الجولف حلوة بس الباقى زيرو والزيرو زيرو برضه

[mememsaid]

طبعا جولف

[M.Alaa92]

حنتكلم بالعقل
الجولف عربية المانى و ثبات واصل الهاتش بااك وكل الكلام الجميل ده بس دى موديل 4 سنين (لان احنا ف شهر 7 و موديلات 2012 ابتدت تنزل)
الميجان عربية تحفة و كلها تكنولوجى و امان بس لو تقدر على قطع الغيرا واعادة البيع المش جيدة تبقى 100/100 وعربية زيرو
المازدا عربية شكلها شيك وابتدت تنتشر و كعادة معظم اليابانى المنتشر قطع الغيار حتنتشر و اعادة البيع حتكون مرضية و ايضا شكل حديث يعنى مش حيتغير قبل 5 سنين
فالنتيجة من راى للمازدا

[Ayman_A1]

أنا معاك بس الفكرة أن برغم قدم الجولف ورغم حداثة المازدا والميجان إلا أن فيها حاجات اكثر منهم ..
مثلاً الجيربوكس 6 نقلات تبترونيك، بينما المازدا والميجان 4 نقلات فقط
كاسيفتى الـ 6 ايرباج ستاندرد فى الجولف

[hegazyhany]

الجولف زى الجيتا و الاوكتافيا فيهم مشاكل فى الفتيس بدأت تظهر عند بعض الناس الذين تجاوزا ال60000 كم
المازدا مفيهاش مثبت سرعه و اوبشن قليل بس موتور جبار
الميجان مسكت العصايه من النص مفيش مشاكل ميكانيكيه و فول اوبشن بس خامات و تقفيل ضعيف

[wawoo]

الميجان مسكت العصايه من النص مفيش مشاكل ميكانيكيه و فول اوبشن بس خامات و تقفيل ضعيف

الميجان 3 الجديدة ...جمعت بين التكنولوجيا اليابانية و الاوروبية و الكورية فى سيارة واحدة ...
انا فى رايى هى افضل اختيار لهاتش باك بسعر مناسب اوروبى بتكنولوجيا يابانية من نيسان
و السيارة مرتفعة عن الارض بشكل جيد مناسب للطرق المصرية
و عندك بقى كل الاوبشين مثبت سرعة محدد سرعة ...
و عجلة القيادة دقيقية جدا ..
عفشة قوية و ناعمة و شاسية ثابت على الطريق

اهم من دة كلة توكيل محترم لخدمة السيارة ..و قطع الغيار اقل فى السعر من الجولف والمازاد بنسبة مش قليلة و حتكون متوفرة استيراد لانها تشترك مع الفلوينس اختها السيدان فى كل الاجازء الميكانيكية

[engahmedsamy]

golf بس تكون highline