سيراتو/النترا الاختيار الصعب

[alivara]

طبعا الانترا ..... مفيش مجال للمقارنة اصلا

+10000000000000000000000000000000
ازاى نقارن النترا بعربية زى سيراتو اصلا .. الانتشار يقضى على المقارنة و قلتها فى اكثر من موضوع !

[ahmad--ezzat]

كلام حق بجد ودة اللى اكتشفتو من المنتدى نايل موتورز
لو قلنا سيراتو ولا النترا اقولك النترا
لو قلنا صنى ولا النترا اقولك صنى
بس ى حاجة يا جماعة محدش واخد بالو منها
موضوع مين اللى احسن دة حسب الشخص اللى هيشترى وحسب رغبة المشترى يعنى مثلا فى ناس تقولك ان الالنترا شكلها كبير ومنفخة ومبعككة وفى نا تقولك ان الجين تو مع احترامى ليها طبعا عربية شبابى ولا تصلح للناس الكبيرة وفى اقاويل كتيرة وكلو تحت مقولة انت عجباك اية

[the_first_knight]

السيراتو طبعا

[the_first_knight]

الانتشار يا سادة مش مقياس
الكيا تعتبر اتولدت من جديد
كان في مشاكل مع التوكيل القديم
أنا من وجهة نظري أشوف الكيا إجمالا أفضل من هيونداي ( وجهة نظر )

[Ramy_Ali]

انا شايف انها احسن من البطيخة الورق

[M_HaFeZ]

بعد تفقد العربيات معا في ان واحد
اقولها بكل ثقه الالنترا
تقفيل افضل
عزل افضل
شكل احدث
خامات داخليه انضف
اوسع

يعنى الجزء التانى خلاص نازل على كده

[mokhtar]

طبعا السيراتو لاسباب كتيراهمها فرق السعر الغير معقول يعنى السيراتو الاتوماتيك Basic Line ب 97000 والالنترا المقابله ليها ب 110000
فرق 13000 ليه بقى ان شاء الله
حاجه غريبه...السيراتو الهاى لاين 107000 ارخص من الالنترا الاوتو العاديه ب3000 .....ماعتقدش ان ينفع يبقى فيه مقارنه بعد الاسعار دى طبعا ده غير التوكيل



..mokhtar..

[Nour_Peugeot]

اكييييييد البيجو 308 احسن هههههههههههههههههههه

معلش بهزر علشان اطلعكم من الجو ده فرفيشو

بس بصراحة انا مقطنع بالتنين بس تعالوا واحد واحده

لو اتكلمنا في اسعار قطع الغيار الاتنين واحد تقريبا

لو اتكلمنا في الشكل كل واحد ليه زوقوا

لو اتكلمنا عن الموتور ال 2 واحد

لو اتكلمنا عن العفشه السيراتو تكسب

لو اتكلمنا عن الكماليات الانترا تكسب

لو اتكلمنا عن التوكيل السيراتو تكسب

لو اتكلمنا عن السعر السيراتوا تكسب

لو اتكلمنا عن الوسع ال 2 واحد تقريبا معا فروق بسيطه لصالح الانترا

يبقي يا جماعة مينفعش يتقرانوا

و في ناس لما تيجي تشتري اول حاجة بتبص عليها الضمان و ناس تانية بتبص علي الموتور
وناس بتبص علي الماركة و ناس بتبص علي الكماليات ........... الخ يعني عمرنا مهنتفق

بس انا في راي السيراتو احسن للعائله و الانترا سيارة رياضية (بتاعت شباب)

بس كده و الاختلاف في الراي مفهوش مشكلة

[Ramy_Ali]

بس انا شايف ان معظم النقاط تصب فى صالح السيراتو

[smartman]

الألنترا طبعا تكسب احسن فى الشكل الخارجى و الداخلى بكتير ....اكبر من الداخل...اوبشنز اكتر بكتير ....سحب و ثبات محصلش....عربية بسهولة تتباع فيما بعد.... ايش جاب لجاب

[Nour_Peugeot]

اختلفت الاراء و الشارع واحد و كل العربيات متسوية في الشارع

انت ب 4 عجلات و غير برده ب 4 عجلات و ال 2 بيروحو نفس المكان خلاص يعم هات توك توك و ريح دماغك

ههههههههههههه و نسيت ده كمان بضمان غبور هههههههه

[youssefmustang]

انا اختارت الكيا سيراتو لسبب بسيط جدا ان توكيلها هو الوحيد اللى فى مصر اللى محدش اشتكى منه خالص وناس محترمة جدا وما بيخلصوش غير لما بيتأكدو ان شغلهم 100% شغال تمام على عكس المحترم غبور
بمعنى لو نقارنه بغبور باشا يبقى محمد نصير يكسب (توكيل كيا ) شوفو المشاكل والخناقات اللى بتحصل فى مراكز الصيانة وشوفو مشاكل السيارة دى (هيونداى النترا) وشوفو مشاكل السيارة التانية(سيراتو) هتلاقو فرق كبير محدش بيشتكى من السيراتو زى مابيشتكى قائد الالنتر نخش ونشوف منتدى الهيونداى واحنا نعرف مدى استهتار التوكيل بالعميل

[the_first_knight]

السيراتو هيكون ليها مستقبل جامد جدا في مصر
الموديل الجديد منها هيكون تحفة ( فورتي )
العربية دي هتبقى حكاية في مصر

والالنترا كمان تحفة
فعشان كدة هما متقاربين
أنا عن نفسي أحتار أختار بين ( السيراتو & الالنترا & الأوبترا ) ودول كلهم في حدود 100000

[hota87007]

عربية شيك و واسعة و قوية و وقطع غيارها متوافرة بسعر معقول

[ahmad--ezzat]

لا دى ولا دى نيسان صنى افضلهم