صني اتوماتيك ولا النترا 2012 الشكل الجديد؟

[akmall]

كنت هاجيب نيسان صني اتوماتيك لكن بصراحة بعد ما شفت الالنترا 2012 وقعدت جواها جالي خبلان وكنت مش عاوز انزل منها فمش عارف رايكم ايه يا جماعة

الصنى اتوماتيك ولا الالنترا اول فئة اتوماتيك الشكل الجديد

على فكرة فرق السعر بينهم حوالي 30000 الف جنيه وانا هاشتر ي تقسيط مش كاش

ياريت تساعدوني

[alaasaid]

السلام عليكم

أنا معاك ان الالنترا الجديدة شكلها تحفة بس طالما هتشترى قسط يبقى وفر فرق الفلوس و تقلل الاقساط .

[fineart607]

قسط بقسط وهات النترا هتحس فعلا ان شاء الله انك جبت عربيه العمر احنا بنجيب كام عربية فى حياتنا كلها
واستخير وربنا يقدر لك الخير بس هى تستاهل الصراحم ما شاء الله

[yoko]

الأهم فرق مواصفات الامان إيه يعني لو الصني ب ٢ إيرباج وabs والإلنترا اقل يبقى صني أكيد

[akmall]

هية الالنترا مواصفاتها كالاتي Elantra M/D A/T

4سلندر - 1600 CC ، حصان 130 - 16 صباب - عجله قياده متعدده المهام - مساند يد مع حامل اكواب خلفي - تكييف هواء يدوي - اغلاق الابواب مركزيا - مرايات كهرباء - اشارات جانبيه بالمرأه - مصابيح ضباب - اريال مدمج بالزجاج الخلفي - مفتاح ريموت - حافظه نظارات شمسيه - حواجز للحمايه من الاتربه - عجله قياده اليه المؤازره - زجاج كهرباء - راديو CD - شماسات مزوده باضاءه وامتداد - عجله القياده قابله للاماله - زجاج ملون - كمبيوتر رحلات - فتح الشنطه من الداخل - مقاس الاطارات 15/65/195 . - فتح الشنطه من الداخل .

[yoko]

يعني مفيهاش ولا مواصفة أمان يتيمه!!!! لأ الصني أحسن طبعا

[alaasaid]

غريبة ان مفيش فيها وسائل أمان , الاوبشن حلوة جدا بس الصنى فيها ميزة الوسائد الهوائية و فرامل abs

[م/محمد]

انت و دماغك
انا شايف انك معجب بشكل الانترا
اتوكل علي الله و هاتها
اهم حاجه الراحه النفسيه
اما لو انت عملي فهات الصني

[omar-saad]

هاتدفع 130000 ج
فى عربية مافيهاش اى وسائل امان
فى حين انك هاتخد عربية فيها 2 ايرباج +abs و abd
وكماليات كتير جدا
صحيح مش زى الالنترا بس معقولة
وغير هاتتعامل مع توكيل فى قمة الاحترام
مش زى غبور
وربنا يوفقك للخير

[akmall]

شكرا ليكم يا جماعة بجد

[SonaSteel]

شوف الصني الموديلات القديمة حتي من 99 ولغاية دلوقتي العربيه بتاعه شقي وتعب وماشاء الله.. مش باين عليها ولا بيبان عليها
غير عزبيات كنير في نفس الفئة... سنتين وتحس انها بقالها 20 سنه بتلف في الشوارع
وده اللي عملته لما جيت اقسط,.... حاجة تفضل بحالتها لغاية ما اخلص القسط علي الاقل ان شاء الله
توكل علي وصلي استخارة... وهاتتبسط منها ان شاء الله ومن توكيلها وقطع غيارها وموتورها وعفشتها... مش هاتحتاج حاجه تاني ان شاء الله... وممكن تاخد الهاي لاين علشان تستفيد بالفاميه
وربنا ييسرلك الخير ياااازب

[M.Alaa92]

يا باشا الامان اهم من الشكل و حرام ادفع المبلغ ده ف عربية شكل حلو جدااااااااااااااا و تابلوه جميل برضو و اوبشنز وحركات من غير حتى abs و للعلم الabs مهم جداااا وده اقل حاجة ف الامان و تبقى مش موجوده ف الانترا و موجودة ف السيراتو و كمان فرق 30 الف مش قليل و حيفرق معاك ف القسط ممكن تبص ع الفلوانس فيها 6 وسائد و abs و epd و كدة تستحق تمنها اما لو حضرتك محدد المقارنة م بينهم يبقى الصنى بفرق السعر و الامان

[mohamedbook]

لو الشكل الالنتر تكسب بكتساح ولو علي الامان الصني تكسب لو علي التقسيط الصني تكسب
الحسبة متجيش غير كدة \
في صالح الصني

[raedegypt]

كنت هاجيب نيسان صني اتوماتيك لكن بصراحة بعد ما شفت الالنترا 2012 وقعدت جواها جالي خبلان وكنت مش عاوز انزل منها فمش عارف رايكم ايه يا جماعة

الصنى اتوماتيك ولا الالنترا اول فئة اتوماتيك الشكل الجديد

على فكرة فرق السعر بينهم حوالي 30000 الف جنيه وانا هاشتر ي تقسيط مش كاش

ياريت تساعدوني

طبعآ الالنترا الجديدة . الصنى موديل وتكنولوجيا قديمه وتقفيل مصرى بخامات فقيرة وسعرها مبالغ فيه لما تلاقى الاسكالا ال هى نيسان صنى الشكل الجديد فى الخليج ارخص منها وتقفيل كورى. روح اتفرج وانت مش هاتقارن وتاخد القرار

[SonaSteel]

انا مش عارف حضرتك بتشارك ومش بتقرا رد اي حد عليك ؟؟؟؟
قلنا الصني مش هي السكالا وقلتلك عيوبها في الموضوع التاني
وفي كذا موضوع مش ده بس
------------------------
وبالنسبة لخامات التابلوة .. انا مش عارف فقيرة ديه معناها ايه ؟؟
بتتكسر في ايدك يعني ولا بتعورك مثلا ؟؟
-----------------
نفترض ان تابلوها فقير بس فيها وسائل امان وفرامل تسعفك
مش احسن من عربية تابلوها حرير ومش بتقف ولا تتقلب علي الطريق من مطب هوا ؟؟؟
.----------------------------------
سعر ايه اللي مبالغ فية؟؟ ....... الصني؟؟
واللالنترا هي Best value of money
.صح؟.
.
.
.

. ياشباب ... كلنا سوقنا عربيات كتير وبنتكلم عن تجربة ... مش كلام وخلاص
ما احنا عارفين ومقرين بشكل الهيونداي الجديد انه ياخد العقل ... بس اللي بيختار عن شكل بس ويدفع فلوس وهميـــــــــــــــة في عربية من غير وسائل امان ..... يبقي هو اللي اختار
احنا بنقول مميزات وعيوب
------------------------------
طيب تكنولوجيا قديمة ده عيب بالنسبة لناس ولناس تانية ميزة هي مش منفلة
مش كل الناس بتروح توكيلات وخلافه .... عايز عربية لو نزلت للميكانيكي تحت البيت يعرف يشتغل فيها
مش تبقي عربية computerized اخر حاجة ولو وقفت بيا .... ونش رايح جاي
-------------------------
وموتورها 118 حصان وياباني وعفشة محترمة جدا جدا جدا اخدت بيها كام مطب والله لو عربية تانية مكنتش طلعت منها .... وفتيس عزمه محترم جدا .... ووسائل امان اساسي ... واخيرا توكيل محترم الحمد لله ... مش توكيل يعلمني الادب :))
------------------------
عيوبها
الحمد لله رب العالمين .. العربية مبسوط منها جدا وسعفتني في مواقف كتير وثبات فوق الراااااااااااائع بفضل الله و وتوكيل سمعته دهب بفضل الله
---------- -------
وياريت لو قدامك عربية في نفس الفئة ممكن تكون اعتمادية بالشكل ده ... ممكن ترشحها لصاحب الموضوع
يبقي شاكر افضالك
واقعد بالعافية