ساعدونى كيا كوبيه ولا مازدا 3

[apolies2]

بسم الله الرحمن الرحيم

انا محتار بين عربيتين
الاولى عربيه كورى (كيا كوبيه )
والثانيه عربيه يابانى 100 %

الكيا طبعا شكل واوبشن كتيرررررر وفى نفس الوقت عربيه كويسه مش نقدر نشتم فيها
والمازدا عربيه شكل بس مافيش اوبشن الفئه الاتوماتيك العاديه بس طبعا عربيه يابانى ومحترمه جدااا ولا غبار عليها

انا عن نفسى مقتنع بعربيه كاركوبه با المازدا 3 بس انا ببق مستريح فى الكوبيه كل حاجه محتاجها موجوده واداء مش وحش اوى يعنى العربيه بتجرى وكويسه على الطريق طبعا مش زى المازدا

ملحوظه : العربيه هاتقعد معايا الخمس سنين بتوع الجامعه

يعنى الكوبيه ها تستحمل معايا الخمس سنين و هاتجيب فلوس بعد كده ولازى الهيونداى كوبيه

وأداء كيا كوبيه فى التسارع وكدا انا شايف انى مش محتاج اكتر من كده

فا اجرى ورا الاوبشن والحجات الى شدانى بجد
ولا وراء العربيه والمتانه :b4_611:

[bero0o0o0]

بصراحة المقارنة صعبة عشان العربيتين حلوين
بس انا كان ليا تعليق بسيط اني مش شايف ان الكوبيه اجمل في الشكل من المازدا بالعكس المازدا الجديدة شكلها جميل جدا يمكن تتفوق على الكوبيه في النقطة دي
و خد بالك كمان ان المازدا اثبت على الطريق (لو كنت هاتسافر على سرعات عالية ) الكوبيه بردو مش وحشة بس المازدا اثبت
بس خد بالك بردو بالورقة و القلم كده هتلاقي الكوبيه موتور اقوى (acceleration ) يعني لو بتحب الشد و الجري هاتعجبك اوي
كمان الخامات في التابلوه و الصالون اعتقد هاتبقى في صالح المازدا
شوف انا لو مكانك اخد المازدا عشان انا بارتاحلها اكتر بصراحة
انت بردو شوف ترتاح لمين فيهم اكتر و خدها من غير تردد عشان فرحتها ماتروحش
ربنا يوفقك

[MNabeih]

انا في رايي المازدا اكيد,
لأن ببساطة اعتمادية اكتر من الكوبية و تفضل معاك بدل 5 سنين 10 و معروفه بثباتهه و موتورها
و بقت تبع غبور يعني مشكلة قطع الغيار اللي ما كنتش موجودة بح خلاص,
بس انا سؤالي علشان انا ملاحظ ان السيراتو بقت العامل المشترك في معظم المقارنات, هل السيراتو فعلا عربية حلوة او الكيا عامتا,و ارتقت بمستواها ان هي تتقارن بالسيفيك و المازدا 3 و السوبارو؟؟؟؟؟؟,
من حيث الشكل, بصراحة تصميمها تحفة و جميلة و الكماليات بالهبل
طب بقيت العوامل, الاعتمادية الثبات
و قصدي من كلامي يعني مثلا ما مدي جودة فراملها ال abs, مثلا الbluetooth و المفتاح البصمة شغالين بكفائة واللا كل شوية يعلقوا يعني الحاجات دي
يا ريت ما حدش يفهم كلامي غلط و يفتكر ان انا بهاجم العربية انا بجد باستفسر؟؟؟!!
بجد يا ريت حد معاه السيراتو يرد علينا و يفيدنا

[fakoussa]

ياريت المتابعة لانى برضه محتار السيراتو الكوبيه الحمرا حلوة قوى بصراحة و برضه بعشق الهوندا السيفيك

[pirlo2000]

رايي المتواضع.....
انك تدفع 138000 في عربية من غير اوبشنز و لا تدفعهم في عربية فول اوبشن بمعني الكلمة..... ده بالنسبة للوبشن...

شوف انت مرتاح لايه و توكل علي الله...

بالنسبة للشكل دي اذواق..... انا عن نفسي بعشق شكل الكوبيه و مش بحب شكل المازدا خالص (الجديدة)

العفشة المازدا طبعا احلي و انعم بكتير......

الاداء الرياضي انا عن نفسي شايف الكوبيه افضل كموتور و تسارع و اداء رياضي....

قطع الغيار طبعا كيا تتفوق لتوافرها و اعتدال اسعارها... المازدا في رايي مسالة قطع الغيار اتحسنت مع غبور بس لسة برده غالية بالنسبة لكيا...

لو انت ناوي تبيع هتخسر في الاتنين بس خسارتك في الكوبيه بلا شك اكتر من المازدا.....

انا عن نفسي فكرت في المازدا بس لقيت اني هدفع 138000 مفيهاش جنوط و لا فوجات و كاسيت حتي مفيهوش usb و لا multi function

انا شايف الكوبيه و السيراتو عامة تناطح الياباني بقوة ..... انا معاك المازدا ياباني بس انا بحترم الكوبيه اكتر...

ده كان رأيي بمنتهي الحيادية...

و برضه شوف انت عايز ايه من العربية و توكل علي الله... و انا مستعد لاجابة اي اسئلة اخري.....

[Frozen_Pain]

اشترى هوندا سيفيك وريح دماغك

[Mahmode]

إن فاتك الياباني مش حيرجع تاني

[apolies2]

بصراحة المقارنة صعبة عشان العربيتين حلوين
بس انا كان ليا تعليق بسيط اني مش شايف ان الكوبيه اجمل في الشكل من المازدا بالعكس المازدا الجديدة شكلها جميل جدا يمكن تتفوق على الكوبيه في النقطة دي
و خد بالك كمان ان المازدا اثبت على الطريق (لو كنت هاتسافر على سرعات عالية ) الكوبيه بردو مش وحشة بس المازدا اثبت
بس خد بالك بردو بالورقة و القلم كده هتلاقي الكوبيه موتور اقوى (acceleration ) يعني لو بتحب الشد و الجري هاتعجبك اوي
كمان الخامات في التابلوه و الصالون اعتقد هاتبقى في صالح المازدا
شوف انا لو مكانك اخد المازدا عشان انا بارتاحلها اكتر بصراحة
انت بردو شوف ترتاح لمين فيهم اكتر و خدها من غير تردد عشان فرحتها ماتروحش
ربنا يوفقك

تسلم على الرد الرائع
بص انا عجبانى الكيا فى الشكل وهما الاتنين شبابى اوى بس الكوبيه اكتر
اكيد طبعا بحب الشد بس اكون حاسس بالامان
بص هو تابلوه المازدا محترم من حيث الخامات بس الكوبيه احلى من حيث الشكل واكيد خامات اقل
انا بجد حابب الاتنين اوى ودى المشكله يعنى عاوز الى فى دى والى فى دى

[apolies2]

انا في رايي المازدا اكيد,
لأن ببساطة اعتمادية اكتر من الكوبية و تفضل معاك بدل 5 سنين 10 و معروفه بثباتهه و موتورها
و بقت تبع غبور يعني مشكلة قطع الغيار اللي ما كنتش موجودة بح خلاص,
بس انا سؤالي علشان انا ملاحظ ان السيراتو بقت العامل المشترك في معظم المقارنات, هل السيراتو فعلا عربية حلوة او الكيا عامتا,و ارتقت بمستواها ان هي تتقارن بالسيفيك و المازدا 3 و السوبارو؟؟؟؟؟؟,
من حيث الشكل, بصراحة تصميمها تحفة و جميلة و الكماليات بالهبل
طب بقيت العوامل, الاعتمادية الثبات
و قصدي من كلامي يعني مثلا ما مدي جودة فراملها ال abs, مثلا الbluetooth و المفتاح البصمة شغالين بكفائة واللا كل شوية يعلقوا يعني الحاجات دي
يا ريت ما حدش يفهم كلامي غلط و يفتكر ان انا بهاجم العربية انا بجد باستفسر؟؟؟!!
بجد يا ريت حد معاه السيراتو يرد علينا و يفيدنا

بص أكيد اليابانى يابانى
انا سوقت السيراتو العاديه هى عربيه حلوه اوى شكل حلو امكانيات حلوه مستريح فيها بتشد بردوا
ثبات معقول مش وحش خالص بس محدود يعنى
يعنى من الاخر للاستخدام الطبيعى حلوه اوووووى انت مش هاتجيب العربيه تفرم فيها يعنى من الاخر مش هاتحتاج اكتر من كده اغلب الاوقات
لا العربيه شغاله حلوه مش فيها اعطال خالص يعنى العربيه بقالها سنتين شغاله فحت بتروح صحراء كتير وتمشى فى مدقات وبتنزل مناطق شعبيه كتير وسافرنا بيها كتير اووى يعنى روحنا شرم ومرسى مطروح وبور سعيد يعنى لفينا بيها مصر كلها وكل حاجه شغاله تمام هو بس الى بنعملو نظبط فرامل تربيط وتيل بس ونربط عفشه وتغير زيت منتظم اكتر من كده لا وقطع الغيار حنينه وباستهلاك بنزين حلوو
بس مش فيها بلوتوث ولا abs

[apolies2]

طبعا يا fakoussa الحمراء تحفه اوى مع الفاميه والجنوط
بس السيفيك مش فى حسابى خالص مش هاتنفع معايا واطيه اوى غاليه اوى من غير اوبشن برضوا لو هاجيب اول فئه

[apolies2]

انا نويت على كوبيه بس يا تارى هاندم بعد كده ولا لا يعنى انا عارف اين المازدا احلى كعربيه بس هل الكوبيه هاتزعلنى بعد كده وهاندم انى جبتها ولا هما الاتنين حلوين بس المازدا احلى
علشان تفرق كتير بين ان الاتنين حلوين وانا بفضل بين تغيرات فى الاتنين
وبين ان فى عربيه حلوه وعربيه وحشه
بليز ساعدووووووووووووووونى

[Mahmode]

أنا حاسس والله أعلم إنك حتندم بس شوية صغيرين. يا عم خليك في الياباني. برقبة الكوري

[apolies2]

شكلها كده هاترسى على مازدا 3 عربيه حلوه
انا شوفتها وهى ماشيه تحفه وكنت شايف العفشه بتاعتها من ورا جامده اوى

[MNabeih]

خالليك في المازدا, والله ركوبه جامدة اوي

[apolies2]

أنشاء الله هاجيب مازدا 3 .............
بس هو انا ممكن اجيبها خليجى بى كماليات اعلى وسعر اقل ومش فارقه معايا التوكيل انا كده كده مش بستخدموا خالص
احنا بنهتم العربيه بنفسنا ونتابع برا احسن من التوكيل
فا يريت حد يقولى هاتبق سعرها كام والاوبشن بتاعها ايه
.................................................. .................................
او لو جبت بتاعت غبور وغيرت التاره وركبت المالتى فاكشن بتاعتها من التوكيل هاتعمل كام