كارينز ولا سيراتو ؟

[خالد]

محتار ياجماعة قوى بين الكارينز والسيراتو !
أنا عاوز عربية شكلها حلو بريستيج يعنى !!! (مناسبة لدكتور جامعة)
وأعتمادية وتتحمل المطبات أو عالية عن المطبات يعنى ، وأستهلاك كويس فى البنزين

[M.Alaa92]

لو بتركب ناس كتير و عايز الوسع يبقى الكارينز
عايز عربية عائلية بس مش وايعة اوى يبقى السيراتو

[rahmanboud]

الإثنين شكلهم حلو لكن لو عايزها عاليه عن المطبات يبقى الكارينز

كمان الإثنين مناسبين لدكتور جامعه

وربنا يوفقك

[خالد]

شكراً جزيلاً وجزاكم الله كل خير
أنا فعلاً ميال للكارينز
ماتعرفوش سعرها كام ، وأحسن معرض بيبعها فى القاهرة
مع خالص تحياتى

[M.Alaa92]

حضرتك عايز خليجى ولا توكيل؟؟؟
لو توكيل تجيبها من التوكيل اضمن حاجة
خليجى ممكن سمير ريان او جابر عبد الشهيد عشان استلام فورى

[Mik_t4]

الكارينز واسعة وعائلية لكن مش بتاعت سحب
سحبها وحش جدا بالنسبة للسيراتو لان حجمها كبير علي نفس موتور السيراتو
والعكس في السيراتو عربية شديدة وسحبها كويس
والاتنين شكلهم جميل

[graffittiii]

دكتور جامعة يبقي كارينز ... عربية أدب وأحترام وزوق وأخلاق وشياكة وبنت ناس طيبين ...
لاحظ بس أن أحنا هنا بنقارن تناسب شكل مقارناش العربيتين خالص ... لان الكارينز غالبا هتخسر لو بنقارن عربيات بس مش معني كده أنها عربية وحشة لكن السيراتو تقيله عليها

[خالد]

حضرتك عايز خليجى ولا توكيل؟؟؟
لو توكيل تجيبها من التوكيل اضمن حاجة
خليجى ممكن سمير ريان او جابر عبد الشهيد عشان استلام فورى

والله مش عارف !!!!
طيب هل فى فرق بينهم ؟ ولصالح مين ؟
وأيه الوضع مع التوكيل فى الصيانة بيسمحوا بيها ولا لأ؟
وياريت بالمرة السعر بتاعها كام بالظبط ؟
وجزاكم الله كل خير

[خالد]

الكارينز واسعة وعائلية لكن مش بتاعت سحب
سحبها وحش جدا بالنسبة للسيراتو لان حجمها كبير علي نفس موتور السيراتو
والعكس في السيراتو عربية شديدة وسحبها كويس
والاتنين شكلهم جميل

ربنا يباركلك أنا فعلاً بدأت أميل أكتر للكارينز

[خالد]

دكتور جامعة يبقي كارينز ... عربية أدب وأحترام وزوق وأخلاق وشياكة وبنت ناس طيبين ...
لاحظ بس أن أحنا هنا بنقارن تناسب شكل مقارناش العربيتين خالص ... لان الكارينز غالبا هتخسر لو بنقارن عربيات بس مش معني كده أنها عربية وحشة لكن السيراتو تقيله عليها

ربنا يباركلك
أنا فعلاً دلوقتى بقارن شكل بس ، وحابب الكارينز ، ولو على السحب أنا آخرى 90 كم مابحبش الجرى خااااااااااااااااااااااالص
وجوه المدينة آخرى 60-70 كم
جزاكم الله كل خير

[ahmadm]

ربنا يباركلك
أنا فعلاً دلوقتى بقارن شكل بس ، وحابب الكارينز ، ولو على السحب أنا آخرى 90 كم مابحبش الجرى خااااااااااااااااااااااالص
وجوه المدينة آخرى 60-70 كم
جزاكم الله كل خير

السلام عليكم

الكارينز الهاى لاين ب 133 الف
السيراتو الهاى لاين 138 الف

الهاى لاين اللى هيى طبعا اعلى اوبشن موجود انا بس محتاج اعرف الميزانية بتاعة حضرتك كام ؟ اصل مادام بتدور على شكل و برستيج فية حاجات تانية غير الكيا برستيج جامد انا مش بقول ان الكيا وحشة طبعا لا بس احنا
نقلنا المقارنة للشكل و البرستيج و هنا الميزانية هية اللى تحكم و على فكرة لو الفلوس كاش احنا ممكن نعلى قوى بالبرستيج لو جبنا كسر زيرو