اشتري ايه في حدود 95000 اتوماتيك زيروو

[sky_top2005]

كنت عاوز استفسر من خبراء المنتدى ايه افضل سياره اشتريها اتوماتيك

في حدود 95000 جنيه زيرو تكون اقتصاديه في البنزين وقطع غيارها متوفره

انا استخدامي سفر حوالي 30 كيلو يوميا

[mahmoodallam]

أنا برشحلك الصني
لكن بنزينها عالي شوية
أو الياريس
لكن طالما اوتو ابعد عن الكوري
ممكن البروتون

[haroun707]

زود 6000 بالظبط وهات اكسنت rb اوتوماتيك وتقريباً فيها اكثر مما ممكن ان تتوقع

والاوتو بتاعها جاااااااااااامد

[haroun707]

أنا برشحلك الصني
لكن بنزينها عالي شوية
أو الياريس
لكن طالما اوتو ابعد عن الكوري
ممكن البروتون

استاذى الفاضل انا عندى استفسار هو حضرتك حكمت بناء على ايه على اتوماتيك الكورى مثلاً زى الهيونداى
النيو اكسنت الاوتوماتيك مع اخويا وليه اصدقاء كثير معاهم الاوتو من الهيونداى بمختلف موديلاتها والسيراتو
ومسمعتش حد اشتكى من الاوتو بتاعهم

من فضلك قولى مصدرك ايه فى الكلام ده

[mahmoodallam]

ده عن تجربة في الموديلات القديمةلحاد 2006 مش حلو
أعطاله مالهاش حل غير تغيير الفتيس كامل
وانا بتكلم عن حاجة تعيش وما أقدرش أحكم على عربية موديل 2010 لسه ما شفناش ؟؟؟
لكن المضمون من وجهة نظري الياباني

[mudengineer]

هات النترا كسر زيرو بالمبلغ ده يكون موديل 2010 و هتبقى زيرو متلمستش

[memo823000]

هات النترا كسر زيرو بالمبلغ ده يكون موديل 2010 و هتبقى زيرو متلمستش

+1111111
100%
وكلو دلوقتى بيبيع الالنترا الشكل القديم عشان يشترى الجديد 2012
فاستغل الفرصه وهات واحده جنوط اسبور اصليه وفتحت سقف و ايه ابى اس وايرباج بالمبلغ دوت وتكون عاملة كيلوهات قليلة واكشف فى التوكيل
هتلاقى من المواصفات دى كتير فى كونتاكت كار
وممكن برده تدور على اكسنت rb كسر زيرو جميع الكماليات برده
والله المستعان

[alaa7sh]

بروتون جين 2
أنا حجزتها في التوكيل وهستلمها أول الشهر باذن الله
فيها كل حاجة تتخليها وبمبلع 92900 وبتوقع سعرها هيرتف أوي خلال سنة من دلوقتي لأن الاقبال عليه أصبح كبير
موتور كامبرو رياضي 1600 سي سي . تقنية لوتس
أوتوماتيك + abs + ebd + فتحة سقف + 2 وسادة أمامية + جنوط سبور + كرسي طيارة + صاج قوي + اتزان ممتاز علي أعلي السرعات + امبولايزر + سنتر لوك + تكييف + دريكسيون مالتي فانكشن. مش فاكر اية تاني
نصيحة مني اسأل عليها الأول في قسم البروتون وهاتها
أنا عملت كدة وهجيبها عن اقتناع تام

[fineart607]

جين 2------رينو سكالا--------جالينا للفخامة بس 2000 سى سى

[sky_top2005]

شكرا لردودكم وانا فعلا بفكر في الانترا اتوماتيك كسر زيرو

بس في واحد كان بينصحني بشفروليه اوبترا زيرو اتوماتيك ب 96000 جنيه

ايه راي حضراتكم

[Mustafa_Farouk]

check 3la Proton Persona Elegance, its amazing

BTW Gen 2 without sunroof

[Mustafa_Farouk]

http://www.nilemotors.net/Nile/211943-2011.html

Check the Persona Elegance

[memo823000]

شكرا لردودكم وانا فعلا بفكر في الانترا اتوماتيك كسر زيرو

بس في واحد كان بينصحني بشفروليه اوبترا زيرو اتوماتيك ب 96000 جنيه

ايه راي حضراتكم

خليك فى الالنترا عشان العفشه واستهلاك البنزين

[ahmedrb]

اللى تلاقيه بيهاجم هيونداى حاجة من الاتنين يأما عاوز يقول ان عربيته احسن عربية يأما ان بيحط اساسه على موديل السيارة القديم يأما يقول دى كورى.
اللى بيقول انى عربيته احسن عربية 1- بعض الناس اللى معاها الصنى انا هقول بعض عيوبها تكنولوجيا ماتور من 7 سنين ادى الى ارتفاع استهلاك البنزين و صوت المحرك العالى , تقفيل مصرى تظهر فى الازاز و الكهرباء و الابواب , شكل كلاسكى لا يتناسب مع اشكال سيارات العصر , ضيق الكنبة الخلفية و قصر قاعدة العجلات مما يبعد طوال القامة عن اقتناء السيارة , برغم من طول السيارة ولكن لا تعتبر سيارة منافسة لمثيلتها من الطول مثل اوبترا و النترا الشكل القديم و سيراتو , توافر عفشة ناشفة بها يؤدى الى عدم راحة الركاب فى الخلف , . مميزتها سيارة مقابل المال , وجود بعض وسائل الأمان , التوكيل . 2- بريسونا و GEN2 تقفيل سئ يوجد فى الmultifunction و الازاز الكهرباء و بعض مظاهر التقفيل , بور ثقيل مما يؤدى الا عدم راحة السائق , صوت المحرك العالى , استهلاك بنزين عالى جدا , عدم توافر قطع الغيار , صعوبة بيع السيارة بعد فترة من الزمان , وجود نفس مشكلة الصنى ضيق الكنبة الخلفية , توكيل سئ السمعة . مميزتها سيارة مقابل المال , ثبات عالى , توافر وسائل الامان , صاج عريض , كماليات زائدة.
نيجى بقا للناس اللى بتحط اساسها على اساس الموديلات السابقة 1- اكسنتRB و اكسنت الشكل القديم يقولون: ثبات قليل , نسبة تنطيط بالخلف , فرامل سيئة , ضيقة من الخلف , صاج خفيف . لا احب ارد : ثبات زائد بشكل ملحوظ و بكثير , اختفت نسبة التنطيط , بل زادة قوة الفرامل رغم عدم توافر الABS , زاد طول وعرض و قاعدة العجلات ادى الى اتساع الكنبة الخلفية و الحقيبة الخلفية للسيارة و ازدياد بعض الكماليات و الاساسيات مثل زيادة قوة المحرك الى 124 حصانا و 157 نيوتن و انخفاض استهلاك البنزين بسبب نظام الeco , وجود اشرات بالمريات الجانبية , وجود كمبيوتر رحلات , وجود باور كهرباء , وجد تسجيل cd كبير الحجم مزود بusb و aux .
نيجى برده لناس اللى تقول ده كورى هقول حاجة بسيطة هو حضرتكوا عاوزيين الصغير يفضل صغير والكبير يفضل كبير . شركة و قدرت تتفوق لا ازاى دى تحصل لا لازم نقولها لا خليك و تبطى ويفضلى مكانك و نقولها انت نسيتى نفسك عاوزة تنافسى اوبل و تويوتا و نيسان انت اتعبطى . شركة قدرت تعمل حاجة كويسة و نظيفة خلاص جزاها الله خير. لازم بقا تنافس عشان تأكل عيش و نسيبها فى حلها . انا اسف انى طولت بس لازم اكلم بحق . و كل عام و انتم بخير
العضو :ahmedrb

[eng.m7md.ali]

اللى تلاقيه بيهاجم هيونداى حاجة من الاتنين يأما عاوز يقول ان عربيته احسن عربية يأما ان بيحط اساسه على موديل السيارة القديم يأما يقول دى كورى.
اللى بيقول انى عربيته احسن عربية 1- بعض الناس اللى معاها الصنى انا هقول بعض عيوبها تكنولوجيا ماتور من 7 سنين ادى الى ارتفاع استهلاك البنزين و صوت المحرك العالى , تقفيل مصرى تظهر فى الازاز و الكهرباء و الابواب , شكل كلاسكى لا يتناسب مع اشكال سيارات العصر , ضيق الكنبة الخلفية و قصر قاعدة العجلات مما يبعد طوال القامة عن اقتناء السيارة , برغم من طول السيارة ولكن لا تعتبر سيارة منافسة لمثيلتها من الطول مثل اوبترا و النترا الشكل القديم و سيراتو , توافر عفشة ناشفة بها يؤدى الى عدم راحة الركاب فى الخلف , . مميزتها سيارة مقابل المال , وجود بعض وسائل الأمان , التوكيل . 2- بريسونا و gen2 تقفيل سئ يوجد فى الmultifunction و الازاز الكهرباء و بعض مظاهر التقفيل , بور ثقيل مما يؤدى الا عدم راحة السائق , صوت المحرك العالى , استهلاك بنزين عالى جدا , عدم توافر قطع الغيار , صعوبة بيع السيارة بعد فترة من الزمان , وجود نفس مشكلة الصنى ضيق الكنبة الخلفية , توكيل سئ السمعة . مميزتها سيارة مقابل المال , ثبات عالى , توافر وسائل الامان , صاج عريض , كماليات زائدة.
نيجى بقا للناس اللى بتحط اساسها على اساس الموديلات السابقة 1- اكسنتrb و اكسنت الشكل القديم يقولون: ثبات قليل , نسبة تنطيط بالخلف , فرامل سيئة , ضيقة من الخلف , صاج خفيف . لا احب ارد : ثبات زائد بشكل ملحوظ و بكثير , اختفت نسبة التنطيط , بل زادة قوة الفرامل رغم عدم توافر الabs , زاد طول وعرض و قاعدة العجلات ادى الى اتساع الكنبة الخلفية و الحقيبة الخلفية للسيارة و ازدياد بعض الكماليات و الاساسيات مثل زيادة قوة المحرك الى 124 حصانا و 157 نيوتن و انخفاض استهلاك البنزين بسبب نظام الeco , وجود اشرات بالمريات الجانبية , وجود كمبيوتر رحلات , وجود باور كهرباء , وجد تسجيل cd كبير الحجم مزود بusb و aux .
نيجى برده لناس اللى تقول ده كورى هقول حاجة بسيطة هو حضرتكوا عاوزيين الصغير يفضل صغير والكبير يفضل كبير . شركة و قدرت تتفوق لا ازاى دى تحصل لا لازم نقولها لا خليك و تبطى ويفضلى مكانك و نقولها انت نسيتى نفسك عاوزة تنافسى اوبل و تويوتا و نيسان انت اتعبطى . شركة قدرت تعمل حاجة كويسة و نظيفة خلاص جزاها الله خير. لازم بقا تنافس عشان تأكل عيش و نسيبها فى حلها . انا اسف انى طولت بس لازم اكلم بحق . و كل عام و انتم بخير
العضو :ahmedrb

احييك بجد

العربيات كلها زبالة معادا الاكسنت ههههههههههههههههههه