كروز - اللنترا - سيراتو

[mu3]

السلام عليكم يا اجمد رجاله واجمد منتدي فيكي يا مصر


انا محتار كروز ولا اللنترا ولا سيراتو

اتوماتك

وهل فيه حاجه تانيه في رنج ال120000
افضل من الثلاثه

=======================

بعد عربيه 504 طلعت عيني وعين الي خلفوني 15 سنه
وبعد تحويشه جامده جداااااااااا قدرت اجمع 80 الف وبصراحه نفسي في عربيه محترمه وقويه وحبه رياضيه وفيها حبه فخامه بحب السفر وكثير التنقل وبحافظ علي حاجتي بكره الانوس والفيرنا ومحتار حيره الدنيا وممكن استلف واجمع 90 ودي العربيات الي انا بفكر فيها واتمني مساعدتكم
قدامي في الجديد

نيسان 2011 اتوماتك ب 92

لانسر 2007 اتوماتك ب75

كيا ريو ب90

نيو اكسنت ب 93

المستعمل

سكودا اوكتافيا a4 اتوماتك 2006 ب 88
سوبارو امبريزا 2008 اتوماتك ب 80
جولف 3 فول ابوشن اتوماتك 1999 ب 55


منتظر ردكم بفارغ الصبر ونصايحكم الغاليه جدا يرجاله والله



لقد قمت بمخالفة القاعدة رقم (17) من قوانين المنتدى مما يتوجب حصولك على تحذير مصحوب بوقف.

يرجى مراجعة قوانين المنتدى.

مشـرف قسـم المقـارنات.
3 ب

16/7/20211
3:35AM

[blazer]

لو العربيه باذن الله ناوى تعمر معاك
يبقى نيسان صنى عربيه حماله أسيه
عيبها فقط الشكل الكلاسيكى اللى بعض الناس مش بتحبه والكنبه الديقه نسبيا لو اللى راكبين ورا احجامهم كبيره واستهلاك البنزين اعلى بلتر مثلا عن باقى العربيات
انما ماتور وفتيس وعفشه وصاج ممتازين

[mu3]

طيب هوه الشكل الجديد 2012 هينزل امتي انا خايف انه لما ينزل ينزل الاسعار جامد وخصوصا انه حلو

[amribrahim]

كروز يا باشا

[mahamede]

الأفضل السيراتو طبعا وده لعدة أسباب كتيرة جدا ,,, تحياتى ,,,

[SonaSteel]

انا ممكن اقولك رأي ... علشان انت سألت لو في حاجة في نفس الفئة
ممكن تدخل في المقارنة التيدا سواء عادية او بلس ... وهتلاقي اعلي حاجة واللي هاتش باك مش هاتعدي 130000
انا بصراحة مش بحكم علي العربية كعربية بس ... عربية وتوكيل وامان وقطع غيار واعتمادية واعادة بيع وكل دول هاتلاقيهم في التيدا ان شاء الله
ممكن تشوفها وتصلي استخارة وربنا ييسرلك الخير :))))

[mu3]

كروز حاف كده يعني بدون اي اسباب

[memo823000]

النترا طبعا من غير نقاش
الكروز موتور ضعيف وقديم وخشن وصوته عالى والعافشه ناشفه وبقالها 3 سنين (طبعا مع احترامى لملاك الكروز لانى والله بحب العربيه دى)
السيراتو تمنها فيها لاكن خامتها الخارجيه الصاج والتقفيل ضعيف وبرده العفشه انشف من الكروز وكمان الثبات براى ملاكها 7/10
طبعا من مميزات الالنترا
الشكل الجديد جدا 2012
احدث واقوى موتور 130 حصان وافضل فى استهلاك البنزين
عفشه انعم من السابقين - صاج امتن من السيراتو وبنفس مستوى الكروز
اوبشن بمستوى السيراتو واعلى من الكروز
توكيل احسن من منصور الذى لا يفقه شىء عن العربية لو حصل مشكلة
ضمان شامل على العربيه كلها بشهادة الشهود من ملاك الالنترا
اعتقد نفس مستوى السيراتو فى انتشار قطع الغيار وسعر اعادة البيع
وافضل من الاثنين فى الاعطال والاعتمادية
ياجماعة دا راى شخصى بحت فياريت محدش يهزء واحنا داخلين على رمضان وكل سنة وانتو طيبين

[raedegypt]

[QUOTE=mu3;3873658295]

السلام عليكم يا اجمد رجاله واجمد منتدي فيكي يا مصر

انا محتار كروز ولا اللنترا ولا سيراتو

اتوماتك

وهل فيه حاجه تانيه في رنج ال120000
افضل من الثلاثه

الالنترا روح اتفرج عليها.. اعتقد هاتشتريها تصميم وشكل حلو اوى والثلاثه كورى والهيونداى والكيا شركه واحدة بس الالنترا احدث وخامات افضل وحاجات الهيونداى منتشر برة التوكيل وعربيات اى ورشه بتصلحها . الشفروليه حاجته غاليه وخاصآ الكروز

[M.Alaa92]

هو المضوع مقسوم ولا بيتهيالى ؟؟؟؟؟؟0

لو رينج ال 130
ممكن الفلوانس بتبدى من 122 و عربية شيك جداااااااااااا توكيل و امان عالى

لو رينج ال 90

الزيرو طبعا أامن حاجة يبقى الصنى من غير تفكير

اما عن رايى اوكتافيا و اكشف عليها كويس ف التوكيل و ان شاء الله مش حتتعبك

[raedegypt]

تنافس الالنترا على لقب الأكثر مبيعا في فئة السيدان العائلية متوسطة الحجم متحلية بمحرك واحد وناقلين للحركة و12 مستوى للتجهيز بشكل لافت للنظر.

تجهز جميع موديلات 'Elantra' بمحرك جديد سعة 1,6 لتر من عائلة جاما ويولد قوة تزيد بـ9 أحصنة عن سابقه حيث يولد قوة 130 حصان ليتصدر المشهد العام في الفئة العائلية, ويتصل معه ناقل يدوي من 6 سرعات للمرة الأولى أو ناقل أوتوماتيكي من 6 سرعات أيضا للمرة الأولى بما يرفع مستوى الأداء ومتعة القيادة مع معدل استهلاك الوقود الذي يتراوح ما بين 6,1 - 6,7 لتر لكل 100 كم حسب الناقل.

تبدأ موديلات 'Elantra' بالمستوى الأساسي 'GL' والذي يشتمل على 8 اختيارات من الموديلات تبدأ بـGL'' بالناقل اليدوي بسعر 113,500 جنيه مصري والذي يشمل جميع الكماليات الأساسية التقليدية بالإضافة إلى راديو/CD, مصابيح ضباب, عجلات صلبة قياس 15 بوصة ومفتاح ريموت, هذا ويمكن إضافة وسادة هوائية للسائق ليصل السعر إلى 120,500 جنيه مصري أما الناقل الأوتوماتيكي مع 'GL' فهو يصل بالسعر إلى 121,500 جنيه مصري أما مع طلب وسادة هوائية للسائق ونظام المكابح ABS فإن السعر يصل إلى 128,500 جنيه مصري و131,100 جنيه مصري مع وسادة هوائية مزدوجة ونظام المكابح ABS.

كما أن هناك تجهيزا خاصا باسم 'Highline' مع مستوى 'GL' بالناقل الأوتوماتيكي يشمل عجلات سبيكة قياس 15 بوصة و2 وسادة هوائية بسعر 129,500جنيه مصري ويمكن إضافة فتحة سقف بزيادة 3000 جنيه مصري على مستوى 'GL' بالناقل اليدوي ليصبح سعره 116,500 جنيه مصري أو على مستوى 'GL' بالناقل الأوتوماتيكي ليصبح سعره 124,500 جنيه مصري أو على موديل 'Highline' ليصبح سعره 132,500 جنيه مصري.

أما موديلات 'Elantra' التالية فهي تندرج تحت مستوى 'GLS' الذي يأتي مع ناقل أوتوماتيكي فقط وبتجهيزات أساسية إضافية عن 'GL' مثل: الوسادة الهوائية للسائق, مكيف الهواء الأوتوماتيكي, مقبض وناقل حركة جلدي, حساس ركن, حساس أمطار وعجلات سبيكة قياس 16 بوصة ويبدأ سعرها من 135,500 جنيه مصري ومع طلب وسادة هوائية إضافية ونظام المكابح ABS يصبح السعر 141,500 جنيه مصري, ويمكن إضافة فتحة سقف بزيادة 3000 جنيه مصري على مستوى 'GLS' ليصبح سعره 138,500 جنيه مصري.

ويعد مستوى 'GLS Fully Loaded' هو أعلى موديلات 'Elantra' تجهيزا وهو يشمل بجانب كماليات 'GLS' الأساسية والإختيارية تجهيزات هي: الفرش الجلدي الكامل, مثبت السرعة, نظام تشغيل المحرك بدون مفتاح ويبلغ سعره 153,500 جنيه مصري.

وقد أصبحت 'Elantra' في جيلها الجديد أكثر راحة على مستوى الجلوس كما أنها أكثر جمالا من ناحية التصميم الذي يبعث على الراحة بمظهره المتطور وهي أشبه بالكوبيه في شكلها وتلاحظ ذلك مع الإرتفاع الأقل عن السابق والإمتداد القصير لصندوق الأمتعة في الخلف.

منقول